ព្រឹកថ្ងៃទី ១៨ ខែធ្នូ សម័ប្រជុំពេញអង្គមេគង្គតភ្ជាប់ ២០២៤ ក្រោមប្រធានបទ “ប្រភពទុនវិនិយោគនិងប្រភពធនធានមនុស្សសម្រាប់តភ្ជាប់ដោយចីរភាព” អាស្រ័យដោយថ្នាក់ដឹកនាំក្រសួងកសិកម្មនិងអភិវឌ្ឍន៍ជនបទ។ក្រសួងវិទ្យាសាស្ត្រនិងបច្ចេកវិជ្ជា។ គណកម្មាធិការប្រជាជនទីក្រុងហូជីមិញ។បក្ខភាគខេត្ត គណកម្មាធិការប្រជាជនខេត្តអានយ៉ាង និងគណកម្មាធិការប្រជាជនគ្រប់ខេត្តក្រុងតំបន់វាលទំនាបទន្លេគឺវឡុង រួមជាមួយនឹងតំណាង ៦០០រូបចូលរួម បានបើកសម័យនៅខេត្តអានយ៉ាង។
អញ្ជើញចូលរួមមានលោក ហ្វិញថាញ់ដាត សមាជិកគណៈកម្មាធិការមជ្ឈិមបក្ស រដ្ឋមន្ត្រីក្រសួងវិទ្យាសាស្ត្រ និងបច្ចេកវិជ្ជា។ លោក ង្វៀនគ្វឹន អតីតសមាជិកគណៈកម្មាធិការមជ្ឈិមបក្ស រដ្ឋមន្ត្រីក្រសួងវិទ្យាសាស្ត្រ និងបច្ចេកវិជ្ជា ប្រធានសមាគមស្វ័យប្រវត្តិកម្មវៀតណាម។ លោក ផានថាញប៊ិញ អតីតសមាជិកគណៈកម្មាធិការមជ្ឈិមបក្ស អតីតប្រធានគណៈកម្មាធិការវប្បធម៌ អប់រំ យុវជន កុមារជំទង់។ លោក ទ្រឿងក្វាងហ្វាយណាម អនុប្រធានគណៈកិច្ចការបរទេសមជ្ឈិម។ លោកស្រី ផាមធីឡាន អតីតអនុប្រធានហើយជាអគ្គលេខាធិការសហព័ន្ឋឧស្សាហកម្មនិងពាណិជ្ជកម្មវ/ណ ជំនាញការសេដ្ឋកិច្ច។លោក Kayzad Namdarian, កុងស៊ុលសេដ្ឋកិច្ច ស្ថានអគ្គកុងស៊ុលអូស្ត្រាលីប្រចាំទីក្រុងហូជីមិញ។លោក ផានវ៉ាន់ម៉ៃ សមាជិកគណៈកម្មាធិការមជ្ឈិមបក្ស អនុលេខាបក្ខភាគទីក្រុង ប្រធានគណៈកម្មាធិការប្រជាជនទីក្រុងហូជីមិញ។លោក ហូវ៉ាន់ម៉ឹង សមាជិកបម្រុងនៃគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង។លោក ឡេវ៉ាន់នឹង អនុលេខាអចិន្ត្រៃយ៍បក្ខភាគខេត្ត ប្រធានក្រុមប្រឹក្សាប្រជាជនខេត្តអានយ៉ាង រួមនឹងអ្នកជំនាញការ និងវាគ្មឹនតំណាងក្រសួង វិទ្យាស្ថានសាលារៀន។ តំណាងថ្នាក់ដឹកនាំបណ្តាមន្ទីរផ្នែករបស់បណ្តាខេត្ត ក្រុងនិងធុរកិច្ច និងសាខាខេត្ត ក្រុង និងធុរកិច្ចរបស់សមាគមទំនិញវៀតណាមគុណភាពខ្ពស់ មកពីតាមមូលដ្ឋានក្នុងប្រទេសទាំងមូល។
