ព្រឹកថ្ងៃទី៥ ខែកញ្ញា សិស្សានុសិស្ស និងលោកគ្រូអ្នកគ្រូជាង ១.៥០០នាក់នៃវិទ្យាល័យ ង្វៀនថ្វយង៉ុកហូវ (ទីរួមស្រុកនុយសាប់ ស្រុក ថ្វយសឺន) បានប្រារព្ធពិធីបើកបវេសនកាលឆ្នាំសិក្សា ២០២៤ - ២០២៥ យ៉ាងឱឡារិក។ លោក ឡេវ៉ាន់នឹង ប្រធានក្រុមប្រឹក្សាប្រជាជនខេត្តអានយ៉ាង។ លោក ត្រាន់ទ្វឺនខាញ់ អនុប្រធានមន្ទីរអប់រំ និងបណ្តុះបណ្តាល។ លោក ង្វៀនញឺអាញ់ លេខាបក្ខភាគស្រុក ថ្វយសឺន បានអញ្ជើញចូលរួម។
នៅក្នុងពិធីបើកបវេសនកាល លោកគ្រូ អ្នកគ្រូ និងសិស្សានុសិស្សវិទ្យាល័យ ង្វៀនថ្វយង៉ុហូវ បានរួមគ្នាស្តាប់លិខិតរបស់លោកអគ្គលេខាបក្ស និងប្រធានរដ្ឋ តូឡឹម ផ្ញើមកលើកទឹកចិត្ត ហើយផ្តែងផ្តាំងដល់លោកគ្រូ អ្នកគ្រូ កម្មាភិបាលគ្រប់គ្រង និងពលករក្នុងវិស័យអប់រំ ឪពុកម្តាយសិស្ស សិស្សានុសិស្សក្នុងទូទាំងប្រទេស។
ឆ្នាំសិក្សា ២០២៣-២០២៤ ទោះបីជាជួបការលំបាកជាច្រើន ជាពិសេសគឺការអនុវត្តកម្មវិធីអប់រំទូទៅឆ្នាំ ២០១៨ ប៉ុន្តែគ្រូនិងសិស្សវិទ្យាល័យ ង្វៀនវ៉ាន់ថ្វយ នៅតែបន្តមានស្ថិរភាព គុណភាពបង្រៀនបានកែលម្អ មូលដ្ឋានសម្ភារៈកាន់តែធំទូលាយ ហើយសាលាបានសម្រេចនូវសន្ទស្សន៍លើកឡើង បំពេញភារកិច្ចឆ្នាំសិក្សាល្អប្រសើ។
សាលាទាំងមូលមានកម្មាភិបាល គ្រូបង្រៀន និងបុគ្គលិកចំនួន ៨៧ នាក់។ មានគ្រូបង្រៀនពូកែថ្នាក់សាលា ៣២ នាក់។ គ្រូបង្រៀនប្រធានថ្នាក់ពូកែ ៧ នាក់។ មានគំនិតផ្តួចផ្តើមកែលម្អថ្នាក់សាលាចំនួន ២៩។ សមូហភាពពលកម្មជឿនលឿនចំនួន ៩។ យុទ្ឋជនប្រកួតប្រជែងថ្នាក់មូលដ្ឋានចំនួន ២៣ នាក់ គំនិតផ្តួចផ្តើមកម្រិតបឋមចំនួន ១៨។ ឆ្នាំសិក្សាកន្លងហើយ សាលាក៏បាន ទទួលស្គាល់ជាសាលាសម្រេចនិយាមត្រួតពិនិត្យអប់រំកម្រិត ៣ និងបានគណៈកម្មាធិការប្រជាជនខេត្តទទួលស្គាល់សាលាសម្រេចបាននិយាមជាតិកម្រិត ២។
អត្រាសិស្សពូកែ បង្គួរគឺខ្ពស់ជាងឆ្នាំមុន លទ្ឋផលទទួលបានសញ្ញាប័ត្រវិទ្យាល័យសម្រេចបាន ៩៩,៧៤%។ អត្រាប្រឡងជាប់សកលវិទ្យាល័យលើកទី ១ ជិត ៦០% នៃចំនួនសិស្សសរុបដែលប្រឡងជាប់សញ្ញាបត្រមធ្យមសិក្សាទុតិយភូមិឆ្នាំ ២០២៤។ សិស្សពូកែថ្នាក់ខេត្តមាន ១៧ នាក់។ ក្នុងនោះ រង្វាន់ទី១ ចំនួនមួយ រង្វាន់លេខ ២ ចំនួនពីរ រង្វាន់ទី៣ ចំនួន៧ និងរង្វាន់លើកទឹកចិត្តចំនួន៧រង្វាន់។
