តាងនាមគណៈកម្មាធិការអចិន្ត្រៃយ៍រដ្ឋសភា ប្រធានរដ្ឋសភា លោក ត្រាន់ថាញម៉ាន់ បានចុះហត្ថលេខាប្រកាសឲ្យប្រើសេចក្តីសម្រេចចិត្តរបស់គណៈកម្មាធិការអចិន្ត្រៃយ៍រដ្ឋសភា ស្តីពីការរៀបចំអង្គភាពរដ្ឋបាលដំណាក់កាល ២០២៣-២០២៥ របស់ខេត្ត-ក្រុងចំនួន១២ ក្រោមឱវ៉ាទមជ្ឈិម។
នៅក្នុងសេចក្តីសម្រេចចិត្តលេខ១២៨៥/NQ-UBTVQH15 គណៈកម្មាធិការអចិន្ត្រៃយ៍រដ្ឋសភាបានសម្រេចចិត្តរៀបចំអង្គភាពរដ្ឋបាលថ្នាក់ឃុំក្រោមឱវ៉ាទខេត្តអានយ៉ាង ដូចខាងក្រោម៖
រៀបចំអង្គភាពរដ្ឋបាលថ្នាក់ឃុំចំណុះទីក្រុងឡុងស្វៀន៖ បញ្ចូលទំហំផ្ទៃដីធម្មជាតិទាំងមូលគឺ១.៣៩ម២ ចំនួនប្រជាជន ១១.៤៧០នាក់របស់សង្កាត់ ដុងស្វៀន និងសង្កាត់មីស្វៀន។ បន្ទាប់ពីបញ្ចូល សង្កាត់មីស្វៀនមានទំហំផ្ទៃដីធម្មជាតិ ២,០០គម២ និងចំនួនប្រជាជន ២៣.២៨៣នាក់។ សង្កាត់មៅស្វៀន ជាប់ព្រំប្រទល់សង្កាត់ មីប៊ិញ មីហ្វា មីឡុងនិងមីភឿក។
ក្រោយពីរៀបចំរួច ក្រុងឡុងស្វៀន មានអង្គភាពរដ្ឋបាលថ្នាក់ឃុំចំនួន ១២ រួមមាន៖ សង្កាត់ ១០ និងឃុំ ២។
បន្ទាប់ពីរៀបចំអង្គភាពរដ្ឋបាលថ្នាក់ឃុំ - សង្កាត់រួច ខេត្តអានយ៉ាង មានអង្គភាពរដ្ឋបាលថ្នាក់ស្រុកចំនួន ១១ រួមមាន៖ ស្រុកចំនួន ៧ ទីរួមខេត្ត ២ និងទីក្រុងចំនួន ២។អង្គភាពរដ្ឋបាលថ្នាក់ឃុំចំនួន ១៥៥ រួមមាន៖ឃុំចំនួន ១១០ សង្កាត់ចំនួន ២៧ និងទីរួមស្រុកចំនួន ១៨។
សេចក្តីសម្រេចចិត្តនេះមានសុពលភាពចាប់ពីថ្ងៃទី ១ ខែ មករា ឆ្នាំ ២០២៥។
គណៈកម្មាធិការអចិន្ត្រៃយ៍រដ្ឋសភា ចាត់តាំងឲ្យរដ្ឋាភិបាល ក្រុមប្រឹក្សាប្រជាជន គណៈកម្មាធិការប្រជាជនខេត្តអានយ៉ាង និងបណ្តាស្ថាប័ន អង្គភាពពាក់ព័ន្ធ មានភារទទួលខុសត្រូវរៀបចំអនុវត្តនូវសេចក្តីសម្រេចចិត្តនេះ។រៀបចំ និងពង្រឹងក្បាលម៉ាស៊ីនស្ថាប័ន និងអង្គការនៅមូលដ្ឋាន។រក្សាស្ថិរភាពជីវភាពរស់នៅរបស់ប្រជាជនក្នុងមូលដ្ឋាន ធានាបាននូវតម្រូវការអភិវឌ្ឍន៍សេដ្ឋកិច្ចសង្គម ការការពារជាតិ និងសន្តិសុខនៅលើភូមិសាស្ត្រ។
ក្រុមប្រឹក្សាជនជាតិ បណ្តាគណៈកម្មាធិការរដ្ឋសភា និងគណៈប្រតិភូរដ្ឋសភានៃខេត្តអានយ៉ាង ក្នុងវិសាលភាពភារកិច្ចនិងសិទ្ឋអំណាចនៃខ្លួន ត្រូវឃ្លាំមើលការអនុវត្តសេចក្តីសម្រេចចិត្តនេះ៕
ប្រែ៖ ណារីពៅ