អញ្ជើញថ្លែងមតិនៅវេទិកានេះ លោក ហូវាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង បានឲ្យដឹងថា វេទិកាមេគង្គតភ្ជាប់ឆ្នាំ ២០២៤ គឺជាលើកទី៩ ដែលវេទិកានេះបានប្រព្រឹត្តទៅ (ឆ្នាំដំបូងត្រូវបានប្រារព្ធឡើងក្នុងឆ្នាំ ២០១៥ នៅទីក្រុងកឹនធឺ ដែលកើតចេញពីគំនិតផ្តួចផ្តើមរបស់ បណ្តាញតភ្ជាប់ថ្នាក់តំបន់ នៃខេត្តចំនួន ៤៖ អានយ៉ាង -បេនទ្រែ - កឹនធឺ - ដុងថាប និងក្រោយមកមានទីក្រុងហូជីមិញទៀត)។ ឆ្នាំនេះ វេទិកានេះអាស្រ័យដោយគណកម្មាធិកាប្រជាជនខេត្ត អានយ៉ាង និងទីក្រុងហូជីមិញ ជាសហប្រធានរៀបចំឡើងរួមជាមួយនឹងការរួមដំណើរបស់គណៈកម្មាធិការប្រជាជនខេត្តនិងទីក្រុងដូចជា បេនទ្រែ កឹនធឺ ដុងថាប ហូវយ៉ាង និងវិញឡុង។
អាចនិយាយបានថា វេទិកាមេគង្គតភ្ជាប់ គឺជាវេទិកាសេដ្ឋកិច្ចប្រចាំឆ្នាំដ៏ធំបំផុតនៅក្នុងតំបន់វាលទំនាបទន្លេគឺវឡុង ដែលមានអត្ថន័យវិជ្ជមាន ដែលជាសកម្មភាពប្រចាំឆ្នាំសម្រាប់ពាណិជ្ជករ សហគ្រិនកសិកម្ម កសិករ អ្នកគ្រប់គ្រង និងអ្នកជំនាញការ។ ទន្ទឹមនឹងនោះ ក៏ជា គោលដៅតភ្ជាប់ និងជំរុញកិច្ចសហប្រតិបត្តិការសេដ្ឋកិច្ចសង្គមគ្រប់ជ្រុងជ្រោយរវាងខេត្ត និងទីក្រុងក្នុងតំបន់វាលទំនាបទន្លេគឺវឡុងជាមួយទីក្រុងហូជីមិញ។ទន្ទឹមនិងនោះ បង្កើតលក្ខខណ្ឌឲ្យធុរកិច្ចក្នុងការទទួលបាន និងចាប់យកឱកាស និងបញ្ហាប្រឈមនៅពេលចូលរួមក្នុងទីផ្សារអន្តរជាតិ និងបង្កើនការតភ្ជាប់ សហប្រតិបត្តិការដើម្បីលើកកម្ពស់ឧត្តមភាពប្រកួតប្រជែង បង្កើតយុទ្ធសាស្ត្រអាជីវកម្មសមស្រប។ បណ្តាមូលដ្ឋាន អ្នកជំនួញ សហគ្រិនកសិកម្ម កសិករ អ្នកគ្រប់គ្រង អ្នកជំនាញការក្នុង និងក្រៅប្រទេសជួបប្រជុំគ្នាដើម្បីបង្កើតការតភ្ជាប់ បង្កើតទំនាក់ទំនង និងណែនាំផលិតផលដែលមានឧត្តមភាព និងសក្តានុភាពរបស់ខ្លួន។
