គម្រោងផ្លូវល្បឿនលឿន ចូវដុក – កានធើ – សុកត្រាំង ដំណាក់កាលទី ១ ផ្នែកឆ្លងកាត់ខេត្តអានយ៉ាង កំពុងបានអ្នកម៉ៅការពន្លឿនដោយស្មារតី “ជម្នះក្តៅ ជម្នះភ្លៀង” “ហូបលឿន ដេកបន្ទាន់” ប្តេជ្ញាសម្រេចគម្រោងការក្នុងរយៈពេលឆាប់បំផុត។
គម្រោងផ្លូវល្បឿនលឿន ចូវដុក - កាន់ធើ - សុកត្រាំង ដំណាក់កាលទី ១ មានប្រវែង ១៨៨.២ គីឡូម៉ែត្រ មានគន្លងផ្លូវចំនួន ៤ និងការវិនិយោគសរុបចំនួន ៤៤.៦៩១ ពាន់លានដុង។ គម្រោងនេះ បានបែងចែកជា៤គម្រោងសមាសភាគក្នុងនោះគណៈកម្មាធិការប្រជាជនខេត្តអានយ៉ាងជាស្ថាបនគ្រប់គ្រងគម្រោងសមាសភាគ១ មានប្រវែង៥៧គីឡូម៉ែត្រ ដោយមានទុនវិនិយោគសរុប១៣.៥២៦ពាន់លានដុង។
បន្ទាប់ពីកិច្ចខិតខំប្រឹងប្រែងជាច្រើនក្នុងការដោះស្រាយអំពីបញ្ហាទាក់ទិនដល់ប្រភពសម្ភារៈ និងការអនុវត្តដំណោះស្រាយបច្ចេកទេសដើម្បីកាត់បន្ថយល្បឿនសាងសង់ គម្រោងនេះបានបេ្តជ្ញាថានឹងបើកដំណើរការជាមូលដ្ឋាននៅថ្ងៃទី ១៩ ខែធ្នូ ឆ្នាំ ២០២៥ ពោលគឺលឿនជាងជិត ៦ ខែធៀបនឹងផែនការ និងបញ្ចប់ដាក់ឲ្យដំណើរការស្របគ្នានៅឆ្នាំ ២០២៧។
គិតដល់ថ្ងៃទី១ ខែសីហា បរិមាណផលនៃការសាងសង់សម្រេចបាន ៥៤,០៨% លើសពីផែនការ ០,១៤%។ខេត្តអានយ៉ាង បានបញ្ចេញថវិកាជិត ១.៤៥០ ពាន់លានដុង ក្នុងចំណោមដើមទុនសរុបជិត ៣.៤៥០ ពាន់លានដុងដែលបានបែងចែកក្នុងឆ្នាំ ២០២៥ នេះ សម្រេចបានជាង ៤២%។
លោក វ៉ដាយថាច់ អគ្គនាយករងនៃក្រុមហ៊ុនភាគហ៊ុនថាញ់ហ្វី មានប្រសាសន៍ថា អង្គភាពកំពុងទទួលបន្ទុកសាងសង់កញ្ចប់ម៉ៅការលេខ ៤៤ នៃគម្រោងសមាសភាគទី១ ដោយមានប្រវែងសរុប ៥,៥៦គីឡូម៉ែត្រ។ រហូតមកដល់ពេលនេះ បរិមាណផលនៃការសាងសង់សម្រេចបានប្រមាណ ៥៩,០៣/៥៨,០១% (លើសប្រហែល ១,០២%) នៃតម្លៃកិច្ចសន្យា។ បច្ចុប្បន្ន អង្គភាពកំពុងផ្តោតលើការសាងសង់ក្រាលកៅស៊ូនៅលើក្បាលស្ពានទាំងសងខាង ដោយចាក់សមាសធាតុសុវត្ថិភាពចរាចរណ៍ + ប្រព័ន្ធ ITS ប្រមូលផ្ដុំថ្មកំទេច និងថ្មសម្រាប់សំណង់បេតុងផ្លាស្ទិចជាដើម ដោយមានកម្មាភិបាល វិស្វករ កម្មករជាង១៤០នាក់ និងម៉ូតូគ្រប់ប្រភេទជិត៦០គ្រឿង។
