រសៀលថ្ងៃទី១៣ ខែតុលា មជ្ឈមណ្ឌលជំរុញវិនិយោគ ពាណិជ្ជកម្ម និងទេសចរណ៍ខេត្តអានយ៉ាង បានបើកកិច្ចជំនួបអាជីវកម្មឆ្នាំ ២០២៥ ក្នុងឱកាសទិវាអាជីវករវៀតណាម (១៣ តុលា)។
អញ្ជើញចូលរួមកិច្ចជំនួបមុខ រួមមាន៖ លោក ហូវ៉ាន់ម៉ឹង សមាជិកបម្រុងនៃគណៈកម្មាធិការមជ្ឈិមបក្ស អនុលេខាគណៈកម្មាធិការបក្សខេត្ត ប្រធានគណៈកម្មាធិការប្រជាជនខេត្តអានយ៉ាង។លោក ង្វៀនថាញផុង សមាជិកគណៈអចិន្ត្រៃយ៍បក្សខេត្ត អនុប្រធានប្រចាំការគណៈកម្មាធិការប្រជាជនខេត្ត។ លោក ឡេថាញវៀត សមាជិកគណៈអចិន្ត្រៃយ៍បក្សខេត្ត អនុប្រធានប្រចាំការគណៈកម្មាធិការរណសិរ្សមាតុភូមិវៀតណាមខេត្តងានយ៉ាង។
ថ្លែងមតិនៅក្នុងជំនួបមុខ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង បានថ្លែងអំណរគុណ និងអបអរសាទរចំពោះអាជីវកម្ម និងអាជីវករទាំងអស់ដែលបានមានការខិតខំប្រឹងប្រែង និងការរួមចំណែកក្នុងការអភិវឌ្ឍខេត្តអានយ៉ាង ក្នុងការអភិវឌ្ឍសេដ្ឋកិច្ចសង្គម ក្នុងដំណាក់កាល ២០២០ - ២០២៥។
ទន្ទឹមនឹងនោះ វាយតម្លៃខ្ពស់ចំពោះស្មារតី ទំនួលខុសត្រូវ និងភាពសកម្មរបស់បណ្តាអាជីវកម្មនិងអាជីវករ ដែលបានរួមដំណើរជាមួយខេត្តអានយ៉ាង ក្នុងសកម្មភាពសប្បុរសធម៌សង្គម ជួយប្រជាជនក្នុងខេត្ត និងប្រទេសទាំងមូលឆ្លងផុតការលំបាក ដូចជាគ្រោះធម្មជាតិ ខ្យល់ព្យុះ និងទឹកជំនន់ជាពិសេសក្នុងគ្រាដែលជំងឺកូវិដ្ឋ ១៩ រាតត្បាត និងទទួលបានលទ្ធផលល្អជាច្រើន។
លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តងានយ៉ាងបានអះអាងថា ក្នុងដំណាក់កាលខាងមុខ ខេត្តអានយ៉ាង នឹងបន្តយកសេដ្ឋកិច្ចឯកជនជាកម្លាំងចលករសំខាន់បំផុតដើម្បីអភិវឌ្ឍខឿនសេដ្ឋកិច្ចខេត្ត។ រវាងខេត្ត និងអាជីវកម្ម អាជីវករចាំបាច់ត្រូវតែរួមដំណើរ ចែករំលែក និងជួយគ្នាដើម្បីអភិវឌ្ឍ។
ដើម្បីសម្រេចបាននូវគោលដៅខាងលើ នាពេលខាងមុខ ខេត្តនឹងបន្តការជំរុញខ្លាំងកំណែទម្រង់រដ្ឋបាល កាត់បន្ថយបែបបទរដ្ឋបាល បង្កើតបរិយាកាសវិនិយោគនិងអាជីវកម្មអំណោយផល សុវត្ថិភាព និងស្មើភាពដើម្បីអភិវឌ្ឍអាជីវកម្ម។ ផ្តោតលើការដោះស្រាយការលំបាក និងបញ្ហាទាក់ទិនសម្រាប់អាជីវកម្ម និងដោះស្រាយធនធានរលូនដើម្បីបណ្តាអាជីវកម្មចូលរួម។
