ព្រឹកថ្ងៃទី ១០ ខែកញ្ញា លោក ឡេហុងក្វាង សមាជិកគណៈកម្មាធិការមជ្ឈិមបក្ស លេខាបក្ខភាគខេត្តអានយ៉ាង បានត្រួតពិនិត្យជាក់ស្តែងស្ថានភាពផ្សព្វផ្សាយអនុវត្តគម្រោងសមាសភាព ១ ផ្លូវល្បឿនលឿន ចូវដុក- គន្ឋ - សុកត្រាំង ដំណាក់កាលទី១ (ផ្នែកឆ្លងកាត់ខេត្តអានយ៉ាង)។ អមដំណើរជាមួយមានលោក ឡេវ៉ាន់ភឿក សមាជិកគណៈអចិន្ត្រៃយ៍បក្ខភាគខេត្ត អនុប្រធានគណៈកម្មាធិការប្រជាជនខេត្ត។លោក ង៉ោកុងធឹក ប្រធានមន្ទីរគមនាគមន៍ដឹកជញ្ជូនខេត្ត និងថ្នាក់ដឹកនាំស្ថាប័ន អង្គភាព និងមូលដ្ឋានពាក់ព័ន្ធ។
រាយការណ៍ជូនក្រុមការងារ ប្រធានគណគ្រប់គ្រងគម្រោងវិនិយោគ សាងសង់សំណង់គមនាគមន៍ដឹកជញ្ជូន និងកសិកម្មខេត្តអានយ៉ាង បានឲ្យដឹងថា៖ មកដល់ពេលនេះ ល្បឿនជាសរុបនៃកញ្ចប់សាងសង់ សំណង់ចំនួន៤ បានសាងសង់លើសពីល្បឿន ០.៥៩% សម្រេចបាន ២៧,៦៥%/២៧,០៦%។ ក្នុងនោះ កញ្ចប់ដេញថ្លៃលេខ៤២ (ពីទីក្រុងចូវដុក-ស្រុកចូវភូ មានប្រវែងជិត ១៦,៩៣គីឡូម៉ែត្រ) តម្លៃកិច្ចសន្យាជិត ២,៤៩៧ពាន់លានដុង វឌ្ឍនភាពសម្រេចបាន ២១,៧១%/២១,៥៤% (លើស ០,១៦%); កញ្ចប់លេខ ៤៣ (ពីចូវភូ-ស្រុកចូវថាញ់ ប្រវែង ១៤.០៤ គីឡូម៉ែត្រ) តម្លៃកិច្ចសន្យាជិត ២.៤៨៦.៩ ពាន់លានដុង ល្បឿនសម្រេចបាន ២៧,៤៤%/២៧,២២% (លើស ០,២២%)។ កញ្ចប់ដេញថ្លៃលេខ ៤៤ (ពីស្រុកចូវថាញ់ - ថ្វយសឺន មានប្រវែង ១២,២២គីឡូម៉ែត្រ) តម្លៃកិច្ចសន្យាជាង ២.០៥៨,៦៣ពាន់លានដុង ល្បឿនសម្រេចបាន ៤១,៧០%/៣៩,៩១% (លើស ១,៧៩%)។ កញ្ចប់ដេញថ្លៃលេខ ៤៥ (ពីស្រុក ថ្វយសឺន ខេត្ត អានយ៉ាង - ស្រុក វិញថាញ់ ទីក្រុងគន្ឋ មានប្រវែងជិត ១៣,៨៣គីឡូម៉ែត្រ) តម្លៃកិច្ចសន្យាជាង ២.០៣៥,១៦ពាន់លានដុង ល្បឿនសម្រេចបាន ២០,៩១%/២០,៥៦%(លើស ០,៣៦%)។
ការងាររំដោះផ្ទៃរាបបានប្រគល់ជូន/ត្រូវដកហូតយកវិញ ៣៨៩.៣៦ហត/៣៩,.៨ហត សម្រេចបាន៩៩% ស្មើនឹង៥៦,៦គ.ម/៥,០១៤គ.មនៃផ្លូវទាំងមូល សម្រេចបាន៩៩%។ការងារធ្វើសារពើភ័ណ្ឌគ្រួសារសម្រេចបាន ១.៥៥៥/១.៥៥៥។ គណៈកម្មាធិការប្រជាជនទីក្រុងចូវដុក ស្រុកចូវភូ ចូវថាញ់ ថ្វយសឺន និងគណៈកម្មាធិការប្រជាជនស្រុក វិញថាញ់ បានអនុម័តបែបផែនសងសំណងសម្រាប់ ១.៥៥៥/១.៥៥៥គ្រួសារ (អានយ៉ាង១.៥៣០/១.៥៣០គ្រួសារ។ គន្ឋ ២៥/២៥គ្រួសារ) ជាមួយនឹងចំនួនទឹកប្រាក់ ១.៧៥១ពាន់លានដុង (អានយ៉ាង ១.៧៤២ពាន់លានដុង។ គន្ឋ ៩ពាន់លានដុង)។ យោងតាមនោះ, បានចំណាយប្រាក់សងសំណងជូនប្រជាជនបាន១.៥៣៣/១.៥៥៥គ្រួសារ។
បច្ចុប្បន្ន បណ្តាអង្គភាពផ្គត់ផ្គង់ខ្សាច់បានផ្តល់គម្រោងសមាសភាពទី ១ បាន ២.០៨៥,៥១៧ម៣ ក្នុងចំណោមបរិមាណខ្សាច់សរុប ៩.៣២១,០០០ម៣ ដែលត្រូវការសម្រាប់គម្រោង។ ល្បឿនផ្តល់ថវិកានៃគម្រោងមកដល់បច្ចុប្បន្នជាង ២.៤០៤ពាន់លាន/៣.២២២ពាន់លានដុង សម្រេចបាន ៧៥%។ ខិតខំដល់ចុងឆាំ្នផ្តល់ថវិកាសម្រេចបានជាង ៨០%។
នៅតាមកន្លែងត្រួតពិនិត្យជាក់ស្តែង លោក ឡេហុងក្វាង លេខាបក្ខភាគខេត្តអានយ៉ាង បានសួរសុខទុក្ខ ផ្តល់អំណោយ និងលើកទឹកចិត្តដល់កម្មករ វិស្វករដែលកំពុងធ្វើការនៅការដ្ឋានសំណង់។ ទន្ទឹមនឹងនោះ ណែនាំផ្នែកសមត្ថកិច្ច និងមូលដ្ឋានពាក់ព័ន្ឋឲ្យសហការយ៉ាងជិតស្និទ្ធជាមួយអង្គភាពសាងសង់ ដើម្បីពន្លឿនការអនុវត្តគម្រោងជាបន្ទាន់ និងធានាបាននូវផែនការដែលបានដាក់ចេញ៕
ប្រែ៖ ណារីពៅ