វេទិកាតភ្ជាប់មេគង្គឆ្នាំ ២០២៤ ក្រោមប្រធានបទ “ជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងបច្ចេកវិជ្ជានៅតំបន់វាលទំនាបទន្លេគឺវឡុង - ទីក្រុងហូជីមិញ និងប្រទេសទាំងមូលឆ្ពោះទៅរកការអភិវឌ្ឍន៍ប្រកបដោយចីរភាពក្នុងបរិបទប្រកួតប្រជែងថ្មី”។ នេះជាឱកាសដ៏ល្អសម្រាប់ខេត្តអានយ៉ាង ដើម្បីឧទ្ទេសនាមដល់វិនិយោគិនក្នុងនិងក្រៅ្រប្រទេសអំពីសក្តានុភាព និងប្រៀបខ្លាំងរបស់ខេត្ត៖ កសិកម្ម ទេសចរណ៍ និងសេដ្ឋកិច្ចពាណិជ្ជកម្មតាមព្រំដែន តាមផែនការខេត្តដែលបានអនុម័ត ជំរុញការផ្សារភ្ជាប់តំបន់ និងការគាំទ្រពីមជ្ឈិមដើម្បី វិនិយោគអភិវឌ្ឍន៍សេដ្ឋកិច្ចតំបន់សេដ្ឋកិច្ចច្រកទ្វារព្រំដែនខេត្ត។
ទន្ទឹមនិងនោះ បង្កើនការតភ្ជាប់ និងពង្រីកកិច្ចសហប្រតិបត្តិការរវាងខេត្តអានយ៉ាង និងទីក្រុងហូជីមិញ និងខេត្ត ក្រុងក្នុងតំបន់វាលទំនាបទន្លេគឺវឡុង។ ទន្ទឹមនឹងនោះ បង្កើតលក្ខខណ្ឌអំណោយផលសម្រាប់ការបង្កើតការតភ្ជាប់ខ្សែចង្វាក់តម្លៃ ចាប់យកនិន្នាការទីផ្សារ តម្រង់ទិសសម្រាប់កសិកផល អនុវត្តបច្ចេកវិជ្ជាដើម្បីភ្ជាប់ខ្សែចង្វាក់តម្លៃ បង្កើនតម្លៃបន្ថែម និងជំរុញពាណិជ្ជកម្មកសិផល និងបង្កើនការធ្វើសមាហរណកម្មទីផ្សារ។
លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង បានសង្កត់ធ្ងន់ថា តាមរយៈវេទិកានេះ ខេត្ត អានយ៉ាង មានបំណងចង់ថ្លែងសារដ៏រឹងមាំទៅកាន់ថ្នាក់ដឹកនាំខេត្ត និងទីក្រុងនៅតំបន់វាលទំនាបទន្លេគឺវឡុងនិងទីក្រុងហូជីមិញ បណ្តាដៃគូរ បណ្តាវិនិយោគគិនក្នុង និងក្រៅប្រទេសគឺ អានយ៉ាង ត្រៀមខ្លួនជាស្រេចដើម្បីធ្វើកិច្ចសហប្រតិបត្តិការ និងចែករំលែកដោយការទទួលខុសត្រូវជាមួយគ្រប់ភាគីលើគ្រប់វិស័យ ពីការកៀរគរ និងប្រើប្រាស់ប្រភពទុនដោយប្រសិទ្ធភាពនៃ កិច្ចសហប្រតិបត្តិការក្នុងការអភិវឌ្ឍន៍បច្ចេកវិជ្ជា និងបណ្តុះបណ្តាលធនធានមនុស្សគុណភាពខ្ពស់ ជំរុញខ្លាំងការតភ្ជាប់ក្នុងតំបន់ អភិវឌ្ឍន៍ហេដ្ឋារចនាសម្ព័ន្ធដឹកជញ្ជូន ប្រព័ន្ធធារាសាស្រ្ត គ្រប់គ្រងប្រភពធនធានទឹក ឆ្លើយតបទៅនឹងការប្រែប្រួលអាកាសធាតុ និងអភិវឌ្ឍន៍ដោយចីរភាព”។
