ថ្ងៃទី ១៣ ឧសភា គណៈណែនាំលុបបំបាត់ផ្ទះបណ្ដោះអាសន្ន និងទ្រុឌទ្រោមនៅទីរួមខេត្ត ទិញបៀន បានប្រារព្ធពិធីប្រគល់ផ្ទះចំនួន ២ ខ្នងជូនគ្រួសារក្រីក្រ និងបៀតក្រីក្រ ក្រោមកម្មវិធីលុបបំបាត់ផ្ទះបណ្តោះអាសន្ន និងទ្រុឌទ្រោមនៅសង្កាត់ ញ៉ាបាង។លោកស្រី វ៉ធីធ្វីទៀន អនុលេខាប្រចាំការបក្ខភាគខេត្ត បានអញ្ជើញចូលរួម។
ជាក់ស្តែង ផ្ទះចំនួន ០២ខ្នង ត្រូវបានប្រគល់ជូនគ្រួសារអ្នកមីង ឡាំធីអាញ់ កើតឆ្នាំ ១៩៥៩ និងគ្រួសារអ្នកមីង ត្រាន់ធីឡុក កើតក្នុងឆ្នាំ ១៩៥៥ ស្នាក់នៅអនុសង្កាត់ ថើយហ្វា សង្កាត់ ញ៉ាបាង។ ផ្ទះនីមួយៗមានទំហំពី ២៧ម២ ទៅ ៣២ម២ រចនាសម្ព័ន្ធជញ្ជាំងឥដ្ឋ ដំបូលប្រក់សង្គសី និងកម្រាលសេរ៉ាមិច។ តម្លៃសរុបនៃផ្ទះនីមួយៗគឺ ៧០ លានដុង ក្នុងនោះ កម្មវិធីលុបបំបាត់ផ្ទះបណ្តោះអាសន្ន និងទ្រុឌទ្រោម ឧបត្ថម្ភ ៦០ លានដុងសម្រាប់ផ្ទះនីមួយៗ នៅសល់ប៉ុន្មានគ្រួសារបំពេញចូល។
ថ្លែងមតិក្នុងពិធីនេះ លោកស្រី វ៉ធីធ្វីទៀន អនុលេខាប្រចាំការបក្ខភាគទីរួមខេត្ត បានអបអរសាទរដល់គ្រួសារទាំងពីរមានផ្ទះថ្មីធំទូលាយ និងរឹងមាំ ហើយសង្ឃឹមថា គ្រួសារនឹងបន្តខិតខំឈានឡើងក្នុងជីវភាពរស់នៅ ចូលរួមយ៉ាងសកម្មក្នុងចលនាប្រឡងប្រណាំង និងចលនាដែលអាស្រ័យដោយតំបន់លំនៅដ្ឋានចលនា។ ទន្ទឹមនឹងនោះ លោកស្រីបានសង្កត់ធ្ងន់ថា នេះជាសកម្មភាពមួយដែលមានអត្ថន័យមនុស្សជាតិដ៏ជ្រាលជ្រៅ បង្ហាញពីស្មារតីសាមគ្គីភាព និងការរួមដៃគ្នាដើម្បីអ្នកក្រីក្រ ហើយចែករំលែកការលំបាកដល់អ្នកក្រីក្របានទាន់ពេលវេលា ជួយពួកគេខិតខំ ប្រឹងប្រែងឈានឡើងក្នុងជីវភាព និងអភិវឌ្ឍន៍សេដ្ឋកិច្ចគ្រួសារ។
ក្នុងឱកាសនេះ រដ្ឋាភិបាល អង្គការមហាជនមូលដ្ឋាន និងគណៈកម្មាធិការរណសិរ្សមាតុភូមិវៀតណាមទីរួមខេត្តក៏បានជូនអំណោយចាំបាច់ដល់គ្រួសារផងដែរ៕
ប្រែ៖ ណារីពៅ
