ព្រឹកថ្ងៃទី១៣ ខែមករា គណៈកម្មាធិការប្រជាជនខេត្តបានបើកកិច្ចប្រជុំបូកសរុបសកម្មភាពឆ្នាំ២០២៥ និងផ្សព្វផ្សាយភារកិច្ចឆ្នាំ២០២៦ របស់គណៈតំណាងក្រុមប្រឹក្សាភិបាលនៃធនាគារគោលនយោបាយសង្គមខេត្តអានយ៉ាង។ កិច្ចប្រជុំនេះធ្វើអធិបតីភាពដោយលោក លេ វ៉ាន់ភឿក សមាជិកគណៈកម្មាធិការបក្សខេត្ត អនុប្រធានគណៈកម្មាធិការប្រជាជនខេត្ត និងជាប្រធានគណៈតំណាងក្រុមប្រឹក្សាភិបាល សមាជិកគណៈតំណាងក្រុមប្រឹក្សាភិបាលធនាគារគោលនយោបាយសង្គមខេត្ត គណនាយកនិងប្រធានការិយាល័យជំនាញនៃសាខាធនាគារគោលនយោបាយសង្គមខេត្តក៏បានចូលរួមផងដែរ។
ឆ្នាំ ២០២៥ គណៈតំណាង និងសាខាធនាគារគោលនយោបាយសង្គមបានទទួលការយកចិត្តទុកដាក់ដឹកនាំនិងការណែនាំយ៉ាងជិតស្និទ្ធពីគណៈកម្មាធិការបក្សខេត្ត ក្រុមប្រឹក្សាប្រជាជនខេត្ត គណៈកម្មាធិការប្រជាជនខេត្ត ក៏ដូចជាការសហការយ៉ាងជិតស្និទ្ធពីបណ្តាផ្នែក អង្គការនយោបាយសង្គមគ្រប់លំដាប់ថ្នាក់ដែលបានផ្ទរសិទ្ឋ និងកិច្ចខិតខំប្រឹងប្រែងរបស់សមូហភាពកម្មាភិបាលនៃសាខាធនាគារគោលនយោបាយសង្គមខេត្ត។ គណៈតំណាងក្រុមប្រឹក្សាភិបាលខេត្តទាំងមុននិងក្រោយរួមបញ្ចូលគ្នាបានច្បាមជាប់ភារកិច្ចណែនាំ ផ្សព្វផ្សាយអនុវត្តសម្រេចបាននិងលើសពីគោលដៅជាច្រើនដែលបានចែងនៅក្នុងសេចក្តីសម្រេចចិត្តរបស់គណៈតំណាងដាក់ចេញ។
បន្ទាប់ពីការរួមបញ្ចូលគ្នាភូមិសាស្ត្ររដ្ឋបាល និងអនុវត្តប្រព័ន្ធអាជ្ញាធរពីរថ្នាក់ សាខាធនាគារគោលនយោបាយសង្គមខេត្តបានបញ្ចប់ការមបញ្ចូលគ្នា រក្សាសកម្មភាពរបស់ការិយាល័យប្រតិបត្តិការនិងបណ្តាញចំណុចប្រតិបត្តិការ ក្រុមសន្សំ និងម្ចីប្រាក់ ដើម្បីធានាថាអតិថិជនអាចទទួលបានឥណទានគោលនយោបាយ និងប្រតិបត្តិការមានស្ថិរភាព សុវត្ថិភាព និងរលូន ដោយពង្រីកបន្តមានប្រសិទ្ធភាព។ ជាក់ស្តែង ប្រភពទុននេះបានជួយគ្រួសារក្រីក្រនិងមុខសញ្ញាគោលនយោបាយជាង ៨៣.៤០០ គ្រួសារ ទទួលបានប្រាក់កម្ចី។ គាំទ្របង្កើតការងារសម្រាប់កម្មករជាង ២១.