ព្រឹកថ្ងៃទី៨ ខែតុលា ប្រចាំការបក្ខភាគទីក្រុង ចូវដុក បានរៀបចំសន្និបាតគណៈអចិន្ត្រៃយ៍បក្ខភាគទីក្រុង ដើម្បីបូកសរុបការអនុវត្តការងារនយោបាយក្នុងរយៈពេល៩ខែកន្លងទៅនេះ និងទិសដៅ និងភារកិច្ចរយៈពេល៣ខែចុងឆាំ្ន ២០២៤។ លោក ឡេហុងក្វាង សមាជិកគណៈកម្មាធិការប្រតិបត្តិមជ្ឈិមបក្ស លេខាបក្ខភាគខេត្ត អានយ៉ាង បានចូលរួម និងថ្លែងសុន្ទរកថាណែនាំ។ សន្និបាតនេះធ្វើអធិបតីភាពដោយលោក ឡាំក្វាងធី សមាជិកគណៈអចិន្ត្រៃយ៍បក្ខភាគខេត្ត លេខាបក្ខភាគទីក្រុង ចូវដុក។
នៅក្នុងសន្និបាត ប្រចាំការគណៈកម្មាធិការប្រជាជនទីក្រុងចូវដុកបានអនុម័តលើសេចក្តីព្រាងរបាយការណ៍ស្តីពីការអនុវត្តភារកិច្ចអភិវឌ្ឍន៍សេដ្ឋកិច្ចសង្គម ការងារកសាងបក្ស និងចលនាមហាជនក្នុងរយៈពេល៩ខែដើមឆ្នាំ២០២៤ និងភារកិច្ចសំខាន់ៗក្នុងរយៈពេល ៣ ខែចុងឆ្នាំ។ ទន្ទឹមនឹងនោះ ពិភាក្សា និងផ្តល់យោបល់លើរបាយការណ៍ចំណូល និងចំណាយថវិកា ស្ថានការណ៍វិនិយោគលើការបង្កើតសន្ទស្សន៍ធានារ៉ាប់រងសុខភាព ផែនការរៀបចំពិធីបុណ្យ និងព្រឹត្តិការណ៍នានា ក្នុងរយៈពេល ៩ ខែកន្លងទៅ និងទិសដៅសម្រាប់ ៣ ខែចុងឆ្នាំ ២០២៤។
ក្នុងរយៈពេល ៩ ខែដើមឆ្នាំ ២០២៤ ក្រោមការប្រមូលផ្តុំណែនាំរបស់បក្ខភាគទីក្រុង និងប្រតិបត្តិការរបស់គណៈកម្មាធិការប្រជាជនទីក្រុង និងការប្តេជ្ញាចិត្តរបស់ស្ថាប័ន គណ ផ្នែក និងមូលដ្ឋាន ការអនុវត្តការងារអភិវឌ្ឍន៍សេដ្ឋកិច្ចសង្គមសម្រេចបានលទ្ធផលវិជ្ជមាន ធានាថាត្រឹមត្រូវទៅតាមផែនទីបង្ហាញផ្លូវដែលបានដាក់ចេញ។ ក្នុងនោះភ្ញៀវទេសចរទៅទស្សនាជាង៥លាននាក់ សម្រេចបាន១០០,៨៤%នៃសន្ទស្សន៍ (កើន ៣,២៦%ធៀនឹងរយៈពេលនេះឆាំ្នមុន)។ ចំណូលថវិការបស់មូលដ្ឋានសម្រេចបានជាង ៦៣៩ ពាន់លានដុង សម្រេចបាន ១០៩,៦%ធៀបនឹងការគ្រោងមុនរបស់ខេត្ត និងទីក្រុងប្រគល់ជូន សម្រេចបាន ១០៨,៥៨% ធៀបនឹងដំណាលពេលនេះឆាំ្នមុន។ បានរៀបចំដោយជោគជ័យនូវពិធីបុណ្យលោកយាយភ្នំស្វាម និងខួបលើកទី ១០ឆ្នាំពិធីបុណ្យលោកយាយភ្នំស្វាមបានបញ្ចូលក្នុងបញ្ជីបេតិកភណ្ឌវប្បធម៌អរូបីជាតិ (២០១៤ - ២០២៤)។ របបសន្តិសុខសង្គមអនុវត្តបានល្អ។ ស្ថានភាពសន្តិសុខ និងសណ្តាប់ធ្នាប់នៅក្នុងភូមិសាស្ត្របានរក្សារឹងមាំ។ ជីវភាពប្រជាជនមានភាពប្រសើរឡើងឥតឈប់ឈរ។
