នៅរសៀលថ្ងៃទី ២៥ ខែធ្នូ នៅសង្កាត់រ៉ាចយ៉ា ខេត្តអានយ៉ាង មជ្ឈមណ្ឌលជំរុញវិនិយោគ ពាណិជ្ជកម្ម និងទេសចរណ៍បានរៀបចំសន្និបាតបូកសរុបការងារជំរុញវិនិយោគ ពាណិជ្ជកម្ម និងទេសចរណ៍ឆ្នាំ ២០២៥ និងផ្សព្វផ្សាយទិសដៅ ភារកិច្ចឆ្នាំ ២០២៦។
អញ្ជើញចូលរួមសន្និបាតមាន អ្នកស្រី ង្វៀន ធីហុងឡន អនុប្រធានញណៈរឃោសនាអប់រំនិងចលនាមហាជននៃគណៈកម្មាធិការបក្សខេត្ត។ តំណាងថ្នាក់ដឹកនាំនៃមន្ទីរគណៈផ្នែកពាក់ព័ន្ឋថ្នាក់ខេត្ត។បណ្តាជីវកម្មនៅលើភូមិសាស្ត្រខេត្ត បណ្តាឃុំ សង្កាត់ និងតំបន់ពិសេស៖ ហ្វាឌៀន យ៉ុងរៀង ហុនដាត ឡុងស្វៀន រ៉ាចយ៉ា ហាទៀន ទិញបៀន វិញតេ ចូវដុក ភូក្វឹក គៀនហៃ និងបុគ្គលដែលទទួលបានរង្វាន់ក្នុងការប្រកួតរូបថតទេសចរណ៍អានយ៉ាង ឆ្នាំ២០២៥។
សន្និបាតគឺជាឱកាសដ៏សំខាន់មួយសម្រាប់ប្រតិភូក្នុងការផ្លាស់ប្តូរ ពិភាក្សា និងផ្តល់មតិយោបល់ជាច្រើនដោយស្មោះអស់ពីចិត្ត និងមានទំនួលខុសត្រូវ ចែករំលែកបទពិសោធន៍ និងស្នើដំណោះស្រាយដើម្បីលើកកម្ពស់គុណភាព និងប្រសិទ្ធភាពការងារជំរុញការវិនិយោគ ពាណិជ្ជកម្ម និងទេសចរណ៍របស់ខេត្តអានយ៉ាង។ រួមចំណែកយ៉ាងសំខាន់សម្រាប់ការអនុវត្តភារកិច្ចឆ្នាំ ២០២៦ ដោយជោគជ័យ បង្កើតជាសន្ទុះសម្រាប់ដំណាក់កាល ២០២៦-២០៣០ ដើម្បីរួមចំណែកកសាង “អានយ៉ាងមួយ - ចក្ខុវិស័យមួយ - ឆន្ទៈមួយនិង ជំនឿមួយលើជ័យជំនះ”។
ថ្លែងមតិបើកសន្និបាត អ្នកស្រី ក្វាងស្វឺនលួ នាយកមជ្ឈមណ្ឌលជំរុញវិនិយោគ ពាណិជ្ជកម្ម និងទេសចរណ៍ខេត្តអានយ៉ាង បានមានប្រសាសន៍ថា ឆ្នាំ២០២៥ បានប្រព្រឹត្តទៅក្នុងបរិបទដែលខេត្តទើបតែរួមបញ្ចូលគ្នា ដោយបើកនូវសម័យអភិវឌ្ឍថ្មីជ្រប់ជ្រុងជ្រោយនិងចីរភាព។នេះជាឆ្នាំចុងក្រោយនៃការអនុវត្តសេចក្តីសម្រេចចិត្តរបស់មហាសន្និបាតបក្សខេត្ត និងអនុវត្តផែនការអភិវឌ្ឍសេដ្ឋកិច្ចសង្គម ៥ឆ្នាំ (២០២០-២០២៥)របស់ខេត្ត គឺជាឆ្នាំមានអត្ថន័យដ៏សំខាន់ដើម្បីអនុវត្តភារកិច្ចជោគជ័យតាមសេចក្តីសម្រេចចិត្តមហាសន្និបាតបក្ខភាគខេត្ត យើងទាំងអស់គ្នាអនុវត្តភារកិច្ចនយោបាយក្នុងបរិបទកាលានុវត្តភាព និងបញ្ហាប្រឈមដែលជាប់ទាក់គ្នា។ ប៉ុន្តែជាមួយនឹងស្មារតីសាមគ្គីភាព និងការប្តេជ្ញាចិត្តក្នុងការជំនះការលំបាក