ថ្ងៃទី ៧ កក្កដា គណៈប្រតិភូនៃគណៈកម្មាធិការប្រជាជនខេត្តអានយ៉ាង បានអញ្ជើញទៅត្រួតពិនិត្យជាក់ស្តែង និងធ្វើការស្តីពីស្ថានភាពផ្សព្វផ្សាយគម្រោងហេដ្ឋារចនាសម្ព័ន្ធដើម្បីបម្រើការសន្និបាត APEC ២០២៧ ដែលនឹងប្រព្រឹត្តទៅនៅភូក្វុក។
លោក ហូវ៉ាន់ម៉ឹង សមាជិកបម្រុងនៃគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង រួមជាមួយគណៈប្រតិភូបានទៅពិនិត្យជាក់ស្តែងទីតាំងដូចខាងក្រោម៖ គម្រោងព្រលានយន្តហោះអន្តរជាតិភូក្វុក។ គម្រោងផ្លូវខេត្ត DT.975 គម្រោងមហាផ្លូវ APEC គម្រោងតំបន់ទីក្រុងចម្រុះនិងឆ្នេរដីក្រហមជាដើម។
នៅចំណុចត្រួតពិនិត្យ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង និងគណៈប្រតិភូបានស្តាប់របាយការណ៍ស្តីពីល្បឿនអនុវត្តការងារ ការលំបាកទាក់ទិន និងសំណើរបស់អង្គភាពអនុវត្ត។
យោងតាមលោក Sungroup អំពីការងាររំដោះផ្ទៃរាបអាកាសយានដ្ឋានអន្តរជាតិ ភូក្វុក គិតដល់ថ្ងៃទី ២៦ ខែមិថុនា ឆ្នាំ ២០២៥ ផ្ទៃដីបានប្រគល់បណ្តោះអាសន្នដល់អង្គភាពសាងសង់ចំនួន ១៦៦ហិកតា/៣៤៨.១ហិកតា ក្នុងចំណោមផ្ទៃដី ៨៤៩ហិកតាដែលគណៈកម្មាធិការប្រជាជនខេត្តបានដកហូតពីនាយកដ្ឋានអាកាសយានដ្ឋានភាគខាងត្បូងក្នុងសេចក្តីសម្រេចលេខ ១៧៦៧/QD-UBND ចុះថ្ងៃទី ១៧ ខែមិថុនា ឆ្នាំ ២០២៥។
ខាងផ្នែកសាងសង់ ស្ថានីយរថភ្លើង T2 ការបោះបង្គោលបាន ១០%។ស្ថានីយរថភ្លើងVIP បោះបង្គោលបាន ៣០% និងកៀសគ្រឹះបាន ៦០%។ បញ្ចប់ហេដ្ឋារចនាសម្ព័ន្ធតំបន់ផ្ទៃដី របង ខ្លោងទ្វារ ផ្លូវកិច្ចការសាធារណៈដំណើរការបាន ៤៥%ជាដើម។
វិនិយោគគិនបានស្នើគណៈកម្មាធិការប្រជាជនខេត្តឲ្យពន្លឿនល្បឿនសងសំណងគាំទ្រ និងការរំដោះផ្ទៃរាប ស្នើសុំឲ្យយល់ព្រមគោលការណ៍មូលនិធិដីសម្រាប់ការរៀបចំលំនៅដ្ឋានសង្គមនៅក្នុងគម្រោង ពង្រឹងក្រុមប្រឹក្សាវាយតម្លៃការងារ និងគម្រោងផែនការនៅតំបន់ពិសេសភូក្វុក។ អនុម័តគម្រោងផែនការនៅតំបន់ពិសេសភូក្វុក ក្នុងខែកក្កដា ឆ្នាំ ២០២៥ អនុញ្ញាតឲ្យផ្សព្វផ្សាយការងារកែសម្រួលផែនការប្រើប្រាស់ដីទៅទន្ទឹមនិងនឹង ដំណើរការអនុម័តផែនការរបស់ខេត្តជាដើម។