០០០ នាក់ និងបង្កលក្ខណៈឲ្យពលករទៅធ្វើការនៅប្រទេសក្រៅដោយកិច្ចសន្យាចំនួន ៤៤០ នាក់។ ជួយមនុស្ស ១២១ នាក់ដែលបានបញ្ចប់ការជាប់ពន្ធនាគារមានការងារស្ថិរភាព។ គាំទ្រនិស្សិតជាង ១៦.១០០ នាក់កម្ចីប្រាក់សម្រាប់ការសិក្សា។ វិនិយោគលើគ្រួសារផលិតកម្ម អាជីវកម្មនៅតំបន់លំបាកជាង ៣.២០០គ្រួ សាងសង់គម្រោងទឹកស្អាត និងអនាម័យបរិស្ថានជនបទជាង ២២.៨០០ កន្លែង និងផ្តល់ប្រាក់កម្ចីសម្រាប់លំនៅដ្ឋានសង្គមចំនួន ៤៦៤ ករណី។
តាមរយៈពិភាក្សារបស់ប្រតិភូនៅក្នុងកិច្ចប្រជុំ លោក លេ វ៉ាន់ភឿក អនុប្រធានគណៈកម្មាធិការប្រជាជនខេត្តអានយ៉ាង បានសរសើរ និងកត់ត្រាទទួលស្គាល់នូវលទ្ឋផលដែលសម្រេចបាន របស់គណៈតំណាងក្រុមប្រឹក្សាភិបាលធនាគារគោលនយោបាយសង្គមគ្រប់លំដាប់ថ្នាក់ក្នុងឆ្នាំ ២០២៥។
តាមរយៈនោះ លោក ឡេ វ៉ាន់ ភឿក អនុប្រធានគណៈកម្មាធិការប្រជាជនខេត្តអានយ៉ាង តម្រូវឲ្យគណៈតំណាងក្រុមប្រឹក្សាភិបាលនៃធនាគារគោលនយោបាយខេត្ត ទទួលយកមតិយោបល់ និងបញ្ចប់របាយការណ៍បូកសរុបសកម្មភាពក្នុងឆ្នាំ ២០២៥ និងទិសដៅភារកិច្ចឆ្នាំ ២០២៦។
នាពេលខាងមុខ លោកអនុប្រធានគណៈកម្មាធិការប្រជាជនខេត្តអានយ៉ាង បានស្នើឲ្យក្រុមប្រឹក្សាភិបាលតំណាងធនាគារគោលនយោបាយសង្គមខេត្តអានយ៉ាង បន្តផ្សព្វផ្សាយឲ្យបានទាន់ពេល ពេញលេញ និងយ៉ាងម៉ឺងម៉ាត់នូវសេចក្តីសម្រេចចិត្ត និងសេចក្តីសម្រេចរបស់ក្រុមប្រឹក្សាភិបាល គណៈកម្មាធិការបក្សខេត្ត និងគណៈកម្មាធិការប្រជាជនខេត្ត ក្នុងសកម្មភាពឥណទានគោលនយោបាយសង្គម។បង្កើនការឃ្លាំមើលការអនុវត្តសារាចរណ៍ណែនាំលេខ ៣៩-CT/TW របស់គណៈលេខាបក្ស សេចក្តីសម្រេចលេខ 1560/QĐ-TTg របស់នាយករដ្ឋមន្ត្រី សេចក្តីសម្រេចលេខ ១១១/២០២៤/QH១៥ របស់រដ្ឋសភា និងយុទ្ធសាស្ត្រអភិវឌ្ឍធនាគារគោលនយោបាយសង្គមដល់ឆ្នាំ ២០៣០។ រក្សាកិច្ចប្រជុំជាប្រចាំទាំងអស់ និងពង្រឹងគណៈតំណាងក្រុមប្រឹក្សាភិបាលឡើងវិញឲ្យបានទាន់ពេលនៅពេលដែលមានការផ្លាស់ប្តូរសមាជិកភាព។ បន្តអនុវត្តដំណោះស្រាយស្របគ្នា ដើម្បីពង្រឹង និងលើកកម្ពស់គុណភាពឥណទាន ដោយខិតខំបំពេញគោលដៅនៃសេចក្តីសម្រេចចិត្ត របស់គណៈតំណាងដាក់ចេញនិងភារកិច្ចរបស់គណៈកម្មាធិការបក្សខេត្ត គណៈកម្មាធិការប្រជាជនខេត្ត និងធនាគារគោលនយោបាយសង្គមប្រគល់ជូន។
