ដើម្បីឆ្លើយតម្រូវការធ្វើដំណើរទៅមក និងទំនាក់ទំនងពាណិជ្ជកម្មរវាងកោះភូក្វឹក និងកោះថូចូវ (អានយ៉ាង) ចាប់ពីថ្ងៃទី ១៩ ខែមករា ផ្លូវនាវាល្បឿនលឿនភូក្វឹក – ថូចូវ បានដាក់ដំណើរការជាផ្លូវការនៅថ្ងៃទី ១៩ ខែមករា។
ព្រឹកថ្ងៃទី ១៥ ខែមករា ព័ត៌មានពីគណៈកម្មាធិការប្រជាជនតំបន់ពិសេសថូចូវ (ខេត្តអានយ៉ាង) បានឲ្យដឹងថា មន្ទីរស្ថាបនកម្មខេត្តអានយ៉ាងទើបចេញឯកសារលេខ ៣៦៧/SXD-QLVT អនុញ្ញាតឲ្យក្រុមហ៊ុនភាគហ៊ុននាវាល្បឿនលឿន Superdong – គៀនយ៉ាង ដាក់ដំណើរការផ្លូវដឹកជញ្ជូនអ្នកដំណើរថេរពីដីគោកទៅកាន់កោះភូក្វឹក – ថូចូវ និងត្រឡប់មកវិញ។
សកម្មភាពនេះគឺផ្អែកលើកិច្ចព្រមព្រៀងរបស់នាយកដ្ឋានផែសមុទ្ទគៀបយ៉ាង ដើម្បីឆ្លើយតបតម្រូវការធ្វើដំណើរទៅមក និងទំនាក់ទំនងពាណិជ្ជកម្មរវាងកោះភូក្វឹក និងកោះ ថូជូ។
ផ្លូវនេះនឹងត្រូវបានដំណើរការដោយនាវាល្បឿនលឿន Superdong V។ នេះគឺជាមធ្យោបាយមានលក្ខណៈបច្ចេកទេសទំនើប ដោយធានាសុវត្ថិភាពផ្លូវសមុទ្ទនិងមានសមត្ថភាពផ្ទុកអ្នកដំណើរបាន ២៧៥ នាក់ មានទម្ងន់សរុប ៨៥,០០ តោន និងពលានុភាពម៉ាស៊ីនសរុប ១.៥១៨ គីឡូវ៉ាត់។
ផ្លូវនាវាល្បឿនលឿនរវាងកោះភូគុក និងកោះថូចូវ បានចាប់ផ្តើមប្រតិបត្តិការជាផ្លូវការនៅថ្ងៃទី១៩ ខែមករា នាវានឹងធ្វើដំណើរមួយដងក្នុងមួយថ្ងៃ ចាប់ពីថ្ងៃច័ន្ទដល់ថ្ងៃសៅរ៍ជារៀងរាល់សប្តាហ៍។
ម៉ោងចេញដំណើរជាក់លាក់ គឺ៖ ថ្ងៃច័ន្ទ ថ្ងៃពុធ និងថ្ងៃសុក្ររៀងរាល់សប្តាហ៍ ចេញដំណើរពីកំពង់ផែបៃវង់ (ភូក្វឹក) វេលាម៉ោង ១០និង៣០នាទីព្រឹក។ ថ្ងៃអង្គារ ថ្ងៃព្រហស្បតិ៍ និងថ្ងៃសៅរ៍ ចេញដំណើរពីកំពង់ផែផ្លូវទឹកក្នុងស្រុកថូចូវ នៅវេលាម៉ោង ៨ និង ០០ នាទីព្រឹករៀងរាល់សប្តាហ៍៕
ប្រែ៖ សំណាង
