រសៀលថ្ងៃទី ៣០ ខែកញ្ញា លោក ង្វៀនឌឹកយ្វី អនុប្រធានមន្ទីរកសិកម្មនិងអភិវឌ្ឍន៍ជនបទខេត្តអានយ៉ាង។ លោក វ៉ធៀនហាវ អនុលេខាប្រចាំការបក្ខភាគទីក្រុង ប្រធានក្រុមប្រឹក្សាប្រជាជនទីក្រុង ព្រមទាំងថ្នាក់ដឹកនាំបណ្តាមន្ទីរផ្នែកខេត្ត គណផ្នែកពាកព័ន្ឋទីក្រុងឡុងស្វៀន បានទៅពិនិត្យជាក់ស្តែងនៅតំបន់បាក់រលុះដីនៅក្នុងទីក្រុងឡុងស្វៀន។
បន្ទាប់ពីអញ្ជើញទៅពិនិត្យជាក់ស្តែងនៅទំនប់ផ្លូវង្វៀនថាញ់សឺន (សង្កាត់ប៊ិញខាញ់)។ ច្រុះផ្លូវ ង៉ោគ្វៀន (សង្កាត់មីប៊ិញ)។ ផ្នែកក្រុមទី ៤៤ អនុសង្កាត់ប៊ិញឌឹក៤។ ផ្នែកចាប់ពីកំពង់ដ កាន់សៃ រហូតដល់ចុងបញ្ចប់នៃតំបន់ព្រមានបាក់រលុះដី (សង្កាត់ប៊ិញឌឹក ផ្នែកទីមួយនៃកោះភូមិមីធ្វឹន មីខាញ់ និងកោះកូនផបា (ឃុំ មីហ្វាហ៊ឹង)។ ប្រឡាយ កៃសាំង (សង្កាត់មីថាញ់)។យោងតាមនោះ លោក ង្វៀន ឌឹកយ្វី អនុប្រធានមន្ទីរកសិកម្ម និងអភិវឌ្ឍន៍ជនបទខេត្ត អានយ៉ាង ស្នើ គណៈកម្មាធិការប្រជាជនទីក្រុងឡុងស្វៀន សហការជាមួយមន្ទីរផ្នែកខេត្តពាក់ព័ន្ឋមានរបាយការណ៍ស្នើគណកម្មាធិការប្រជាជនខេត្ត ឲ្យទាញយកផលប្រយោជន៍ពីប្រភពទុនរបស់ខេត្តនិងមជ្ឈិមជាបន្ទាន់ ដើម្បីឧបត្ថម្ភសាងសង់ទំនប់រឹងមាំនៅតំបន់នេះ។ ក្នុងនោះ ចាំបាច់ត្រូវតែបែកចែកសំណង់ដែលមានសារំខាន់ត្រូវតែអាទិភាពធ្វើមុនគេឲ្យបានឆាប់បំផុត សម្រាប់ទំនប់ផ្លូវ ង្វៀនថាញសឺន(សង្កាត់ប៊ិញខាញ់) និងទំនប់ផ្លូវ ងោគ្វៀន(សង្កាត់មីប៊ិញ)។ បណ្តាតំបន់នៅសេសសល់បន្តស្នើឲ្យកត់ត្រាទុនសម្រាប់ការអនុវត្តក្នុងដំណាក់កាលឆ្នាំ២០២៦ -២០៣០។
យោងតាមតួលេខស្ថិតិ បច្ចុប្បន្ន គណគ្រប់គ្រងគម្រោងវិនិយោគកសាងតំបន់ទីក្រុងឡុងស្វៀន កំពុងដំណើរការឯកសារ និងនីតិវិធីសម្រាប់អនុវត្តគម្រោងចំនួន ៣ រួមមាន៖ ទំនប់ការពារការបាក់រលុះដីនៅច្រាំងទន្លេហូវ សម្រាប់ការពារទីក្រុង ឡុងស្វៀន (ផ្នែកស្ពាន ង្វៀនថៃហុក)។ ជម្នះការបាក់រលុះដីនៅច្រាំងខាងត្បូងប្រឡាយ កៃសៅ ស្ថិតក្នុងតំបន់ក្រុមទី ១៥ និងក្រុមទី ១៧ (អនុសង្កាត់ទ្រុងហ៊ឹង សង្កាត់មីធើយ)។ ទន្ទឹមនឹងនោះ គណៈកម្មាធិការប្រជាជនទីក្រុងបានស្នើគណៈកម្មាធិការប្រជាជនខេត្ត និងមជ្ឈិមជួយឧបត្ថម្ភទុនសម្រាប់ការអនុវត្តគម្រោងចំនួន ១៧ ក្នុងនោះមានទំនប់ផ្លូវ ង្វៀនថាញសឺន (សង្កាត់ប៊ិញខាញ់)។ ទំនប់ផ្លូវ ងោគ្វៀន (សង្កាត់មីប៊ិញ)។ផ្នែកក្រុមទី ៤៤ អនុសង្កាត់ ប៊ិញឌឹក ៤។ ជួសជុលជម្រាលផ្នែកពីកំពង់ដ កាន់សៃ រហូតទៅដល់ចុងបញ្ចប់នៃតំបន់ព្រមានការបាក់រលុះដី(សង្កាត់បិញឌឹក)។ ផ្នែកបាក់ដីនៃអនុសង្កាត់ ផគ្វេ ក្រុមទី ៥ តំបន់ច្រាំងទន្លេ ហូវ (សង្កាត់មីឡុង)។ ផ្នែកចាប់ពីស្ពាន កៃសាំង ដល់ប្រឡាយ ណាំស៊ូ (ក្រុមទី ១៦ អនុសង្កាត់ធើយហ្វា) និងផ្នែកដែលនៅសល់នៃគម្រោងជម្នះការបាក់រលុះដីជាបន្ទាន់នៅប្រឡាយ កៃសាំង(ផ្នែកពីរោងចក្រវៀតហ៊ឹង ដល់ប្រឡាយ មឿងធើម)។
ក្នុងពេលរង់ចាំដំណោះស្រាយណែនាំរបស់ផ្នែកសមត្ថកិច្ច គណៈកម្មាធិការប្រជាជនទីក្រុងណែនាំការិយាល័យជំនាញនានា និងគណៈកម្មាធិការប្រជាជនឃុំ សង្កាត់ ត្រូវបង្កើនការងារផ្សព្វផ្សាយព័ត៌មាន និងឃោសនាទូលំទូលាយក្នុងប្រជាជន ទន្ទឹមនឹងនោះ រៀបចំចងខ្សែ ធ្វើរបងបាំងទីតាំងបាក់រលុះដី ដំឡើងស្លាកសញ្ញា ភ្លើងសញ្ញា កាត់បន្ថយចរាចរណ៍ជាដើម រួមចំណែកធានាសុវត្ថិភាពអាយុជីវិត និងទ្រព្យសម្បត្តិរបស់ប្រជាជន៕
ប្រែ៖ ណារីពៅ
