នៅរសៀលថ្ងៃទី ៧ ខែមករា លោកសាស្ត្រាចារ្យរង បណ្ឌិត វេជ្ជបណ្ឌិត ត្រឹន ក្វាង ហៀន ប្រធានមន្ទីរសុខាភិបាលខេត្តអានយ៉ាង បានធ្វើជាអធិបតីក្នុងកិច្ចប្រជុំបូកសរុបការងារសុខាភិបាលឆ្នាំ ២០២៥ និងផ្សព្វផ្សាយទិសដៅ និងភារកិច្ចសំខាន់ៗសម្រាប់ឆ្នាំ ២០២៦។ អ្នកស្រី ង្វៀន ធីមិញ ធ្វី អនុប្រធានគណៈកម្មាធិការប្រជាជនខេត្តអានយ៉ាង បានអញ្ជើញចូលរួម និងថ្លែងមតិណែនាំកិច្ចប្រជុំ។
ការវាយតម្លៃលទ្ឋផលលើការងារសុខាភិបាលឆ្នាំ ២០២៥ សឲ្យឃើញថា វិស័យទាំងមូលអនុវត្តសម្រេចបាន និងលើសពីគោលដៅសេដ្ឋកិច្ច -សង្គមដែលពាកព័ន្ឋនឹងការថែទាំសុខភាពទាំង៣/៣ និងគោលដៅថែទាំសុខភាពជាមូលដ្ឋានទាំង៩/៩។អត្រាពេញចិត្តរបស់ប្រជាជនសម្រេចបាន ៩៥% ខ្ពស់ជាងគោលដៅដាក់ចេញ។ ម្ចាស់ការ និងបត់បែនក្នុងការងារបង្ការទប់ស្កាត់ជំងឺ មិនទុកឲ្យរោគរាតត្បាតផ្ទុះឡើងធំ សត្ថភាពឃ្លាំមើល ព្យាករណ៍ និងការប្រឈមទៅនឹងបញ្ហាសុខាភិបាលសាធារណៈបានកើនឡើង។ការងារពិនិត្យ និងព្យាបាលជំងឺមានកាផ្លាស់ប្តូរវិជ្ជមានជាច្រើន។ គុណភាពសេវាកម្មសុខាភិបាលជាជំហានៗបានកែចម្រើន ហើយស្មារតី និងអាកប្បកិរិយាបម្រើអ្នកជំងឺកាន់តែឆ្ពោះទៅរកការពេញចិត្ត យកប្រជាជនជាចំណុចកណ្តាល។
ប្រព័ន្ធសុខាភិបាលមូលដ្ឋានបន្តបានរៀបចំរចនាសម្ព័ន្ធឡើងវិញ និងពង្រឹង។ កម្មវិធីគោលដៅសុខាភិបាល និងប្រជាសាស្ត្របានផ្សព្វផ្សាយស្របគ្នា។ អត្រាគ្របដណ្តប់ធានារ៉ាប់រងសុខភាពបានរក្សានៅកម្រិតខ្ពស់។ ការងារសុខាភិបាលបង្ការរោគ សុវត្ថិភាពចំណីអាហារ ប្រជាសាស្ត្រ អភិវឌ្ឍន៍ និងគាំពារសង្គមបានយកចិត្តទុកដាក់។ ជាពិសេស វិស័យសុខាភិបាលសម្រេចបានលទ្ធផលវិជ្ជមានជាច្រើនក្នុងការអនុវត្តការផ្លាស់ប្តូរឌីជីថលក្នុងការថែទាំសុខភាព និងអនុវត្តបច្ចេកវិជ្ជាព័ត៌មានក្នុងការគ្រប់គ្រង ការពិនិត្យព្យាបាលជំងឺនិងការទូទាត់ប្រាក់ដោយមិនប្រើសាច់ប្រាក់និងឯកសារសុខភាពអេឡិចត្រូនិក។
បណ្តាញពិនិត្យព្យាបាលជំងឺខេត្តអានយ៉ាងបន្ទាប់ពីរួមបញ្ចូលគ្នា មានមូលដ្ឋានពិនិត្យព្យាបាលជំងឺចំនួន ៥១ ជាមួយនឹងទ្រង់ទ្រាយគ្រែជំងឺ ១១.០២២ និងស្ថានីយសុខភាពចំនួន ២៩៨ ដោយរក្សា និងធានាថាអនុវត្តល្អការទទួលអ្នកជំងឺ ការពិនិត្យព្យាបាលជំងឺ និងការសង្គ្រោះបន្ទាន់។