តាមការសន្និដ្ឋាននៅដើមខែកញ្ញា អង្គភាពនឹងចាប់ផ្តើមកាត់បន្ថយការដឹកជញ្ជូន ហើយខិតខំក្រាលផ្ទៃស្ពាន និងផ្លូវក្បាលស្ពាន ហើយក្រាលផ្លូវបន្ថែម ២ គីឡូម៉ែត្រទៀតនូវខែធ្នូ បង្កើនប្រវែងផ្លូវសរុបដែលបានក្រាលរួចរាល់ប្រមាណ ៣,៥គីឡូម៉ែត្រ/៥,៥៦គីឡូម៉ែត្រនៃផ្លូវទាំងមូល។ ចំណែកផ្នែកដែលនៅសេសសល់នឹងបានកាត់បន្ថយការដឹកជញ្ជូន និងផ្គត់ផ្គង់ថ្មកំទេចជាដើម” លោក វ៉ដាយថាច់ ព័ត៌មាន។
លោក ឌិញវ៉ាន់ត ប្រធានគណគ្រប់គ្រងគម្រោងការខេត្តអានយ៉ាងបានឲ្យដឹងថា៖អ្នកវិនិយោគបានតាមដានយ៉ាងដិតដល់នូវល្បឿនផ្សព្វផ្សាយអនុវត្តគម្រោងជារៀងរាល់សប្តាហ៍ ដើម្បីជំរុញការអនុវត្ត។ ទន្ទឹមនឹងនោះ សហការយ៉ាងជិតស្និទ្ធជាមួយវិស័យ និងអ្នកម៉ៅការ ដើម្បីដោះស្រាយការលំបាកនិងឧបសគ្គនានាក្នុងពេលដំណើរការសាងសង់បានទាន់ពេល ដើម្បីពន្លឿនល្បឿនអនុវត្ត និងធានាគុណភាពគម្រោង។
ក្នុងដំណើរត្រួតពិនិត្យល្បឿននៃការសាងសង់គម្រោងនៅសង្កាត់វិញតេ នៅចុងខែកក្កដាទើបកន្លងទៅនេះ លោក ផាមមីញជីញ នាយករដ្ឋមន្ត្រីរដ្ឋាភិបាល បានស្នើថា៖ អ្នកម៉ៅការប្រមូលធនធានមនុស្ស គ្រឿងចក្រ និងមធ្យោបាយជាអតិបរមា ដើម្បីផ្សព្វផ្សាយនូវដំណោះស្រាយពន្លឿនល្បឿន“ឆ្លៀតយកជ័យជម្នះសម្រុកឡើង” ខិតខំកាត់បន្ថយពេលវេលា ប៉ុន្តែត្រូវធានាគុណភាព បច្ចេកទេស សោភ័ណ្ឌភាព និងសាងសង់ដោយសុវត្ថិភាព។ ក្នុងដំណើរសាងសង់ប្រសិនបើត្រូវការអ្វី ខ្វះអ្វីត្រូវតែរាយការណ៍ជាបន្ទាន់។គណៈកម្មាធិការបក្ស អាជ្ញាធរ និងប្រជាជនខេត្តអានយ៉ាង បន្តគាំទ្រកម្មាភិបាល វិស្វករ និងកម្មករលើការដ្ឋានសំណង់ទាំងសម្ភារៈ និងស្មារតី “មិនទុកឲ្យកម្មករ និងវិស្វករឯងកោនៅក្នុងការដ្ឋាននោះទេ”៕
ប្រែ៖ ណារីពៅ
