ព្រឹកថ្ងៃទី ៣ ខែតុលា នៅសង្កាត់ រ៉ាច់យ៉ា មហាសន្និបាតតំណាងបក្ខភាគខេត្តលើកទី ១ អាណត្តិ ២០២៥ - ២០៣០ បានបើកជាផ្លូវការក្នុងបរិយាកាសរីករាយ និងពេញក្តីសង្ឃឹម។
លោកនាយឧត្តមសេនីយ៍ ផានវ៉ាន់យ៉ាង សមាជិកការិយាល័យនយោបាយ អនុលេខាគណៈកម្មាធិការយោធាមជ្ឈិមបក្ស រដ្ឋមន្ត្រីក្រសួងការពារប្រទេសបានចូលរួម និងណែនាំមហាសន្និបាត។ អ្នកស្រី វ៉ធីអញ់ស្វឺន សមាជិកាមជ្ឈិមបក្ស ជាអនុប្រធានរដ្ឋ និងសមមិត្តអតីតថ្នាក់ដឹកនាំបក្ស និងរដ្ឋមានស្រុកកំណើតនៅអានយ៉ាង តំណាងបណ្តាក្រសួង គណ ផ្នែកមជ្ឈិម យោធភូមិភាគទី៩ ថ្នាក់ដឹកនាំខេត្ត អតីតថ្នាក់ដឹកនាំខេត្តគ្រប់សម័យកាល វីរៈមាតាវៀតណាម វីរៈកងកម្លាំងប្រដាប់អាវុធប្រជាជន វីរៈជនពលកម្មនិងតំណាងចំនួន ៤៤៨ រូប តំណាងឲ្យបក្ខជនចំនួន ១៣១.៥៤៨ រូបក្នុងបក្ខភាគទាំងមូលដែលចូលរួមមហាសន្និបាត។
មហាសន្និបាតតំណាងបក្ខភាគខេត្តអានយ៉ាងលើកទី ១ បន្ទាប់ពីរួមបញ្ចូលគ្នាខេត្តទាំងពីរគៀនយ៉ាងនិងអានយ៉ាង មានអត្ថន័យនយោបាយសំខាន់ពិសេស តួយ៉ាងមានជាទិសដៅ គោលដៅ ភារកិច្ច ដំណោះស្រាយអភិវឌ្ឍគ្រប់ជ្រុងជ្រោយសម្រាប់ខេត្តក្នុងដំណាក់កាល ២០២៥ - ២០៣០។ ទន្ទឹមនិងនោះ ពង្រឹងប្រព័ន្ឋនយោបាយរឹងមាំ បំផុសឆន្ទះ ប្តេជ្ញាចិត្តឈានឡើងខ្លាំងក្លារបស់បក្ខភាគនិងប្រជាជនអានយ៉ាងក្នុងយុគសម័យថ្មី។
បាវចនាមហាសន្និបាត៖ "អានយ៉ាងមួយ - ចក្ខុវិស័យមួយ - ឆន្ទៈមួយ - ជំនឿឈ្នះមួយ" គឺជាត្រីវិស័យសម្រាប់សកម្មភាពផង និងការអំពាវនាវដ៏ខ្លាំងក្លា ដាស់សេចក្តីប្រាថ្នាចង់នាំខេត្តអានយ៉ាងអភិវឌ្ឍយ៉ាងឆាប់រហ័ស និងចីរភាពក្នុងដំណាក់កាលថ្មី ឈានចូលសុគសម័យឈានឡើងរបស់ជនជាតិ។
ក្នុងមតិបើក សមមិត្ត ង្វៀនទៀនហៃ សមាជិកគណកម្មាធិកាមជ្ឈិមបក្ស លេខាបក្សខេត្តអានយ៉ាង បានបញ្ចាក់ថា មហាសន្និបាតគឺជាព្រឹត្តិការណ៍នយោបាយដ៏សំខាន់ មានអត្ថន័យពិសេសសម្រាប់ការអភិវឌ្ឍខេត្តអានយ៉ាង ក្នុងបរិបទប្រទេសជាតិឈានចូលយុគសម័យអភិវឌ្ឍន៍ថ្មី ជាមួយនឹងវាសនា កាលានុវត្តភាពនិងកម្លាំងចលករអភិវឌ្ឍថ្មីជាច្រើន។ នេះជាឱកាសមួយដើម្បីក្រឡេកមើលវិញការខិតខំប្រឹងប្រែងក្នុងអាណត្តិកន្លង កំណត់ពីគោលជំហររបស់បក្ខភាគនិងមូលដ្ឋានក្នុងដំណើរអភិវឌ្ឍប្រទេសទាំងមូល។
អាណត្តិកន្លង សមត្ថភាពដឹកនាំ និងកម្លាំងប្រយុទ្ធរបស់អង្គការបក្ស និងគុណភាពបក្ខជនបានកើនឡើង។ សកម្មភាពរបស់ប្រព័ន្ធនយោបាយកាន់តែមានប្រសិទ្ធភាព ជាពិសេសគឺបន្ទាប់ពីអនុវត្តគោលការណ៍របស់មជ្ឈិមស្តីពីការពង្រួញអង្គការក្បាលម៉ាស៊ីន អង្គភាពរដ្ឋាបាល និងកសាងអាជ្ញាធរមូលដ្ឋានពីរថ្នាក់ បង្កើតការឯកភាពខ្ពស់ក្នុងកម្មាភិបាល និងប្រជាជន។ សេដ្ឋកិច្ចបានស្តារឡើងវិញ និងរីកចម្រើនពីមួយឆ្នាំទៅមួយឆ្នាំ រចនាសម្ព័ន្ធសេដ្ឋកិច្ចបានបង្វែរក្នុងទិសដៅត្រឹមត្រូវ ហេដ្ឋារចនាសម្ព័ន្ធទីក្រុងបានបណ្តាក់ទុនពីមួយថ្ងៃទៅមួយថ្ងៃកាន់តែស្របគ្នា មានការផ្លាស់ប្តូរវិជ្ជមានជាច្រើន មុខមាត់ជនបទ ជីវភាពសម្ភារៈនិងស្មារតីរបស់ប្រជាជនបានកែលម្អឥតឈប់ឈរ។ សន្តិសុខការពារប្រទេសបានរក្សារឹងមាំ ការងារការទូត សមាហរណកម្ម កិច្ចសហប្រតិបត្តិការអន្តរជាតិ តភ្ជាប់តំបន់បានពង្រឹង ទាំងនេះជាប្រសាសន៍របស់លេខាបក្សខេត្តអានយ៉ាង។
អាណត្តិឆ្នាំ ២០២០ - ២០២៥ ខេត្តបានអនុវត្តមានប្រសិទ្ធភាពនូវរបកគំហើញចំនួន ៣ ក្នុងការអភិវឌ្ឍសេដ្ឋកិច្ចសង្គម រួមមាន៖ កំណែទម្រង់រដ្ឋបាលជាមួយនឹងដំណោះស្រាយទំនើបកម្មរដ្ឋបាល កសាង និងអភិវឌ្ឍអាជ្ញាធរអេឡិចត្រូនិក និងអាជ្ញាធរឌីជីថល។ កែលម្អបរិយាកាសអាជីវកម្ម លើកកម្ពស់សមត្ថភាពប្រកួតប្រជែង រួមចំណែកបង្កើតបរិយាកាសអាជីវកម្មសមធម៌ បើកចំហ តម្លាភាពសម្រាប់វិនិយោគគិន ធានាថាស្របច្បាប់ និងទម្លាប់អន្តរជាតិ។ បង្កើនការកៀរគរ និងដោះស្រាយធនធានមនុស្សរលូន ផ្តោតលើការវិនិយោគសាងសង់ហេដ្ឋារចនាសម្ព័ន្ធសេដ្ឋកិច្ច-សង្គម ជាពិសេសគឺហេដ្ឋារចនាសម្ព័ន្ធដឹកជញ្ជូនស្របគ្នា ទំនើបនិងអភិវឌ្ឍធនធានមនុស្សគុណភាពក្នុងវិស័យគោល ដើម្បីឆ្លើយតបតម្រូវការអភិវឌ្ឍន៍។
បន្ទាប់មកខេត្តបានអនុវត្តមានប្រសិទ្ធភាពនូវកម្មវិធីសំខាន់ៗចំនួន៥ រួមមាន៖ កម្មវិធីអភិវឌ្ឍន៍ទីក្រុង កម្មវិធីអភិវឌ្ឍន៍ធនធានមនុស្ស កម្មវិធីគោលដៅជាតិកសាងជនបទថ្មី កម្មវិធីអភិវឌ្ឍន៍សេដ្ឋកិច្ចសង្គមតំបន់ជនជាតិភាគតិច និងតំបន់ភ្នំ កម្មវិធីគោលដៅជាតិស្តីពីការកាត់បន្ថយភាពក្រីក្រដោយចីរភាព រួមចំណែកសម្រេចបានគោលដៅសេដ្ឋកិច្ចសង្គមសំខាន់ៗរបស់ខេត្តជាច្រើន។
