អានយ៉ាងរួមដំណើរជាមួយធុរកិច្ចក្នុងការផ្លាស់ប្តូរបៃតង និងដោះស្រាយរលូនធនធានកំណើន

ថ្ងៃទី៨ ខែកញ្ញា នៅសង្កាត់ឡុងស្វៀន គណៈកម្មាធិការប្រជាជនខេត្ត បានរៀបចំសន្និសីទសន្ទនាជាមួយធុរកិច្ច “កាហ្វេធុរជន” លើកទី៣ ឆ្នាំ២០២៦ ក្រោមប្រធានបទ “ដករបាំង បញ្ចេញលំហូរ សម្រេចបានគោលដៅរីកចម្រើន។ រួមដំណើរជាមួយធុរកិច្ចក្នុងការផ្លាស់ប្តូរបៃតង”។ សន្និសីទនេះដឹកនាំដោយលោក ហូ វ៉ាន់ ម៉ឹង សមាជិកគណៈកម្មាធិការមជ្ឈិមបក្ស អនុលេខាបក្សខេត្ត និងជាប្រធានគណៈកម្មាធិការប្រជាជនខេត្ត។ អញ្ជើញចូលរួមក៏មាន លោក ង៉ោ កុង ធឹក អនុប្រធានគណៈកម្មាធិការប្រជាជនខេត្ត ថ្នាក់ដឹកនាំមន្ទីរ គណៈ ផ្នែកនានារបស់ខេត្ត ព្រមទាំងធុរកិច្ចជាង ១៥០។

ដករបាំងសម្រាប់ធុរកិច្ច

ថ្លែងមតិនៅក្នុងសន្និសីទ លោក ហូ វ៉ាន់ ម៉ឹង ប្រ​ធាន​គណៈ​កម្មាធិការប្រជាជនខេត្ត បានឲ្យដឹងថា នេះជា​លើក​ទី៣ ក្នុងឆ្នាំ២០២៦ ហើយ ដែលគណៈ​កម្មាធិការ​ប្រជា​ជនខេត្តអានយ៉ាង រៀបចំកម្មវិធីកាហ្វេធុរជន។ តាម​រយៈការរៀបចំកម្មវិធីចំនួន២លើកកន្លងទៅ កម្ម​វិធី​នេះ​បានសម្រេចលទ្ធផលជាបឋមមួយចំនួន ស្រប​តាម​គោល​ដៅដែលបានដាក់ចេញ។

លោក ហូ វ៉ាន់ ម៉ឹង ប្រធាន​គណៈកម្មា​ធិការ​ប្រជា​ជន​ខេត្ត​​ ថ្លែងមតិនៅក្នុងសន្និសីទ​

ខេត្តកំណត់ថា ការដោះស្រាយការលំបាក និង​បញ្ហា​ប្រ​ឈម​ជូនធុរកិច្ច គឺជាភារកិច្ចដែលត្រូវអនុវត្តជាប្រចាំ និង​ជាបន្តបន្ទាប់ ដោយមិនមានចំណុចបញ្ចប់ ហើយ​មិនមែនធ្វើតែនៅក្នុងកិច្ចប្រជុំតាមកាលកំណត់ប៉ុណ្ណោះទេ។ខេត្តអានយ៉ាងបានអះអាងថា ខេត្តនឹងតែង​តែរួមដំ​ណើរ​ជាមួយធុរកិច្ច ដើម្បីដោះស្រាយការលំបាក ដើម្បី​ការ​អភិវឌ្ឍរបស់ធុរកិច្ច ក៏ជាការអភិវឌ្ឍរួម​របស់​ខេត្ត​អាន​យ៉ាងផងដែរ។ព្រម​ជាមួយនេះ ខេត្តនឹងចាត់វិធានការយ៉ាងតឹងរឹង និង​មិនបិទបាំងចំពោះកម្មាភិបាលណាម្នាក់ដែលប្រព្រឹត្តខុស ឬបង្កការរំខានដល់ធុរកិច្ច ក្នុងដំណើរការ​ដោះ​ស្រាយ​នីតិវិធីរដ្ឋបាលឡើយ។ 

