រសៀលថ្ងៃទី ៤ ខែតុលា គណកម្មាធិការប្រជាជនស្រុក ភូតាន់ បានរៀបចំសន្និបាតបូកសរុបស្ថានភាពអនុវត្តការអភិវឌ្ឈន៍សេដ្ឋកិច្ចសង្គមក្នុងរយៈពេល ៩ ខែ និងផ្សព្វផ្សាយទិសដៅនិងភារកិច្ចសមខាន់ៗសម្រាប់ ៣ ខែចុងឆាំ្ន ២០២៤។
ចាប់ពីដើមឆ្នាំរហូតមកដល់ពេលនេះ ស្ថានភាពសេដ្ឋកិច្ចសង្គមរបស់ស្រុក ភូតាន់ សម្រេចបានលទ្ធផលសំខាន់ៗជាច្រើន។ បណ្តាអង្គភាព និងមូលដ្ឋានបាននិងកំពុងផ្សព្វផ្សាយអនុវត្តការងារចំនយន ៤៧/៤៨ សម្រេចបានអត្រា ៩៧,៩២%។ ទ្រង់ទ្រាយតម្លៃផលិតកម្មសម្រេចបានលទ្ធផលល្អ ជាមួយនឹងតម្លៃផលិតកម្មសរុបជាង ១១.១០០ ពាន់លានដុង (កើន ៦,៧៥%ធៀបនឹងដំណាលពេលនេះឆាំ្នមុន)។ ចំណូលថវិការដ្ឋសម្រេចបាន ១១៦,៩% នៃការគ្រោងទុករបស់ខេត្ត និងសេចក្តីសម្រេចចិត្តក្រុមប្រឹក្សាប្រជាជន។ ជីវភាព និងប្រាក់ចំណូលរបស់ពលករបានកែចម្រើន និងរបបសន្តិសុខសង្គមបានធានា។
ផលិតកម្មកសិកម្មមានកំណើនស្ថិរភាព បន្តជាទម្រដ៏រឹងមាំសម្រាប់ខឿនសេដ្ឋកិច្ច។ វិស័យវិនិយោគសាងសង់បានយកចិត្តទុកដាក់ គម្រោងសាងសង់ជាច្រើនបានផ្សព្វផ្សាយអនុវត្ត និងបញ្ចប់រួចរាល់។ទន្ទឹមនិងនោះ បញ្ហាពលករ និងការងារបានផ្សព្វផ្សាយនិងដោះស្រាយយ៉ាងសកម្ម ភាគច្រើនសម្រេចបានសន្ទស្សន៍ក្នុងឆ្នាំដាក់ចេញ។ គោលនយោបាយសន្តិសុខសង្គម បានផ្តោតសំខាន់លើការអនុវត្ត ថែរក្សាមុខសញ្ញាគោលនយោបាយ អ្នកមានសគុណចំពោះបដិវត្ត គ្រួសារក្រីក្រ បៀតក្រ មុខសញ្ញាគាំពារសង្គម កុមារមានស្ថានភាពលំបាកពិសេសបានល្អជាដើម រួមចំណែកថែទាំជីវភាពរស់នៅនិងស្មារតីរបស់ប្រជាជន។
លោកស្រី ង្វៀនធីទ្វៀតមិញ ប្រធានគណៈកម្មាធិការប្រជាជនស្រុក ភូតាន់ បានមានទស្សនៈថា ក្នុងរយៈពេល ៩ ខែដើមឆ្នាំ រូបភាពសេដ្ឋកិច្ចសង្គមរបស់ស្រុកមានការរីកចម្រើន។ ក្នុងនោះមានសន្ទស្សន៍ជាច្រើនបានអនុវត្តសម្រេច និងលើសពីផែនការឆ្នាំដាក់ចេញ។ នាពេលខាងមុខ ស្នើឲ្យបណ្តាផ្នែកមូលដ្ឋានអនុវត្តបណ្តាបញ្ហាលំបាកដោយស្មារតី “ពិបាកប៉ុន្តែត្រូវតែធ្វើបាន” សហការដាក់ចេញដំណោះស្រាយជាវិជ្ជមាននិងជាក់លាក់។
ចាប់ពីពេលនេះរហូតដល់ដំណាច់ឆ្នាំ គណៈកម្មាធិការប្រជាជនស្រុក ភូតាន់ តម្រូវឲ្យឃុំ និងទីរួមស្រុកសហការជាមួយផ្នែកជំនាញដើម្បីធានាអនុវត្តបានល្អនូវគម្រោងស្រូវគុណភាពខ្ពស់មួយលានហិកតា។ នៅចំពោះមុខត្រូវតែ “ជាក់ស៊ី” ជោគជ័យនៅក្នុងតំបន់សាកល្បង។ ក្នុងការងារបង្ការទប់ស្កាត់គ្រោះមហន្តរាយធម្មជាតិ - ការងារស្វែងរក និងជួយសង្គ្រោះ ចាំបាច់ត្រូវត្រួតពិនិត្យ និងព្រមានយ៉ាងសកម្ម អំពីចំណុចដែលមានហានិភ័យនៃការបាក់រលុះដី។ ជាពិសេសយកចិត្តទុកដាក់ដល់កន្លែងបាក់រលុះដី។ ប្តណ្តាមូលដ្ឋានត្រូវសហការយ៉ាងសកម្មជាមួយផ្នែកជំនាញដើម្បីឯកភាពអពីលទ្ធផលអនុវត្តលក្ខណៈវិនិច្ឆ័យកសាងជនបទថ្មី និងពន្លឿនល្បឿននៅឃុំចំណុច។
មូលដ្ឋានយកចិត្តទុកដាក់លើការងារជំនឿនឧស្សាហកម្ម ដើម្បីជួយដល់មូលដ្ឋានផលិតកម្ម អាជីវកម្មមានលក្ខខណ្ឌវិនិយោគថ្មី ធានាការអភិវឌ្ឍន៍ និងលើកកម្ពស់គុណភាពផលិតផល។អនុវត្តកម្មវិធីឃុំមួយផលិតផល (OCOP) មួយ ត្រូវផ្តោតយ៉ាងខ្លាំងក្លាទៅលើការអភិវឌ្ឍន៍ផលិតផលដែលផ្សារភ្ជាប់ពាណិជ្ជសញ្ញាមូលដ្ឋាន។ ទន្ទឹមនឹងនោះ កៀរគរធុរកិច្ច មូលដ្ឋានទិញកសិផល ដើម្បីបង្កើតការស្ងប់ចិត្តសម្រាប់កសិករ ចូលរួមជ្រោមជ្រែងក្នុងការបំបែដំណាំដាំដុះ។
អំពីរបបសន្តិសុខសង្គម ត្រូវយកចិត្តទុកដាក់លើគោលដៅអភិវឌ្ឍន៍ការធានារ៉ាប់រងសុខភាព។ ប្រមូលផ្តុំលើការពិនិត្យឡើងវិញ និងអនុវត្តគោលនយោបាយគាំទ្រសិស្សក្នុងស្ថានភាពលំបាក បង្កើនអត្រាកៀរគរសិស្សទៅសាលារៀន។ បង្កើនទម្រង់ និងយុទ្ធនាការនៅក្នុងមូលដ្ឋានដើម្បីបង្ការទប់ស្កាត់រោគរាតត្បាត។ល៕
ប្រែ៖ ណារីពៅ
