នៅថ្ងៃទី២៩ ខែមិថុនា ក្រុមប្រឹក្សាប្រជាជនខេត្តអានយ៉ាង នីតិកាលទី១១ អាណត្តិ ២០២៦-២០៣១ បានបើកសម័យប្រជុំលើកទី៣ (សម័យប្រជុំឯកទេសបទ) ដើម្បីសម្រេចលើបញ្ហាសំខាន់ៗជាច្រើនដែលពាក់ព័ន្ធនឹងវិស័យនានា រួមមាន យន្តការ គោលនយោបាយសំខាន់ៗក្នុងការចេញ ការកំណត់ថ្លៃសេវា និងកម្រៃផ្សេងៗ ក្នុងការចុះបញ្ជីអាជីវកម្ម បរិស្ថាន ការងារ គម្រោងត្រូវដកហូតដីក្នុងឆ្នាំ២០២៦ គោលនយោបាយសន្តិសុខសង្គម គ្រប់គ្រងប្រជាជន និងគោលនយោបាយគាំទ្រជនជាតិភាគតិច កំណត់គោលនយោបាយគាំទ្រការវិនិយោគសាងសង់ហេដ្ឋារចនាសម្ព័ន្ធតំបន់ឧស្សាហកម្ម ព្រមជាមួយនោះចេញគោលនយោបាយលុបចោលឯកសារច្បាប់មួយចំនួន ដែលលែងសមស្របតាមបទប្បញ្ញត្តិច្បាប់បច្ចុប្បន្ន។
យោងតាមនោះ ខ្លឹមសារមួយក្នុងចំណោមខ្លឹមសារសំខាន់ៗនៃសម័យប្រជុំ គឺជាសេចក្តីសម្រេចចិត្តក្នុងការកំណត់ថ្លៃសេវា និងការគ្រប់គ្រងថ្លៃសេវា និងកម្រៃផ្សេងៗទៀតឲ្យស្របតាមស្ថានភាពជាក់ស្តែង និងបទប្បញ្ញត្តិច្បាប់ថ្មី។ ចំពោះប្រាក់កម្រៃចេញអាជ្ញាប័ណ្ណការងារសម្រាប់ជនបរទេស ក្រុមប្រឹក្សាប្រជាជនខេត្តបានឯកភាពកំណត់ចំនួន ៦០០.០០០ ដុង ក្នុងមួយអាជ្ញាប័ណ្ណថ្មី និង ៤៥០.០០០ ដុង សម្រាប់ការចេញឡើងវិញ និងពន្យាពេល។ ថវិកាដែលប្រមូលបានទាំងអស់ នឹងបញ្ជូនចូលថវិការដ្ឋ ១០០%។
ក្នុងវិស័យគ្រប់គ្រងបរិស្ថាន ថ្លៃសេវាវាយតម្លៃរបាយការណ៍ផលប៉ះពាល់បរិស្ថាន បានកំណត់តាមប្រភេទគម្រោង និងទុនវិនិយោគសរុប ស្ថិតក្នុងចន្លោះពី ៥ លានដុង ដល់ ៣២ លានដុង ក្នុងសំណុំឯកសារមួយ។ ថ្លៃសេវាវាយតម្លៃក្នុងការចេញអាជ្ញាប័ណ្ណបរិស្ថាន បានកំណត់ចាប់ពី ២,៥ លានដុង ដល់ជាង ១៩ លានដុង អាស្រ័យទៅដោយប្រភេទគម្រោង និងទីតាំងអនុវត្តដីគោកឬកោះសមុទ្ទ។
ជាពិសេសដើម្បីជំរុញសេដ្ឋកិច្ចឌីជីថល និងគាំទ្រការចាប់ផ្តើមអាជីព ប្រាក់កម្រៃចុះបញ្ជីអាជីវកម្មសម្រាប់គ្រួសារអាជីវកម្ម និងសហករណ៍ ត្រូវបានកំណត់ក្នុងចំនួន ១០០.០០០ដុង ក្នុងមួយលើកចេញ។ ចំពោះវិស័យទេសចរណ៍ប្រកបដោយចីរភាព ថ្លៃចូលទស្សនាតំបន់អភិរក្សសមុទ្ទភូគ្វឹក គឺ ៣០.០០០ ដុងម្នាក់ក្នុងមួយលើក ក្នុងនោះ ប្រាក់ប្រមូលបាន ចំនួន ៩០% នឹងរក្សាទុកសម្រាប់អង្គភាពគ្រប់គ្រង ដើម្បីវិនិយោគឡើងវិញ និងអភិរក្សធនធានធម្មជាតិ។