នៅអាណត្តិ ២០២០ - ២០២៥ កំណើន GRDP របស់ខេត្តមានជាមធ្យម ៥,៦៨% ក្នុងមួយឆ្នាំ ទ្រង់ទ្រាយសេដ្ឋកិច្ចបើកទូលាយ ហេដ្ឋារចនាសម្ព័ន្ធបានផ្លាស់ប្តូរក្នុងទិសដៅត្រឹមត្រូវ។ វិស័យកសិកម្មដើរតួនាទីជាទម្រងខឿនសេដ្ឋកិច្ច ប្រមូលផ្តុំលើកកម្ពស់ផលិតភាព គុណភាព និងប្រកួតប្រជែង។ បរិមាណផលជលផលសរុបក្នុងរយៈពេល ៥ ឆ្នាំសម្រេចបានជាង ៧,៤ លានតោន កើនឡើងជាមធ្យម ២,៦៦% ក្នុងមួយឆ្នាំ។ ឧស្សាហកម្មសម្រេចបានអត្រាកំណើនល្អបង្គួរ ជាកម្លាំងចលករដ៏សំខាន់មួយសម្រាប់កំណើនសេដ្ឋកិច្ច ដោយមានតម្លៃផលិតកម្មជាង ៤៧៦.៨០០ ពាន់លានដុង ក្នុងនោះឧស្សាហកម្មកែច្នៃ និងផលិតដើរតួនាទីយ៉ាងសំខាន់ ស្មើនឹង ៩៦% នៃតម្លៃផលិតកម្មឧស្សាហកម្មសរុប។
បន្ទាប់មក ពាណិជ្ជកម្ម សេវាកម្ម ទេសចរណ៍បន្តមានកំណើនជាវិជ្ជមាននិងតម្លៃនាំចេញជាសរុបសម្រេចបាន ៩,២៩ ពាន់លានដុល្លារអាមេរិក កើនឡើងជាមធ្យម ៩,៣៩% ក្នុងមួយឆ្នាំ។ វិស័យទេសចរណ៍ស្តារឡើងវិញយ៉ាងខ្លាំង ដោយមានភ្ញៀវទេសចរសរុបជាង ៨០,៨ លាននាក់ ក្នុងនោះភ្ញៀវអន្តរជាតិជាង ៣,៤៨ លាននាក់ អត្រាកំណើនជាមធ្យម ១៤,៩% ក្នុងមួយឆ្នាំ។ ចំណូលទេសចរណ៍សរុបក្នុងរយៈពេល ៥ ឆ្នាំជាង ១៤២.៨០០ ពាន់លានដុង បញ្ជាក់ពីជំហររបស់ខេត្តលើផែនទីទេសចរណ៍ជាតិ និងពិភពលោក។
ទន្ទឹមនឹងនោះ សេដ្ឋកិច្ចសមុទ្ទមានការអភិវឌ្ឍខ្លាំង ស្មើ ៨០% នៃ GRDP ក្នុងខេត្តទាំងមូល។ សេដ្ឋកិច្ចតាមព្រំដែនបានពង្រឹងតាមរយៈការវិនិយោគលើប្រព័ន្ធច្រកទ្វារព្រំដែន logistics និងពាណិជ្ជកម្មឆ្លងដែន បង្កើតបានជាបង្គោលកំណើនថ្មី ភ្ជាប់ជាមួយការធានាការពារជាតិ និងសន្តិសុខ។
ចំពោះការងារកសាងបក្ស ពង្រួមក្បាលម៉ាស៊ីនអនុវត្តមានប្រសិទ្ធភាព និងគុណភាពកម្មាភិបាល និងបក្ខជនក៏បានលើកកម្ពស់ផងដែរ។ បក្ខភាគខេត្តអានយ៉ាងបច្ចុប្បន្នមានបក្ខភាគក្រោមឱវ៉ាទបក្ខភាគខេត្តងចំនួន ១០៧ អង្គការបក្សមូលដ្ឋានចំនួន ៩៣១ និងបក្ខជនចំនួន ១៣១ ៥៤៨ រួប។ ខេត្តបានបញ្ចប់ការរៀបចំអង្គភាពរដ្ឋបាលអាជ្ញាធរមូលដ្ឋានពីរថ្នាក់ជាមួយនឹងអង្គភាពឃុំចំនួន ១០២ រួមមាន៖ ឃុំ ៨៥ សង្កាត់ ១៤ និងតំបន់ពិសេស ៣។ វប្បធម៌សង្គម អប់រំ សុខាភិបាល និងរបបសន្តិសុខសង្គមបានកែចម្រើន អត្រាគ្រួសារក្រីក្រនៅមានចំនួន ០,៩១%។ សន្តិសុខការពារជាតិរក្សាបានរឹងមាំ កិច្ចការបរទេសបានពង្រីក ជាពិសេសជាមួយកម្ពុជា៕
ប្រែ៖ ណារីពៅ
