ព្រឹកថ្ងៃទី ៣ តុលា គណៈអចិន្ត្រៃយ៍បក្ខភាគខេត្ត អានយ៉ាង បានបើកសន្និបាតគណៈកម្មាធិបក្ខភាគខេត្តលើកទី ១៧ ដើម្បីផ្តល់យោបល់អំពីស្ថានភាពអនុវត្តភារកិច្ចនយោបាយក្នុងរយៈពេល ៩ ខែដើមឆ្នាំ ២០២៤ និងដាក់ចេញនូវទិសដៅ ភារកិច្ចក្នុងរយៈពេល ៣ ខែចុងឆ្នាំ ២០២៤។ទន្ទឹមនឹងនេះ សម្រេចលើគោលការណ៍សំខាន់ៗមួយចំនួនផ្សេងទៀតទៅតាមសមត្ថកិច្ច។
សមមិត្ត ឡេហុងក្វាង សមាជិកគណៈកម្មាធិការមជ្ឈិមបក្ស លេខាបក្ខភាគខេត្តអានយ៉ាង ធ្វើជាអធិបតីភាពសន្និបាត។ អញ្ជើញចូលរួមសន្និបាតមានសមមិត្ត ឡេវ៉ាន់នឹង អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្ត។ សមមិត្ត ហូវ៉ាន់ម៉ឹង សមាជិកបម្រុងនៃគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្ត។ បណ្តាសមមិត្ត សមាជិកគណៈអចិន្ត្រៃយ៍បក្ខភាគខេត្ត សមាជិកគណៈកម្មាធិការបក្ខភាគខេត្ត ដឹកនាំបណ្តាមន្ទីរ គណ ផ្នែក ស្ថាប័ន អង្គភាព និងមូលដ្ឋាន។
នៅក្នុងសន្និបាតនេះ សមមិត្ត ឡេវ៉ាន់ម៉ឹង អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្តបានប្រកាសសេចក្តីសម្រេច របស់លោកនាយករដ្ឋមន្ត្រីរដ្ឋាភិបាលអនុម័តលើលទ្ធផលបោះឆ្នោតរបស់សមមិត្ត ហូវ៉ាន់ម៉ឹង សមាជិកបម្រុងនៃគណៈកម្មាធិការមជ្ឈិមបក្ស អនុលេខាបក្ខភាគខេត្តអានយ៉ាង កាន់តំណែងជាប្រធានគណៈកម្មាធិការប្រជាជនខេត្ត អានយ៉ាង អាណត្តិ ២០២១-២០២៦។
ទទួលផ្ទេរសិទ្ឋតែងតាំងពីលោកនាយករដ្ឋមន្ត្រី សមមិត្ត ឡេហុងក្វាង សមាជិកគណៈកម្មាធិការមជ្ឈិមបក្ស លេខាបក្ខភាគខេត្តអានយ៉ាង បានផ្តល់សេចក្តីសម្រេចជូនសមមិត្ត ហូវ៉ាន់ម៉ឹង។
ថ្លែងមតិជូនពរលោក ហូវ៉ាន់ម៉ឹង ដែលបានទទួលការទុកចិត្តនិងប្រគល់ភារកិច្ចថ្មីពីការិយាល័យនយោបាយ និងនាយករដ្ឋមន្ត្រី។ លោក ឡេហុងក្វាង លេខាបក្ខភាគខេត្ត បានវាយតម្លៃខ្ពស់ចំពោះសមត្ថភាព និងបទពិសោធន៍ ហើយសង្ឃឹមថា សមមិត្តនឹងបន្តលើកកម្ពស់សមត្ថភាព បទពិសោធន៍ និងសាមគ្គីភាពជាមួយគណប្រចាំការ គណៈអចិន្ត្រៃយ៍បក្ខភាគខេត្ត គណៈកម្មាធិការប្រតិបត្តិបក្ខភាគខេត្តខិតខំប្រឹងប្រែងនិងប្តេជ្ញាអនុវត្តឲ្យបានជោគជ័យនូវសេចក្តីសម្រេចចិត្ត មហាសន្និបាតបក្ខភាគខេត្ត អភិវឌ្ឍសេដ្ឋកិច្ចសង្គម និងលើកកម្ពស់ជីវភាពសម្ភារៈ និងស្មារតីរបស់ប្រជាជន។
សន្និបាតបានស្តាប់របាយការណ៍ស្តីពីការងារកសាងបក្ស និងចលនាមហាជនក្នុងរយៈពេល៩ខែកន្លងទៅនេះ និងទិសដៅភារកិច្ចក្នុងរយៈពេល៣ខែចុងក្រោយនៃឆ្នាំ២០២៤។ រាយការណ៍ស្ថានភាពអនុវត្តភារកិច្ចអភិវឌ្ឍន៍សេដ្ឋកិច្ច-សង្គម និងចំណូលចំណាយថវិការដ្ឋក្នុងរយៈពេល៩ខែ និងទិសដៅភារកិច្ចក្នុងរយៈពេល៣ខែចុងឆ្នាំ២០២៤។ បទជម្រាបស្នើវិនិយោគលើគម្រោងស្ថិតក្នុងបញ្ជីផែនការវិនិយោគសាធារណៈរយៈពេលមធ្យមដំណាក់កាល២០២៦-២០៣០។ បទជម្រាបស្នើវិនិយោគគម្រោងស្ថិតក្នុងបញ្ជីផែនការវិនិយោគសាធារណៈរយៈពេលមធ្យមសម្រាប់ដំណាក់កាល ២០២៦-២០៣០។ បទជម្រាបស្តីពីការបង្កើតភារកិច្ចកែសម្រួលផែនការទូទៅនៃតំបន់សេដ្ឋកិច្ចច្រកទ្វារព្រំដែនអានយ៉ាង ខេត្ត អានយ៉ាង ដល់ឆ្នាំ ២០៤៥។ សេចក្តីព្រាងកម្មវិធីសកម្មភាពអនុវត្តសេចក្តីសម្រេចចិត្តលេខ ៤២-NQ/TW ចុះថ្ងៃទី ២៤ ខែវិច្ឆិកា ឆ្នាំ ២០២៣ នៃសន្និបាតលើកទី ៨ នៃគណៈកម្មាធិការមជ្ឈិមបក្ស អាណត្តិទី ១៣ ស្តីពីការបន្តផ្លាស់ថ្មី និងលើកកម្ពស់គុណភាពគោលនយោបាយសង្គម ឆ្លើយតបតាមតម្រូវការបុព្វហេតុកសាងនិងការពារមាតុភូមិក្នុងដំណាក់កាលថ្មី។
បានអនុម័តជាលាយលក្ខណ៍អក្សរ៖ របាយការណ៍សំយោគលទ្ធផលនៃការស្ទង់មតិសង្គមវិទ្យាក្នុងត្រីមាសទី ៣ នៃឆ្នាំ ២០២៤។ រាយការណ៍លទ្ធផលសេនាធិការថ្នាក់បក្ខភាគក្នុងការកសាងបក្សអំពីនយោបាយ។ មនោគមវិជ្ជា ក្រមសីលធម៌ និងវិស័យឃោសនាអប់រំក្នុងរយៈពេល ៩ ខែ និងទិសដៅ ភារកិច្ចក្នុងរយៈពេល ៣ ខែចុងឆ្នាំ ២០២៤។ របាយការណ៍ត្រួតពិនិត្យនិងឃ្លាំមើល ក្នុងរយៈពេល៩ខែ និងទិសដៅភារកិច្ចក្នុងរយៈពេល៣ខែចុងឆ្នាំ២០២៤។របាយការណ៍ការងារនយោបាយផ្ទៃក្នុង បង្ការប្រឆាំងអំពើពុករលួយ កំណែទម្រង់យុត្តធម៌ក្នុងរយៈពេល ៩ ខែ និងទិសដៅភារកិច្ចក្នុងរយៈពេល ៣ ខែចុងឆ្នាំ ២០២៤ ។របាយការណ៍ស្តីពីការងារចលនាមហាជនក្នុងរយៈពេល ៩ ខែ និងទិសដៅភារកិច្ចសម្រាប់រយៈពេល ៣ ខែចុងក្រោយនៃឆ្នាំ ២០២៤។ សេចក្តីព្រាងរបាយការណ៍ស្តីពីបញ្ហាសំខាន់ៗដែលគណៈអចិន្ត្រៃយ៍បក្ខភាគខេត្តបានដោះស្រាយរវាងសន្និបាតគណៈកម្មាធិការបក្ខភាគខេត្តទាំងពីរ។
ថ្លែងមតិផ្តួចផ្តើមការពិភាក្សានៅក្នុងសន្និបាត លោក ឡេហុងក្វាង សមាជិកគណៈកម្មាធិការមជ្ឈិមបក្ស លេខាបក្ខភាគខេត្ត បានស្នើឲ្យប្រតិភូបង្ហាញពីស្មារតីទទួលខុសត្រូវខ្ពស់និងលើកកម្ពស់លទ្ធិប្រជាធិបតេយ្យ បញ្ញា ហើយផ្តោតពិភាក្សាលើខ្លឹមសារពាក់ព័ន្ឋ៖ ស្ថានភាពអនុវត្តភារកិច្ចនយោបាយក្នុងរយៈពេល ៩ ខែ និងទិសដៅភារកិច្ចសំខាន់ៗក្នុងរយៈពេល ៣ ខែចុងឆ្នាំ ២០២៤។ អំពីស្ថានភាពសេដ្ឋកិច្ច-សង្គមក្នុងរយៈពេល ៩ ខែ និងទិសដៅភារកិច្ចក្នុងរយៈពេល ៣ ខែចុងឆ្នាំ ២០២៤។ បណ្តាមូលដ្ឋានបានរាយការណ៍អំពីលទ្ធផលលេចធ្លោមួយចំនួន និងការលំបាក ឧបសគ្គក្នុងការអនុវត្តការងារនយោបាយក្នុងរយៈពេល៩ខែ ទិសដៅ និងដំណោះស្រាយអនុវត្តការងារនយោបាយដោយជោគជ័យនៅក្នុងឆ្នាំ២០២៤។ ការងារត្រៀមបម្រុងមហាសន្និបាតបក្ខភាគគ្រប់លំដាប់ថ្នាក់សម្រាប់អាណត្តិ២០២៥-២០៣០ជាដើម៕
គេហទំព័រអេឡិចត្រូនិកខេត្តនឹងបន្តធ្វើបច្ចុប្បន្នភាពលទ្ធផលធ្វើការរបស់សន្និបាតនៅក្នុងខ្លឹមសារព័ត៌មានបន្ទាប់ទៀត។
ប្រែ៖ ណារីពៅ
