អស់រយពេលមួយពេលធ្វើការជាបន្ទាន់និងម៉ឹងមាត់ជាមួយស្មារតីទទួលខុសត្រូវខ្ពស់ សន្និបាតគណកម្មាធិការបក្ខភាគខេត្តអានយ៉ាងលើកទី១៧បានបញ្ចប់កម្មវិធីដាក់ចេញទាំងមូល។
សន្និបាតបានបង្ហាញពីស្មារតីទទួលខុសត្រូវខ្ពស់ លើកកម្ពស់លទ្ធិប្រជាធិបតេយ្យ បញ្ញា ការពិភាក្សាត្រង់ៗ រួមចំណែកនូវមតិយោបល់ដោយសាទរ និងសំខាន់ៗជាច្រើន។ គណៈអចិន្ត្រៃយ៍បក្ខភាគខេត្តបានទទួលនូវមតិត្រឹមត្រូវ និងពន្យល់អំពីបញ្ហាដែលនៅតែមានមតិខុសគ្នា។
គណៈកម្មាធិការបក្ខភាគខេត្តបានឯកភាពវាយតម្លៃ៖ ក្នុងរយៈពេល៩ខែដើមឆ្នាំ២០២៤ ក្នុងបរិបទងាយស្រួលនិងលំបាកចម្រុះ ប៉ុន្តែដោយការសាមគ្គីភាព និងការប្តេជ្ញាចិត្តនៃប្រព័ន្ធនយោបាយទាំងមូល ថាមវន្ត និងភាពបត់បែនរបស់អាជ្ញាធរគ្រប់លំដាប់ថ្នាក់ ការងារកសាងបក្ស និងការងារចលនាមហាជន ស្ថានភាពសេដ្ឋកិច្ច សង្គម ការពារជាតិ និងសន្តិសុខរបស់ខេត្តបានផ្លាស់ប្តូរជាវិជ្ជមានក្នុងវិស័យជាច្រើន។ក្នុងនោះការងារកសាងបក្ស កសាងប្រព័ន្ធនយោបាយ និងចលនាមហាជន បានយកចិត្តទុកដាក់ជាពិសេស សម្រេចបានលទ្ធផលគ្រប់ជ្រុងជ្រោយ។ ការអភិវឌ្ឍន៍សេដ្ឋកិច្ច-សង្គមរបស់ខេត្តមានការផ្លាស់ប្ដូរជាវិជ្ជមានជាច្រើនលើគ្រប់វិស័យ ដោយបន្តរីកចម្រើនខ្លាំងបើធៀបនឹងរយៈពេលនេះឆ្នាំមុន អត្រាកំណើនសេដ្ឋកិច្ច (GRDP) កើនឡើង ៦,៥៤% ខ្ពស់ជាងកម្រិតកើនឡើងនៃដំណាល់ពេលនេះឆ្នាំមុន (កើន ៦,៤១%) បណ្តាតំបន់សេដ្ឋកិច្ចសុទ្ឋតែមានកំណើន។ សន្តិសុខនិងការពារជាតិបានធានា។ សន្តិសុខនៅតាម ព្រំដែន ជនជាតិ និងសាសនាបានបង្កើន និងស្ថិរភាព។ រៀបចំសមយុទ្ធសម្រាប់តំបន់ការពារខេត្ត ទីក្រុង ឡុងស្វៀន ទីរួមខេត្តទិញបៀន ឆាំ្ន២០២៤ ដើម្បីធានាបាននូវភាពហ្មត់ចត់ ម៉ឺងម៉ាត់ និងសម្រេចបាននូវគោលដៅ តម្រូវការដែលបានដាក់ចេញ។
ថ្លែងមតិក្នុងពិធីបិទសន្និបាតនេះ សមមិត្ត ឡេហុងក្វាង សមាជិកគណៈកម្មាធិការមជ្ឈិមបក្ស លេខាបក្ខភាគខេត្ត តាងនាមគណៈអចិន្ត្រៃយ៍បក្ខភាគខេត្ត បានកត់ត្រាទទួលស្គាល់ វាយតម្លៃខ្ពស់ និងលើកសរសើរបណ្តាថ្នាក់ បណ្តាផ្នែក បណ្តាមូលដ្ឋានដែលបានខិតខំបំពេញភារកិច្ចក្នុងរយៈពេល ៩ ខែនៃឆ្នាំ ២០២៤ នេះបានល្អ។