បានចូលរួមក្នុងការប្រកួតប្រជែង Gen Z ដើម្បីធ្វើជាម្ចាស់លើបច្ចេកវិជ្ជាឌីជីថល ទទួលបានរង្វាន់លេខមួយចំនួនមួយ និងរង្វាន់លើកទឹកចិត្តចំនួន ២។ មានសិស្សម្នាក់ទទួលបានលទ្ធផលឆ្នើមក្នុងការប្រកួតអូឡាំពិកភាសាអង់គ្លេសរបស់សម្ព័ន្ឋយុវជនខេត្ត ក្រៅពីនេះ មានសិស្ស២រូបទទួលបានជ័យលាភីលេខ៣នៃ ឯកអគ្គរាជទូតវប្បធម៌អានដែលរៀបចំដោយបណ្ណាល័យខេត្ត។ ជាមួយនឹងស្នាដៃដូចពោលខាងលើ សាលាបានមន្ទីរអប់រំនិងបណ្តុះបណ្តាល ទទួលស្គាល់ជាសមូហភាពសម្រេចឆ្នើមភារកិច្ចឆាំ្នសិក្សា ២០២៣-២០២៤។
ក្នុងឆ្នាំសិក្សា ២០២៤-២០២៥ វិទ្យាល័យ ង្វៀនវ៉ាន់ថ្វយ មានសិស្សជាង ១.៥០០នាក់ ក្នុងនោះមានសិស្សថ្នាក់ទី ១០ ជាង ៥៤០ នាក់។ នេះជាឆ្នាំសិក្សាដែលកម្មវិធីអប់រំទូទៅឆ្នាំ ២០១៨ បានផ្សព្វផ្សាយអនុវត្តនៅគ្រប់ថ្នាក់ចាប់ពីថ្នាក់ទី ១ ដល់ថ្នាក់ទី ១២ ហើយក៏ ជាឆ្នាំសិក្សាដំបូងដែលរៀបចំការប្រឡងសញ្ញាបត្រមធ្យមសិក្សាទុតិយភូមិ ស្របតាមកម្មវិធីអប់រំទូទៅ ឆ្នាំ ២០១៨។ ក្រោមបាវចនា “វិន័យ ទទួលខុសត្រូវ ផ្លាស់ថ្មីច្នៃប្រឌិត លើកកម្ពស់គុណភាពអប់រំនិងបណ្តុះបណ្តាល”។ ឆ្នាំសិក្សា ២០២៤ - ២០២៥ វិទ្យាល័យ ង្វៀនវ៉ាន់ថ្វយ បន្តជំរុញខ្លាំងលើកកម្ពស់គុណភាពអប់រំ និងផ្លាស់ថ្មីវិធីសាស្រ្តបង្រៀន បន្តចលនាការប្រកួតប្រជែង “បង្រៀនល្អ រៀនល្អ” និងលើកកម្ពស់ប្រសិទ្ធភាពបណ្តុះបណ្តាល ផ្តោតលើការផ្សព្វផ្សាយអនុវត្តកម្មវិធីអប់រំទូទៅឆ្នាំ ២០២៨ សម្រាប់ថ្នាក់ទី ១២ ដើម្បីបង្កើនពិន្ទុមធ្យមនៃការប្រឡងសញ្ញាបត្រមធ្យមសិក្សាទុតិយភូមិឆ្នាំ ២០២៥។
ក្នុងឱកាសនេះ មានលោកគ្រូអ្នកគ្រូនៃវិទ្យាល័យ ង្វៀនវ៉ាន់ថ្វយ ចំនួន ៦ នាក់បានទទួលមេដាយអនុស្សាវរីយ៍ដើម្បីបុព្វហេតុអប់រំ។សិស្សចំនួន ៥០នាក់បានទទួលអាហារូបករណ៍ ង្វៀនវ៉ាន់ថ្វយ (អាហារូបករណ៍នីមួយៗមានតម្លៃ ១,៥លានដុង)។ ក្រៅពីនេះ នៅទាំងជូនអំណោយ ហាញ់ឌឹក សម្រាប់សិស្សានុសិស្សដែលមានស្នាដៃឆ្នើម និងជម្នះការលំបាករៀនពូកែផងដែរ៕
ប្រែ៖ ណារីពៅ