ថ្លែងមតិណែនាំសន្និបាត លោក ឡេហុងក្វាង លេខាបក្ខភាគខេត្តអានយ៉ាង បានកោតសរសើរ និងវាយតម្លៃខ្ពស់ចំពោះលទ្ធផលដែលបក្ខភាគ អាជ្ញាធរ និងប្រជាជនទីក្រុងចូវដុក សម្រេចបានក្នុងរយៈពេល ៩ ខែកន្លង។ ដើម្បីអនុវត្តដោយជោគជ័យនូវភារកិច្ចឆាំ្ន២០២៤ លោកលេខាបក្ខភគខេត្តបានស្នើដល់គណៈអចិន្ត្រៃយ៍បក្ខភាគទីក្រុងចូវដុក ឲ្យបង្កើនការប្តេជ្ញាចិត្ត ខិតខំប្រឹងប្រែង និងបង្កើតនូវភាពវាយទម្លុះដ៏ខ្លាំងក្លា។ផ្តោតលើការអនុវត្តប្រកបដោយជោគជ័យនូវគោលដៅ សន្ទស្សន៍ និងភារកិច្ចអំពីការអភិវឌ្ឍន៍សេដ្ឋកិច្ច-សង្គមនៅឆ្នាំ២០២៤ ធ្វើជាបុរេលក្ខណៈ និងជាកម្លាំងចលករសម្រាប់ការអភិវឌ្ឍន៍ក្នុងឆ្នាំបន្តបន្ទាប់ទៀត។
តាមរយៈនេះ ផ្តោតលើការអនុវត្តឲ្យបានល្អនូវការងារកសាងបក្ស និងចលនាមហាជន។ ក្នុងនោះ ដឹកនាំ និងណែនាំអនុវត្តយ៉ាងម៉ឺងម៉ាត់នូវកម្មវិធីការងារឆ្នាំ២០២៤ របស់បក្ខភាគទីក្រុង និងគណៈអចិន្ត្រៃយ៍បក្ខភាគទីក្រុង។ យកចិត្តទុកដាក់សហការជាមួយមន្ទីរ ផ្នែកខេត្ត អនុវត្តឲ្យបានល្អនូវសេចក្តីសម្រេចចិត្តលេខ ០២-NQ/TU ចុះថ្ងៃទី២៤ ខែវិច្ឆិកា ឆ្នាំ២០២៣ របស់គណៈអចិន្ត្រៃយ៍បក្ខភាគខេត្ត ស្តីពីការកសាង និងអភិវឌ្ឍន៍ទីក្រុងចូវដុកដល់ឆ្នាំ២០២៥ និងតម្រង់ទិសដល់ឆ្នាំ២០៣០។ បន្តដឹកនាំ និងណែនាំអនុវត្តយ៉ាងម៉ឺងម៉ាត់នូវសេចក្តីសន្និដ្ឋាននៃសន្និបាតមជ្ឈិមទី៤ (លើកទី ១៣) ស្តីពីការពង្រឹងការកសាង និងកែទម្រង់បក្ស ផ្សារភ្ជាប់នឹងការជំរុញខ្លាំងការរៀនសូត្រ និងធ្វើតាមមនោគមវិជ្ជា សីលធម៌ និងរចនាបថហូជីមិញ និងគំរូ សីលធម៌ របស់លោកប្រធានតូនឌឹកថាំង។ បទប្បញ្ញតិលេខ ១៤៤ ចុះថ្ងៃទី៩ ខែឧសភា ឆ្នាំ២០២៤ របស់ការិយាល័យនយោបាយ ស្តីពី “បទដ្ឋានសីលធម៌បដិវត្តន៍របស់កម្មាភិបាល បក្ខជនក្នុងដំណាក់កាលថ្មី”។ ផ្តោតលើការដឹកនាំ និងណែនាំការរៀបចំមហាសន្និបាតបក្សគ្រប់លំដាប់ថ្នាក់ អាណត្តិ ២០២៥ - ២០៣០។ ដឹកនាំរៀបចំឯកសារបានល្អ និងរៀបចំគម្រោងបុគ្គលិកមហាសន្និបាតធានាគុណភាព និងសមស្របទៅនឹងភាពជាក់ស្តែងរបស់ទីក្រុង។
