ព្រឹកថ្ងៃទី១០ ខែមករា មន្ទីរពេទ្យទូទៅអានយ៉ាងបានរៀបចំពិធីបើកការដ្ឋានសាងសង់សម្រាប់ការពង្រីកតំបន់ព្យាបាលអ្នកជំងឺក្នុងមន្ទីរពេទ្យ(សម្នាក់ទី ២)។ អ្នកស្រី ង្វៀន ធីមិញធ្វី អនុប្រធានគណៈកម្មាធិការប្រជាជនខេត្តអានយ៉ាង និងថ្នាក់ដឹកនាំមកពីមន្ទីរ គណៈ ផ្នែកខេត្តអញ្ជើញចូលរួម។
គម្រោងវិនិយោគសាងសង់ពង្រីកតំបន់ព្យាបាលអ្នកជំងឺក្នុងមន្ទីរពេទ្យទូទៅអានយ៉ាង (សម្នាក់ទី ២) មានជាន់ក្រោមដីមួយ ជាន់ផ្ទាល់ដីមួយ ជាន់លើ ៩ និងជាន់ជាប់ដំបូលមួយ។ ផ្ទៃដីសរុបសម្រាប់សាងសង់មានចំនួន ១.០៣៩ ម៉ែត្រការ៉េ ដែលមានផ្ទៃក្រឡាសរុប ១២.០៤១ ម៉ែត្រការ៉េ។ មន្ទីរពេទ្យនេះមានគ្រែចំនួន ២៦៩ និងបំពាក់ដោយឧបករណ៍វេជ្ជសាស្ត្រ និងគ្រឿងបរិក្ខារទំនើបៗ ដើម្បីបម្រើការងារសង្គ្រោះបន្ទាន់ និងពិនិត្យ និងព្យាបាលអ្នកជំងឺក្នុងមន្ទីរពេទ្យ និងក្រៅមន្ទីរពេទ្យសម្រាប់ប្រជាជនខេត្តអានយ៉ាង និងតំបន់ជុំវិញ។ គម្រោងនេះមានទុនវិនិយោគសរុបជាង ១៩៦ ពាន់លានដុង ក្នុងនោះថវិកាខេត្តជាង ៦៣ ពាន់លានដុង និងមូលនិធិអភិវឌ្ឍជិត ១៣៣ពាន់លានដុង។ គម្រោងអាស្រ័យមន្ទីរពេទ្យទូទៅអានយ៉ាងជាម្ចាស់វិនិយោគ ក្រុមហ៊ុនទទួលខុសត្រូវមានកម្រិតសាងសង់ប៊ិញមិញ គឺជាអ្នកម៉ៅការ។
គម្រោងសាងសង់ពង្រីកតំបន់ព្យាបាលអ្នកជំងឺក្នុងមន្ទីរពេទ្យទូទៅអានយ៉ាង គឺជាគម្រោងសំខាន់មួយក្នុងចំណោមគម្រោងសំខាន់ៗដែលមានអត្ថន័យសំខាន់ជាពិសេស រួមចំណែកជំរុញការអភិវឌ្ឍប្រព័ន្ធសន្តិសុខសង្គម លើកកម្ពស់សុខុមាលភាពសង្គម និងគុណភាពជីវភាពរសើនៅរបស់ប្រជាជន ស្របតាមគោលដៅថែទាំជីវភាពរស់នៅរបស់ប្រជាជននៃខ្លួន។
ថ្លែងមតិនៅក្នុងពិធីបើកការដ្ឋានសាងសង់ លោកវេជ្ជបណ្ឌិតឯកទេស២ ង្វៀន យ្វី តាន់ នាយកមន្ទីរពេទ្យ បានចែករំលែកថា ព្រឹត្តិការណ៍នេះគឺជាជំហានថ្មីមួយឆ្ពោះទៅមុខនៅក្នុងបុព្វហេតុនៃវិស័យសុខាភិបាលខេត្ត។គម្រោងតំបន់ព្យាបាលអ្នកជំងឺក្នុងសម្នាក់ទី ២ មិនត្រឹមតែជាគម្រោងសម្ភារៈប៉ុណ្ណោះទេ ប៉ុន្តែថែមទាំងជានិមិត្តរូបនៃការយកចិត្តទុកដាក់របស់បក្ស រដ្ឋ និងសង្គមទាំងមូលចំពោះសុខភាពរបស់ប្រជាជនផងដែរ។
ពេលគម្រោងសាងសង់បញ្ចប់នឹងនាំមកនូវអត្ថប្រយោជន៍ដោយផ្ទាល់ដល់ប្រជាជន បង្កលក្ខណៈឲ្យប្រជាជនទទួលបានសេវាថែទាំសុខភាពទំនើប និងគ្រប់ជ្រុងជ្រោយ ជាមួយនឹងគ្រឿងបរិក្ខារទំនើបៗ និងក្រុមវេជ្ជបណ្ឌិតយ៉ាងយកចិត្តទុកដាក់ អស់ពីកម្លាំងកាយចិត្ត ដើម្បីឆ្លើយតបតម្រូវការពិនិត្យព្យាបាលជំងឺរបស់សហគមន៍ និងនាំមកនូវសុខភាពល្អ និងជីវភាពរស់នៅកាន់តែល្អសម្រាប់ប្រជាជនគ្រប់គ្នា។ គម្រោងនេះបានចាប់ផ្តើមសាងសង់ស្របតាមគោលការណ៍ គោលនយោបាយសង្គមស្តីពីសុខាភិបាល និងបង្កើតហេដ្ឋារចនាសម្ព័ន្ធដ៏ធំទូលាយ ទំនើបនិងឆ្លើយតបតម្រូវការជាយូរអង្វែងរបស់បក្ខភាគ និងប្រជាជនខេត្តអានយ៉ាង៕
ប្រែ៖ សំណាង
