នៅថ្ងៃទី ១១ ខែសីហា លោក ហូ វ៉ាន់ ម៉ឹង សមាជិកគណៈកម្មាធិការមជ្ឈិមបក្ស អនុលេខាបក្សខេត្ត និងជាប្រធានគណៈកម្មាធិការប្រជាជនខេត្តអានយ៉ាង បានអញ្ជើញទៅពិនិត្យការដ្ឋាន និងជំរុញអ្នកម៉ៅការឲ្យពន្លឿនល្បឿនសាងសង់គម្រោងនានា នៅតំបន់បុរាណវិទ្យាអ៊ុកអែវ។ អញ្ជើញចូលរួមក៏មានលោក ឡេ វ៉ាន់ ភឿក អនុប្រធានគណៈកម្មាធិការប្រជាជនខេត្ត។
គណៈប្រតិភូបានអញ្ជើញទៅពិនិត្យគម្រោងកែលម្អ និងជួសជុលកេរដំណែលទួលដើមច័ន្ឌ។គម្រោងសាងសង់ប្រព័ន្ធដំបូលការពារអភិរក្សរណ្តៅបុរាណវិទ្យានានា នៅតំបន់បុរាណវិទ្យាអុកអែវ - បាថេ ដូចជា ទួលលិញសឹនបាក់ ទួលសៅធ្វឺន និងទួលយ៉ុងកាត ជាដើម។
នៅអគារតាំងពិព័រណ៍វប្បធម៌អុកអែវ លោក ហូ វ៉ាន់ ម៉ឹង ប្រធានគណៈកម្មាធិការប្រជាជនខេត្ត បានសង្កត់ធ្ងន់ថា ពេលវេលាមិននូវមានច្រើនទៀតទេ សុំស្នើគណៈគ្រប់គ្រងកេរដំណែលវប្បធម៌អុកអែវវខេត្ត សហការជាមួយអង្គភាពពាក់ព័ន្ធ ផ្តោតការយកចិត្តទុកដាក់លើធនធានមនុស្ស និងឧបករណ៍សាងសង់សំណង់ ដោយធានាបាននូវគុណភាព និងល្បឿនតាមផែនការ។
បន្តការស្ដារ រៀបចំ និងធ្វើឌីជីថលទិន្នន័យលើវត្ថុបុរាណ បន្ថែមការតាំងពិព័រណ៍ យកលំនាំតាម និងតាំងបង្ហាញវត្ថុបុរាណឌីជីថល រួមផ្សំជាមួយនឹងការណែនាំរូបភាពឌីជីថល ខ្លឹមសារឌីជីថល និងខ្សែភាពយន្ត 3D។គណៈគ្រប់គ្រងកេរដំណែលវប្បធម៌អុកអែវជំរុញ និងសហការជាមួយមន្ទីរ ផ្នែកសាងសង់ និងបញ្ចប់ឯកសារ គម្រោងការស្នើសុំគោលការណ៍លើកកម្ពស់អគារតាំងពិព័រណ៍វប្បធម៌អុកអែវទៅជាសារមន្ទីរវត្ថុបុរាណវប្បធម៌អុកអែវ។
សម្រាប់ទីតាំងរណ្តៅបុរាណវិទ្យានៅមណ្ឌលកេរដំណែលអុកអែវ-បាថេ ដូចជា ទួលលិញសឺនបាក់ ទួលសៅធ្វឹន ទួលយ៉ុងកាតជាដើម លោក ហូ វ៉ាន់ ម៉ឹង ប្រធានគណៈកម្មាធិការប្រជាជនខេត្ត បានណែនាំដល់អាជ្ញាធរមូលដ្ឋានឲ្យរក្សាអនាម័យ និងសោភ័ណភាពបរិស្ថាន ស្រាវជ្រាវ និងអភិវឌ្ឍមណ្ឌលកេរដំណែល រួមផ្សំជាមួយនឹងទេសចរណ៍បទពិសោធន៍ រួមចំណែកបង្កើនប្រាក់ចំណូលសម្រាប់ប្រជាជន។ ទន្ទឹមនិងនោះ អប់រំសិស្សានុសិស្សអំពីវប្បធម៌ និងប្រវត្តិសាស្ត្រតាមរយៈសកម្មភាពដូចជាការទៅទស្សនា និងស្វែងយល់កេរដំណែលវប្បធម៌អុកអែវ។
