នៅព្រឹកថ្ងៃទី ០៦ ខែ កុម្ភៈ នៅអគារវប្បធម៌ពលកម្មខេត្ត (សង្កាត់ឡុងស្វៀន) សហព័ន្ធពលកម្មខេត្តអានយ៉ាង បានរៀបចំកម្មវិធី “បុណ្យមាឃជួបជុំនិងនិទាឃរដូវអរគុណបក្ស” ឆ្នាំ ២០២៦។ អញ្ជើញចូលរួមមាន អ្នកស្រី ត្រាន់ ធី ថាញ់ហឿង អនុលេខាបក្សនៃគណៈកម្មាធិការបក្សខេត្ត ប្រធានក្រុមតំណាងរាស្ត្រខេត្ត និងជាប្រធានគណៈកម្មាធិការរណសិរ្សមាតុភូមិវៀតណាមខេត្តអានយ៉ាង។
នៅក្នុងកម្មវិធី សហព័ន្ធពលកម្មខេត្តអានយ៉ាង បានផ្តល់អំណោយចំនួន ៣០០ ចំណែក ជូនកម្មករ និងនិយោជិតដែលមានស្ថានភាពលំបាកលើភូមិសាស្ត្រ អំណោយមួយចំណែកៗមានតម្លៃ ១.០០០.០០០ ដុង (រួមមានអំណោយ និងប្រាក់)។ កម្មករ និងនិយោជិតបានរីករាយចូលរួមក្នុងបរិយាកាសដ៏សប្បាយរីករាយ នៃកម្មវិធីសិល្បៈអបអរសាទរបក្ស - អបអរសាទរនិទាឃរដូវ ចូលរួមលេងល្បែងប្រជាប្រិយជាច្រើន។
ជាមួយគោលលំនាំ “មិនឲ្យសមាជិកសហាជីពណាម្នាក់ខ្វះបុណ្យមាឃ” សហព័ន្ធពលកម្មខេត្ត បានចំណាយថវិកាសរុប ១២,៥ ពាន់លានដុង ពីប្រភពហិរញ្ញវត្ថុរបស់អង្គភាព ដើម្បីគាំទ្រអ្នកដែលមានស្ថានភាពលំបាក។ នេះជាការខិតខំយ៉ាងខ្លាំងរបស់អង្គការសហជីព ក្នុងបរិបទដែលជីវភាព និងការងាររបស់កម្មករ នៅតែប្រឈមមុខនឹងបញ្ហាប្រឈមជាច្រើន។
ជាក់ស្តែង សហព័ន្ធពលកម្មខេត្ត បានផ្តល់អំណោយចំនួន ១២.០០០ ចំណែក ជូនសមាជិកសហជីព និងនិយោជិតដែលមានស្ថានភាពលំបាកពិសេស រងគ្រោះថ្នាក់ការងារ ជំងឺវិជ្ជាជីវៈ ឬជំងឺធ្ងន់ធ្ងរ។ មួយចំណែកមានតម្លៃ ១.០០០.០០០ ដុង រួមមានប្រាក់សាច់ ៦០០.០០០ ដុង និងអំណោយសម្ភារៈមានតម្លៃ ៤០០.០០០ ដុង ធានាជួយគាំទ្រជាក់ស្តែងទាំងផ្នែកសម្ភារៈ និងស្មារតី។
អង្គការសហជីពក៏បានយកចិត្តទុកដាក់ពិសេសចំពោះកងកម្លាំងដែលត្រូវបំពេញភារកិច្ចក្នុងអំឡុងមាឃ ដូច្នេះសហជីពបានផ្តល់ជំនួយចំនួន៥០០ ចំណែក (មួយចំណែក ១.០០០.០០០ ដុងប្រាក់សាច់) ដើម្បីលើកទឹកចិត្តសមាជិកសហជីពក្នុងរាត្រីឆ្លងឆ្នាំមមីអដ្ឋស័ក៕
ប្រែ៖ សំណាង
