នៅព្រឹកថ្ងៃទី ០៦ ខែ ០២ លោក ផាម ង៉ុក ធឿង អនុរដ្ឋមន្ត្រីប្រចាំការក្រសួងអប់រំ និងបណ្តុះបណ្តាល បាន ដឹកនាំសន្និបាតអនឡាញ ស្តីពីការសាងសង់សាលាអន្តេវាសិកដ្ឋានអន្តរកម្រិតបឋមសិក្សា និងអនុវិទ្យាល័យនៅតាមឃុំព្រំដែនដីគោក។ ចូលរួមសន្និបាតនៅចំណុចភ្ជាប់របស់ក្រសួងអប់រំនិងបណ្តុះបណ្តាល មានតំណាងក្រសួង ផ្នែកមជ្ឈិម និងតំណាងនាយកដ្ឋាននិងអង្គភាពពាក់ព័ន្ធនានា។
សន្និបាតបានរៀបចំផ្ទាល់នៅចំណុចភ្ជាប់ក្រសួងអប់រំ និងបណ្តុះបណ្តាល ហើយភ្ជាប់អនឡាញទៅកាន់ ២២ ខេត្ត ក្រុង និង ២៤៨ ឃុំ សង្កាត់ របស់ ២២ ខេត្ត ក្រុង ដែលមានព្រំដែនដីគោក។
នៅចំណុចភ្ជាប់ខេត្តអានយ៉ាង សន្និបាតបានដឹកនាំដោយ អ្នកស្រី ង្វៀន ធី មិញ ធ្វី អនុប្រធានគណៈកម្មាធិការប្រជាជនខេត្ត តំណាងថ្នាក់ដឹកនាំមន្ទីរ គណៈ ផ្នែកពាក់ព័ន្ធនៅក្នុងខេត្តចូលរួមផងដែរ។
សន្និបាតអនឡាញស្តីពីការសាងសង់សាលាអន្តេវាសិកដ្ឋានអន្តរកម្រិតបឋមសិក្សា និងអនុវិទ្យាល័យនៅតាមឃុំព្រំដែនដីគោកដោយគោលបំណងវាយតម្លៃស្ថានភាព និងលទ្ធផលអនុវត្តការងារ ចែករំលែកបទពិសោធន៍ វិភាគអំពីការលំបាក បញ្ហាទាក់ទិន និងពិភាគ្សាបណ្តាភារកិច្ច ដំណោះស្រាយអនុវត្ត។ ដើម្បីបញ្ចប់ការវិនិយោគសាងសង់សាលាអន្តេវាសិកដ្ឋានអន្តរកម្រិតនៅតាមឃុំព្រំដែន និងដាក់ឲ្យដំណើរការ ប្រើប្រាស់មានប្រសិទ្ធភាព តាមគោលការណ៍របស់ការិយាល័យនយោបាយ និងការណែនាំរបស់សមមិត្តអគ្គលេខាបក្ស តូឡាំ។ដើម្បីបញ្ចប់ការវិនិយោគសាងសង់សាលាអន្តេវេសិកដ្ឋានអន្តរកម្រិតនៅតាមឃុំព្រំដែន និងដាក់ប្រើប្រាស់មានប្រសិទ្ឋភាពតាមគោលការណ៍របស់ការិយាល័យនយោបាយនិងការណែនាំរបស់សមមិត្តអគ្គលេខាបក្សតូ ឡាំ។ក្នុងនោះ ផ្តោតពិភាក្សាអំពីការរៀបចំអនុវត្តការវិនិយោគ ដោយវឌ្ឍនភាពសាងសង់សាលាចំនួន ១០០ ដែលបានបើកការដ្ឋានរួច និងផែនការសាងសង់សាលាចំនួន ១៤៨ ដែលនៅសល់។ ការងាររៀបចំក្បាលម៉ាស៊ីនគ្រប់គ្រងអប់រំនៅលើភូមិសាស្ត្រឃុំព្រំដែន និងការត្រៀមលក្ខខណ្ឌធានាដំណើរការសាលាឲ្យមានប្រសិទ្ធភាព។