តាមរយៈការបូកសរុប បន្ទាប់ពីកម្មវិធីកា​ហ្វេធុរកិច្ច​ចំ​នួន​ ​២ លើក គណៈកម្មាធិការប្រជាជនខេត្ត បាន​ណែ​នាំ​មន្ទីរ ផ្នែក និងមូលដ្ឋានពាក់ព័ន្ធឲ្យសកម្មពិនិត្យ និង​ដោះ​ស្រាយការលំបាក និងបញ្ហា​ជាប់​គាំង​របស់​ធុរកិ​ច្ច​។​មកដល់បច្ចុប្បន្ន មានសំណើចំនួន ១០៦ ក្នុង​ចំ​ណោម​ ​១០៧ បានមន្ទីរ ផ្នែក និងមូលដ្ឋានពាក់ព័ន្ធ ពិ​និត្យ​ ដោះស្រាយ និងឆ្លើយតប​ស្រប​តាម​បទប្ប​ញ្ញត្តិ​នៃ​ច្បាប់​។

លោក ហូ វ៉ាន់ ម៉ឹង ប្រធានគណៈ​កម្មាធិការ​ប្រជា​ជន​ខេត្ត​អាន ទស្សនាស្តង់តាំងបង្ហាញ​ផលិតផល​នៅក្នុង​សន្និ​សីទ

លោក ហូ វ៉ាន់ ម៉ឹង ប្រធានគណៈកម្មា​ធិការប្រ​ជាជន​ខេត្ត​ បានឲ្យដឹងថា តាមរយៈកម្មវិធីនេះ ខេត្តមាន​បំ​ណង​​បន្តទទួលបានមតិយោបល់ និងសំណើ​របស់​ធុរ​កិច្ច​ ដើម្បីខេត្តអាចបន្តអនុវត្តយន្តការ និងគោល​នយោ​បាយ​របស់បក្ស និងរដ្ឋ ឲ្យបានល្អប្រសើរ។ ទន្ទឹម​និង​នោះ​ ខេត្តសកម្មក្នុងការផ្តល់ផែនការ និងស្នើគោល​នយោ​បាយជាក់លាក់ ស្របច្បាប់ ដើម្បីសហការ​មាន​ប្រ​សិទ្ធ​ភាព ជាមួយយន្តការ និងគោលនយោបាយ​រួម​របស់​​បក្ស និងរដ្ឋ រួមចំណែកជាមួយ​ខេត្ត​ក្នុង​ការ​សម្រេច​​បានសូចនាករ និងគោលដៅកំណើន​សេដ្ឋ​កិច្ច​ពីរ​ខ្ទង់​។

យោងតាមប្រសាសន៍របស់លោក ហូ វ៉ាន់ ម៉ឹង ប្រធាន​គណៈ​កម្មាធិការប្រជាជនខេត្ត អត្រាកំណើនសេដ្ឋកិច្ច (GR​DP) របស់ខេត្តអានយ៉ាង ក្នុងរយៈពេល ៦ខែ​ដំ​បូង​នៃឆ្នាំ២០២៦ សម្រេចបាន ៨,៨៣% ឈរនៅ​លំ​ដាប់​ទី១ ក្នុងតំបន់វាលរាបទន្លេគឺវឡុង និងឈរ​នៅលំ​ដាប់​ទី ​១៦ ក្នុងប្រទេសទាំងមូល។ នេះក៏ជាកម្រិត​កំ​ណើន​​ខ្ពស់​បំផុតដែលខេត្តធ្លាប់សម្រេចបាន បើប្រៀប​ធៀប​នឹងរយៈពេលជាច្រើនឆ្នាំមុននេះ។ ទោះ​បី​ដូ​ច្នេះ​ក៏​ដោយ​ ក៏លទ្ធផលនេះនៅមិនទាន់​សម្រេចបាន​តាម​គោលដៅដែលបានកំណត់សម្រាប់រយៈពេល៦ខែដំបូងនៃឆ្នាំនេះដែរ គឺប្រមាណ ៩,២%។

ដើម្បីបំពេញចន្លោះកំណើន និងសម្រេច​ផែនការ​ឆ្នាំ​២០​២៦​ តាមប្រសាសន៍របស់លោក ហូ វ៉ាន់ ម៉ឹង ប្រធាន​គណៈ​កម្មាធិការប្រជាជនខេត្ត តួនាទី​ចូល​រួម​របស់​ធុរ​កិច្ច​ គឺមានសារៈសំខាន់យ៉ាងខ្លាំង។ធុរកិច្ចនីមួយៗដែលកំពុងធ្វើសកម្មភាពនៅក្នុងមូលដ្ឋាន​ សុទ្ធតែចូលរួមដោយផ្ទាល់ក្នុងកំណើនសេដ្ឋកិច្ច ការ​ប្រ​មូល​​ចំណូលថវិការដ្ឋ និងដោះស្រាយការធ្វើជូនប្រ​ជា​ពលរដ្ឋក្នុងមូលដ្ឋាន។ ដូច្នេះ ធុរកិច្ចត្រូវ​កំណត់ឲ្យ​បាន​​ច្បាស់​លាស់នូវទិសដៅអភិវឌ្ឍន៍ ដើម្បីអភិវឌ្ឍ​អង្គ​ភាព​ខ្លួនផង និងរួមចំណែកទៅក្នុងរូប​ភាព​សេដ្ឋ​កិច្ច​រួម​ផង​។

តំណាងធុរកិច្ចក្នុងខេត្ត ថ្លែងមតិនៅក្នុងសន្និសីទ

នៅក្នុងសន្និសីទ តំណាងធុរកិច្ច​ បានរួមជាមួយមន្ទីរ គណ​ ផ្នែកនានារបស់ខេត្ត ធ្វើការផ្លាស់ប្តូរ ពិភាក្សា និង​ឆ្លើយ​តបសំណួរពាក់ព័ន្ធនឹងការទទួលបានប្រភពទុន យន្តការគាំទ្រសម្រាប់ទម្រង់ផ្តើមអាជីពបៃតង និង​កសិ​កម្មវិលជុំ ការធ្វើឌីជីថលព័ត៌មានគោលនយោបាយ​នៅ​ថ្នាក់​ឃុំ និងសង្កាត់ ការកសាងមន្ទីរពេទ្យកសិកម្ម ការ​អភិ​វឌ្ឍទេសចរណ៍សហគមន៍ជាដើម។ 

រួមដំណើរជាមួយធុរកិច្ចក្នុងការផ្លាស់ប្តូរបៃតង

ពាក់ព័ន្ធនឹងប្រធានបទផ្លាស់ប្តូរបៃតង លោក ហូ វ៉ាន់ ម៉ឹង ប្រធានគណៈកម្មាធិការប្រជាជនខេត្ត បាន​សង្កត់​ធ្ងន់​ថា ការផ្លាស់ប្តូរអភិវឌ្ឍបៃតង លែងជាជម្រើស​ទៀត​ហើយ​ ប៉ុន្តែបានក្លាយជានិន្នាការជាសំខាន់ ក្នុងដំណើរ​ការ​អភិវឌ្ឍន៍។គណៈកម្មាធិការប្រជាជនខេត្ត បានណែនាំឲ្យបញ្ចប់​ការរៀបចំគម្រោងផ្លាស់ប្តូរអភិវឌ្ឍបៃតងសម្រាប់កោះភូក្វឹក ហើយនឹងអនុវត្តជាជំហ៊ានៗនៅក្នុង​ខេត្តទាំង​មូល​។​

លោក ហូ វ៉ាន់ ម៉ឹង ប្រធានគណៈ​កម្មា​ធិការ​ប្រជា​ជន​ខេត្ត​ អញ្ជើញទស្សនាស្តង់តាំងបង្ហាញ​ផលិតផលនៅ​ក្នុង​សន្និ​សីទ

