រសៀលថ្ងៃទី ២ តុលា នៅមជ្ឈមណ្ឌលវប្បធម៌ សិល្បៈអានយ៉ាង សង្កាត់រ៉ាច់យ៉ា ខេត្តអានយ៉ាង បានបើកតាំងពិព័រណ៍សមិទ្ធិផលសេដ្ឋកិច្ចសង្គមរបស់ខេត្ត ដើម្បីអបអរសាទរមហាសន្និបាតបក្ខភាគខេត្តលើកទី ១ អាណត្តិ ២០២៥ - ២០៣០ ឆ្ពោះទៅកាន់មហាសន្និបាតតំណាងទូទាំងប្រទេសលើកទី ១៤ របស់បក្ស។
អញ្ជើញចូលរួមពិធីបើកមានលោក ង្វៀនទៀនហៃ សមាជិកមជ្ឈិមបក្ស លេខាគណៈកម្មាធិការបក្ស លោក ង្វៀនថាញ៉ាន អនុលេខាប្រចាំការគណៈកម្មាធិការបក្សខេត្ត ប្រធានក្រុមប្រឹក្សាប្រជាជនខេត្ត លោក ហូវ៉ាន់ម៉ឹង សមាជិកបម្រុងនៃគណៈកម្មាធិការមជ្ឈិមបក្ស អនុលេខាគណៈកម្មាធិការបក្សខេត្ត ប្រធានគណៈកម្មាធិការប្រជាជនខេត្ត អ្នកស្រី ត្រាន់ធីថាញហឿង អនុលេខាគណកម្មាធិការបក្សខេត្ត ប្រធានគណប្រតិភូតំណាងរាស្ត្រខេត្ត ប្រធានគណគម្មាធិការរណសិរ្សមាតុភូមិវៀតណាមខេត្ត លោកឡាំមីញថាញ់ អនុលេខាគណកម្មាធិការបក្សខេត្ត លោក ង្វៀនថាញផុង សមាជិកគណអចិន្ត្រៃគណកម្មាធិការបក្សខេត្ត អនុប្រធានប្រចាំការគណកម្មាធិការប្រជាជនខេត្ត លោក តុងភឿកទ្រឿង សមាជិកគណអចិន្ត្រៃគណកម្មាធិការបក្សខេត្ត ប្រធានគណឃោសនាអប់រំនិងចលនាមហាជន លោក ឡេទ្រុងហូ សមាជិកគណកម្មាធិការបក្សខេត្ត អនុប្រធានគណកម្មាធិការប្រជាជនខេត្ត។
តាមនោះ តំបន់តាំងពិព័រណ៌សមិទ្ធិផលសេដ្ឋកិច្ច-សង្គមរបស់ខេត្តក្នុងដំណាក់កាល ២០២១ - ២០២៥ ក្រោមប្រធានបទ “អានយ៉ាងមួយ - ចក្ខុវិស័យមួយ ឆន្ទៈមួយ ជំនឿលើជ័យជម្នះមួយ” ដោយមានអង្គភាពចូលរួមចំនួន ៣០ ណែនាំអំពីផលិតផលនាំចេញ ផលិតផល OCOP ផលិតផលទេសចរណ៍ ដូចជា៖ គុជខ្យង ជលផល អង្ករ តំបន់និងគោលដៅទេសចរណ៍។
បន្ទាប់មកទៀត តំបន់តាំងពិព័រណ៍យុទ្ធសាស្ត្រអភិវឌ្ឍដំណាក់កាល ២០២៦ - ២០៣០ ក្រោមប្រធានបទ “ការអភិវឌ្ឍវិទ្យាសាស្ត្រ បច្ចេកវិជ្ជា ផ្លាស់ថ្មី ច្នៃប្រឌិត និងផ្លាស់ប្តូរឌីជីថលជាតិ” ដោយមានអង្គភាពចូលរួមចំនួន ៩ ណែនាំផលិតផលបច្ចេកវិជ្ជា វិទ្យាសាស្ត្រ ផ្លាស់ថ្មីច្នៃប្រឌិត ជាពិសេសគឺណែនាំកម្មវិធី APEC ២០២៧ នៅតំបន់ពិសេសភូក្វុក។
ឆ្លងតាមរយៈរូបភាព វត្ថុបុរាណ ការតាំងពិព័រណ៌សមិទ្ធិផលសេដ្ឋកិច្ចសង្គម និងផលិតផលវិទ្យាសាស្ត្រ និងបច្ចេកវិជ្ជាអនុវត្ត ការផ្លាស់ប្តូរឌីជីថល បង្កើតជាផ្ទាំងគំនូរទូទៅ ទូលំទូលាយនៃដំណើរអភិវឌ្ឍអតីតកាល បញ្ជាក់ពីជំនឿ ឆន្ទៈ និងការប្តេជ្ញាចិត្តទម្លាយទៅមុខ ដោយបាវចនា "អានយ៉ាងមួយ - ចក្ខុវិស័យមួយ ឆន្ទៈមួយ និងជំនឿឈ្នះមួយ” បង្ហាញពីការសាមគ្គី ការរំពឹងទុកក្នុងការអភិវឌ្ឍនិងជំនឿយ៉ាងខ្លាំងក្លាទៅអនាគតរបស់អានយ៉ាង។ នេះមិនត្រឹមតែជាការអំពាវនាវឲ្យធ្វើសកម្មភាពប៉ុណ្ណោះទេ ប៉ុន្តែថែមទាំងជានិមិត្តសញ្ញានៃការរួបរួមរវាងចក្ខុវិស័យយុទ្ធសាស្ត្រ ឆន្ទៈអង់អាច និងជំនឿទៅអនាគតដ៏ភ្លឺស្វាង។