ថ្លែងមតិណែនាំកិច្ចប្រជុំ អ្នកស្រី ង្វៀន ធី មិញ ធ្វី អនុប្រធានគណៈកម្មាធិការប្រជាជនខេត្តអានយ៉ាង បានកត់ត្រាទទួលស្គាល់ កោតសរសើរ និងវាយតម្លៃខ្ពស់ចំពោះសមិទ្ធផលដែលវិស័យសុខាភិបាលសម្រេចបានយ៉ាងគ្រប់ជ្រុងជ្រោយ និងមានអត្ថន័យជាយុទ្ធសាស្ត្រ សម្រេចបាននិងលើសពីគោលដៅសុខាភិបាលជាចម្បង បង្ហាញច្បាស់ពីតួនាទីស្នូលក្នុងប្រព័ន្ឋសន្តិសុខសង្គមរបស់ខេត្ត។
ចូលដល់ដំណាក់កាល ២០២៦-២០៣០ វិស័យសុខាភិបាលខេត្តអានយ៉ាងបានប្រឈមមុខនឹងតម្រូវការអភិវឌ្ឍន៍ថ្មីៗ ខ្ពស់ជាង គ្រប់ជ្រុងជ្រោយជាង ដាក់ចេញតម្រូវការត្រូវផ្លាស់ថ្មីជាគោល គ្រប់ជ្រុងជ្រោយ ការងារសុខាភិបាលឆ្ពោះទៅរកការកសាងនិងអភិវឌ្ឍន៍ប្រព័ន្ឋសុខាភិបាលអានយ៉ាងគ្រប់ជ្រុងជ្រោយ ទំនើបយុត្តធម៌ ចីរភាព ធានាថាប្រជាជនគ្រប់រូបសុទ្ឋតែបានទទួលសេវាកម្មសុខាភិបាលគុណភាព។ អ្នកស្រីអនុប្រធានគណៈកម្មាធិការប្រជាជនខេត្តស្នើវិស័យសុខាភិបាលត្រូវផ្លាស់ប្តូរការគិតក្នុងការអភិវឌ្ឍសុខាភិបាលតាមទិសដៅយកប្រជាជនជាស្នូលនិងចាត់ទុកសុខភាពជាទ្រព្យសម្បត្តិដ៏មានតម្លៃបំផុត។ ផ្លាស់ប្តូរយ៉ាងខ្លាំងពីផ្នត់គំនិត "ព្យាបាលជំងឺ" ទៅជាវិធីសាស្រ្ត "ថែទាំសុខភាពគ្រប់ជ្រុងជ្រោយ" ពីវិធីសាស្រ្តអកម្មទៅជាវិធីសាស្រ្តសកម្មចំពោះការបង្ការជំងឺ និងពីការគ្រប់គ្រងរដ្ឋបាល ទៅជាអភិបាលកិច្ចថែទាំសុខភាពទំនើប។ រាល់គោលនយោបាយ កម្មវិធី គម្រោងសុខាភិបាលត្រូវឆ្ពោះទៅដល់ការលើកកម្ពស់គុណភាពជីវភាព មានសុខភាពល្អ អាយុយឺនយូរនិងការពេញចិត្តរបស់ប្រជាជន។
ទន្ទឹមនិងនោះ អាទិភាពដល់ការពង្រឹងសុខាភិបាលមូលដ្ឋាននិងសុខាភិបាលបង្ការរោគឲ្យបានរឹងមាំនិងពិតប្រាកដ។ ផ្តោតលើការវិនិយោគមូលដ្ឋានសម្ភារៈឧបករណ៍ និងធនធានមនុស្ស។ លើកកម្ពស់សមត្ថភាពមណ្ឌលសុខភាពឃុំ និងសង្កាត់ តាមទម្រង់ថែទាំសុខភាពជាបឋមគ្រប់ជ្រុងជ្រោយ។ផ្តល់អាទិភាពដល់តំបន់ព្រំដែន កោះ និងតំបន់ជនជាតិភាគតិច។ អភិវឌ្ឍវេជ្ជសាស្ត្រគ្រួសារ ផ្សារភ្ជាប់ នឹងការគ្រប់គ្រងសុខភាពប្រជាជនទាំងមូល។ជាពិសេស បង្កើនគុណភាពពិនិត្យ និងព្យាបាលជំងឺ និងអភិវឌ្ឍសុខាភិបាលស៊ីជម្រៅ។ អភិវឌ្ឍធនធានមនុស្សនិងសុខាភិបាលគុណភាពខ្ពស់។ ជំរុញខ្លាំងការផ្លាស់ប្តូរឌីជីថល និងកំណែទម្រង់រដ្ឋបាលក្នុងវិស័យថែទាំសុខភាព។ យកចិត្តទុកដាក់លើការងារប្រជាសាស្ត្រ សុខភាពមាតា និងកុមារ គាំរពារសង្គម និងធានាសន្តិសុខសង្គម៕
ប្រែ៖សំណាង