ក្នុងការអភិរក្សវប្បធម៌ជនជាតិភាគតិច ក្រុមប្រឹក្សាប្រជាជនខេត្តអានយ៉ាង បានឆ្លងគោលនយោបាយគាំទ្រថវិកាដល់អ្នកបង្រៀនភាសា និងអក្សរខ្មែរ ចិន និងចាម នៅតាមស្ថាប័នសាសនា និងកន្លែងបង្រៀនសហគមន៍។ កម្រិតគាំទ្របានកំណត់គឺ ៣០.០០០ ដុង ក្នុងមួយម៉ោងបង្រៀន ច្រើនបំផុតមិនលើសពី ២៤ ម៉ោងក្នុងមួយសប្តាហ៍ និងអនុវត្តរយៈពេល ១០ សប្តាហ៍ក្នុងមួយឆ្នាំ។ គោលនយោបាយនេះ មិនត្រឹមតែលើកទឹកចិត្តអ្នកបង្រៀននោះទេ តែថែមទាំងរួមចំណែកយ៉ាងសំខាន់ក្នុងការរក្សាភាសាកំណើតសម្រាប់យុវជនជនជាតិភាគតិចនៅអានយ៉ាងផងដែរ។
ទន្ទឹមនិងនោះ ដើម្បីបំពេញតម្រូវការអភិវឌ្ឍហេដ្ឋារចនាសម្ព័ន្ធបច្ចេកទេសនៅលើភូមិសាស្ត្រ ក្រុមប្រឹក្សាប្រជាជនខេត្តក៏បានឆ្លងការបន្ថែមបញ្ជីគម្រោងដែលត្រូវដកហូតដីដើម្បីអនុវត្តក្នុងឆាំ្ន២០២៦ ជាមួយនឹងគម្រោងចំនួន ៧ លើទំហំផ្ទៃដីសរុបជាង ១៤០ ហិកតា។ គម្រោងទាំងនេះ ប្រមូលផ្តុំលើគម្រោងផ្លូវគមនាគមន៍ចំនួន ៣ ដើម្បីបង្កើនការតភ្ជាប់អន្តរតំបន់ គម្រោងធារាសាស្ត្រធានាសន្តិសុខទឹកចំនួន ១ គម្រោងលំនៅដ្ឋានតាំងទីលំនៅថ្មីចំនួន ១ គម្រោងថាមពល ភ្លើងបំភ្លឺសាធារណៈចំនួន ១ និងគម្រោងកែច្នៃរ៉ែ ១។ ក្រៅពីនេះ ក្រុមប្រឹក្សាប្រជាជនខេត្ត ក៏បានមានសេចក្តីសម្រេចផ្ទេរគោលដៅប្រើប្រាស់ព្រៃការពារចំនួន ៩,៤ ហិកតា នៅឃុំតៃអៀន ដើម្បីសាងសង់ស្ពានលើខ្សែផ្លូវឆ្នេរសមុទ្ទ អានបៀន-រ៉ាច់យ៉ា ដែលជាគម្រោងហេដ្ឋារចនាសម្ព័ន្ធដឹកជញ្ជូនដ៏សំខាន់មួយជួយបំបែកភាពផ្តាច់មុខ និងបើកឱកាសថ្មីៗសម្រាប់ការអភិវឌ្ឍ។
ក្រុមប្រឹក្សាប្រជាជនខេត្តក៏បានចេញសេចក្តីសម្រេចចិត្តកំណត់លម្អិតគោលនយោបាយគាំទ្រការវិនិយោគសាងសង់ហេដ្ឋារចនាសម្ព័ន្ធតំបន់ឧស្សាហកម្មនៅលើភូមិសាស្ត្រអានយ៉ាង។ ដោយគាំទ្រទុនវិនិយោគសរុប ៣០% សម្រាប់គម្រោងសាងសង់ហេដ្ឋារចនាសម្ព័ន្ធបច្ចេកទេសនៅតំបន់ឧស្សាហកម្ម(មិនរាប់បញ្ចូលថ្លៃសំណង រំដោះផ្ទៃរាប និងឧបត្ថម្ភការតាំងទីលំនៅថ្មី)។ ប្រភពថវិកាអនុវត្ត គឺជារបស់ខេត្តត្រូវបានបែងចែក ស្របតាមច្បាប់ស្តីពីថវិការដ្ឋនិងបទប្បញ្ញត្តិច្បាប់ពាក់ព័ន្ធផ្សេងទៀត។
ក្រៅពីនេះ ក្រុមប្រឹក្សាប្រជាជនខេត្តអានយ៉ាងក៏បានដំណើរការលុបចោលឯកសារច្បាប់ជាច្រើនដែលលែងសមស្រប ដើម្បីកសាងប្រព័ន្ធច្បាប់ថ្មីឲ្យស៊ីសង្វាក់គ្នា និងបង្កើតជាបរិយាកាសច្បាប់ដោយតម្លាភាពសម្រាប់ប្រជាពលរដ្ឋ និងធុរកិច្ច។
