ព្រឹកថ្ងៃទី៨ ខែកក្កដា នៅសាលប្រជុំគណៈកម្មាធិការប្រជាជនឃុំអានចូវ តំណាងរាស្ត្រខេត្តអានយ៉ាង ដឹកនាំដោយលោក ទ្រីញឡាមសិញ សមាជិកបក្ខភាគខេត្ត និងជាអនុប្រធានគណៈចាត់តាំងបក្ខភាគខេត្ត បានជួបប្រាស្រ័យជាមួយអ្នកបោះឆ្នោតឃុំអានចូវ ជាង ៩០ នាក់ បន្ទាប់ពីសម័យប្រជុំលើកទី ៩ រដ្ឋសភានីតិកាលទី ១៥។
អញ្ជើញចូលរួមកិច្ចប្រជុំក៏មានលោកស្រី ហាមីញត្រាង អនុប្រធានគណៈកម្មាធិការរណសិរ្សមាតុភូមិខេត្ត។ លោកស្រី ដាំងធីហ្វារ៉ី សមាជិកាបក្ខភាគខេត្ត លេខាបក្ស ប្រធានក្រុមប្រឹក្សាប្រជាជនឃុំអានចូវ។ លោក ឡេហូង៉ុកទ្រុង អនុលេខាប្រចាំការបក្ខភាគឃុំ។ លោក ហូហ៊ូវតៃ អនុលេខាបក្ខភាគ ប្រធានគណៈកម្មាធិការប្រជាជនឃុំនិងសមមិត្តអនុប្រធានគណៈកម្មាធិការប្រជាជនឃុំនិងថ្នាក់ដឹកនាំនៃការិយាល័យនិងផ្នែកជំនាញថ្នាក់ឃុំ។
នៅក្នុងកិច្ចជួបប្រាស្រ័យ លោក ទ្រីញឡាមសីញ សមាជិកបក្ខភាគខេត្ត អនុប្រធានគណៈចាត់តាំងបក្ខភាគខេត្ត - តំណាងរាស្ត្រខេត្តអានយ៉ាង បានរាយការណ៍អំពីលទ្ធផលកិច្ចប្រជុំលើកទី ៩ រដ្ឋសភានីតិកាលទី ១៥ និងស្ថានភាព ធ្វើសកម្មភាពរបស់តំណាងរាស្ត្រខេត្តក្នុងកិច្ចប្រជុំ ស្តាប់អ្នកបោះឆ្នោតឆ្លុះបញ្ចាំងពីអារម្មណ៍និងបំណងរបស់អ្នកបោះឆ្នោត រួមមតិយោបល់ទៅក្នុងគោលការណ៍ គោលនយោបាយ និងញ្ញតិរបស់អ្នកបោះឆ្នោត។
អ្នកបោះឆ្នោតបានសម្តែងការសប្បាយរីករាយ និងឯកភាពខ្ពស់ចំពោះលទ្ធផលនៃកិច្ចប្រជុំលើកទី៩ រដ្ឋសភានីតិកាលទី១៥។ ទន្ទឹមនឹងនោះ ផ្ញើនូវអារម្មណ៍និងបំណងប្រាថ្នាទៅដល់គណៈប្រតិភូតំណាងរាស្ត្ររបស់ខេត្ត ដូចជា៖ យកចិត្តទុកដាក់លើគោលនយោបាយអប់រំអំពីមូលដ្ឋានសម្ភារៈចុះគុណភាពរបស់សាលាមួយចំនួននៅក្នុងភូមិសាស្ត្រឃុំ។ ផ្នែកសុខាភិបាលត្រូវយកចិត្តទុកដាក់បន្ថែមទៀតចំពោះការថែទាំសុខភាពរបស់ប្រជាជន។បណ្តាបញ្ហាសុវត្ថិភាពអនាម័យចំណីអាហារ និងសកម្មភាពរបស់មូលដ្ឋានបន្ទាប់ពីការរួមបញ្ចូលខេត្តនិងឃុំ។
មតិរបស់អ្នកបោះឆ្នោតទាំងអស់បានតំណាងរាស្ត្រឆ្លើយតបយ៉ាងពេញចិត្ត និងកត់ត្រាទទួលស្គាល់ដើម្បីបន្តផ្តល់អនុសាសន៍នៅក្នុងសម័យប្រជុំនាពេលខាងមុខ។
ក្នុងឱកាសនេះ លោក ទ្រីញឡាមសីញ សមាជិកបក្ខភាគខេត្ត អនុប្រធានគណៈចាត់តាំងបក្ខភាគខេត្ត តំណាងគណៈប្រតិភូតំណាងរាស្ត្រខេត្តអានយ៉ាង បានជូនអំណោយដល់គ្រួសារគោលនយោបាយ និងជនជាតិនៅក្នុងឃុំ៕
ប្រែ៖ ណារីពៅ
