នៅរសៀលថ្ងៃទី ៩ ខែមករា នៅសង្កាត់ទិញបៀន គណៈប្រតិភូដឹកនាំដោយលោក ផាន វ៉ាន់ គៀន នាយករងមន្ទីរវិទ្យាសាស្ត្រ និងបច្ចេកវិជ្ជាខេត្តអានយ៉ាង បានជួបប្រជុំជាមួយឃុំ និងសង្កាត់ចំនួនប្រាំគឺ ទិញបៀន ថ្វយសឺន ជីឡាំង អានគឺ និងណុយកាំ។ ដើម្បីក្តាប់បានតម្រូវការរបស់មូលដ្ឋានទាំងនេះក្នុងការស្រាវជ្រាវ ការអនុវត្ត និងការផ្ទេរវិទ្យាសាស្ត្រ និងបច្ចេកវិជ្ជាបម្រើដល់ការអភិវឌ្ឍសេដ្ឋកិច្ចសង្គមនៅឆ្នាំ ២០២៦។
ទទួល និងធ្វើការជាមួយគណៈប្រតិភូរួមមាន ថ្នាក់ដឹកនាំនៃគណៈកម្មាធិការប្រជាជន ការិយាល័យជំនាញស្ថិតក្នុងគណៈកម្មាធិការប្រជាជនឃុំ សង្កាត់ និងអង្គការ សារជីវកម្មវិទ្យាសាស្ត្រ និងបច្ចេកវិជ្ជា សហករណ៍ និងក្រុមសហការនៅតាមមូលដ្ឋាននានា។
នៅក្នុងកិច្ចប្រជុំពិ គណៈប្រតិភូបានលើកឡើងពីគោលដៅ តម្រូវការ និងសារៈសំខាន់នៃវិទ្យាសាស្ត្រ និងបច្ចេកវិជ្ជាក្នុងដំណើរការផ្លាស់ប្តូរឌីជីថល តម្រង់ទិសភារកិច្ច និងដំណោះស្រាយមួយចំនួនសម្រាប់សកម្មភាពវិទ្យាសាស្ត្រ និងបច្ចេកវិជ្ជាក្នុងឆ្នាំ ២០២៦។ ផ្សព្វផ្សាយសេចក្តីប្រកាសលេខ ១៣១/TB-UBND ចុះថ្ងៃទី ២២ ខែតុលា ឆ្នាំ ២០២៥ របស់គណៈកម្មាធិការប្រជាជនខេត្តអានយ៉ាង អំពីការស្នើ និងបញ្ជាទិញលើភារកិច្ចវិទ្យាសាស្ត្រ និងបច្ចេកវិជ្ជាថ្នាក់ខេត្ត ដោយចាប់ផ្តើមអនុវត្តចាប់ពីឆ្នាំ ២០២៦ នៅខេត្តអានយ៉ាង។ សេចក្តីប្រកាសលេខ ៣០០៧/TB-SKHCN ចុះថ្ងៃទី ៧ ខែវិច្ឆិកា ឆ្នាំ ២០២៥ របស់មន្ទីរវិទ្យាសាស្ត្រ និងបច្ចេកវិជ្ជាខេត្តអានយ៉ាង ស្តីពីស្នើ និងបញ្ជាទិញលើភារកិច្ចវិទ្យាសាស្ត្រ និងបច្ចេកវិជ្ជាថ្នាក់មូលដ្ឋាន ដែលអនុវត្តនៅខេត្តអានយ៉ាង ក្នុងឆ្នាំ ២០២៦ នេះ។
ថ្នាក់ដឹកនាំគណៈកម្មាធិការប្រជាជនឃុំ និងសង្កាត់បានលើកឡើងពីការលំបាក និងបញ្ហាទាក់ទិនក្នុងការគ្រប់គ្រងវិទ្យាសាស្ត្រ បច្ចេកវិជ្ជា និងនវានុវត្តន៍នៅមូលដ្ឋាន គុណសម្បត្តិ និងគុណវិបត្តិក្នុងការអនុវត្តសេចក្តីសម្រេចចិត្ត កម្មវិធី និងផែនការរបស់ខេត្តស្តីពីអនុវត្តសេចក្តីសម្រេចលេខ ៥៧-NQ/TW ចុះថ្ងៃទី ២២ ខែធ្នូ ឆ្នាំ ២០២៤ របស់ការិយាល័យនយោបាយ ស្តីពីការទម្លាយអភិវឌ្ឍវិទ្យាសាស្ត្រ បច្ចេកវិជ្ជា នវានុវត្តន៍និងផ្លាស់ប្តូរឌីជីថលជាតិ។
ព្រមជាមួយនោះ ភាគីទាំងពីរ ក៏បានផ្លាស់ប្តូរ និងពិភាក្សាអំពីតម្រូវការក្នុងការស្រាវជ្រាវ ការអនុវត្ត និងការផ្ទេរវិទ្យាសាស្ត្រ និងបច្ចេកវិជ្ជា ដើម្បីបម្រើដល់ការអភិវឌ្ឍសេដ្ឋកិច្ច-សង្គម ដើម្បីតម្រង់ទិស និងបញ្ជាទំនិញលើភារកិច្ចវិទ្យាសាស្ត្រ និងបច្ចេកវិជ្ជា ដោះស្រាយបញ្ហាបន្ទាន់របស់មូលដ្ឋាន។ ត្រួតពិនិត្យជាក់ស្តែងទម្រង់មួយចំនួនដែលមានសក្តានុពលសម្រាប់អនុវត្តវិទ្យាសាស្ត្រ បច្ចេកវិជ្ជា និងនវានុវត្តន៍នៅក្នុងឃុំ និងសង្កាត់។
តាមរយៈកិច្ចប្រជុំការងារនេះ ជាមូលដ្ឋានដើម្បីមូលដ្ឋាននានាស្នើឡើង និងបញ្ជាទំនិញភារកិច្ចវិទ្យាសាស្ត្រ និងបច្ចេកវិជ្ជា បង្កើនប្រសិទ្ធភាពនៃការគ្រប់គ្រងរដ្ឋក្នុងវិស័យវិទ្យាសាស្ត្រ បច្ចេកវិជ្ជា និងនវានុវត្តន៍ ព្រមទាំងអនុវត្តសេចក្តីសម្រេច កម្មវិធី និងផែនការរបស់ខេត្តអំពីការអនុវត្តសេចក្តីសម្រេចចិត្តលេខ ៥៧ របស់ការិយាល័យនយោបាយ ស្តីពីការទម្លាយអភិវឌ្ឍវិទ្យាសាស្ត្រ បច្ចេកវិជ្ជា នវានុវត្តន៍ និងការផ្លាស់ប្តូរឌីជីថលជាតិនៅតាមស្ថាប័ន និងអង្គភាពនីមួយៗរបស់មូលដ្ឋាននានា៕
ប្រែ៖ សំណាង