ថ្លែងមតិនៅក្នុងសម័យប្រជុំ លោក ង្វៀន ថាញ់ ញ៉ាន ប្រធានក្រុមប្រឹក្សាប្រជាជនខេត្តអានយ៉ាង បានសង្កត់ធ្ងន់ថា ក្រុមប្រឹក្សាប្រជាជនខេត្តបានពិនិត្យនិងមានសេចក្តីសម្រេចឆ្លងសេចក្តីសម្រេចចិត្តចំនួន ១៩ ស្ថិតក្នុងវិស័យសំខាន់ៗជាច្រើន។ នេះសុទ្ឋតែខ្លឹមសារសំខាន់ និងបន្ទាន់ ត្រូវការពិនិត្យនិងមានសេចក្តីសម្រេចទាន់ពេលដើម្បីបំពេញតម្រូវការគ្រប់គ្រងរដ្ឋ បំពេញបន្ថែមយន្តការ និងគោលនយោបាយឲ្យល្អប្រសើ និងបង្កើតបរិយាកាសអំណោយផលសម្រាប់ការវិនិយោគ ការផលិតអាជីវកម្ម ក៏ដូចជាធានាគោលនយោបាយសន្តិសុខសង្គម ការពារជាតិ និងសន្តិសុខបានល្អនៅលើភូមិសាស្ត្រខេត្ត។
សេចក្តីសម្រេចចិត្តដែលឆ្លងទាំងនេះគឺជាមូលដ្ឋានច្បាប់ដ៏សំខាន់មួយដើម្បីបណ្តាថ្នាក់ បណ្តាផ្នែករៀបចំផ្សព្វផ្សាយអនុវត្តនាពេលខាងមុខ។ ទោះបីដូច្នេះក៏ដោយ ក៏តម្លៃនៃសេចក្តីសម្រេចចិត្ត មិនមែនស្ថិតត្រឹមតែបានឆ្លងនោះទេ បញ្ហាដែលសំខាន់គឺត្រូវផ្សព្វផ្សាយអនុវត្តឲ្យបានទាន់ពេលវេលា មានប្រសិទ្ធភាពជាក់ស្តែង បង្កើតបានការផ្លាស់ប្តូរជាក់លាក់ក្នុងការគ្រប់គ្រង ប្រតិបត្តិការ និងនាំមកនូវអត្ថប្រយោជន៍ជាក់ស្តែង សម្រាប់ប្រជាពលរដ្ឋ និងធុរកិច្ច។
លោក ង្វៀន ថាញ ញ៉ាន ប្រធានក្រុមប្រឹក្សាប្រជាជនខេត្ត បានស្នើឲ្យគណៈកម្មាធិការប្រជាជនខេត្ត មន្ទីរ ផ្នែកពាក់ព័ន្ឋ និងមូលដ្ឋាននានា ឲ្យរៀបចំផ្សព្វផ្សាយអនុវត្តសេចក្តីសម្រេចចិត្ត ដែលក្រុមប្រឹក្សាប្រជាជនខេត្តបានឆ្លងទាំងអស់ឲ្យបានឆាប់រហ័ស ម្ចាស់ការបង្កើតផែនការ កម្មវិធីសកម្មភាពជាក់លាក់ កំណត់ឲ្យបានច្បាស់លាស់នូវការទទួលខុសត្រូវ ពេលវេលាអនុវត្ត និងធានាថាគោលនយោបាយបានអនុវត្តឲ្យបានឆាប់និងមានប្រសិទ្ឋភាពនៅក្នុងជីវភាពប្រជាជន។
លោកប្រធានក្រុមប្រឹក្សាប្រជាជនខេត្តអានយ៉ាងក៏បានស្នើប្រចាំការក្រុមប្រឹក្សាប្រជាជន បណ្តាគណៈ បណ្តាក្រុមតំណាង និងតំណាងក្រុមប្រឹក្សាប្រជាជនខេត្ត បន្តពង្រឹងតួនាទីឃ្លាំមើល តាមដានការអនុវត្តសេចក្តីសម្រេចចិត្ត ឆ្លុះបញ្ចាំងបញ្ហាលំបាក និងបញ្ហាទាក់ទិនដែលកើតមានក្រៅផែនការក្នុងការអនុវត្តជាក់ស្តែង ដើម្បីរួមជាមួយស្ថាប័នមានសមត្ថកិច្ចពិនិត្យ ដោះស្រាយឲ្យបានទាន់ពេលវេលា និងធានាថាសេចក្តីសម្រេចចិត្តទាំងនេះមានប្រសិទ្ធភាពខ្ពស់ រួមចំណែកបំពេញបន្ថែមប្រព័ន្ធច្បាប់ បញ្ចេញសក្តានុពលធនធាន ជំរុញកំណើនសេដ្ឋកិច្ច លើកកម្ពស់គុណភាពជីវភាពប្រជាពលរដ្ឋ និងចូលទៅក្នុងជីវភាពរស់នៅបានឆាប់រហ័ស។ តាមរយៈនោះ រួមចំណែករធ្វើឲ្យស្ថាប័នអភិវឌ្ឍន៍របស់ខេត្តមានភាពល្អឥតខ្ចោះ ដោះសោធនធាន លើកកម្ពស់កំណើនសេដ្ឋកិច្ច លើកកម្ពស់គុណភាពជីវភាពប្រជាជន និងបង្កើតមូលដ្ឋានគ្រឹះរឹងមាំសម្រាប់ការអនុវត្តជោគជ័យនៃគោលដៅអភិវឌ្ឍន៍របស់ខេត្តក្នុងដំណាក់កាលថ្មី៕
ប្រែ៖ ណារីពៅ
