បន្តកម្មវិធីការងារនៅខេត្តអានយ៉ាង នៅនាវេលាថ្ងៃត្រង់ថ្ងៃទី ២១ កក្កដា លោក ផាមមីញជីញ នាយករដ្ឋមន្ត្រីរដ្ឋាភិបាល រួមជាមួយនិងគណៈប្រតិភូមជ្ឈិមបានពិនិត្យល្បឿនសាងសង់សមាសភាគទី ១ នៃគម្រោងវិនិយោគសាងសង់ផ្លូវល្បឿនលឿន ចូវដុក - កាន់ធើ - សុកត្រាំង ដំណាក់កាលទី១។ អញ្ជើញចូលរួមមានលោក ង្វៀនទៀនហៃ សមាជិកគណៈកម្មាធិការមជ្ឈិមបក្ស លេខាបក្ខភាគខេត្តអានយ៉ាង ប្រចាំការបក្ខភាគខេត្ត គណៈកម្មាធិការប្រជាជន មន្ទីរ គណ ផ្នែកខេត្ត។
មកដល់ដំណាក់កាលរាយការណ៍ បរិមាណផលសាងសង់សម្រេចបាន ៥២,៨៧% (លើសពីប្រហែល ០,១៣% ធៀបនឹងតម្លៃកិច្ចសន្យា)។បណ្តាអង្គភាពផ្គត់ផ្គង់ខ្សាច់បានផ្តល់ឲ្យគម្រោងសមាសភាគទី ១ ជិត ៥,៥ លានម៣ (ក្នុងចំណោមបរិមាណខ្សាច់សរុប ៩,៣ម៣ ដែលត្រូវការសម្រាប់គម្រោង)។ បរិមាណផលថ្មបានផ្គត់ផ្គង់ជាសរុបគឺ ២២១,៣៥៧ម៣(ក្នុងចំណោមបរិមាណផលសរុបជិត ១,២ លានម៣)។ បានផ្តល់ថវិកាបាន ១.៣៩៤ ពាន់លានដុង (សម្រេចបានអត្រា៤០,៤%)។
បន្ទាប់ពីបានស្តាប់របាយការណ៍របស់វិនិយោគិន និងអង្គភាពសាងសង់អំពីស្ថានភាបអនុវត្តគម្រោងរួចមក លោក ផាមមីញជីញ នាយករដ្ឋមន្ត្រីរដ្ឋាភិបាល បានមានប្រសាសន៍ថា បណ្តាបញ្ហាទាក់ទិននឹងការរំពោះផ្ទៃរាប និងប្រភពវត្ថុធាតុដើមត្រូវបានដោះស្រាយទាំងស្រុងដោយខេត្ត និងមជ្ឈិម។ អាស្រ័យហេតុនេះ ស្នើសុំនូវការត្រួតពិនិត្យ និងដាល់តឿនជាបន្តទៀត “ឆ្លៀតពេលកំពុងឈ្នះសម្រុកចូល” ដើម្បីកាត់បន្ថយការសាងសង់បន្ថែមទៀត ដើម្បីឲ្យគម្រោងនេះ អាចបើកដំណើរការបានក្នុងខែធ្នូ ឆ្នាំ២០២៥ (ជំនួសឲ្យថ្ងៃទី៣០ ខែមិថុនា ឆ្នាំ២០២៦) ប៉ុន្តែនៅតែធានាបាននូវគុណភាពសំណង់និងសុវត្ថិភាពអនាម័យពលកម្ម។ ក្នុងអំឡុងពេលដំណើរការនេះ ចាំបាច់ត្រូវតែប្រមូលផ្តុំការចូលរួមជាអតិបរមារបស់ធុរកិច្ច អង្គការមហាជន និងប្រជាជន ហើយផ្តល់ការលើកទឹកចិត្តទាំងខាងសម្ភារៈ និងស្មារតីដល់កម្លាំងសាងសង់គម្រោង។
គណៈប្រតិភូនៃនាយករដ្ឋមន្ត្រីរដ្ឋាភិបាលបានអញ្ជើញទៅទស្សនា និងត្រួតពិនិត្យសកម្មភាពនៅមជ្ឈមណ្ឌលបម្រើការរដ្ឋបាលសាធារណៈ និងធ្វើការជាមួយបក្ខភាគ ក្រុមប្រឹក្សាប្រជាជន គណៈកម្មាធិការប្រជាជន និងគណៈកម្មាធិការរណសិរ្សមាតុភូមិវៀតណាមនៃសង្កាត់ ធើយសឺន។ នេះជាភូមិសាស្ត្រព្រំដែន (ប្រវែងព្រំដែនប្រហែលជា ៥,៥គីឡូម៉ែត្រ) ជាប់នឹងព្រះរាជាណាចក្រកម្ពុជា។ សង្កាត់បានផ្តោតលើការជួសជុល និងលើកកម្ពស់ទីស្តីការមជ្ឈមណ្ឌលបម្រើការរដ្ឋបាលសាធារណៈឲ្យកាន់តែស្រឡះស្រលូន និងធំទូលាយ។ រៀបចំបរិក្ខារនិងលក្ខខណ្ឌចាំបាច់សម្រាប់ប្រតិបត្តិការដោយរលូន បម្រើប្រជាជន និងធុរកិច្ចទាន់ពេល។ ថ្នាក់ដឹកនាំគ្រប់គ្រង និង រដ្ឋការត្រូវបានជ្រើសរើស និងចាត់តាំងស្របតាមតម្រូវការប្រតិបត្តិការ រចនាបថការងារ អាកប្បកិរិយា និងបម្រើការជាដើម ជំហានដំបូងបានប្រជាជននិងធុរកិច្ចវាយតម្លៃល្អ។លោក ផាមមីញជីញ នាយករដ្ឋមន្ត្រីរដ្ឋាភិបាល បានកត់ត្រាទទួលស្គាល់ការខិតខំប្រឹងប្រែងរបស់សង្កាត់ធើយសឺន បន្ទាប់ពីការរៀបចំអង្គភាពរដ្ឋបាល។ នាពេលខាងមុខ មូលដ្ឋានចាំបាច់ត្រូវតែរៀបចំកម្មាភិបាល និងអង្គការប្រតិបត្តិការជាបន្តទៀតដើម្បីឆ្លើយតបតាមតម្រូវការដាក់ចេញ។ រៀបចំមហាសន្និបាតបក្សអាណត្តិ ២០២៥ - ២០៣០ ជោគជ័យ។ ជាពិសេសផ្តោតលើការអភិវឌ្ឍន៍សេដ្ឋកិច្ចសង្គមឲ្យមានកំណើនជាង ៨% នៅឆ្នាំ ២០២៥ តាមរយៈការជំរុញការវិនិយោគសាធារណៈ ជំរុញការប្រើប្រាស់ ពិពិធកម្ម និងស្ថិរភាពទីផ្សារនាំចេញ ថែទាំសន្តិសុខសង្គមក្នុងវិស័យសុខាភិបាល អប់រំ និងពង្រីកអត្តសញ្ញាណវប្បធម៌មូលដ្ឋាន។ ការពារជាតិ-សន្តិសុខនៅតំបន់ព្រំដែនបានរក្សារឹងមាំ បង្កើតបរិយាកាសសន្តិភាព មិត្តភាព ដើម្បីប្រជាជនស្ថប់ចិត្តរកទទួលទាន រស់នៅ មិនទុកឲ្យមានភាពអសកម្ម ដោយចៃដន្យជាដើម៕
ប្រែ៖ណារីពៅ
