នាព្រឹកថ្ងៃទី៩ មិថុនា លោក ហូវ៉ាន់ម៉ឹង សមាជិកគណៈកម្មាធិការមជ្ឈិមបក្ស អនុប្រធានគណៈកម្មាធិការបក្សខេត្ត ប្រធានគណៈកម្មាធិការប្រជាជនខេត្តអានយ៉ាង បានអញ្ជើញជាអធិបតីកិច្ចប្រជុំថ្នាក់ដឹកនាំគណៈកម្មាធិការប្រជាជនខេត្ត ជាមួយថ្នាក់ដឹកនាំមន្ទីរ ផ្នែកខេត្ត។ កិច្ចប្រជុំនេះត្រូវបានផ្សព្វផ្សាយតាមប្រព័ន្ធអនឡាញទៅតាមបណ្តាស្រុក ទីរួមខេត្ត ក្រុងលើភូមិសាស្ត្រខេត្ត។
នៅក្នុងកិច្ចប្រជុំនេះ ថ្នាក់ដឹកនាំមន្ទីរមហាផ្ទៃបានរាយការណ៍អំពីខ្លឹមសារពាក់ព័ន្ឋដល់ការងារផ្សព្វផ្សាយអនុវត្តការរួមបញ្ចូលគ្នានៃអង្គភាពរដ្ឋបាលថ្នាក់ខេត្ត បញ្ចប់សកម្មភាពរបស់អង្គភាពរដ្ឋបាលថ្នាក់ស្រុក និងបែបផែនរៀបចំ សកម្មភាពបន្ទាប់ពីការរួមបញ្ចូលគ្នាអង្គភាពរដ្ឋបាលថ្នាក់ឃុំនៅលើភូមិសាស្ត្រខេត្ត។ ប្រធានគណៈកម្មាធិការប្រជាជនស្រុកបានរាយការណ៍អំពីបែបផែនរៀបចំមូលដ្ឋានសម្ភារៈបរិក្ខារដើម្បីធានាតម្រូវការសកម្មភាពរបស់អង្គភាពរដ្ឋបាលថ្នាក់ឃុំ បន្ទាប់ពីការរួមបញ្ចូលគ្នា។
ថ្លែងមតិក្នុងកិច្ចប្រជុំ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង បានទទួលស្គាល់ និងកោតសរសើរចំពោះការខិតខំប្រឹងប្រែងរបស់អង្គភាព មន្ទីរ ផ្នែក និងមូលដ្ឋានដែលបានសេនាធិការ និងអនុវត្តខ្លឹមសារការងារ និងភារកិច្ចដែលបានប្រគល់ជូនបានល្អ។ ទន្ទឹមនិងនោះ ស្នើថ្នាក់ដឹកនាំអង្គភាព មន្ទីរ ផ្នែក និងមូលដ្ឋាន ចាំបាច់ត្រូវតែបន្តយ៉ាងសកម្មក្នុងការត្រួតពិនិត្យជាប្រចាំ និងរាយការណ៍ជូនគណៈកម្មាធិការប្រជាជនខេត្ត ដើម្បីដោះស្រាយការលំបាក និងបញ្ហាទាក់ទិនក្នុងការអនុវត្ត។
ចំពោះភារកិច្ចរៀបចំក្បាលម៉ាស៊ីនថ្នាក់ឃុំ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្ត អានយ៉ាង បានស្នើឲ្យមូលដ្ឋានត្រូវអនុវត្តភារកិច្ចនៃខ្លួនឲ្យសកម្ម អំពីបែបផែនរៀបចំមូលដ្ឋានសម្ភារៈ ដើម្បីធានាបាននូវតម្រូវការសកម្មភាពរបស់អង្គភាពរដ្ឋបាលថ្នាក់ឃុំ ក្រោយពីរួមបញ្ចូលគ្នា ដើម្បីនៅថ្ងៃទី ១ ខែកក្កដា ចាប់ផ្តើមបម្រើប្រជាជន។ ត្រៀមបម្រុងលក្ខខណ្ឌដំណើរការឲ្យពេញលេញ ដើម្បីអនុវត្តក្បាលម៉ាស៊ីនថ្មី។ ស្នើប្រធានគណៈកម្មាធិការប្រជាជនថ្នាក់ស្រុកបច្ចុប្បន្នទទួលបន្ទុកជ្រើសរើសមូលដ្ឋានចំនួន១ ដើម្បីដំណើរការអនុវត្ត និងដកបទពិសោធន៍សម្រាប់មូលដ្ឋានផ្សេងៗ។ មន្ទីរហិរញ្ញវត្ថុសេនាធិការដល់គណៈកម្មាធិការប្រជាជនខេត្តឲ្យប្រគល់សន្ទស្សន៍ដល់អង្គភាពរដ្ឋបាលថ្នាក់ឃុំសង្កាត់ថ្មី ចាប់ពីថ្ងៃទី១ ខែកក្កដា។ បង្កើតគណនី និងរៀបចំថវិកាបណ្តោះអាសន្នសម្រាប់ឃុំថ្មីឲ្យបានមុនថ្ងៃទី ២០ ខែមិថុនា។ មន្ទីរមហាផ្ទៃណែនាំអំពីការកសាងមុខងារ និងភារកិច្ចរបស់ការិយាល័យ និងគណពាក់ព័ន្ឋរបស់ឃុំថ្មី។ ការិយាល័យគណៈកម្មាធិការប្រជាជនខេត្តបានបំពេញសេចក្តីណែនាំស្តីពីបទប្បញ្ញត្តិក្នុងការដោះស្រាយនីតិវិធីរដ្ឋបាលថ្នាក់ឃុំសង្កាត់មុនថ្ងៃទី១៥ ខែមិថុនា។ មន្ទីរកសិកម្ម និងបរិស្ថានបានសេនាធិការណែនាំដល់គណៈកម្មាធិការប្រជាជនខេត្តបង្កើតការិយាល័យចុះបញ្ជីដីធ្លីថ្នាក់តំបន់។ ស្នងការនគរបាលខេត្តបានណែនាំដល់ការប្រមូល និងគ្រប់គ្រងត្រាចាស់ តាមបទប្បញ្ញត្តិ និងប្រគល់ត្រាថ្មីនៅថ្ងៃទី១ កក្កដា ដល់ថ្នាក់ឃុំថ្មី។
អំពីការអនុវត្តការរួមបញ្ចូលគ្នាអង្គភាពរដ្ឋបាលថ្នាក់ខេត្ត លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្ត អានយ៉ាង បានស្នើឲ្យមន្ទីរហិរញ្ញវត្ថុ ប្រញាប់បំពេញរបាយការណ៍នយោបាយរបស់ខេត្តថ្មី។ មន្ទីរមហាផ្ទៃខេត្តអានយ៉ាង សហការជាមួយមន្ទីរមហាផ្ទៃខេត្តគៀនយ៉ាង និងអង្គភាពពាក់ព័ន្ធ ដើម្បីបញ្ចប់គម្រោងការរួមបញ្ចូលគ្នា តែងតាំងសមាជិកភាព កំណត់មុខងារ ភារកិច្ចក្បាលម៉ាស៊ីនរបស់មន្ទីរថ្មី។ គម្រោងអំពីមុខតំណែងការងារ និងរៀបចំលំនៅដ្ឋានជាផ្លូវការសម្រាប់កម្មាភិបាលដែលធ្វើការនៅខេត្តថ្មី បន្ទាប់ពីការរួមបញ្ចូលគ្នា។ ទន្ទឹមនឹងនោះ មន្ទីរ ផ្នែក និងមូលដ្ឋាននានាត្រូវបន្តច្បាមជាប់ផែនការអភិវឌ្ឍន៍សេដ្ឋកិច្ច-សង្គមឆ្នាំ២០២៥ ដើម្បីអនុវត្តភារកិច្ចនៃខ្លួន ទន្ទឹមនឹងនោះ ផ្តោតសំខាន់លើការផ្តល់ថវិកាទុនវិនិយោគសាធារណៈ ប្រមូលថវិកា ទាក់ទាញការវិនិយោគ។ល៕
ប្រែ៖ ណារីពៅ