ក្នុងអាណត្តិ ២០២០ - ២០២៥ ក្រោមការដឹកនាំរបស់គណៈកម្មាធិការបក្សខេត្ត និងការដឹកនាំដ៏ខ្លាំងក្លារបស់គណៈកម្មាធិការប្រជាជនខេត្ត ជាមួយនិងការរួមដំណើរនិងរួមកម្លាំងរបស់សហគមន៍ធុរកិច្ច និងប្រជាជន អានយ៉ាង បានមានការរីកចម្រើនយ៉ាងខ្លាំងក្លា។ បណ្តាវិស័យសេដ្ឋកិច្ច វប្បធម៌ និងសង្គមសុទ្ឋតែសម្រេចបានលទ្ធផលសំខាន់ៗជាច្រើន។ មុខមាត់តំបន់ជនបទ និងទីក្រុងថ្ងៃកាន់តែរីកចម្រើន ជីវភាពរស់នៅរបស់ប្រជាជនពីមួយថ្ងៃទៅមួយថ្ងៃកាន់តែមានភាពប្រសើរឡើង សន្តិសុខ ការពារប្រទេសបានរក្សា ធ្លុងមហាសាមគ្គីនៃប្រជាជនទាងមូលបន្តបានពង្រឹង។
ជាពិសេស អានយ៉ាង កំពុងបញ្ចាក់ពីជំហររបស់ខ្លួនជាមូលដ្ឋានមួយក្នុងចំណោមមូលដ្ឋានដ៏មានថាមវន្តក្នុងតំបន់វាលរាបទន្លេគឺវឡុង ជាមួយនឹងប្រៀបខ្លាំងខាងវិស័យកសិកម្ម ពាណិជ្ជកម្ម ទេសចរណ៍ និងទន្ទឹមនឹងនោះជាបណ្តើរៗឈានឡើងក្នុងការផ្លាស់ថ្មីច្នៃប្រឌិត អនុវត្តវិទ្យាសាស្ត្រ - បច្ចេកវិទ្យា និងផ្លាស់ប្តូរឌីជីថល។
តាំងពិព័រណ៍សមិទ្ធិផលសេដ្ឋកិច្ចសង្គមរបស់ខេត្ត អានយ៉ាង មិនត្រឹមតែជាសកម្មភាពជាក់ស្តែងដើម្បីអបអរសាទរមហាសន្និបាតតំណាងបក្ខភាគខេត្តលើកទី ១ អាណត្តិ ២០២៥ - ២០៣០ ប៉ុណ្ណោះទេ ថែមទាំងជាឱកាសសម្រាប់សហគមន៍ធុរកិច្ចផ្សព្វផ្សាយពាណិជ្ជសញ្ញា តភ្ជាប់សហប្រតិបត្តិការ និងពង្រីកទីផ្សារ។ ទន្ទឹមនឹងនោះ គឺជាឱកាសដើម្បីមិត្តភ័ក្តិក្នុង និងក្រៅខេត្តយល់កាន់តែច្បាស់អំពីការខិតខំប្រឹងប្រែង ការប៉ង់ និងការប្តេជ្ញាចិត្តរបស់ប្រជាជនអានយ៉ាង ក្នុងដំណើរការផ្លាស់ថ្មី និងសមាហរណកម្ម។
ខេត្តអានយ៉ាងសង្ឃឹមថានឹងបន្តប្រទទួលបានសមិទ្ធិផលបន្ថែមទៀត កសាងមាតុភូមិឲ្យកាន់តែស្រស់ស្អាត អារ្យធម៌ ក្លាយជាគោលដៅទាក់ទាញរបស់វិនិយោគិន ភ្ញៀវទេសចរ និងមិត្តភ័ក្តិទីជិត និងឆ្ងាយ។ ទន្ទឹមនឹងនោះ អានយ៉ាង កំពុងអភិវឌ្ឍឥតឈប់ឈរ បោះជំហានយ៉ាងរឹងមាំជាមួយប្រទេសទាំងមូលលើមាគ៌ាឧស្សាហូបនីយកម្ម ទំនើបភាវូបនីយកម្ម អភិវឌ្ឍបៃតង និងចីរភាពក្នុងយុគសម័យថ្មី - យុគសម័យឈានឡើងរបស់ជនជាតិ៕
ប្រែ៖ ណារីពៅ