លោកអនុប្រធានគណៈកម្មាធិការប្រជាជនខេត្តអានយ៉ាងបានតម្រូវឲ្យសាខាធនាគារគោលនយោបាយសង្គមខេត្ត និងគណៈកម្មាធិការប្រជាជនឃុំ សង្កាត់ និងតំបន់ពិសេសបង្កើត និងអនុវត្តផែនការឥណទានប្រកបដោយប្រសិទ្ធភាព និងកៀរគរធនធានជាសកម្ម បែងចែកគោលដៅដើមទុនដែលភ្ជាប់ទៅនឹងគោលដៅអភិវឌ្ឍន៍សេដ្ឋកិច្ចសង្គមក្នុងមូលដ្ឋាន ធានាថាការប្រើប្រាស់ដើមទុនមានប្រសិទ្ធភាព សុវត្ថិភាព និងកាត់បន្ថយហានិភ័យ។បង្កើនការឃ្លាំមើលនិងត្រួតពិនិត្យការអនុវត្តឯកសារអន្តរផ្នែកនិងកិច្ចសន្យាផ្ទេរសិទ្ឋរវាងធនាគារគោលនយោបាយសង្គម និងអង្គការនយោបាយ-សង្គម។ សកម្មភាពឥណទានគោលនយោបាយនៅការិយាល័យប្រតិបត្តិការរបស់ធនាគារគោលនយោបាយសង្គម គណៈកម្មាធិការប្រជាជនថ្នាក់ឃុំ ក្រុមសន្សំសំចៃ និងផ្តល់ប្រាក់កម្ចី ហើយអតិថិជនដែលកម្ចីទុន ត្រូវធានាថាការអនុលោមស្របតាមបទប្បញ្ញត្តិ ភ្ជាប់ឥណទានគោលនយោបាយសង្គមជាមួយកម្មវិធីគោលដៅជាតិ គាំទ្រផ្នែកបច្ចេកទេស បច្ចេកវិជ្ជា និងប្រើប្រាស់ផលិតផល បង្កើតនិងពង្រីកទម្រង់ផលិតកម្មមានប្រសិទ្ធភាព បង្កើនប្រសិទ្ធភាពនៃការប្រើប្រាស់ប្រាក់កម្ចីនៅក្នុងភូមិសាស្ត្រដែលខ្លួនគ្រប់គ្រង។
លោកអនុប្រធានគណៈកម្មាធិការប្រជាជនខេត្តអានយ៉ាង បានប្រគល់ឲ្យមន្ទីរហិរញ្ញវត្ថុផ្តល់យោបល់ និងស្នើប្រភពថវិកាដែលបានផ្ទេរសិទ្ឋតាមរយៈធនាគារគោលនយោបាយសង្គមនៅឆ្នាំ ២០២៦ និងផែនការដំណាក់កាល ៥ ឆ្នាំ ដើម្បីបំពេញតាមស្ថានភាពថ្មី បន្ទាប់ពីការរួមបញ្ចូលខេត្ត។
លោកអនុប្រធានគណៈកម្មាធិការប្រជាជនខេត្តអានយ៉ាង បានតម្រូវឲ្យរណសិរ្សមាតុភូមិវៀតណាមខេត្ត និងបណ្តាសមាគម អង្គការមហាជនដែលបានប្រគល់ភារកិច្ចត្រូវតែជំរុញខ្លាំងការងារឃោសនា ផ្សព្វផ្សាយគោលការណ៍ និងគោលនយោបាយអំពីឥណទានគោលនយោបាយសង្គមដើម្បីកៀរគរប្រភពទុនស្របច្បាប់ដាក់ចូលធនាគារគោលនយោបាយសង្គម ដើម្បីបំពេញបន្ថែមដើមទុនផ្តល់ប្រាក់កម្ចី៕
ប្រែ៖ សំណាង