ដើម្បីសម្រេចបានជោគជ័យនូវគោលដៅភារកិច្ចនយោបាយដែលបានដាក់ចេញសម្រាប់ឆ្នាំ ២០២៤ លោក ឡេហុងក្វាង លេខាបក្ខភាគខេត្ត បានតម្រូវឲ្យបណ្តាថ្នាក់បក្ខភាគ អាជ្ញាធរ បណ្តាផ្នែក បណ្តាថ្នាក់ ជាពិសេសថ្នាក់ដឹកនាំ ជ្រោងខ្ពស់ស្មារតីទទួលខុសត្រូវ ថាមវន្ត ច្នៃប្រឌិត។ អនុវត្តយ៉ាងតឹងរឹងនូវរបបព័ត៌មាន និងរាយការណ៍។ ការអនុវត្តបទបញ្ជាការងារ សណ្តាប់ធ្នាប់ វិន័យ ក្រមសីលធម៌ និងកិច្ចការសាធារណៈជាដើម បានប្តេជ្ញាអនុវត្តជោគជ័យនូវភារកិច្ចនយោបាយឆ្នាំ ២០២៤ ជាក់ស្តែង លោក ឡេហុងក្វាង លេខាបក្ខភាគខេត្ត បានចង្អុលបង្ហាញភារកិច្ចសំខាន់ៗចំនួន ០៦ ចាំបាច់ត្រូវតែអនុវត្តនៅក្នុងបណ្តាខែចុងឆាំ្នរួមមាន៖
ទី១ ត្រូវបន្តត្រួតពិនិត្យឡើងវិញនិងធ្វើបច្ចុប្បន្នភាពលទ្ធផលអនុវត្តគោលដៅ និងសន្ទស្សន៍ដើម្បីដាក់ចេញដំណោះស្រាយ បំពេញបន្ថែមចាំបាច់អនុវត្តឲ្យបានសមស្របក្នុងរយៈពេល៣ខែចុងឆ្នាំនេះ ដើម្បីសម្រេចបាននូវផែនការឆ្នាំ២០២៤ ធ្វើជាមូលដ្ឋានដើម្បីបង្កើតផែនការឆ្នាំ២០២៥ និងខិតខំបញ្ចប់បណ្តាសន្ទស្សន៍សេចក្តីសម្រេចចិត្តមហាសន្និបាតបក្ខភាគខេត្តលើកទី១១ អាណត្តិឆ្នាំ២០២០-២០២៥ ជាពិសេសគឺផ្តោតអនុវត្តដំណោះស្រាយជាក់លាក់ ដើម្បីសម្រេចបានសន្ទស្សន៍ដែលនៅទាប។
ទីពីរ ដឹកនាំ ណែនាំ ផ្សព្វផ្សាយរៀបចំអនុវត្តម៉ឹងមាត់ និងមានប្រសិទ្ធភាពនៃសារាចរណ៍ណែនាំលេខ ៣៥-CT/TW ចុះថ្ងៃទី ១៤ ខែមិថុនា ឆ្នាំ ២០២៤ របស់ការិយាល័យនយោបាយ ផែនការលេខ ១៩០-KH/TU ចុះថ្ងៃទី ២៨ ខែសីហា ឆ្នាំ ២០២៤ របស់គណៈកម្មាធិការបក្ខភាគខេត្ត សេចក្តីណែនាំលេខ០២-HD/TU ចុះថ្ងៃទី៣០ ខែសីហា ឆ្នាំ២០២៤ របស់គណៈអចិន្ត្រៃយ៍បក្ខភាគខេត្ត ស្តីពីមហាសន្និបាតបក្ខភាគគ្រប់លំដាប់ថ្នាក់ឆ្ពោះទៅមហាសន្និបាតប្រតិភូទូទាំងប្រទេសលើកទី១៤ របស់បក្ស។ អនុគណៈកម្មការឯកសារ និងអនុគណៈកម្មការសមាជិកភាពនៃមហាសន្និបាតបក្ខភាគខេត្តលើកទី១២ អាណត្តិ ២០២៥ - ២០៣០ បានបង្កើតជាបន្ទាន់នូវក្រុមចងក្រង និងផ្នែកជំនួយកិច្ចការ ដើម្បីផ្សព្វផ្សាយផែនការការងារ។ គណឃោសនាអប់រំបក្ខភាគខេត្តត្រូវពិនិត្យសាឡើងវិញនិងចុះបញ្ជីជាបន្ទាន់នូវសំណង់ និងព្រឹត្តិការណ៍ដែលមានអត្ថន័យជាក់ស្តែង បង្កើតជាបរិយាកាសប្រឡងប្រណាំងផុលផុស ដើម្បីឆ្ពោះទៅអបអរសាទរមហាសន្និបាតបក្ខភាគគ្រប់លំដាប់ថ្នាក់សម្រាប់អាណត្តិ ២០២៥ - ២០៣០។