យោងតាមមន្ទីរកសិកម្ម និងបរិស្ថានខេត្តអានយ៉ាង ក្នុងចំណោមគម្រោងទាំង ក្នុងគម្រោងបម្រើការសន្និបាត APEC ២០២៧ ចំនួន ២១ មានគម្រោងចំនួន ១៣ ត្រូវអនុវត្តការងារដកហូតដី។ ការកសាងសំណង់បម្រើការសន្និបាត APEC គឺជាកិច្ចការនយោបាយជាតិ និងសេដ្ឋកិច្ចការទូត បង្កើតកម្លាំងចលករដើម្បីជំរុញការអភិវឌ្ឍន៍សេដ្ឋកិច្ចសង្គម ទេសចរណ៍ និងហេដ្ឋារចនាសម្ព័ន្ធរបស់មូលដ្ឋាន។ ដូច្នេះរាល់សំណង់គម្រោងការត្រូវធានាបានល្បឿន និងត្រូវបញ្ចប់មុនខែមិថុនា ឆ្នាំ២០២៧ ។
តាមរយៈការត្រួតពិនិត្យជាក់ស្តែង និងធ្វើការជាមួយអង្គភាពពាក់ព័ន្ធ។ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង បានស្នើឲ្យមន្ទីរ ផ្នែកនិងអង្គភាពពាក់ព័ន្ធ ឲ្យផ្តោតលើការពន្លឿនការងារក្នុងនោះមើលសំខាន់លើការរំដោះផ្ទៃរាប។ អ្វីដែលត្រូវរបស់ប្រជាជនគឺត្រូវតែអនុវត្តឲ្យបានត្រឹមត្រូវ បើមិនត្រូវទេគឺត្រូវតែដោះស្រាយឲ្យខ្លាំងក្លា។
ចំពោះគម្រោងទាំង៣ ដែលបានព្រលព្រមគោលការណ៍វិនិយោគនោះ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង បានស្នើថា ការអនុវត្តការងារត្រូវធានានូវនីតិវិធីត្រឹមត្រូវ ប្រមូលផ្តុំកម្លាំង និងសហការឲ្យមានប្រសិទ្ធភាព ធានាបាននូវល្បឿន ប្រធានមន្ទីរត្រូវទទួលខុសត្រូវលើការណែនាំ ហើយអនុប្រធានមន្ទីរត្រូវតែនាំផ្លូវ។
“គណៈកម្មាធិការប្រជាជននៃតំបន់ពិសេសភូក្វុក សហការជាមួយវិនិយោគគិនចាត់តាំងអ្នកនាំផ្លូវដើម្បីដោះស្រាយបញ្ហាដោយផ្ទាល់ ចាំបាច់បំផុតគឺរំដោះផ្ទៃរាប។ គោរពតាមនីតិវិធីច្បាប់វិនិយោគ និងរំដោះផ្ទៃរាប ធ្វើហ្មត់ចត់ សត្យានុម័ត្រធានានូវសិទ្ធិ និងផលប្រយោជន៍ស្របច្បាប់របស់ប្រជាជន។
លោក ហូវ៉ាន់ម៉ឹង បានសង្កត់ធ្ងន់ថា "យើងខ្ញុំបានស្នើតំបន់ពិសេសភូក្វុនឲ្យសហការជាមួយវិនិយោគគិន មន្ទីរ ផ្នែកនិងនគរបាលនានា ឲ្យឆាប់ផ្សព្វផ្សាយអនុវត្តតំបន់តាំងទីលំនៅថ្មី ក្នុងខណៈដែលកំពុងរង់ចាំការតាំងទីលំនៅថ្មី ត្រូវតែមានគោលនយោបាយគាំទ្រសម្រាប់ប្រជាជន" ៕
ប្រែ៖ ណារីពៅ