លោកប្រធានគណៈកម្មាធិការប្រជាជនខេត្ត បាន​ប្រ​គល់​​ភារកិច្ចឲ្យមជ្ឈមណ្ឌលជំរុញវិនិយោគ ពាណិជ្ជកម្ម និង​ទេសចរណ៍ខេត្ត សិក្សាស្រាវជ្រាវរៀប​ចំនីតិវិធី​ទទួល​ស្គាល់ និងផ្តល់វិញ្ញាបនបត្រដល់ “ធុរកិច្ចផ្លាស់​ប្តូរ​អភិវឌ្ឍ​បៃតង និងទំនួលខុសសង្គម”។ បណ្តាធុរជន​ដែល​បា​​នទទួលស្គាល់ នឹងទទួលបានការគាំទ្រ​ពីអាជ្ញា​ធរ​មូល​ដ្ឋាន ក្នុងការធានាពាណិជ្ជសញ្ញា ព្រមទាំង​សកម្ម​ណែនាំ និងផ្សព្វផ្សាយរូបភាពរបស់ធុរកិច្ច​ទៅ​កាន់​អតិថិជន និងដៃគូអាជីវកម្ម។

លោកប្រធានគណៈកម្មាធិការប្រជាជនខេត្ត បានតម្រូវ​ឲ្យ​កាត់បន្ថយនីតិវិធីស្មុគស្មាញ និងមិនចាំបាច់ ហើយ​អាច​ប៉ះពាល់ដល់ការ​រក្សាការសម្ងាត់របស់ធុរកិច្ច ដូចជា តម្រូវឲ្យដាក់របាយការណ៍ហិរញ្ញវត្ថុ និងរបាយ​ការ​ណ៍សវនកម្ម។ ព្រមជាមួយនេះ លោកបានស្នើឲ្យ​ធុរកិច្ចផ្ញើមតិយោបល់ទាំងអស់ដែលពាក់ព័ន្ធនឹងសំណុំលក្ខណៈវិនិច្ឆ័យសម្រាប់ការផ្លាស់ប្តូរអភិវឌ្ឍបៃតង ទៅ​កាន់មជ្ឈមណ្ឌលជំរុញវិនិយោគ ពាណិជ្ជកម្ម និង​ទេស​ច​រ​ណ៍ ដើម្បីប្រមូលផ្តុំ និងបញ្ចប់គម្រោង។

លោក ហូ វ៉ាន់ ម៉ឹង ប្រធានគណៈកម្មាធិ​ការប្រជា​ជន​ខេត្ត​ អញ្ជើញទស្សនាស្តង់តាំងបង្ហាញផលិត​ផលនៅ​ក្នុង​សន្និ​សីទ

លោក ហូ វ៉ាន់ ម៉ឹង ប្រធានគណៈ​កម្មាធិ​ការ​ប្រ​ជា​ជន​ខេត្ត​ បានប្រគល់ភារកិច្ចឲ្យ មន្ទីរហិរញ្ញវត្ថុ ធ្វើអធិបតី​ភាព​ សហការជាមួយអង្គភាពពាក់ព័ន្ធ រៀបចំ​សេចក្តី​ណែ​នាំ​​ នីតិវិធីជាក់លាក់ ដើម្បីធុរកិច្ចងាយស្រួលទទួល​បានប្រភពកម្ចីអនុគ្រោះស្របតាមច្បាប់កំណត់។មន្ទីរសំណង់ ត្រូវប្រញាប់ពិនិត្យឡើងវិញនូវផែន​ការរួមរបស់​ឃុំ​ពាក់ព័ន្ធនឹងកំពង់ផែផ្លូវទឹកក្នុងស្រុក។ ទម្រង់​អភិ​វឌ្ឍ​ទេស​ចរណ៍ទាំងនេះ ត្រូវអនុវត្តយ៉ាង​តឹងរ៉ឹង​តាមផែន​ការ​រៀប​ចំដីធ្លី និងផែនការរៀបចំដីព្រៃ។ល៕​

ប្រែ៖ ណារីពៅ