ថ្លែងមតិនៅវេទិកានេះ លោក ហ្វិញថាញ់ដាត រដ្ឋមន្ត្រីក្រសួងវិទ្យាសាស្ត្រ និងបច្ចេកវិជ្ជា បានមានប្រសាសន៍កថា មេគង្គតភ្ជាប់ គឺជាវេទិកាប្រចាំឆ្នាំដ៏មានកិត្យានុភាព និងជាស្ពានដ៏រឹងមាំមួយរវាងខេត្តតំបន់វាលទំនាបទន្លេគឺវឡុង និងទីក្រុងហូជីមិញ និងក្នុងប្រទេសទាំងមូល។ ទន្ទឹមនឹងនេះ កត់ត្រាទទួលស្គាល់ និងវាយតម្លៃខ្ពស់ចំពោះការរៀបចំវេទិកានេះ ជាមួយនឹងវិធីសាស្រ្តប្រកបដោយភាពច្នៃប្រឌិត មានលក្ខណៈបន្តវេន និងគោលដៅច្បាស់លាស់ក្នុងការដោះស្រាយបញ្ហាជាក់ស្តែង។បានផ្តើមចេញពីគំនិតផ្តួចផ្តើមដើម្បីភ្ជាប់តំបន់មេគង្គ ABCD (អាយ៉ាង - បេនទ្រែ - កឹនធឺ - ដុងថាប) មេគង្គតភ្ជាប់ មិនត្រឹមតែជាកន្លែងប្រមូលផ្តុំនូវគំនិត និងគំនិតផ្តួចផ្តើមប៉ុណ្ណោះទេ ថែមទាំងជាកន្លែងសម្រាប់តំបន់ ធុរកិច្ច អ្នកជំនាញការ និងអ្នកបង្កើតគោលនយោបាយពិភាក្សា និង ស្នើបណ្តាដំណោះស្រាយជាក់ស្តែង ដើម្បីជំរុញការអភិវឌ្ឍន៍ប្រកបដោយចីរភាពសម្រាប់តំបន់ទាំងមូល។
រដ្ឋមន្ត្រីក្រសួងវិទ្យាសាស្ត្រ និងបច្ចេកវិជ្ជាបានមានប្រសាសន៍ថា ការតភ្ជាប់យ៉ាងជិតស្និទ្ធរវាងតំបន់វាលទំនាបទន្លេមេគង្គ និងទីក្រុងហូជីមិញ គឺជាមជ្ឈមណ្ឌលសេដ្ឋកិច្ច ពាណិជ្ជកម្ម និងបច្ចេកវិជ្ជានាំមុខគេនៃប្រទេស នេះគឺជាគន្លឹះដើម្បីជម្នះរាល់បញ្ហាប្រឈម បង្កើនប្រសិទ្ធភាពប្រភពធនធាន និងបង្កើនតម្លៃលើតម្លៃសម្រាប់តំបន់។
ទន្ទឹមនឹងនេះ តាមរយៈវេទិកាដូចជាមេគង្គតភ្ជាប់ នាពេលបច្ចុប្បន្ននេះ តំបន់វាលទំនាបទន្លេគឺវឡុងកំពុងបញ្ជាក់ពីការយកចិត្តទុកដាក់ជាបណ្តើរៗនិងជំរុញខ្លាំងបណ្តាសកម្មភាព និងទម្រង់ចាប់ផ្តើមអាជីពតាមការតម្រង់ទិសអភិវឌ្ឍន៍ជានិរន្តរភាព សេដ្ឋកិច្ចបៃតង បច្ចេកវិជ្ជាបៃតង ជំរុញពាណិជ្ជកម្មជានិរន្តរភាព ប្រើប្រាស់ធនធានក្នុងមូលដ្ឋានបានល្អ។ . នេះគឺជាទិសដៅដ៏ត្រឹមត្រូវ ដើម្បីតាមទាន់និន្នាការពិភពលោក ក្នុងការឆ្លើយតបទៅនឹងការប្រែប្រួលអាកាសធាតុ និងលើកកម្ពស់ការប្រកួតប្រជែងក្នុងតំបន់។
ប្រែ៖ ណារីពៅ
