ព្រឹកថ្ងៃទី ៧ វិច្ឆិកា មន្ទីរវិទ្យាសាស្ត្រនិងបច្ចេកវិជ្ជាខេត្តអានយ៉ាង សហការជាមួយការិយាល័យតំណាងនាយកដ្ឋានកម្មសិទ្ធិបញ្ញាជាតិទីក្រុងហូជីមិញ វិទ្យាស្ថានអភិវឌ្ឍអាជីវកម្ម - សហព័ន្ធពាណិជ្ជកម្ម និងឧស្សាហកម្មវៀតណាម (VCCI) រៀបចំសន្និបាតហ្វឹកហ្វឺនស្តីពី “ការលើកកម្ពស់ប្រកួតប្រជែងតាមរយៈកម្មសិទ្ធិបញ្ញា និងវិធានការបច្ចេកវិជ្ជាទប់ស្កាត់ទំនិញក្លែងក្លាយ”។
អញ្ជើញចូលរួមសន្និបាតមានលោក ឡេក្វុកគឿង អនុប្រធានមន្ទីរវិទ្យាសាស្ត្រនិងបច្ចេកវិជ្ជា។ អ្នកស្រី ឡេធីធូធ្វី អនុប្រធានវិទ្យាស្ថានអភិវឌ្ឍន៍អាជីវកម្ម VCCI។ លោក ត្រាន់យ៉ាងឃ្វេ ប្រធានការិយាល័យកម្មសិទ្ធិបញ្ញានៅទីក្រុងហូជីមិញ។ លោក ផាមវ៉ាន់ថ ប្រធានក្រុមប្រឹក្សាភិបាល អគ្គនាយកក្រុមហ៊ុនភាគហ៊ុនបច្ចេកវិជ្ជាទប់ស្កាត់ទំនិញក្លែងក្លាយវៀតណាម។ លោក ង្វៀនវ៉ាន់ហាញ់ អនុប្រធានសមាគមអាជីវកម្មខេត្ត គៀនយ៉ាង រួមនិងតំណាងស្ថាប័ន អង្គភាព និងអាជីវកម្មលើភូមិសាស្ត្រខេត្តអានយ៉ាង។
ថ្លែងមតិបើកសន្និបាត អ្នកស្រី ឡេធីធូធ្វី អនុប្រធានវិទ្យាស្ថានអភិវឌ្ឍអាជីវកម្ម VCCI បានសង្កត់ធ្ងន់ថា កម្មសិទ្ធិបញ្ញា រួមទាំងពាណិជ្ជសញ្ញា ធ្វើតក្កកម្ម ការរចនាបែបឧស្សាហកម្មជាដើម ដើរតួនាទីយ៉ាងសំខាន់ជាទ្រព្យស្តុកស្តម្ភ និងជាឧបករណ៍ដ៏មានប្រសិទ្ធភាពសម្រាប់អាជីវកម្មដើម្បីបង្កើតគុណសម្បត្តិដោយឡែក។
ការកម្មសិទ្ធិបញ្ញាអំពីពាណិជ្ជសញ្ញា និងការរចនាបែបឧស្សាហកម្មជួយឲ្យផលិតផលអាជីវកម្មមានភាពលេចធ្លោ និងងាយស្រួលទទួលស្គាល់ដោយអ្នកប្រើប្រាស់ក្នុងចំណោមផលិតផលផ្សេងទៀតរាប់មិនអស់ តាមរយៈនោះកសាងទំនុកចិត្ត និងភាពស្មោះត្រង់របស់អតិថិជន។ នេះគឺជាដំណោះស្រាយទប់ស្កាត់ដៃគូថតចម្លងនិងអាជីវកម្មខុសច្បាប់នូវបច្ចេកវិជ្ជា និងដំណើរការផលិតផ្តាច់មុខរបស់អាជីវកម្ម ការពារគុណសម្បត្តិប្រកួតប្រជែងអំពីបច្ចេកវិជ្ជា ទន្ទឹមនិងនោះបង្កើតជារបាំងផ្លូវច្បាប់សម្រាប់ដៃគូប្រកួតប្រជែង។ ការរួមបញ្ចូលគ្នាយ៉ាងហ្មត់ចត់ពីការចុះបញ្ជីកម្មសិទ្ធិបញ្ញា ជាមួយនឹងកម្មវិធីដំណោះស្រាយបច្ចេកវិជ្ជាទប់ស្កាត់ទំនិញក្លែងក្លាយគឺជាយុទ្ធសាស្ត្រសំខាន់ដើម្បីជួយអាជីវកម្មវៀតណាមបង្កើតជាជំហររឹងមាំ និងលើកកម្ពស់ប្រៀបខ្លាំងប្រកួតប្រជែងទាំងលើទីផ្សារជាតិនិងអន្តរជាតិ។
នៅក្នុងសន្និបាតនេះ លោក ត្រាន់យ៉ាងឃ្វេ ប្រធានការិយាល័យកម្មសិទ្ធិបញ្ញាទីក្រុងហូជីមិញ បានរាយការណ៍អំពីប្រធានបទ “គ្រប់គ្រង និងអាជីវកម្មទ្រព្យបញ្ញាក្នុងអាជីវកម្ម”។ លោក ត្រាន់ហ្វាងយ្វី តំណាងក្រុមហ៊ុនភាគហ៊ុនបច្ចេកវិជ្ជាទប់ស្កាត់ទំនិញក្លែងបន្លំវៀតណាម (ACTIV) រាយការណ៍ឯកទេសបទ “ដំណោះស្រាយបច្ចេកវិជ្ជាទប់ស្កាត់ទំនិញក្លែងក្លាយ ការពារពាណិជ្ជសញ្ញាអាជីវកម្ម និងអ្នកប្រើប្រាស់”។ លោក ត្រាន់ង៉ុកហៀវ តំណាងការិយាល័យនាយកដ្ឋានកម្មសិទ្ធិបញ្ញាប្រចាំនៅទីក្រុងហូជីមិញ រាយការណ៍ឯកទេសបទ “នីតិវិធីចុះបញ្ជីស្លាកសញ្ញា និងការរចនាបែបឧស្សាហកម្ម”។
សន្និបាតហ្វឹកហ្វឺន "លើកកម្ពស់សមត្ថភាពប្រកួតប្រជែងតាមរយៈកម្មសិទ្ធិបញ្ញា និងវិធានការបច្ចេកវិជ្ជាទប់ស្កាត់ទំនិញក្លែងក្លាយ" ដើម្បីលើកកម្ពស់ការយល់ដឹងរបស់អង្គការ និងអាជីវកម្មអំពីតួនាទីនៃការតាមដានប្រភពដើម ការគ្រប់គ្រង និងការអភិវឌ្ឍកម្មសិទ្ធិបញ្ញាក្នុងសកម្មភាព ក៏ដូចជាការ ណែនាំ ដំណោះស្រាយបច្ចេកវិជ្ជាតាមដានប្រភពដើម ដើម្បីជួយអាជីវកម្មការពារពាណិជ្ជសញ្ញា និងការពារអ្នកប្រើប្រាស់។
ប្រែ៖ សំណាង
