នៅព្រឹកថ្ងៃទី៤ ខែធ្នូ លោក ឡេ វ៉ាន់ភឿក អនុប្រធានគណៈកម្មាធិការប្រជាជនខេត្តអានយ៉ាង ធ្វើអធិបត្តីភាពកិច្ចប្រជុំគណៈកម្មការណែនាំកម្មវិធីគោលដៅជាតិសម្រាប់ដំណាក់កាល ២០២១-២០២៥ ដើម្បីវាយតម្លៃលទ្ធផលនៃការអនុវត្តក្នុងរយៈពេល ១១ ខែដើមឆ្នាំ និងតម្រង់ទិសភារកិច្ច និងដំណោះស្រាយដល់ចុងឆ្នាំ ២០២៥។
កម្មវិធីគោលដៅជាតិដំណាក់កាល ២០២១-២០២៥ អនុវត្តនៅលើភូមិសាស្ត្រខេត្ត រួមមានកម្មវិធីចំនួនបី គឺ៖ កម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ចសង្គមនៅតំបន់ជនជាតិភាគតិច និងតំបន់ភ្នំ។ កម្មវិធីគោលដៅជាតិកសាងជនបទថ្មីនិងកម្មវិធីគោលដៅជាតិកាត់បន្ថយភាពក្រីក្រដោយចីរភាព។
ការអនុវត្តកម្មវិធីគោលដៅជាតិអភិវឌ្ឍសេដ្ឋកិច្ច-សង្គមនៅតំបន់ជនជាតិភាគតិច និងតំបន់ភ្នំ ខេត្តទាំងមូលមានគោលដៅជាក់លាក់ ១៨/២១ គោលដៅទាំងនេះជាចម្បងសម្រេចបានលើសផែនការដែលបានកំណត់។ នៅគោលដៅមួយមិនទាន់សម្រេចបានធៀបនឹងផែនការ និងគោលដៅ ២ មិនបានអនុវត្ត។
បន្ទាប់ពីការរៀបចំឡើងវិញនូវអង្គភាពរដ្ឋបាល ខេត្តនេះមានឃុំ សង្កាត់ និងតំបន់ពិសេសចំនួន ១០២។ គិតត្រឹមខែវិច្ឆិកា ឆ្នាំ២០២៥ ខេត្តមានឃុំចំនួន ៦៩ សម្រេចបានស្តង់ដារជនបទថ្មី ឃុំចំនួន ៩ សម្រេចបានស្តង់ដារជនបទថ្មីលើកកម្ពស់ និងឃុំចំនួន ១ សម្រេចបានស្តង់ដារជនបទថ្មីគំរូ។
ក្រោយការពិនិត្យមើលឡើងវិញ ខេត្តទាំងមូលមានគ្រួសារក្រីក្រចំនួន ១២.៧៣៦ គ្រួសារ ស្មើអត្រា ១,២៧% និងគ្រួសារបៀតក្រីក្រចំនួន ២៤.៦៨៧ គ្រួសារ ស្មើអត្រា ២,៤៦%។ ចំនួនគ្រួសារក្រីក្រជនជាតិភាគតិចសរុប ២.៨៦៩ គ្រួសារ ស្មើអត្រា ២,៩%។
អនុវត្តកម្មវិធីគោលដៅជាតិចំនួន ៣ រហូតមកដល់បច្ចុប្បន្ន ខេត្តបញ្ចេញថវិកាជាង ២៦៦ ពាន់លានដុង សម្រេចបាន ៥០,២៨% និងបញ្ចេញថវិកាទុនបុព្វហេតុនៃកម្មវិធីនានាសម្រេចបាន ១៩,១៨% នៃផែនការទុនបែងចែករបស់កម្មវិធី។ ជាចម្បង ការប្រគល់ និងការទទួលយកកម្មវិធីគោលដៅជាតិនៅលើភូមិសាស្ត្រឃុំកំពុងដំណើរការ មានឃុំជាច្រើនបានទទួលគម្រោងពីឃុំ និងស្រុកមុនពេលរួមបញ្ចូលបានទាន់ពេល។ ប៉ុន្តែ នៅមានការលំបាកមួយចំនួនក្នុងការផ្សព្វផ្សាយអនុវត្ត។
ថ្លែងមតិកិច្ចប្រជុំ លោក ឡេ វ៉ាន់ភឿក អនុប្រធានគណៈកម្មាធិការប្រជាជនខេត្ត បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់មន្ទីរ ផ្នែក និងមូលដ្ឋាននានា ដែលបានដោះស្រាយការលំបាកយ៉ាងសកម្ម និងអនុវត្តសម្រេចបានលទ្ធផលសំខាន់ៗជាច្រើន បើប្រៀបធៀបទៅនឹងសម័យប្រជុំការងារលើកមុន។
សម្រាប់រយៈពេលដែលនៅសល់នៃឆ្នាំ ២០២៥ លោកអនុប្រធានគណៈកម្មាធិការប្រជាជនខេត្តបានណែនាំដល់មន្ទីរ ផ្នែកនិងមូលដ្ឋាន នានាឲ្យផ្តោតលើការខិតខំប្រឹងប្រែងអនុវត្តសម្រេចបានអត្រាខ្ពស់បំផុត និងត្រូវបញ្ចប់នូវមុនថ្ងៃទី ៩ ខែធ្នូ ឆ្នាំ ២០២៥។ មន្ទីរ ផ្នែក និងមូលដ្ឋាននានាត្រូវក្តាប់ឲ្យបានច្បាស់នៅការលំបាកនិងដោះស្រាយឲ្យបានទាន់ពេលវេលា ច្បាមជាប់ផែនការដែលបានចាត់តាំងឲ្យបានដិតដល់ និងរាយការណ៍លទ្ធផលជាប្រចាំទៅគណៈកម្មការណែនាំ។
នៅឆ្នាំ ២០២៦ លោក ឡេ វ៉ាន់ភឿក អនុប្រធានគណៈកម្មាធិការប្រជាជនខេត្តអានយ៉ាង បានស្នើឲ្យមន្ទីរ ផ្នែក និងមូលដ្ឋាននានាស្នើសុំយ៉ាងសកម្ម និងផ្តល់យោបល់ជាមុនលើការបែងចែកថវិកា ដើម្បីធានាបាននូវលទ្ធភាពអាចអនុវត្តទៅបាន និងស្របតាមផែនការ៕
ប្រែ៖ សំណាង
