ថ្ងៃទី ៧ កក្កដា លោក ង្វៀនទៀនហៃ សមាជិកគណៈកម្មាធិការមជ្ឈិមបក្ស លេខាបក្ខភាគខេត្ត អានយ៉ាង បានដឹកនាំគណៈប្រតិភូបក្ខភាគខេត្ត និងគណៈកម្មាធិការប្រជាជនខេត្តទៅសួរសុខទុក្ខ ត្រួតពិនិត្យ និងពិនិត្យជាក់ស្តែងនៅតាមឃុំ សង្កាត់ និងអង្គភាពព្រំដែន។ អមដំណើរនឹងគណៈប្រតិភូមាន លោក ង៉ោកុងធឹក អនុប្រធានគណៈកម្មាធិការប្រជាជនខេត្ត និងថ្នាក់ដឹកនាំមន្ទីរ និងផ្នែកថ្នាក់ខេត្ត។
ត្រួតពិនិត្យដោយផ្ទាល់នៅគណបញ្ជាការដ្ឋានការពារតំបន់ទី ២ - ឡុងស្វៀន គណបញ្ជាការដ្ឋានការពារតំបន់ទី១ - ឡុងភូ ប៉ុស្តិ៍ការពារព្រំដែនច្រកទ្វារព្រំដែនអន្តរជាតិវិញសឿង ប៉ុស្តិ៍ការពារព្រំដែន ឡុងប៊ិញ ច្រកទ្វារព្រំដែនខាញ់ប៊ិញ ច្រកទ្វារព្រំដែនអន្តរជាតិទិញបៀន លោក ង្វៀនទៀនហៃ លេខាបក្ខភាគខេត្តអានយ៉ាង បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់កម្លាំងទាំងមូលក្នុងការរៀបចំអង្គការក្បាលម៉ាស៊ីន និងការរៀបចំរបស់អង្គភាព។ តាមរយៈនោះ ស្នើអង្គភាពនានាឲ្យបន្តបញ្ចប់អង្គការក្បាលម៉ាស៊ីនរបស់ស្ថាប័ន និងអង្គភាពក្រោមឱវ៉ាទ ចាប់ផ្តើមអនុវត្តភារកិច្ចថ្មីជាបន្ទាន់។ ទន្ទឹមនឹងនោះ ពិនិត្យមើលឡើងវិញនូវលក្ខខណ្ឌ ធានាបាននូវភស្តុភារ និងបច្ចេកទេសបំពេញតម្រូវការ និងភារកិច្ចដែលបានប្រគល់ជូន។ ម្ចាស់ការបញ្ចប់បែបផែន ផែនការ និងប្តេជ្ញាត្រៀមប្រយុទ្ធ ស្របតាមមាគ៌ារបស់ថ្នាក់លើ ច្បាមជាប់ស្ថានភាពជាក់ស្តែង ដើម្បីឆ្លើយតបបានទាន់ពេលនៅគ្រប់កាលៈទេសៈ មិនទុកឲ្យភាពអកម្មដោយចៃដន្យ។
បក្ខភាគនិងអង្គភាពគ្រប់លំដាប់ថ្នាក់ចាំបាច់ត្រូវតែអនុវត្តល្អការងារកសាងបក្ស។ បង្កើនការងារអប់រំផ្នែកនយោបាយ និងមនោគមវិជ្ជា ច្បាប់ វិន័យ វិន័យយោធា និងបទបញ្ជាយោធា។ ធ្វើល្អការងាររៀបចំ ត្រួតពិនិត្យ ឃ្លាំមើល ចលនាមហាជន និងរបបសន្តិសុខសង្គម បង្កើនផលិតផល ធានាជីវភាពរស់នៅ និងប្រជុំជីវភាពរបស់កម្មាភិបាលនិងយុទ្ឋជន។ ទន្ទឹមនិងនោះ សហការយ៉ាងហ្មត់ចត់ជាមួយថ្នាក់បក្ខភាគនិងអាជ្ញាធរមូលដ្ឋានដើម្បីគាំទ្រជាអតិបរមាដល់គណបញ្ជាការដ្ឋានយោធាថ្នាក់ឃុំក្នុងទិដ្ឋភាពការងារ ធានាសន្តិសុខ ការពារជាតិឲ្យបានល្អ។
សម្រាប់ថ្នាក់បក្ខភាគនិងអាជ្ញាធរមូលដ្ឋានគ្រប់លំដាប់ថ្នាក់នៅតាមមូលដ្ឋានព្រំដែន និងផ្នែកមានសមត្ថកិច្ចត្រូវបន្តការសហការផ្សព្វផ្សាយឲ្យស្របគ្នានិងមានប្រសិទ្ធភាពក្នុងវិធានការល្បាត ទប់ស្កាត់ និងប្រឆាំងបទល្មើសគ្រប់ប្រភេទ ជាពិសេសការរត់ពន្ធ និងគៃបន្លំពាណិជ្ជកម្ម។ ការចេញចូលដោយខុសច្បាប់ និងឧក្រិដ្ឋកម្មជួញដូរមនុស្ស។ ជាពិសេស ក្តាប់ច្បាស់ ព្យាករណ៍ និងវាយតម្លៃស្ថានភាពឲ្យបានត្រឹមត្រូវ ម្ចាស់ការគ្រប់ស្ថានភាព ឆ្លើយតបយ៉ាងសមស្រប និងបត់បែន។ ធ្វើសេនាធិការដល់បក្ខភាគខេត្ត គណៈកម្មាធិការប្រជាជនខេត្ត មានគោលការណ៍ ដំណោះស្រាយ និងវិធានការដោះស្រាយទាន់ពេលវេលា មិនទុកឲ្យមានភាពអសកម្ម ចៃដន្យ រួមចំណែកកសាងបន្ទាន់ព្រំដែនសន្តិភាព មិត្តភាព សហប្រតិបត្តិការ និងអភិវឌ្ឍន៍ជាមួយគ្នា។