ទី៣- ដាក់ជូនលោកនាយករដ្ឋមន្ត្រីអនុម័តជាបន្ទាន់ និងផ្សព្វផ្សាយផែនការអនុវត្តផែនការរៀបចំខេត្តអានយ៉ាង ដំណាក់កាល ២០២១-២០៣០ និងចក្ខុវិស័យដល់ឆ្នាំ ២០៥០ ធ្វើជាមូលដ្ឋានសម្រាប់កសាងកម្មវិធី និងផែនការអភិវឌ្ឍន៍សេដ្ឋកិច្ច-សង្គមនាពេលខាងមុខ។
ទី៤ បញ្ចប់ការរៀបចំសមយុទ្ធសម្រាប់តំបន់ការពារមូលដ្ឋានតាមផែនការ៖ ស្រុក ចើម៉ើយ (ខែតុលា ឆ្នាំ ២០២៤) ស្រុក ថ្វយសឺន (ខែវិច្ឆិកា ឆ្នាំ ២០២៤)។ ធានាសុវត្ថិភាព និងមានគោលដៅត្រឹមត្រូវ។ ក្នុងស្មារតីសន្សំសំចៃ ជៀសវាងការអួតអាង រូបភាព និងតាំងចិត្តបង្ការទប់ស្កាត់អំពើពុករលួយ អវិជ្ជមាន និងផលប្រយោជន៍ក្រុមយ៉ាងម៉ឺងម៉ាត់។
ទី៥ ត្រៀមរៀបចំព្រឹត្តិការណ៍ និងសកម្មភាពឲ្យបានហ្មត់ចត់ ចាប់ពីពេលនេះរហូតដល់ដំណាច់ឆ្នាំ៖ ពិធីទទួលប័ណ្ណទទួលស្គាល់សាលានយោបាយ តូនឌឹកថាំង សម្រេចស្តង់ដាកម្រិត ១។ បណ្តាសកម្មភាពខួបលើកទី ២០០ឆាំ្ន នៃការជីកបញ្ចប់ព្រែកវិញទេ (១៨២៤-២០២៤) រម្លឹកខួបលើកទី ១៩៨ឆាំ្នទិវាមរណភាពលោកយាយ ចូវធីទេ (១៨២៦-២០២៤) - បានប្រារព្ធឡើងនៅខែវិច្ឆិកា ឆ្នាំ ២០២៤។
ទី៦ បំពេញខ្លឹមសារបម្រើក្រុមការងាររបស់ខេត្តដែលចូលរួមក្នុងកិច្ចប្រជុំពិនិត្យឯកសារពិធីបុណ្យលោកយាយភ្នំស្វាមជាបេតិកភណ្ឌវប្បធម៌អរូបីនៃមនុស្សជាតិនៅប៉ារ៉ាហ្គាយ(Paraguay) (ចាប់ពីថ្ងៃទី ២ ខែធ្នូដល់ថ្ងៃទី ៧ ខែធ្នូ ២០២៤)។
បន្តនូវលទ្ធផលដែលសម្រេចបាន និងដោយស្មារតីទទួលខុសត្រូវចំពោះបក្ស និងប្រជាជន គណៈកម្មាធិការបក្ខភាគខេត្ត បានអំពាវនាវដល់កម្មាភិបាល បក្ខជន និងប្រជាជនគ្រប់ស្រទាប់ក្នុងខេត្ត បង្កើនសាមគ្គីភាព និងឯកភាពគ្នា ខិតខំពុះពារជម្នះការលំបាក បញ្ហាប្រឈម អនុវត្តមានប្រសិទ្ធភាពកម្មវិធីសកម្មភាព និងសេចក្តីសន្និដ្ឋាននៃសន្និបាតគណៈកម្មាធិការបក្ខភាគខេត្តលើកទី១៧ ខិតខំបំពេញផែនការអភិវឌ្ឍន៍សេដ្ឋកិច្ច-សង្គម ធានាការពារជាតិ-សន្តិសុខ កសាងបក្ស និងប្រព័ន្ធនយោបាយឆ្នាំ២០២៤ អនុវត្តជោគជ័យនូវសេចក្តីសម្រេចចិត្តមហាសន្និបាតបក្ខភាគខេត្តលើកទី១១ អាណត្តិឆាំ្ន ២០២០ - ២០២៥៕
ប្រែ៖ ណារីពៅ
