ការវិមជ្ឈនៃការគ្រប់គ្រងសុវត្ថិភាពចំណីអាហារ

យោងតាមសេចក្តីសម្រេច គណៈកម្មាធិការប្រ​ជា​ជនខេត្ត ធ្វើវិមជ្ឈការដល់មន្ទីរឧស្សាហពាណិជ្ជកម្ម ដើម្បីគ្រប់គ្រងសុវត្ថិភាពចំណីអាហារសម្រាប់មូលដ្ឋានផលិត​កម្ម អាជីវកម្មចំណីអាហារ ដែលមិនស្ថិតក្នុងក្រប​ខណ្ឌ​ត្រូវចេញវិញ្ញាបនបត្រមូលដ្ឋាន​គ្រប់លក្ខខណ្ឌ​សុវ​ត្ថិ​ភាពចំណីអាហារ ក្រោមការទទួលខុសត្រូវគ្រប់​គ្រង​រដ្ឋ​នៃវិស័យឧស្សាហពាណិជ្ជកម្មត្រូវ​បានកំណត់​នៅ​ក្នុង​​ចំណុច k ខ្ទង់ ១ មាត្រា ១២ នៃអនុក្រឹត្យលេខ ១៥​/​២​០២៨/ND-CP ចុះថ្ងៃទី ២ ខែកុម្ភៈ ឆ្នាំ ២០១៨ របស់រដ្ឋាភិបាល ដែលបានកំណត់លម្អិត​អំពីការអនុ​វត្ត​មា​ត្រាមួយចំនួននៃច្បាប់សុវត្ថិភាពចំណីអាហារ​នៅ​ខេ​ត្ត​អាន​យ៉ាង។​ ធ្វើវិមជ្ឈការសម្រាប់គណៈកម្មាធិការប្រជាជនស្រុក ទី​រួម​ខេត្ត និងក្រុង ដើម្បីគ្រប់គ្រងសុវត្ថិភាព​ចំណី​អាហារ​សម្រាប់​មូលដ្ឋានផលិតកម្ម អាជីវកម្មចំណីអាហារ ដែលមិនស្ថិតក្នុងក្របខណ្ឌត្រូវចេញវិញ្ញាបនបត្រមូលដ្ឋានគ្រប់លក្ខខណ្ឌសុវត្ថិភាពចំណីអាហារក្រោមការទទួលខុសត្រូវគ្រប់គ្រងរដ្ឋនៃវិស័យឧស្សាហពាណិជ្ជកម្មត្រូវបានកំណត់នៅក្នុងចំណុច b, d, đ, e ខ្ទង់ ១ មា​ត្រា​ ១២ នៃអនុក្រឹត្យលេខ ១៥/២០១៨/ND-CP នៅ​តាម​ស្រុក ទីរួមខេត្ត និងក្រុង។

​សេចក្តីសម្រេចស្តីពីវិមជ្ឈការនៃការគ្រប់គ្រង​សុ​វ​ត្ថិភាពចំណីអាហារសម្រាប់មូលដ្ឋានផលិតកម្ម ​អាជី​វ​ក​ម្មចំណីអាហារដែលមិនស្ថិតក្នុងក្របខណ្ឌត្រូវចេញវិញ្ញាបនបត្រមូលដ្ឋានគ្រប់លក្ខខណ្ឌសុវត្ថិភាពចំណីអាហារក្រោមការទទួលខុសត្រូវគ្រប់គ្រងរដ្ឋនៃវិស័យឧស្សា​ហពាណិជ្ជកម្មខេត្ត អានយ៉ាង នឹងមាន​សុ​ពល​ភាព​ចាប់​ពីថ្ងៃទី១០ ខែកញ្ញា ឆាំ្ន ២០២៤។ សេចក្តី​សម្រេច​នេះបាន​លុបចោលសេចក្តីសម្រេចលេខ ៥៥/២០​១៦/​QD​-UBND ចុះថ្ងៃទី ៣១ ខែសីហា ឆ្នាំ ២០១៦ របស់​គណៈ​កម្មាធិការប្រជាជនខេត្ត អានយ៉ាង ចាត់តាំង និង​ធ្វើ​ វិមជ្ឈការនៃការគ្រប់គ្រងសុវត្ថិភាព​ចំណី​អាហារ​ចំ​ពោះ​​មូលដ្ឋានផលិតកម្មចំណីអាហារខ្នាតតូច ក្រោម​ការទទួលខុសត្រូវគ្រប់គ្រងរដ្ឋរបស់ក្រសួងឧស្សាហពាណិ​ជ្ជកម្មនៅក្នុងខេត្តអានយ៉ាង៕  

ប្រភព៖ សេចក្តីសម្រេចលេខ៣១/២០២៤/QD-UBND ចុះថ្ងៃទី៣០ ខែសីហា ឆ្នាំ២០២៤ 
ប្រែ៖ ណារីពៅ