អាហារូបករណ៍មួយចំណែកៗមានតម្លៃ ៥០០​ពាន់​ដុង បានប្រគល់ជូនសិស្សជួបការលំបាកចំនួន ១៥​ នាក់​របស់វិទ្យាល័យចំនួន ៣ នៅលើភូមិសាស្ត្រ៖ វិទ្យាល័យទិញបៀន វិទ្យាល័យស្វឺនតូ និងវិទ្យាល័យ ជី​ឡាំង។

ប្អូន ឡេហ្វ័ងម៉ៃត្រាង - វិទ្យាល័យស្វឺនតូ ដែលជា​សិស្សម្នាក់ក្នុងចំណោមសិស្សជាច្រើននាក់បានទទួលអាហារូបករណ៍បានរៀបរាប់ទាំងអារម្មណ៍ថា៖ "ប្អូនរស់​នៅ​ជាមួយម្តាយ រាល់ថ្ងៃម្តាយធ្វើការស៊ីឈ្នួល អ្នក​ណា​ជួល​អ្វីក៏គាត់ធ្វើ នៅពេលណាដែលអ្នកណាជួល គាត់ តែងតែខិតខំធ្វើការពេញមួយឆ្នាំដើម្បីមើលថែប្អូនរៀនចប់​ចុងចប់ដើម ការប្រឡងឆ្នាំនេះប្អូនប្រឡងចូលផែន D​01 ក្តីសុបិនរបស់ប្អូនគឺចង់ក្លាយជាគ្រូបង្រៀន​ភាសា​អង់​គ្លេស។ មានសេដ្ឋកិច្ចស្ថិរភាពដើម្បីទំនុក​បម្រុង​ម្តាយ​​និងគ្រួសារ។ ប្អូនបានដឹងគុណសាលានិង​លោក​ពូ​​អ្នក​មីង នៅពេលបានទទួលអាហារូបករណ៍ជំ​នួយ​កម្លាំង​​​រដូវប្រឡងលើកនេះ។ នេះគឺជាកម្លាំងចិត្តមួយ​ដ៏​ធំ​​សម្រាប់ប្អូន និងមិត្តភ័ក្តិខិតខំសិក្សារៀនសូត្រ​ឲ្យបាន​ល្អ​​ក្នុងការប្រឡង មិនធ្វើឲ្យគ្រួសារខកចិត្ត និង​ជួយ​ដល់​អ្នក​រាល់គ្នា”។ 

រីឯប្អូន ង្វៀនធីអាញ់ទ្វៀក - វិទ្យាល័យទិញបៀន បាន​មានប្រសាសន៍ថា៖ "ការសុបិនសាមញ្ញរបស់ប្ងូនគឺ​សិ​ក្សា​​និងប្រឡងឲ្យបានល្អ សម្រាប់ទៅថ្ងៃក្រោយ​មាន​អាជីពនិងសេដ្ឋកិច្ចស្ថិរភាពដើម្បីផ្គត់ផ្គង់សេដ្ឋកិច្ចដល់គ្រួសារនិងអាចជួយដល់ស្ថានភាពលំបាកដូចប្អូនបច្ចុប្ប​ន្ននេះ។ ប្អូនសូមអរគុណចំពោះអំណោយ​អាហា​រូប​ក​រ​ណ៍របស់បងៗនិងពូមីងខ្លាំងណាស់។ ប្អូននឹងខិត​ខំ​ឲ្យ​អស់ពីសមត្ថភាពដើម្បីប្រឡងឲ្យបានល្អដោយមិនធ្វើឲ្យ​លោកអ្នកគ្រូនិងគ្រួសារខកបំណង" ។

នៅទីតាំងសាលារៀននីមួយៗ តំ​ណាង​សម្ព័ន្ធ​យុវ​ជនទីរួមខេត្តទិញបៀន ក៏បានចំណាយពេលវេលា​ស្តាប់​រឿងរ៉ាវរបស់សិស្ស រឿងរ៉ាវគ្រួសារ និងដំណើរ​សិក្សាដ៏លំបាករបស់ប្អូនទៅអនាគតក្រោយពីការប្រឡង។ បងៗសម្ព័ន្ឋយុវជនបានលើកទឹកចិត្ត និង​ដាស់​តឿន​សិស្សានុសិស្សឲ្យរក្សារឹងមាំស្មារតី ជឿ​ជាក់​លើ​ខ្លួន​ឯង និងខិតខំឲ្យអស់ពីសមត្ថភាពជារៀងរាល់ថ្ងៃ ដើ​ម្បី​ជម្នះដំណាក់កាលដ៏លំបាកនេះ។

នេះគឺជាសកម្មភាពដ៏មានអត្ថន័យ បង្ហាញពី​ការ​យក​ចិត្តទុកដាក់ និងការចែករំលែករបស់សហគមន៍ និង​អង្គការសម្ព័ន្ឋយុវជននិងសមាគមដល់សិស្សក្រីក្រ ជម្នះ​ការលំបាក។ បណ្តាអំណោយតិចតួចជាមែនពិត ប៉ុ​ន្តែវាជាបង្វេចដ៏មានតម្លៃសម្រាប់ស្មារតី ដើម្បីអម​ដំ​ណើរ​ជាមួយប្អូនក្នុងការខិតខំសិក្សា រម្លឹកមេរៀន និង​សម្រេច​​បានលទ្ធផលខ្ពស់ក្នុងការប្រឡងនាពេល​ខាង​មុខ​​នេះ៕

ប្រែ៖ ណារីពៅ