និងឆ្លៀតយករាល់ឱកាស ការងារជំរុញវិនិយោគ ពាណិជ្ជកម្ម និងទេសចរណ៍ដែលសម្រេចបានភារកិច្ច និងគោលដៅសំខាន់ៗបានល្អ រួមចំណែកជំរុញសេដ្ឋកិច្ចនិងសង្គមរបស់ខេត្ត។បណ្តាសមិទ្ធផលដែលសម្រេចបាន គឺដោយសារការយកចិត្តទុកដាក់ ដឹកនាំ និងណែនាំរបស់ក្រសួង ផ្នែកមជ្ឈិម និងរបស់គណៈកម្មាធិការបក្សខេត្ត និងគណៈកម្មាធិការប្រជាជនខេត្ត។
អ្នកស្រី ក្វាងស្វឺនលួ បានមានប្រសាសន៍ថា “មួយឆ្នាំកន្លងទៅនេះ សកម្មភាពផ្សព្វផ្សាយត្រូវបានអនុវត្តយ៉ាងសកម្ម មានចំណុចសំខាន់ៗ ដែលភ្ជាប់ទៅនឹងការផ្សព្វផ្សាយ និងណែនាំសក្តានុភាព ប្រៀបខ្លាំងរបស់ខេត្ត។ ការងារផ្សព្វផ្សាយរូបភាពខេត្ត ផ្សារភ្ជាប់អាជីវកម្ម ពង្រីកទីផ្សារប្រើប្រាស់ផលិតផល អភិវឌ្ឍទេសចរណ៍ភ្ជាប់ទៅនឹងអត្តសញ្ញាណវប្បធម៌ និងគុណសម្បត្តិអេកូឡូស៊ីនៃខេត្តអានយ៉ាងបានជំរុញខ្លាំង រួមចំណែកយ៉ាងសំខាន់ទៅក្នុងការអភិវឌ្ឍសេដ្ឋកិច្ចសង្គមរបស់ខេត្ត”។
យោងតាមរបាយការណ៍របស់មជ្ឈមណ្ឌលជំរុញវិនិយោគ ពាណិជ្ជកម្ម និងទេសចរណ៍ខេត្ត លទ្ធផលដែលលេចធ្លោនៃឆ្នាំកន្លងទៅនេះ គឺមជ្ឈមណ្ឌលបានរៀបចំសកម្មភាពជំរុញវិនិយោគ ពាណិជ្ជកម្ម និងទេសចរណ៍បានចំនួន ៨៩ សម្រេចបាន ១១១% ផែនការ។ គាំទ្រអាជីវកម្មចំនួន ៨៦៥ ចូលរួមរតាំងពិព័រណ៍ និងណែនាំផលិតផល OCOP និងផលិតផលពិសេសរបស់ខេត្ត។ ពង្រីកកិច្ចសហប្រតិបត្តិការ តភ្ជាប់ទំនាក់ទំនងពាណិជ្ជកម្ម និងសហការក្នុងការអភិវឌ្ឍដំណើរទេសចរណ៍ ផ្លូវទេសចរណ៍។ រៀបចំ និងចូលរួមដោយជោគជ័យក្នុងព្រឹត្តិការណ៍ទ្រង់ទ្រាយធំនៅថ្នាក់ខេត្ត ថ្នាក់ជាតិ និងតំបន់៖ ពិធីបុណ្យទេសចរណ៍ និងអាហារភូក្វឹក ឆ្នាំ ២០២៥។ ពិធីបុណ្យវប្បធម៌ និងអាហារហាទៀន ឆ្នាំ ២០២៥។សប្តាហ៍អហារ វប្បធម៌ និងទេសចរណ៍អានយ៉ាង ស្វាគមន៍និទារឃរដូវឆ្នាំម្សាញ់ ២០២៥។ ផ្សារណាត់ពាណិជ្ជកម្មអន្តរជាតិទិញបៀន - អានយ៉ាង។ពិធីបុណ្យទេសចរណ៍ និងអាហាររ៉ាចយ៉ា អានយ៉ាង ឆាំ្ន២០២៥។ ពិធីបុណ្យនំប្រពៃណីណាមបូ - អានយ៉ាង រួមបញ្ចូលជាមួយផ្សារណាត់ជំរុញទេសចរណ៍ ពាណិជ្ជកម្ម - ផលិតផល OCOP លើកទី ២ ក្នុងឆ្នាំ ២០២៥។សន្និបាតជំរុញពាណិជ្ជកម្ម ជំរុញការនាំចូល និងនាំចេញក្នុងតំបន់ភាគខាងត្បូងឆ្នាំ២០២៥ នៅខេត្តអានយ៉ាង។ ចូលរួមក្នុងការតាំងពិព័រណ៍សមិទ្ធផលសេដ្ឋកិច្ច-សង្គម ក្នុងឱកាសខួបលើកទី៨០ ទិវាបុណ្យជាតិ (ទី២ ខែកញ្ញា ឆ្នាំ១៩៤៥ - ទី២ ខែកញ្ញា ឆ្នាំ២០២៥) នៅទីក្រុងហាណូយ។ ផ្សារណាត់ផលិតផលអន្តរជាតិនៅប្រទេសថៃ។ល។ការងារជំរុញវិនិយោគ ពាណិជ្ជកម្ម និងទេសចរណ៍ត្រូវបានអនុវត្តស្របគ្នា ធ្វើសកម្មភាពដោយវិជ្ជាជីវៈ និងអន្តរជាតិ បង្កើតជាមូលដ្ឋានអំណោយផលសម្រាប់ការជំរុញការអភិវឌ្ឍឧស្សាហកម្ម ពាណិជ្ជកម្ម-សេវាកម្ម និងទេសចរណ៍របស់ខេត្ត រួមចំណែកផ្សព្វផ្សាយរូបភាព ផលិតផលពិសេស សក្តានុភាព និងប្រៀបខ្លាំងរបស់ខេត្តអានយ៉ាង ដល់ដៃគូក្នុងនិងក្រៅប្រទេស។មានសាជីវកម្ម និងអាជីវកម្មធំៗក្នុង និងក្រៅប្រទេសជាច្រើនបានមកស្វែងយល់ និងស្ទង់ឱកាសវិនិយោគនៅក្នុងខេត្ត ជាពិសេសនៅក្នុងវិស័យកែច្នៃកសិផល និងជលផល អភិវឌ្ឍហេដ្ឋារចនាសម្ព័ន្ធ ឧស្សាហកម្មបៃតង និងការផ្លាស់ប្តូរឌីជីថល។ អាស្រ័យហេតុនេះ បានជារូបភាពខេត្តអានយ៉ាងបានបញ្ជាក់កាន់តែខ្លាំងឡើងថាជាគោលដៅសុវត្ថិភាព រួសរាយរាក់ទាក់ ទាក់ទាញវិនិយោគិន បរិយាកាសវិនិយោគ និងអាជីវកម្មបន្តបានល្អប្រសើរឡើង រួមចំណែកបង្កើនសន្ទស្សន៍សមត្ថភាពប្រកួតប្រជែងថ្នាក់ខេត្ត (PCI)។
ក្នុងឱកាសនេះ មជ្ឈមណ្ឌលជំរុញវិនិយោគ ពាណិជ្ជកម្ម និងទេសចរណ៍ខេត្តបានប្រគល់រង្វាន់ការប្រកួតរូបថតទេសចរណ៍អានយ៉ាង ឆ្នាំ២០២៥ ក្រោមប្រធានបទ“អានយ៉ាងនិងសម្រស់នៃសមាហរណកម្ម” សម្រាប់អ្នកនិពន្ធដែលទទួលបានរង្វាន់ រួមមាន៖ រង្វាន់លេខពីរចំនួន ២ រង្វាន់លេខបីចំនួន ១ រង្វាន់លើកទឹកចិត្តចំនួន ៥ និងរង្វាន់សមត្ថភាពពិសេសចំនួន ២។ ប្រគល់លិខិតសរសើរចំនួន ៣៦ ដល់អាជីវកម្ម និងសារព័ត៌មានដែលបានចូលរួមយ៉ាងសកម្មក្នុងសកម្មភាពជំរុញវិនិយោគ ពាណិជ្ជកម្ម និងទេសចរណ៍នៅខេត្តអានយ៉ាង ក្នុងឆ្នាំ២០២៥។
ក៏នៅក្នុងសន្និបាតនេះផងដែរ មជ្ឈមណ្ឌលជំរុញវិនិយោគ ពាណិជ្ជកម្ម និងទេសចរណ៍ខេត្ត និងធនាគារភាគហ៊ុនពាណិជ្ជកម្ម គៀនឡុង បានចុះហត្ថលេខាលើអនុស្សរណៈលើ កិច្ចសហប្រតិបត្តិការស្តីពីការជំរុញវិនិយោគ ពាណិជ្ជកម្ម និងទេសចរណ៍ និងគោលនយោបាយគាំទ្រសម្រាប់អាជីវកម្ម៕
ប្រែ៖ សំណាង
