រសៀលថ្ងៃទី ២៦ ឧសភា នៅសង្កាត់ ជីឡាំង គណៈប្រតិភូក្រុមប្រឹក្សាប្រជាជនខេត្ត និងទីរួមខេត្ត ទិញបៀន ដឹកនាំដោយលោក ទ្រឿងហ៊ូទៀន ប្រធានគណៈកម្មាធិការគ្រប់គ្រងតំបន់ទេសចរណ៍ជាតិភ្នំស្វាម - គណៈប្រតិភូក្រុមប្រឹក្សាប្រជាជនខេត្ត បានជួបសំណេះសំណាលជាមួយអ្នកបោះឆ្នោតជិត ១២០ នាក់នៅសង្កាត់ នុយវ៉យ ជីឡាំង និងឃុំតាន់ឡើយ មុនសម័យប្រជុំពាក់កណ្តាលឆាំ្ន ២០២៥។
តាមរយៈនោះ គណៈប្រតិភូក្រុមប្រឹក្សាប្រជាជនពីរថ្នាក់បានជូនដំណឹងអំពីស្ថានភាពអភិវឌ្ឍន៍សេដ្ឋកិច្ច វប្បធម៌ សង្គម ការពារជាតិ សន្តិសុខ ការងារផ្សព្វផ្សាយគម្រោងសំខាន់ៗ ការងាររៀបចំក្បាលម៉ាស៊ីន កសាងអាជ្ញាធរ និងកំណែទម្រង់រដ្ឋបាលខេត្តអានយ៉ាង និងទីរួមខេត្ត ទិញបៀន ក្នុងរយៈពេល ៦ ខែដើមឆ្នាំ និងដាក់ចេញទិសដៅ ភារកិច្ចរយៈពេល ៦ ខែចុងឆាំ្ន ២០២៥។សំខាន់គឺផ្តោតលើការអនុវត្តភារកិច្ច ដំណោះស្រាយអភិវឌ្ឍន៍ បង្កើនសេដ្ឋកិច្ចនិងអនុវត្តជាបន្ទាន់នៅការរៀបចំក្បាលម៉ាស៊ីនរបស់ប្រព័ន្ធនយោបាយងាយស្រួល ធ្វើសកម្មភាពមានុពលភាពនិងប្រសិទ្ធភាព។ល។
តាមរយៈនោះ អ្នកបោះឆ្នោតបានសម្តែងនូវការយល់ស្រប គាំទ្រ និងរំពឹងលើកម្មវិធីបដិវត្តន៍រៀបចំនិងរួមបញ្ចូលគ្នានូវអង្គភាពខេត្ត និងឃុំមួយចំនួន ដោយមិនរៀបចំអង្គភាពរដ្ឋបាលថ្នាក់ស្រុក នឹងរួមចំណែកបង្កើតសន្ទុះសម្រាប់ការអភិវឌ្ឍន៍ប្រទេសក្នុងយុគសម័យថ្មី។ទន្ទឹមនិងនោះ អ្នកបោះឆ្នោតក៏បាន ផ្តល់អនុសាសន៍ ដល់ប្រតិភូក្រុមប្រឹក្សាប្រជាជនឲ្យពិចារណា និងស្នើថា នៅពេលដែលរួមបញ្ចូលខេត្ត ឃុំ បានបង្កើតលក្ខខណ្ឌអំណោយផលដល់ប្រជាជនអនុវត្តនីតិវិធីរដ្ឋបាលដូចជា៖ការធ្វើសំបុត្រកំណើត ការចុះឈ្មោះគ្រួសារ ការផ្តល់លិខិតបញ្ជាក់សិទ្ធិប្រើប្រាស់ដីធ្លីជាដើម។ ផ្តល់អនុសាសន៍ដល់ស្ថាប័នពាក់ព័ន្ធឲ្យពិចារណាលើការមិនបង្កើនកម្រិតបង់ចំពោះសិស្សានុសិស្ស និងប្រជាជននៅពេលដែលចូលរួមធានារ៉ាប់រងសុខភាព។ បង្កើនការងារគ្រប់គ្រងសុវត្ថិភាពចំណីអាហារ និងដោះស្រាយម៉ឹងមាត់ចំពោះចំណីអាហារក្លែងក្លាយ ទឹកដោះគោក្លែងក្លាយ គ្រឿងសម្អាងក្លែងក្លាយជាដើម។ អនុវត្តល្អបណ្តាវិធានការដើម្បីធានាបាននូវស្ថានភាពសន្តិសុខ សណ្តាប់ធ្នាប់ សុវត្ថិភាពចរាចរណ៍ ការទប់ស្កាត់បទល្មើស ជាពិសេសឧក្រិដ្ឋកម្មគ្រឿងញៀនជាដើម។ ទន្ទឹមនឹងនោះ អ្នកបោះឆ្នោតក៏សង្ឃឹមថា ខេត្តមានគោលនយោបាយជាក់លាក់ និងមនុស្សធម៌ក្នុងការដោះស្រាយរបប គោលនយោបាយគាំទ្រសម្រាប់អ្នកធ្វើសកម្មភាពមិនជំនាញនៅថ្នាក់មូលដ្ឋាន។ល។
មតិ និងអនុសាសន៍ទាំងអស់របស់អ្នកបោះឆ្នោតស្ថិតក្នុងសមត្ថកិច្ចបានប្រតិភូក្រុមប្រឹក្សាប្រជាជនពីរថ្នាក់ និងថ្នាក់ដឹកនាំអាជ្ញាធរមូលដ្ឋាននានាចាប់យកនិងពន្យល់។ ទន្ទឹមនឹងនោះ មតិយោបល់ និងអនុសាសន៍នានាដែលហួសពីសមត្ថកិច្ចនៃខ្លួន បានកត់ត្រាទទួលស្គាល់យ៉ាងពេញលេញ ដើម្បីបញ្ជូនបន្តទៅស្ថាប័នជំនាញ ដើម្បីឆ្លើយតប និងដំណោះស្រាយជូនអ្នកបោះឆ្នោតនាពេលខាងមុខ៕
ប្រែ៖ ណារីពៅ
