ចូលរួមមហាសន្និបាតមានតំណាងផ្លូវការចំនួន ៤៤៨ រូប ក្នុងនោះមានតំណាងជាធម្មតាចំនួន ៦៥ រួប និងតំណាងតែងតាំងចំនួន ៣៨៣ រូប ពី​បក្ខ​ភាគ​ក្រោម​ឱ​វ៉ាទ​ ១០៧ តំណាងឲ្យបក្ខជន ១៣១.៥៤៨ រូប​របស់​បក្ខ​ភាគ​ខេត្តមកចូលរួមមហាសន្និបាត។ តំណាងភ្ញៀវ​អញ្ជើញ​ប្រមាណ ១៦០ រូប។

ថ្លែងមតិក្នុងសម័យប្រជុំបម្រុងនេះ សមមិត្ត ង្វៀន​​ទៀន​ហៃ - សមាជិកគណៈកម្មាធិការមជ្ឈិមបក្ស លេខា​គណៈកម្មាធិការបក្សខេត្តអានយ៉ាង បាន​លើក​ឡើង​ ខ្លឹមសារនៃសម័យប្រជុំបម្រុង​មានទំនាក់​ទំន​ង​ជិត​ស្និទ្ធ​ជាមួយគ្នា និងសុទ្ធតែមានសារៈសំខាន់ដូចគ្នា។ ធ្វើ​ល្អ​នូវខ្លឹមសារថ្ងៃនេះ ក៏ជាមូលដ្ឋាន និងជាលក្ខខណ្ឌ​ក្នុងការរួមចំណែកឲ្យមហាសន្និបាតតំណាងបក្ខភាគខេត្ត​លើកទី ១ សម្រេចបានជោគជ័យល្អប្រសើ។

ទន្ទឹមនឹងនោះ ស្នើបញ្ហានិងខ្លឹមសារដើម្បី​តំ​ណាង​​ក្នុងក្រុមទាំង១២ ផ្តោតពិភាក្សា និងរួមមតិ​យោ​បល់ទៅក្នុងឯកសារមហាសន្និបាតបក្ខភាគខេត្តលើកទី១ អាណត្តិ ២០២៥ - ២០៣០។ សមមិត្ត ង្វៀន​ទៀន​ហៃ​ លេខាបក្សខេត្ត បានស្នើឲ្យ​តំណាង​ទាំង​អស់​ប្រ​កាន់​ខ្ជាប់នូវស្មារតីទទួលខុសត្រូវ ពង្រីកប្រជាធិបតេយ្យ ធ្វើ​ល្អទំនួលខុសត្រូវរបស់ខ្លួននៅមហាសន្និបាត ផ្តល់​មតិ​យោបល់មានគុណភាព ជ្រេលជ្រៅ ដើម្បី​គោល​កា​រ​ណ៍​ ភារកិច្ច ដំណោះស្រាយមហាសន្និបាត​ដាក់​ចេញ​ស្រប​នឹងស្ថានភាព និងផ្សព្វផ្សាយអនុវត្ត ​នាំមក​នូវ​ប្រ​សិទ្ធ​ភាព​​ខ្ពស់ បំផុត ​។

សម័យប្រជុំបម្រុងបានឆ្លងកម្មវិធីធ្វើការជាផ្លូវការ និងអនុម័ត្រលើកម្មវិធីមហាសន្និបាត បោះឆ្នោត​គណៈ​ប្រ​ធានមហាសន្និបាត គណលេខាធិការ និងគណៈ​ត្រួត​ពិ​និត្យ ក្នុងនាមជាប្រតិភូ។ ឆ្លងនិងអនុម័ត្របទបញ្ជា និង​​វិន័យធ្វើការរបស់មហាសន្និបាត ប្រកាសនូវខ្លឹម​សារ​មួយចំនួនដែលណែនាំពីការប្រជុំសកម្មភាបរបស់តំណាងក្នុងមហាសន្និបាត។ ប្រកាសបញ្ជីចែកក្រុម និង​ទី​តាំង​ពិភាក្សារបស់ក្រុមនានា។ ដំណើរការ​ពិភាក្សា​នៅ​ក្នុង​ក្រុមទាំង ១២ ដើម្បីផ្តល់មតិយោបល់​លើខ្លឹម​សារ​ឯក​សារនៃមហាសន្និបាតបក្ខភាគខេត្តលើកទី ១ អាណ​ត្តិ​ ២០២៥ - ២០៣០។

បន្ទាប់ពីសម័យប្រជុំបម្រុងរួចមក សមមិត្តនារី ត្រាន់​ធីថាញហឿង អនុលេខា​គណៈកម្មា​ធិការ​បក្ស​ខេត្ត​ ប្រធានគណៈប្រតិភូតំណាងរាស្ត្រលើកទី ១៥ ប្រ​ធាន​គណៈកម្មាធិការរណសិរ្សមាតុភូមិវៀត​ណាមខេត្ត​អាន​យ៉ាង បានបើកយុទ្ធនាការជួយ​ជនរួមជាតិក្នុង​ខេត្ត​ដែល​ត្រូវរងផលប៉ះពាល់ដោយគ្រោះធម្មជាតិ ខ្យល់ព្យុះ ជា​ពិសេស​ក្នុងព្យុះលេខ ១០។

ប្រែ៖ ណារីពៅ