ដោយទស្សនៈចាត់ទុកធុរកិច្ចជាស្នូល ជាចំណុចក្នុងការអភិវឌ្ឍន៍សេដ្ឋកិច្ច ប៉ុន្មានឆាំ្នកន្លងទៅនេះ បក្ខភាគខេត្ត គណកម្មាធិការប្រជាជនខេត្តបានប្តេជ្ញាអនុវត្តតួនាទីស្ថាបនា គាំទ្រធុរកិច្ចអភិវឌ្ឍន៍ បង្កើតជាកម្លាំងជំរុញកំណើនសេដ្ឋកិច្ចរបស់ខេត្ត។
សក្តានុភាព និងប្រៀបខ្លាំង
អានយ៉ាងមានទីតាំងយុទ្ធសាស្ត្រសំខាន់ ស្ថិតក្នុងតំបន់សេដ្ឋកិច្ចសំខាន់ នៃតំបន់វាលទំនាបទន្លេគឺវឡុង។ ខេត្តមានផ្ទៃដីធម្មជាតិជាង ៣.៥០០ម៉ែត្រការ៉េ ឈរចំណាត់ថ្នាក់ទី ៤ ក្នុងចំណោម ១៣ ក្នុងតំបន់វាលទំនាបទន្លេគឺវឡុង។ប្រជាជនមានចំនួនជាង១,៩ លាននាក់ ជាមួយ ៤ ជនជាតិជាចម្បង (គិញ ខ្មែ ចិននិងចាម)។ខេត្តមានប្រព័ន្ធដឹកជញ្ជូនដ៏ងាយស្រួល(ទាំងផ្លូវគោក និងផ្លូវទឹក)។ប្រព័ន្ធព្រែកប្រឡាយប្រទាក់ក្រឡាគ្នា នៅជិតកំពង់ផែ និងព្រលានយន្តហោះគន្ឋជាដើម។ ជាពិសេសផ្លូវល្បឿនលឿន ចូវដុក - គន្ឋ - សុកត្រាំង (ចាប់ផ្តើមសាងសង់នៅឆ្នាំ ២០២៣ សន្និដ្ឋានថានឹងដាក់ឲ្យប្រើប្រាស់នៅឆ្នាំ២០២៦)នឹងបង្កើតជាអ័ក្សផ្តេកកណ្តាលតំបន់វាលទំនាបទន្លេគឺវឡុង តភ្ជាប់មជ្ឈមណ្ឌលសេដ្ឋកិច្ច និងច្រកទ្វារព្រំដែនអន្តរជាតិអានយ៉ាង ជាមួយកំពង់ផែទឹកជ្រៅ ត្រាន់ដេ បង្កើតជាកម្លាំងជំរុញដើម្បីខេត្តអភិវឌ្ឍន៍។
ទន្ទឹមនិងនោះ អានយ៉ាង មានអាកាសធាតុ និងដីអំណោយផលក្នុងការអភិវឌ្ឍន៍កសិកម្ម។ ប្រភពទឹកលើដី និងទឹកក្រោមដីដ៏សម្បូរបែប មានទន្លេធំៗចំនួន ២(ទន្លេទៀននិងទន្លេហូវ)។ ខេត្តមានផ្ទៃដីកសិកម្មជាង ៨០%(ក្នុងនោះដីល្បាប់ ស្មើអត្រាជាង ៤៤%) ប្រភពទឹកសាបពេញមួយឆ្នាំ និងអាកាសធាតុត្រជាក់ត្រជំ។ ចំនួនប្រជាជនជាកម្មករជនបទស្មើអត្រា ៦៥%។ នេះត្រូវបានចាត់ទុកថាភាពខ្លាំងរបស់មូលដ្ឋាន ឆ្ពោះទៅរកភាពទាក់ទាញ និងអញ្ជើញការវិនិយោគ ដើម្បីអភិវឌ្ឍសេដ្ឋកិច្ចកសិកម្មពហុតម្លៃ កសិកម្មរង្វង់មូល កែច្នៃស៊ីជម្រៅនៅកសិ រុក្ខ ជលផល និងប្រព័ន្ធភស្តុភារ។ ជាពិសេស រួមបញ្ចូលជាមួយបទពិសោធន៍ទេសចរណ៍កសិកម្ម ទេសចរណ៍ធម្មជាតិ រមណីយដ្ឋាន និងថែទាំសុខភាព។