អំពីការដឹកនាំក្នុងការអភិវឌ្ឍន៍សេដ្ឋកិច្ចសង្គម ការពារជាតិ និងសន្តិសុខ លោក ឡេហុងក្វាង លេខាបក្ខភាគខេត្តងានយ៉ាង បានស្នើឲ្យចូវដុក ផ្តោតលើពិនិត្យឡើងវិញ ហើយបូកសរុប និងវាយតម្លៃលទ្ធផលនៃការអនុវត្តគោលដៅ សន្ទស្សន៍ និងបណ្តាផ្នែកមានភាពវាយទម្លុះ បណ្តាភារកិច្ច និង ដំណោះស្រាយសំខាន់ៗនៃសេចក្តីសម្រេចចិត្តមហាសន្និបាតបក្ខភាគទីក្រុងអាណត្តិ ២០២០ - ២០២៥។ ជ្រើសរើស និងស្នើសំណង់កិច្ចការ ដើម្បីស្វាគមន៍មហាសន្និបាតបក្ខភាគខេត្តនិងទីក្រុងអាណត្តិ ២០២៥ - ២០៣០។សហការជាមួយមន្ទីរ ផ្នែកខេត្ត ដើម្បីរៀបចំសកម្មភាពយ៉ាងយកចិត្តទុកដាក់លើសកម្មភាពរម្លឹកខួបលើកទី ២០០ ឆាំ្ននៃការជីកបញ្ចប់ព្រែក វិញទេ (១៨២៤ - ២០២៤) រម្លឹកខួបលើកទី ១៩៨ឆាំ្ន ទិវាមរណភាពរបស់លោកយាយ ចូវធីទេ (១៨២៦ - ២០២៤) រៀបចំឡើងនៅខែវិច្ឆិកា ឆ្នាំ ២០២៤។ ធ្វើសេនាធិការត្រៀមបម្រុងឲ្យបានល្អនូវការងារបម្រើគណៈប្រតិភូខេត្ត ដើម្បីការពារឯកសារដាក់ជូនអង្គការយូណេស្កូទទួលស្គាល់ជាបេតិកភណ្ឌវប្បធម៌អរូបីនៃពិធីបុណ្យលោកយាយភ្នំស្វាម។
ផ្សព្វផ្សាយមានប្រសិទ្ឋភាពគោលនយោបាយរបបសន្តិសុខសង្គម។ រៀបចំផែនការយុទ្ធនាការ ថែទាំគ្រួសារគោលនយោបាយ អ្នកក្រីក្រ និងអ្នកដែលមានស្ថានភាពលំបាក រីករាយនិទាឃរដូវនិងអំណរបុណ្យចូលឆ្នាំថ្មីវៀតណាម ឆ្នាំ២០២៥។ ប្រអនុវត្តមានប្រសិទ្ធភាព ចលនាប្រឡងប្រណាំង លុបបំបាត់ផ្ទះបណ្តោះអាសន្ន និងផ្ទះទ្រុឌទ្រោម ដែលបំផុសដោយលោកនាយករដ្ឋមន្ត្រីរដ្ឋាភិបាល។ រក្សាសន្តិសុខ-ការពារជាតិ សណ្តាប់ធ្នាប់សុវត្ថិភាពសង្គមនៅគ្រប់កាលៈទេសៈ។ ពង្រឹងការណែនាំធានាសន្តិសុខព្រំដែន។ បង្ការទប់ស្កាត់ការរត់ពន្ធក្នុងរដូវទឹកឡើង។ បង្កើនការតស៊ូនិងប្រយុទ្ធប្រឆាំងនឹងឧក្រិដ្ឋកម្ម និងអំពើអាបាយមុខ ជាពិសេសគឺឧក្រិដ្ឋកម្មគ្រឿងញៀន ចោរកម្មទ្រព្យសម្បត្តិជាដើម។ រក្សាទំនាក់ទំនងសាមគ្គីភាព អ្នកជិតខាង និងមិត្តភាពជាមួយព្រះរាជាណាចក្រកម្ពុជា៕
ប្រែ៖ ណារីពៅ