យោងតាមរបាយការណ៍សន្និបាត ប្រទេសទាំងមូលមានខេត្ត ក្រុងតំបន់ព្រំដែនចំនួន ១៨ ក្នុងចំណោម ២២ បានស្នើសាងសង់សាលា (ក្នុងបញ្ជី ១០០ សាលា) តាមការណែនាំរបស់បក្ស និងរដ្ឋាភិបាល។ មកដល់ពេលនេះ មានខេត្ត ក្រុងចំនួន ៩ បានបង្កើតគណៈកម្មការដឹកនាំសាងសង់សាលា រួមមាន៖ ដាណាំង ដាក់ឡាក់ ឡៃចូវ ឡាងសឺន ង៉ែអាន ក្វាងង៉ៃ ក្វាងទ្រី សឺនឡានិងទ្វៀនក្វាង។និយាយរួម ជាទូទៅ បណ្តាខេត្ត ក្រុងតំបន់ព្រំដែន បានអនុវត្តយ៉ាងឆាប់រហ័ស និងខ្លាំងក្លា តាមការណែនាំរបស់បក្ស និងរដ្ឋាភិបាល។ របាយការណ៍ស្តីពីផែនការសាងសង់សាលាអន្តេវាសិកដ្ឋាននៅតាមឃុំព្រំដែនយ៉ាងទាន់ពេលវេលា។ ជាគោល យោងតាមរបាយការណ៍ បណ្តាមូលដ្ឋានបានផ្សព្វផ្សាយទាន់ពេលវេលា មិនជួបការលំបាក និងបញ្ហាទាក់ទិនពាក់ព័ន្ឋ។
ដល់ខែ វិច្ឆកា ឆ្នាំ ២០២៥ សាលាទាំង ១០០ បានបើកការដ្ឋានសាងសង់ទាំងស្រុង ក្នុងនោះមានមួយលើកបានលោកនាយករដ្ឋមន្ត្រីណែនាំបើកការដ្ឋានព្រមៗគ្នាក្នុងបរិវេណខេត្តទាំងអស់ដែលមានក្នុងបញ្ជី ១០០ សាលា នៅថ្ងៃទី ០៩ ខែ វិច្ឆកា ឆ្នាំ ២០២៥។
អំពីពេលវេលាបញ្ចប់ការសាងសង់ ១០០ សាលា តាមការណែនាំរបស់បក្ស និងរដ្ឋាភិបាល។ ខេត្ត ក្រុងនានា បានប្តេជ្ញាចិត្តបញ្ចប់មុនថ្ងៃទី ៣០ ខែ សីហា ឆ្នាំ ២០២៦ ដើម្បីដាក់ឲ្យដំណើរការចាប់ពីឆ្នាំសិក្សា ២០២៦-២០២៧។ក្នុងនោះ មានមូលដ្ឋានមួយចំនួនកំពុងខិតខំបញ្ចប់មុនកាលកំណត់ពី ១ ដល់ ១,៥ ខែ។
ថ្លែងមតិបិទសន្និបាត លោក ផាម ង៉ុក ធឿង បានបញ្ជាក់ថា ការសាងសង់សាលាអន្តេវាសិកដ្ឋានអន្តរកម្រិតនៅតាមឃុំតំបន់ព្រំដែន គឺជាភារកិច្ចសំខាន់ មានអត្ថន័យយុទ្ធសាស្ត្រយូរអង្វែង ក្នុងការអភិវឌ្ឍវិស័យអប់រំ សេដ្ឋកិច្ច-សង្គម ភ្ជាប់ជាមួយការធានាការពារជាតិ សន្តិសុខតំបន់ព្រំដែន។ទន្ទឹមនឹងនេះ ស្នើ ក្រសួង ផ្នែក និងមូលដ្ឋានបន្តពិនិត្យតម្រូវការជាក់ស្តែង បង្កើតផែនការជាក់លាក់ និងផែនទីបង្ហាញផ្លូវសមស្របដើម្បីផ្សព្វផ្សាយមានប្រសិទ្ធភាពនាពេលខាងមុខ។រៀបចំក្រុមគ្រូបង្រៀន អ្នកគ្រប់គ្រង និងបុគ្គលិកឲ្យបានគ្រប់គ្រាន់ជាមុន។ចាត់ចែងរៀបចំសិស្សានុសិស្ស ដើម្បីធានាថាសកម្មភាពបង្រៀន និងរៀនអាចដំណើរការល្អ បន្ទាប់ពីសាលាសាងសង់រួច។ ជំរុញខ្លាំងការងារផ្សព្វផ្សាយ ដើម្បីបង្កើតការយល់ព្រម និងការគាំទ្រពីប្រជាពលរដ្ឋចំពោះការសាងសង់សាលាអន្តេវាសិកដ្ឋានអន្តរកម្រិតបឋមសិក្សានិងអនុវិទ្យាល័យនៅតាមឃុំតំបន់ព្រំដែន៕
ប្រែ៖ សំណាង
