រសៀលថ្ងៃទី ៣១ ខែកក្កដា លោក ហូវ៉ាន់ម៉ឹង សមាជិកបម្រុងនៃគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង បានដឹកនាំគណៈប្រតិភូក្រុមការងាររបស់គណៈកម្មាធិការប្រជាជនខេត្តធ្វើការអំពីស្ថានភាព និងលទ្ធផលអនុវត្តភារកិច្ចបង្ការទប់ស្កាត់ការនេសាទខុសច្បាប់ គ្មានរបាយការណ៍ និងគ្មានយោងតាមបទប្បញ្ញត្តិ (IUU) ក្នុងតំបន់ពិសេសភូក្វុក។
ក្រុមការងារបានត្រួតពិនិត្យជាក់ស្តែង និងស្តាប់របាយការណ៍ស្តីពីការងារត្រួតពិនិត្យ ឃ្លាំមើល និងគ្រប់គ្រងសកម្មភាពនាវានេសាទ។ ស្ថានភាពនាវានេសាទចូល និងចាកចេញពីកំពង់ផែ។ ការអនុវត្តបទប្បញ្ញត្តិស្តីពីការចុះបញ្ជី ការត្រួតពិនិត្យ ការផ្តល់អាជ្ញាប័ណ្ណផលិតផលជលផល និងការអនុវត្តតាមបទប្បញ្ញត្តិបង្ការទប់ស្កាត់ការនេសាទ IUU នៅកំពង់ផែនេសាទត្រីអានធើយ។
គណៈប្រតិភូបានធ្វើការជាមួយកម្លាំងទ័ពការពារព្រំដែននៅតំបន់ពិសេសភូក្វុក ដើម្បីស្តាប់របាយការណ៍ស្តីពីស្ថានភាពសន្តិសុខ សណ្តាប់ធ្នាប់នៅលើសមុទ្រ និងស្ថានភាពគ្រប់គ្រងនេសាទករ និងនាវានេសាទដែលប្រតិបត្តិការនៅតំបន់នោះ។
យោងតាមមន្ទីរកសិកម្ម និងបរិស្ថានខេត្តអានយ៉ាង នាពេលថ្មីៗនេះ សាខានាយកដ្ឋានជលផល និងឃ្លាំមើលនេសាទករបានសហការជាមួយប៉ុស្ត៍និងស្ថានីយត្រួតពិនិត្យព្រំដែន ការិយាល័យជំនាញនៃតំបន់ពិសេសភូក្វុក ដើម្បីបង្កើនការល្បាត និងត្រួតពិនិត្យនាវានេសាទដែលកំពុងប្រតិបត្តិការនៅតំបន់ឆ្នេរ និងឈូងសមុទ្រ គួបផ្សំនឹងការឃោសនាលើកកម្ពស់ការយល់ដឹងអំពីការបង្ការទប់ស្កាត់ការនេសាទ IUU។ ស្នើសុំម្ចាស់នាវានេសាទ នាំយកនាវារបស់ខ្លួនមកពិនិត្យ ដើម្បីទទួលបានវិញ្ញាបនបត្រសុវត្ថិភាពបច្ចេកទេសសម្រាប់នាវានេសាទ និងអាជ្ញាប័ណ្ណនេសាទ។ គ្រប់គ្រងនាវានេសាទដែលមិនគ្រប់លក្ខខណ្ឌឲ្យបានតឹងរ៉ឹង និងមិនអនុញ្ញាតឲ្យចូលរួមនេសាទជាដាច់ខាត។
ពង្រឹងការិយាល័យតំណាងអធិការកិច្ច ពិនិត្យ និងត្រួតពិនិត្យជលផលនៅកំពង់ផែនេសាទត្រីអានធើយ ដើម្បីឆ្លើយតបតម្រូវការគ្រប់គ្រងនាវានេសាទ ដែលចាកចេញពីកំពង់ផែ ចេញដំណើរ និងចូលមកចតកំពង់ផែ។ ឃ្លាំមើលបរិមាណតាមរយៈកំពុងផែ បញ្ជាក់វត្ថុធាតុដើមផលជលនេសាទ។ សហការជាមួយនឹងអង្គភាពមុខងារក្នុងតំបន់ពិសេសភូក្វុក រៀបចំនាវានេសាទត្រីបោះយុថ្កា និងផ្លាស់ទីបែត្រី ដើម្បីធានាសណ្តាប់ធ្នាប់ និងសុវត្ថិភាពសម្រាប់មនុស្ស និងយានជំនិះដែលចេញចូលកំពង់ផែនិងបោះយុថ្កាក្នុងទឹកនៅមុខកំពង់ផែនេសាទត្រី។
មន្ទីរកសិកម្ម និងបរិស្ថាន សហការជាមួយគណៈកម្មាធិការប្រជាជននៃតំបន់ពិសេសភូក្វុក កងកម្លាំងមុខងារ បង្កើនការគ្រប់គ្រងនាវានេសាទរបស់តំបន់ពិសេស និងគ្រប់គ្រងឲ្យបានល្អនូវនាវានេសាទដែលចាកចេញ និងមកដល់កំពង់ផែ តាមដានប្រភពដើមផលិតផលជលផល ដើម្បីត្រៀមទទួល និងធ្វើការជាមួយគណៈប្រតិភូអធិការកិច្ចនៃគណៈកម្មការអឺរ៉ុប (EC) លើកទី៥។
