នៅថ្ងៃទី ០៦ ខែសីហា បក្ខភាគឃុំអានគឺ បានរៀបចំកិច្ចប្រជុំបូកសរុបសកម្មភាពរបស់ គណៈ ៣៥ នៃបក្ខភាគ ការងារឃោសនា អប់រំ និងការងារចលនាមហាជន ក្នុងរយៈពេល ៦ ខែដើមឆ្នាំ ២០២៦ ព្រមទាំងផ្សព្វផ្សាយទិសដៅ និងភារកិច្ចសំខាន់ៗ សម្រាប់ ៦ ខែចុងឆ្នាំ ២០២៦។
កិច្ចប្រជុំនេះ ដឹកនាំដោយអ្នកស្រី នាង សែម អនុលេខាបក្ខភាគឃុំ និងជាអនុប្រធានប្រចាំការគណៈ ៣៥ នៃបក្ខភាគឃុំអានគឺ។ អញ្ជើញចូលរួម និងផ្តល់មតិដឹកនាំ មានលោក ង្វៀន ម៉ាញ់ ហា អនុប្រធានគណៈឃោសនា អប់រំ និងច លនាមហាជននៃបក្ខភាគខេត្ត រួមជាមួយសមមិត្តក្នុងគណៈការងារ ៣៥ ក្រុមសហការី ៣៥ សហការីមតិសាធារណៈសង្គម និងលេខាបក្ខភាគ សាខាបក្សក្រោមឱវ៉ាទបក្ខភាគឃុំ។
នៅក្នុងកិច្ចប្រជុំ ប្រតិភូទាំងអស់បានស្តាប់របាយការណ៍ស្តីពីលទ្ធផលការងារការពារមូលដ្ឋានគ្រឹះនៃមនោគមវិជ្ជារបស់បក្ស ការតស៊ូបដិសេធទស្សនៈខុសឆ្គង និងអមិត្ត ក្នុងរយៈពេល ៦ ខែដើមឆ្នាំ និងរបាយការណ៍លទ្ធផលការងារឃោសនា អប់រំ និងចលនាមហាជន ៦ ខែដើមឆ្នាំ ២០២៦ និងលើកឡើងទិសដៅ ភារកិច្ចសំខាន់ៗ សម្រាប់ ៦ ខែចុងឆ្នាំ ២០២៦។ ក្នុងវេទិកាពិភាក្សា ប្រតិភូបានផ្តោតលើការវាយតម្លៃស្ថានភាពការប្រើប្រាស់បណ្តាញសង្គម នៅតាមស្ថាប័ន អង្គភាព និងតំបន់លំនៅដ្ឋាន ព្រមទាំងចែករំលែកវិធីសាស្ត្រល្អៗ និងការច្នៃប្រឌិតក្នុងការងារឃោសនា និងតម្រង់ទិសមតិសាធារណៈ ជាពិសេសនៅតំបន់ជនជាតិភាគតិច។ ទន្ទឹមនឹងនោះ ក៏ស្នើនូវដំណោះស្រាយនានា ដើម្បីលើកកម្ពស់ជំនាញក្នុងការសម្គាល់ និងតស៊ូប្រឆាំងព័ត៌មានមិនល្អ ព័ត៌មានមិនពិត នៅលើបណ្តាញសង្គម។
ថ្លែងមតិដឹកនាំក្នុងកិច្ចប្រជុំ លោក ង្វៀន ម៉ាញ់ ហា អនុប្រធានគណៈឃោសនា អប់រំ និងចលនាមហាជន នៃបក្ខភាគខេត្ត បានស្នើឲ្យគណៈ ៣៥ នៃបក្ខភាគឃុំអានគឺ បន្តពិនិត្យ ពង្រឹងអង្គការ ចាត់ភារកិច្ចសមស្រប និងពង្រីកនូវតួនាទីរបស់សមាជិកនីមួយៗ ក្នុងការក្តាប់បាន និងតម្រង់ទិសមតិសាធារណៈ ព្រមទាំងមានភាពសកម្មក្នុងការតស៊ូបដិសេធទស្សនៈខុសឆ្គង និងអមិត្ត។ លោកក៏បានស្នើឲ្យកម្មាភិបាល និងបក្ខជនគ្រប់រូប បង្កើនការប្រើប្រាស់ប្រកបដោយប្រសិទ្ធភាពនូវវេទិកាឌីជីថល ដើម្បីបម្រើការងារឃោសនា អប់រំនយោបាយ និងមនោគមវិជ្ជា បង្កើតឯកភាពក្នុងការយល់ដឹង និងសកម្មភាពរបស់កម្មាភិបាល បក្ខជន និងប្រជាជន។
បញ្ចប់សន្និសីទ អ្នកស្រី នាង សែម អនុលេខាបក្ខភាគ និងជាអនុប្រធានប្រចាំការគណៈ ៣៥ នៃបក្ខភាគឃុំអានគឺ បានសង្កត់ធ្ងន់ថា គណៈ ៣៥ ត្រូវបន្តលើកកម្ពស់តួនាទីស្នូលក្នុងការការពារមូលដ្ឋានគ្រឹះនៃមនោគមវិជ្ជារបស់បក្ស ហើយសកម្មក្នុងការក្តាប់ស្ថានភាពនៅមូលដ្ឋាន និងនៅលើបរិយាកាសបណ្តាញ ដើម្បីរកឃើញ និងដោះស្រាយបញ្ហាដែលកើតឡើងបានទាន់ពេលវេលា តាំងពីដំណាក់កាលដំបូង។ កម្មាភិបាល និងបក្ខជនគ្រប់រូប ត្រូវអនុវត្តយ៉ាងម៉ឺងម៉ាត់នូវបទប្បញ្ញត្តិពេលចូលរួមប្រើប្រាស់បណ្តាញសង្គម បង្កើនការទទួលខុសត្រូវក្នុងការការពារនយោបាយផ្ទៃក្នុង រក្សាការសម្ងាត់របស់រដ្ឋ រួមចំណែករក្សាស្ថិរភាពមនោគមវិជ្ជា សន្តិសុខនយោបាយ និងសណ្តាប់ធ្នាប់សុវត្ថិភាពសង្គមនៅលើភូមិសាស្ត្រឃុំ៕
ប្រែ៖ ណារីពៅ
