រសៀលថ្ងៃទី៤ ខែសីហា គណៈកម្មាធិការប្រជាជនខេត្តបានបើកកិច្ចប្រជុំពិភាក្សាឯកទេសកម្មដើម្បីឆ្លងសមាជិកគណៈកម្មាធិការប្រជាជនខេត្តស្តីពីខ្លឹមសារដែលស្ថិតក្រោមសមត្ថកិច្ចសម្រេចរបស់គណៈកម្មាធិការប្រជាជនខេត្ត និងឆ្លងគណៈអចិន្ត្រៃយ៍បក្ខភាគនៃគណកម្មាធិការប្រជាជនខេត្ត។ កិច្ចប្រជុំនេះធ្វើអធិបតីភាពដោយលោក ហូវ៉ាន់ម៉ឹង សមាជិកគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្ត និងមានការចូលរួមពីបណ្តាអនុប្រធានគណៈកម្មាធិការប្រជាជនខេត្តផងដែរ។
នៅក្នុងកិច្ចប្រជុំ សមាជិកគណៈកម្មាធិការប្រជាជនខេត្តបានពិភាក្សា និងផ្តល់យោបល់តាមរយៈឯកសារនានាដែលស្ថិតក្រោមសមត្ថកិច្ចនៃសេចក្តីសម្រេចរបស់គណៈកម្មាធិការប្រជាជនខេត្ត និងបណ្តាឯកសារដែលឆ្លងដោយគណៈអចិន្ត្រៃយ៍បក្ខភាគនៃគណកម្មាធិការប្រជាជនខេត្ត។
ក្នុងនោះ មន្ទីរហិរញ្ញវត្ថុធ្វើសេនាធិការលើខ្លឹមសារចំនួន២៖ បទជម្រាបគណៈកម្មាធិការប្រជាជនខេត្តដាក់ជូនកម្មវិធីសកម្មភាពអនុវត្តសេចក្តីសន្និដ្ឋានលេខ ១២៣-KL/TW ចុះថ្ងៃទី ២៤ ខែមករា ឆ្នាំ២០២៥ របស់គណៈកម្មាធិការប្រតិបត្តិមជ្ឈិមបក្ស ស្តីពីគម្រោងបំពេញបន្ថែមលើការអភិវឌ្ឍន៍សេដ្ឋកិច្ចសង្គមឆ្នាំ ២០២៥ ជាមួយគោលដៅកំណើនសម្រេចបាន ៨% ឡើងទៅ (ខ្លឹមសារដាក់ជូនគណៈអចិន្ត្រៃយ៍បក្ខភាគគណៈកម្មាធិការប្រជាជនខេត្តពិនិត្យ ដើម្បីដាក់ជូនគណអចិន្ត្រៃបក្ខភាគខេត្ត)។ សេចក្តីព្រាងសេចក្តីសម្រេចបង្កើតគណៈកម្មការណែនាំថ្នាក់ខេត្ត និងសេចក្តីព្រាងសេចក្តីសម្រេចបង្កើតក្រុមជួយការងារ គណៈកម្មការណែកនាំខេត្ត ដើម្បីត្រៀមនិងរៀបចំ សកម្មភាពក្នុងក្របខ័ណ្ឌវេទិកា APEC-២០២៧ នៅតំបន់ពិសេសភូក្វុក ខេត្តអានយ៉ាង។
មន្ទីរសុខាភិបាលធ្វើសេនាធិការលើខ្លឹមសារណែនាំចំនួន៥៖ សេចក្តីសម្រេចគោលការណ៍វិនិយោគលើគម្រោងប្រព័ន្ធស្កេនសរសៃឈាមបំបាត់ផ្ទៃខាងក្រោយ (DSA) សម្រាប់មន្ទីរពេទ្យថ្នាក់ខេត្ត។សេចក្តីសម្រេចគោលការណ៍វិនិយោគលើគម្រោងប្រព័ន្ធលាងឈាមតម្រងនោមសិប្បនិម្មិតសម្រាប់មូលដ្ឋានសុខាភិបាល។ សេចក្តីសម្រេចគោលការណ៍វិនិយោគលើគម្រោងឧបករណ៍សុខាភិបាលសម្រាប់មជ្ឈមណ្ឌលសុខាភិបាលចូវភូ សេចក្តីសម្រេចលើគោលការណ៍វិនិយោគលើគម្រោងប្រព័ន្ធស្កេន TC សម្រាប់មន្ទីរពេទ្យពហុព្យាបាលអានយ៉ាង សេចក្តីសម្រេចគោលការណ៍វិនិយោគលើគម្រោងបរិក្ខារសុខាភិបាលសម្រាប់មន្ទីរពេទ្យពហុព្យាបាលដោយ វេជ្ជឱសថសាស្ត្របុរាណនិងស្តារនីតិសម្បទាអានយ៉ាង។
មន្ទីរកិច្ចការផ្ទៃក្នុងសេនាធិការលើបញ្ជីមុខសញ្ញា និងគ្រោងថវិកាសម្រាប់ការអនុវត្តរបប និងគោលនយោបាយ យោងតាមអនុក្រឹត្យលេខ ១៧៨/២០២៤/ND-CP។ អនុក្រឹត្យលេខ ៦៧/២០២៥/ND-CP (ខែសីហា ២០២៥) សម្រាប់ ៤០៥ ករណី ក្នុងនោះគោលនយោបាយចូលនិវត្តន៍មុនអាយុ ២៣៨ ករណី។គោលនយោបាយលាលែងពីការងារ ១៦៧ ករណី។
មន្ទីរកសិកម្ម និងបរិស្ថាន សេនាធិការខ្លឹមសារបទជម្រាបស្តីពីការទទួលស្គាល់សិទ្ធិប្រើប្រាស់ដីសម្រាប់មជ្ឈមណ្ឌលវេជ្ជសាស្ត្រភូក្វុក យោងតាមបទជម្រាបលេខ ៩៩/TTr-SNNMT ចុះថ្ងៃទី ២២ ខែកក្កដា ឆ្នាំ ២០២៥ និងទទួលស្គាល់សិទ្ធិប្រើប្រាស់ដីសម្រាប់បញ្ជាការដ្ឋានកងទ័ពជើងទឹកភូមិភាគទី ៥ នៅក្នុងបទជម្រាបលេខ ១០០/TTr-SNNMT របស់មន្ទីរកសិកម្ម និងបរិស្ថាន។
មន្ទីរយុត្តិធម៌បានធ្វើសេនាធិការលើខ្លឹមសាររបាយការណ៍ស្តីពីលទ្ធផលត្រួតពិនិត្យដោយខ្លួនឯងនៃសេចក្តីសម្រេចលេខ ២៧/២០២៤/QD-UBND ចុះថ្ងៃទី ៩ ខែតុលា ឆ្នាំ ២០២៤ របស់គណៈកម្មាធិការប្រជាជនខេត្តគៀនយ៉ាងផ្សព្វផ្សាយបទប្បញ្ញត្តិស្តីពីការសងសំណង ការគាំទ្រ និងការតាំងទីលំនៅថ្មីនៅពេលដែលរដ្ឋដកហូតដីលើភូមិសាស្ត្រខេត្តគៀនយ៉ាង៕
ប្រែ៖ ណារីពៅ