ថ្លែងមតិនៅក្នុងកិច្ចប្រជុំ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង បានកត់ត្រាទទួលស្គាល់ការខិតខំប្រឹងប្រែង និងការទទួលខុសត្រូវរបស់ស្ថាប័ន អង្គភាព និងមូលដ្ឋានក្នុងការអនុវត្តភារកិច្ចបង្ការទប់ស្កាត់នឹងការនេសាទខុសច្បាប់ គ្មានរបាយការណ៍ និងគ្មានយោងតាមបទប្បញ្ញត្តិ(IUU)។ ទោះបីជាដូច្នេះ ខេត្តនេះមាននាវានេសាទត្រីច្រើនណាស់ ចាប់ពីតំបន់សមុទ្ររបស់ខេត្តចេញដំណើរទៅតំបន់សមុទ្របរទេសវាក៏ជិតដែរ ក៏ដូចជាបញ្ហាលំបាក ចំណុចខ្វះខាត និងដែនកំណត់មួយចំនួនទៀតមិនទាន់បានដោះស្រាយបានដាច់ស្រេច។
សមមិត្ត ហូវ៉ាន់ម៉ឹង បានស្នើថា នាពេលខាងមុខ ស្ថាប័ន អង្គភាព និងមូលដ្ឋានត្រូវបន្តអនុវត្តបានល្អនូវការណែនាំរបស់ការិយាល័យនយោបាយ គណលេខាបក្ស ស្មារតីនៃសារទូរលេខរបស់នាយករដ្ឋមន្ត្រីរដ្ឋាភិបាល និងអនុសាសន៍ទាំងបួនរបស់គណៈកម្មការអឺរ៉ុប (EC)។ មន្ទីរកសិកម្ម និងបរិស្ថាន ពិនិត្យឯកសារ និងបទប្បញ្ញតិ្តការសហការ ដែលទាំងអស់ត្រូវតែបង្ហាញពីស្មារតីរបស់នាយករដ្ឋមន្ត្រី “៦ ច្បាស់”៖ ច្បាស់មនុស្ស ច្បាស់ការងារ ច្បាស់ពេលវេលា ច្បាស់ទំនួលខុសត្រូវ ច្បាស់ផលិតផល ច្បាស់សមត្ថកិច្ច។
ប្រធានគណៈកម្មាធិការប្រជាជនខេត្តអានយ៉ាង ជាពិសេសបានកត់សម្គាល់ថាចាប់ពីថ្ងៃទី ៥ ដល់ថ្ងៃទី ២០ ខែសីហា ស្ថាប័ន អង្គភាព និងមូលដ្ឋាននឹងចាប់ផ្តើមដំណាក់កាលកំពូលដោះស្រាយនិងចាត់ការតាមផ្លូវច្បាប់ចំពោះទូកនេសាទ "៣ គ្មាន" និងទូកនេសាទត្រី "៣ គ្មានសក្តានុពល" នៅលើភូមិសាស្ត្រខេត្ត។
កងកម្លាំងសមត្ថកិច្ចត្រូវបំពេញភារកិច្ចស្របតាមបទប្បញ្ញត្តិច្បាប់ស្តីពីការគ្រប់គ្រង តាមដានស្ថានភាព និងនីតិវិធីចេញដំណើរ ត្រួតពិនិត្យឧបករណ៍ធ្វើដំណើរកំពុងប្រតិបត្តិការនៅលើនាវាមុនពេលចេញដំណើរ ទន្ទឹមនិងនោះ បញ្ជាទិញកម្មវិធីស្វ័យប្រវត្តិបន្ថែមដើម្បីប្រទះឃើញនិងព្រមានឧបករណ៍តាមដានដំណើរ (VMS) នៅពេលបាត់ការតភ្ជាប់ និងមានហានិភ័យបំពាន ហើយប្រសិនបើមានការបំពាននោះ នឹងត្រូវចាត់ការតាមបទប្បញ្ញត្តិច្បាប់។
កងកម្លាំងសមត្ថកិច្ចអនុវត្តច្បាប់យ៉ាងម៉ឺងម៉ាត់ ដោះស្រាយបំពានរដ្ឋបាល និងព្រហ្មទ័ណ្ឌ ដោយកម្រិតខ្ពស់បំផុតយោងតាមបទប្បញ្ញត្តិច្បាប់ នៅពេលដែលនេសាទករនេសាទដោយខុសច្បាប់ ដោយគ្មានការរាយការណ៍ និងគ្មានយោងតាមបទប្បញ្ញត្តិ។ បង្កើនការផ្សព្វផ្សាយចម្រុះ ឃើញផ្ទាល់ភ្នែកសម្រាប់នេសាទករអំពីការរំលោភបំពានលើការនេសាទ IUU និងកម្រិតដោះស្រាយតាមបទប្បញ្ញត្តិច្បាប់ដើម្បីនេសាទករទាំងអស់យល់ និងអនុវត្តតាម។
ប្រែ៖ ណារីពៅ