អញ្ជើញទៅពិនិត្យប្រតិបត្តិការជាក់ស្តែង ដោះដូរជាមួយកម្មាភិបាល រដ្ឋការ និងនិយោជិតសាធារណៈអំពីការអនុវត្តភារកិច្ចនៅមជ្ឈមណ្ឌលបម្រើការរដ្ឋបាលសាធារណៈ និងស្តាប់ថ្នាក់ដឹកនាំសង្កាត់ តាន់ចូវនិងទិញបៀន នឹងឃុំវិញសឿង ភូហ៊ូវ និងខាញ់ប៊ិញ រាយការណ៍អំពីស្ថានភាពអនុវត្តភារកិច្ចនយោបាយនាកាលពីពេលកន្លង សមមិត្ត ង្វៀនទៀនហៃ បានស្នើឲ្យបក្ខភាគនិងអាជ្ញាធរមូលដ្ឋានគ្រប់លំដាប់ថ្នាក់ បន្តពិនិត្យមើលឡើងវិញការងាររៀបចំអង្គការក្បាលម៉ាស៊ីន និងវាយតម្លៃកម្មាភិបាល បទប្បញ្ញត្តិការងាររបស់ថ្នាក់បក្ខភាគ អាជ្ញាធរ រណសិរ្ស និងអង្គការមហាជននានា បំពេញបន្ថែមនិងកែសម្រួលឲ្យបានទាន់ពេលវេលា ដើម្បីក្បាលម៉ាស៊ីនដំណើរការបានរលូន មានសុពលភាព និងប្រសិទ្ធភាព។ ទន្ទឹមនឹងនោះ ប្រមូលផ្តុំធ្វើល្អការងារកសាងបក្ស អនុវត្តដោយជោគជ័យនូវភារកិច្ចអភិវឌ្ឍន៍សេដ្ឋកិច្ចសង្គម ធានាសន្តិសុខការពារជាតិ ត្រៀមឲ្យបានហ្មត់ចត់នូវការងាររៀបចំមហាសន្និបាតបក្ស។
ដើម្បីមជ្ឈមណ្ឌលបម្តើការរដ្ឋបាលសាធារណៈដំណើរការមានប្រសិទ្ធភាព សមមិត្ត ង្វៀនទៀនហៃ បានស្នើឲ្យបក្ខភាគនិងអាជ្ញាធរមូលដ្ឋានគ្រប់លំដាប់ថ្នាក់យកចិត្តទុកដាក់ប្រតិបត្តិការមជ្ឈមណ្ឌលដោយវិទ្យាសាស្ត្រ ងាយស្រួល បម្រើប្រជាជនដោយភាពរីករាយ និងដិតដល់។ កម្មាភិបាលនីមួយៗត្រូវប្រកាន់ខ្ជាប់នូវស្មារតីទទួលខុសត្រូវ តែងតែច្នៃប្រឌិត និងផ្សព្វផ្សាយអនុវត្តរាល់សកម្មភាពដែលងាយស្រួលបំផុតសម្រាប់ប្រជាជន។ មូលដ្ឋាននានាត្រូវពិនិត្យមើលឡើងវិញ និងរៀបចំមូលដ្ឋានសម្ភារៈឲ្យបានទាន់ពេលវេលា។ អនុវត្តបច្ចេកវិជ្ជាព័ត៌មាន និងបញ្ញាសិប្បនិមិត្ត (AI) ក្នុងដំណើរការដោះស្រាយការងារនិងបម្រើការប្រជាជនក្នុងការដោះស្រាយនីតិវិធីរដ្ឋបាលឲ្យបានត្រឹមត្រូវបំផុត។
“ចំពោះមុខ មូលដ្ឋាននានាចាំបាច់ត្រូវតែរៀបចំភា្លមនូវកម្មាភិបាលការងារនៅគណកម្មាធិការប្រជាជននៃសង្កាត់ ឃុំចាស់ ដើម្បីគាំទ្រ និងណែនាំប្រជាជនក្នុងការដោះស្រាយនីតិវិធីរដ្ឋបាលតាមប្រព័ន្ធអនឡាញ។ ដោយឡែកចំពោះនីតិវិធីចាំបាច់ត្រូវតែទៅកាន់មណ្ឌលបម្រើការរដ្ឋបាលសាធារណៈថ្មីដើម្បីដោះស្រាយ គឺត្រូវណែនាំប្រជាជនទៅកាន់កន្លែងថ្មី” - សមមិត្ត ង្វៀនទៀនហៃ ណែនាំ៕
ប្រែ៖ ណារីពៅ
