រសៀលថ្ងៃទី ៨ ខែធ្នូ នៅសង្កាត់ធើយសឺន គណៈប្រតិភូក្រុមប្រឹក្សាប្រជាជនខេត្តអានយ៉ាង ធ្វើអធិបតីភាពដោយលោក ង្វៀន ហុង ឌឹក សមាជិកគណៈកម្មាធិការបក្សខេត្ត តំណាងក្រុមប្រឹក្សាប្រជាជនខេត្ត (ក្រុមគណៈប្រតិភូលេខ ០៦) បានជួបប្រជុំជាមួយអ្នកបោះឆ្នោតមុនកិច្ចប្រជុំចុងឆ្នាំ ២០២៥។
នៅក្នុងកិច្ចជួបប្រាស្រ័យ អ្នកបោះឆ្នោតជាង ៦០នាក់ មកពីអនុសង្កាត់ចំនួន ១២ បានស្តាប់របាយការណ៍របស់តំណាងក្រុមប្រឹក្សាប្រជាជនខេត្ត ស្តីពីលទ្ធផលអភិវឌ្ឍសេដ្ឋកិច្ច-សង្គមឆាំ្ន ២០២៥ នៅលើភូមិសាស្ត្រខេត្ត បណ្តាគម្រោង និងការងារបម្រើបងប្អូនប្រជាជននៅលើភូមិសាស្ត្រក្នុងឆ្នាំ ២០២៦ រាយការណ៍ការឆ្លើយតបទៅនឹងមតិយោបល់ និងញ្ញតិរបស់អ្នកបោះឆ្នោតលើកឡើងនៅក្នុងកិច្ចជួបប្រាស្រ័យលើកមុន។
អ្នកបោះឆ្នោតបានសម្តែងការសាទរ ទំនុកចិត្ត និងការកោតសរសើរខ្ពស់ចំពោះលទ្ធផល សមិទ្ធផលនៃការអភិវឌ្ឍសេដ្ឋកិច្ចសង្គមរបស់ខេត្ត និងសង្កាត់ក្នុងឆ្នាំ ២០២៥ ជាពិសេសគឺការតម្រង់ទិសអំពីសាលាអន្តេវេសិកជនជាតិអន្តរកម្រិតបឋមសិក្សា និងមធ្យមសិក្សា ផ្លូវល្បឿនលឿន និងប្រព័ន្ធថែទាំសុខភាពទំនើបនៅលើភូមិសាស្ត្រនាពេលខាងមុខ ដើម្បីបម្រើដល់ជីវភាពរស់នៅរបស់ប្រជាជន។ អ្នកបោះឆ្នោតសង្កាត់ធើយសឺនក៏បានស្នើសុំ ការបំភ្លឺលើ សំណួរមួយចំនួនទាក់ទងនឹងការទូទាត់អត្ថប្រយោជន៍ និងគោលនយោបាយនៅលើភូមិសាស្ត្រ។ ស្នើសុំការគាំទ្រពីមូលដ្ឋានក្នុងការសន្ទនាជាមួយម្ចាស់ផ្លូវទឹកកសិកម្ម។ បង្កើនការធានាសន្តិសុខ សណ្តាប់ធ្នាប់ និងអំពោះលួចប្លន់ជាដើម។
មតិយោបល់របស់អ្នកបោះឆ្នោត បានតំណាងក្រុមប្រឹក្សាប្រជាជនខេត្តអានយ៉ាង និងថ្នាក់ដឹកនាំមូលដ្ឋាន ឆ្លើយតបយ៉ាងសមស្របនៅក្នុងកិច្ចជួបប្រាស្រ័យ។ នេះគឺជាឱកាសមួយដើម្បីបង្កើនការផ្សារភ្ជាប់និងពង្រីកសិទ្ធិជាម្ចាស់របស់ប្រជាជន ទន្ទឹមនិងនោះ បញ្ចាក់ពីការប្តេជ្ញាចិត្តរបស់បក្ខភាគ អាជ្ញាធរក្នុងការស្តាប់ សន្ទនានិងដោះស្រាយការលំបាក និងឆ្លើយតបនូវបំណងប្រាថ្នាស្របច្បាប់របស់អ្នកបោះឆ្នោតឲ្យបានទាន់ពេលវេលា ដើម្បីរួមចំណែកដល់ការកសាងសង្កាត់ធើយសឺន និងខេត្តអានយ៉ាងប្រកបដោយចីរភាព៕
ប្រែ៖ ណារីពៅ