ដើម្បីត្រៀមទទួលស្វាគមន៍ និងធ្វើការជាមួយអ្នកជំនាញ ICOMOS អញ្ជើញទៅត្រួតពិនិត្យនិងវាយតម្លៃកន្លែងដែលឯកសារជ្រើសរើសតែងតាំងតំបន់បុរាណវត្ថុអុកអែវ - បាថេ ជាបេតិកភណ្ឌពិភពលោក លោក ហូ វ៉ាន់ ម៉ឹង ប្រធានគណៈកម្មាធិការប្រជាជនខេត្ត បានតម្រូវឲ្យគណៈគ្រប់គ្រងវត្ថុបុរាណវប្បធម៌អុកអែវ សហការជាមួយអង្គភាពប្រឹក្សាយោបល់ និងអាជ្ញាធរមូលដ្ឋានបង្កើតផែនការ និងសេណារីយ៉ូលម្អិតសម្រាប់ពិធីទទួលភ្ញៀវ រួមទាំងផែនទីបង្ហាញផ្លូវ ពេលវេលាសម្រាប់ចំណុចស្ទង់មតិនីមួយៗ និងចាត់តាំងកម្លាំងច្បាស់លាស់។ ទន្ទឹនិងនោះ ជំរុញខ្លាំងឃោសនា និងបញ្ចប់ការពិនិត្យវាយតម្លៃទីតាំងដោយជោគជ័យ និងដាក់តំបន់បុរាណវិទ្យាអុកអែវ-បាថេ ក្លាយជាបេតិកភណ្ឌពិភពលោកឲ្យបានឆាប់។
យោងតាមគណៈគ្រប់គ្រងវត្ថុបុរាណវប្បធម៌អុកអែវ ការរៀបចំបានអនុវត្តនៅទីតាំងវត្ថុបុរាណចំនួន ១៦ កន្លែង បានផ្សព្វផ្សាយអនុវត្តយ៉ាងទូលំទូលាយ៖ វិនិយោគដំបូលប្រកសម្រាប់ទីតាំងចំនួន ៦ កន្លែង លុបដីតាមបច្ចេកទេសចំនួន ១០ កន្លែងបន្ទាប់ពីការកំណាយ ការដាំបង្គោលការពារចំនួន ៦០ ការដំឡើងក្តារណែនាំពីរភាសាវៀតណាម-អង់គ្លេស និងលើកកម្ពស់ហេដ្ឋារចនាសម្ព័ន្ធដឹកជញ្ជូន។
ក្នុងចំណោមគម្រោង និងភារកិច្ចសរុបចំនួន ១៦ អង្គភាពនេះបានបញ្ចប់ចំនួន ៣ ខណៈដែល ១៣ ដែលនៅសល់កំពុងដំណើរការ។ គម្រោង និងភារកិច្ចដែលបានបញ្ចប់រួមមាន៖ ការដាំផ្កានៅតំបន់ប្រវត្តិសាស្ត្រ ការជួសជុល និងជួសជុលទីស្តីការស្ថាប័ន ការជួសជុលជាបន្ទាន់នូវវត្ថុបុរាណទួល លីញសឹនបាក់ទួលសៅធ្វឺន និង យ៉ុងកាត ដើម្បីគាំទ្រដល់ឯកសារស្នើសុំចុះបញ្ជីបេតិកភណ្ឌពិភពលោក។ ការជួសជុល និងជួសជុលទីតាំងវត្ថុបុរាណ ណាមលីញសឹន អគារតាំងពិព័រណ៍ និងការជួសជុលជាប្រចាំនូវកេរដំណែលទួលដើមច័ណ្ទ ណាមលិញសឹន អ៊ុតត្រាញ អុកអែវ ឡុងលើន យ៉ុងត្រូម នេនជួនិងយ៉ុងស្វយ ជាដើម។ មជ្ឈមណ្ឌលបច្ចេកវិទ្យាធនធាន និងបរិស្ថាន (មន្ទីរកសិកម្ម និងបរិស្ថាន) បានបញ្ចប់ ត្រួតពិនិត្យនិង ប្រគល់បង្គោលព្រំដែន ៦០/៦០ ដែលការពារវត្ថុបុរាណទៅឲ្យគណៈគ្រប់គ្រងកេរដំណែលវប្បធម៌អុកអែវ ទទួលយក និងគ្រប់គ្រង។
ក្រៅពីនេះ គម្រោងដែលកំពុងផ្សព្វផ្សាយដំណើរការរួមមាន៖ គម្រោងរុករក កំណាយវត្ថុបុរាណនៅទីតាំងផលិតនិងកែច្នៃដោយដៃនៅទួលអ៊ុតអាញ កម្មវិធីគ្រប់គ្រង ឧបករណ៍ និងធ្វើឌីជីថលព័ត៌មានស្តីពីបេតិកភណ្ឌវប្បធម៌ អុកអែវ។ កសាងទម្រង់បង្កើនសមត្ថភាពការពារបរិស្ថាន និងឆ្លើយតបទៅនឹងការប្រែប្រួលអាកាសធាតុនៅតំបន់កេរដំណែលវត្ថុបុរាណវិទ្យាអុកអែប - បាថេ។ ដំឡើងក្ដារពន្យល់នៅតាមទីតាំងនានា រចនាឡើងវិញនូវការតាំងបង្ហាញវត្ថុបុរាណពីវប្បធម៌អុកអែវដើម្បីគាំទ្រដល់ការរៀបចំឯកសារស្នើសុំចុះបញ្ជីបេតិកភណ្ឌពិភពលោក។ ដំឡើងប្រព័ន្ធអេក្រង់ LED នៅតំបន់កេរដំណែលវប្បធម៌អុកអែវ។ល៕
ប្រែ៖ ណារីពៅ