ខេត្តអានយ៉ាងមានសក្តានុភាពសេដ្ឋកិច្ចពាណិជ្ជកម្មតាមព្រំដែន មានខ្សែព្រំដែនជាប់ព្រះរាជាណាចក្រកម្ពុជាប្រវែងជិត១០០គីឡូម៉ែត្រ ច្រកទ្វារព្រំដែនអន្តរជាតិចំនួន២ ច្រកទ្វារព្រំដែនជាតិចំនួន២ ច្រកទ្វារព្រំដែនបន្ទាប់បន្សំចំនួន២ជាដើម បង្កើតឲ្យមានលំហូរឥតឈប់ឈរ ដែលជាច្រកទ្វារពាណិជ្ជកម្មព្រំដែនដ៏ងាយស្រួលរវាងខេត្តតំបន់វាលទំនាបទន្លេគឺវឡុង ទីក្រុងហូជីមិញ ជាមួយព្រះរាជាណាចក្រកម្ពុជា និងបណ្តាប្រទេសអាស៊ាន។ ខេត្តអានយ៉ាង មានសក្ដានុភាពប្លែក ភាពខ្លាំងប្រៀបធៀប ឱកាសលេចធ្លោ និងប្រមូលផ្តុំនូវលក្ខខណ្ឌពេញលេញដោយឡែក ដើម្បីក្លាយជាខេត្តអភិវឌ្ឍន៍របស់តំបន់វាលទំនាបទន្លេគឺវឡុង និងប្រទេសទាំងមូល។
ក្នុងប៉ុន្មានឆ្នាំកន្លងទៅនេះ ក្រៅពីការរៀបចំលក្ខខណ្ឌហេដ្ឋារចនាសម្ព័ន្ធយ៉ាងហ្មត់ចត់ ខេត្តក៏បានអនុវត្តយន្តការ និងគោលនយោបាយរបស់មជ្ឈិមក្នុងទិសដៅមានផលចំណេញសម្រាប់ធុរកិច្ច ស្របតាមលក្ខខណ្ឌរបស់ខេត្ត និងបទប្បញ្ញត្តិនៃច្បាប់។ ជាពិសេសគឺគោលនយោបាយអនុគ្រោះពន្ធ ការជួលដី ការគាំទ្រឥណទាន និងការគាំទ្រក្រោយការវិនិយោគក្នុងវិស័យទេសចរណ៍ កសិកម្ម និងជនបទ។ ខេត្តចាត់ទុកការកំណែទម្រង់រដ្ឋបាល(ជាពិសេសនីតិវិធីរដ្ឋបាល) ជាកត្តាស្នូលជាមួយបាវចនា “ទំនួលខុសត្រូវ មិត្តភាព ល្បឿន ច្រកតែមួយ” ផ្លាស់ប្តូរការគិតពី “ការផ្តល់អាជ្ញាប័ណ្ណនិងអនុញ្ញាត” ទៅជា “ការគាំទ្រ ថែទាំ និងសេវាកម្មសម្រាប់វិនិយោគគិន”។
“ក្រាលកម្រាលព្រំ” អញ្ជើញការវិនិយោគ
យោងតាមលោក ហូវ៉ាន់ម៉ឹង សមាជិកបម្រុងនៃគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង បានសន្និដ្ឋានថា ថ្ងៃទី ២៦ ខែវិច្ឆិកា ឆ្នាំ ២០២៤ នៅទីក្រុងហូជីមិញ នឹងប្រព្រឺត្តទៅនៅសន្និបាតណែនាំសក្តានុភាពប្រៀបខ្លាំងវិនិយោគ និងផ្សព្វផ្សាយផលិតផលពិសេសរបស់ខេត្តអានយ៉ាង ក្រោមប្រធានបទ “អានយ៉ាង៖ លំហរអាកាសថ្មីនិងតម្លៃថ្មី”។
“សន្និបាតនេះមានគោលបំណងបង្កើតបណ្តាញមួយសម្រាប់កិច្ចប្រជុំផ្លាស់ប្តូរដោយផ្ទាល់រវាងវិនិយោគគិន និងអង្គការអន្តរជាតិ។ គាំទ្រ និងជំរុញទំនាក់ទំនងសហប្រតិបត្តិការ ការផ្លាស់ប្តូរ និងការតភ្ជាប់ពាណិជ្ជកម្មរវាងធុរកិច្ចក្នុងនិងក្រៅប្រទេស។ ផ្តល់ព័ត៌មាននិងបញ្ជីគម្រោងសំខាន់ៗ មានកម្លាំងជំរុញខ្ពស់ដល់វិនិយោគគិន ដើម្បីស្វាគមន៍រលកថ្មីនៃការវិនិយោគមកក្នុងខេត្ត។ នៅក្នុងសន្និបាតនេះ ខេត្តនឹងចុះហត្ថលេខាលើអនុស្សរណៈយោគយល់គ្នា និងកិច្ចសហប្រតិបត្តិការវិនិយោគជាមួយវិនិយោគគិនជាយុទ្ធសាស្ត្រ អនុវត្តគម្រោងសំខាន់ៗមួយចំនួនដែលមានអាទិភាពវិនិយោគតាមទិសដៅនៃផែនការខេត្តអានយ៉ាង ដំណាក់កាល ២០២១-២០៣០ និងចក្ខុវិស័យដល់ឆ្នាំ ២០៥០”– សមមិត្ត ហូវ៉ាន់ម៉ឹង ព័ត៌មាន។ផ្អែកលើផែនការនេះ ខេត្តអានយ៉ាង ផ្តោតលើការទាក់ទាញការវិនិយោគលើវិស័យសំខាន់ៗចំនួន ៦ រួមមាន៖ហេដ្ឋារចនាសម្ព័ន្ធចរាចរណ៍ ហេដ្ឋារចនាសម្ព័ន្ធតំបន់ទីក្រុង និងតំបន់លំនៅដ្ឋាន។ កសិកម្មអនុវត្តបច្ចេកវិជ្ជាខ្ពស់។ ឧស្សាហកម្ម ហេដ្ឋារចនាសម្ព័ន្ធនៃតំបន់និងចង្កោមឧស្សាហកម្ម។ ពាណិជ្ជកម្ម សេវាកម្ម ទេសចរណ៍។វប្បធម៌-សង្គម និងបរិស្ថាន។ បណ្តាគម្រោងប្រើប្រាស់បច្ចេកវិជ្ជាទំនើបស្របតាមការតម្រង់ទិសនៃការរៀបចំរចនាសម្ព័ន្ធសេដ្ឋកិច្ចឡើងវិញបម្រើគោលដៅអភិវឌ្ឍន៍ដោយចីរភាព ការពារបរិស្ថាន ធានាការពារសន្តិសុខជាតិ សណ្តាប់ធ្នាប់សង្គម និងសុវត្ថិភាព និងដោះស្រាយការធ្វើឲ្យកម្មករនៅក្នុងមូលដ្ឋានជាច្រើន។
ក្នុងនោះ អំពីវិស័យកសិកម្ម ខេត្តនឹងប្រមូលផ្តុំលើការអភិវឌ្ឍន៍កសិកម្មបច្ចេកវិជ្ជាខ្ពស់ ផលិតដោយទ្រង់ទ្រាយធំ កសាងម៉ាកសញ្ញាផលិតផលកសិកម្ម ពង្រីកទីផ្សារប្រើប្រាស់ លើកកម្ពស់គុណភាព តម្លៃ និងកម្លាំងប្រកួតប្រជែងសម្រាប់ទំនិញផលិតផលកសិកម្ម។អំពីវិស័យទេសចរណ៍ ខេត្តបន្តអភិវឌ្ឍន៍ស្របគ្នានូវទម្រង់ទេសចរណ៍ខាងវិញ្ញាណ-អេកូឡូស៊ីនិងរមណីយដ្ឋាន។ ត្រួតពិនិត្យ និងរៀបចំផែនការអំពាវនាវវិនិយោគអភិវឌ្ឍន៍តំបន់ដែលមានសក្តានុភាពសម្រាប់ការអភិវឌ្ឍន៍ទេសចរណ៍។ ទាញយកលក្ខណៈពិសេសរបស់តំបន់នីមួយៗ បង្កើត “តំបន់នីមួយៗជាគោលដៅមកដល់”។
“ខេត្តអានយ៉ាង បានជ្រើសរើសគម្រោងសំខាន់ៗជាង ៦០ ដោយផ្តល់អាទិភាពវិនិយោគលើវិស័យទាំង ៦ អញ្ជើញវិនិយោគិនយុទ្ធសាស្ត្រដែលមានចក្ខុវិស័យ សមត្ថភាពហិរញ្ញវត្ថុ និងបច្ចេកវិជ្ជាដើម្បីរួមដំណើរជាមួយធ្វើអាជីវកម្មប្រកបដោយប្រសិទ្ធភាពសក្តានុភាពនិងភាពខ្លាំងរបស់ខេត្តនាពេលខាងមុខ។អានយ៉ាង សន្យាថានឹងបង្កលក្ខខណ្ឌអំណោយផលបំផុតសម្រាប់វិនិយោគគិននៅពេលចុះឈ្មោះ និងផ្សព្វផ្សាយអនុវត្តគម្រោងនៅលើភូមិសាស្ត្រខេត្ត”- សមមិត្ត ហូវ៉ាន់ម៉ឹង សង្កត់ធ្ងន់៕
ប្រែ៖ ណារីពៅ