ទន្ទឹមនិងនោះ រួមជាមួយអាជីវកម្ម អាជីវករ កសាងលើកកម្ពស់ប្រពៃណីសាមគ្គីភាព កសាងខេត្តអានយ៉ាងអភិវឌ្ឍយ៉ាងខ្លាំងក្លា និងចីរភាព។ អនុវត្តយ៉ាងម៉ឺងម៉ាត់នូវបទបញ្ញត្តិច្បាប់ បង្កើតបរិយាកាសវិនិយោគ និងធ្វើអាជីវកម្មស្មើភាព ប្រកួតប្រជែងអំណោយផល និងយុត្តិធម៌។ អាជីវកម្ម អាជីវករ ត្រូវមានការអភិវឌ្ឍផងនិងមានក្រមសីលធម៌ និងទំនួលខុសត្រូវចំពោះសង្គមផង ឆ្ពោះទៅរកគោលដៅរួមគឺអភិវឌ្ឍសេដ្ឋកិច្ចសង្គមរបស់ខេត្ត អភិវឌ្ឍអាជីវកម្មនិងអាជីវករនីមួយៗ និងលើកកម្ពស់ជីវភាពរស់នៅរបស់ប្រជាជនឲ្យកាន់តែប្រសើរឡើង។
លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង ក៏សង្ឃឹមថា បណ្តាអាជីវកម្មត្រូវតែសកម្មរនិងរួមដំណើរជាមួយខេត្ត កំណត់គោលដៅកំណើនខ្ពស់ក្នុងសកម្មភាពផលិតកម្ម និងអាជីវកម្ម ដើម្បីជួយខេត្តសម្រេចបានគោលដៅកំណើនរួម១១,៥៣% ក្នុងឆ្នាំ ២០២៦។ អាជីវកម្មសកម្មពង្រីកផលិតកម្ម និងអាជីវកម្ម សកម្មសហការនិងភ្ជាប់ទំនាក់ទំនងក្នុងស្រុក និងក្រៅប្រទេស អនុវត្តវិទ្យាសាស្ត្របច្ចេកវិជ្ជាលើកកម្ពស់ សមត្ថភាពប្រកួតប្រជែង។ល។
ក្នុងឱកាសនេះ លោកប្រធានគណៈកម្មាធិការប្រជាជនខេត្តអានយ៉ាង បានប្រគល់ប័ណ្ណសរសើរដល់សមូហភាពចំនួន ៦៤ ក្រុម និងបុគ្គលចំនួន ៥៨ នាក់ ដែលមានស្នាដៃក្នុងសកម្មភាពផលិតកម្មអាជីវកម្ម និងប្រគល់ប័ណ្ណសរសើរដល់បុគ្គលចំនួន ៧នាក់ ដែលមានស្នាដៃក្នុងពលកម្មផលិតកម្ម និងអាជីវកម្មក្នុងអាជីវកម្ម រួមចំណែកទៅក្នុងការអភិវឌ្ឍសេដ្ឋកិច្ចសង្គមខេត្តអានយ៉ាង ឆ្នាំ ២០២៥។
ខេត្តអានយ៉ាងមានអាជីវកម្មជិត ២០ពាន់ ក្នុងដំណាក់កាល ២០២១ ២០២៥ ខេត្តទាំងមូលមានអាជីវកម្មចុះបញ្ជីបង្កើតថ្មីប្រមាណ ១២.៣០០ ដោយមានទុនចុះបញ្ជីសរុបជិត ២៥៨ពាន់លានដុង។ ដល់ចុងឆាំ្ន២០២៥ ខេត្តទាំងមូលបង្កើនអាជីវកម្មឡើងដល់ប្រមាណ ២០ពាន់កំពុងធ្វើសកម្មភាពដោយទុនចុះបញ្ជីជិត ៣០៨ពាន់លានដុង។ទោះបីជាជួបការលំបាកនិងបញ្ហាប្រឈមច្រើនក្តី ប៉ុន្តែការអភិវឌ្ឍសេដ្ឋកិច្ចឯកជនបានរួមចំណែកទៅក្នុងអត្រាកំណើនសេដ្ឋកិច្ច (GRDP) ជាមធ្យមក្នុងរយៈពេល ៥ ឆាំ្នសម្រេចបាន៥,៦៨% ចំណូលថវិការដ្ឋសម្រេចបានប្រមាណ ១១៣ពាន់លានដុង និងទុនវិនិយោគសរុបក្នុងសង្គមទាំងមូលសម្រេចបានជាង ៣២៥ពាន់លានដុង អត្រាកំណើនកើនឡើងជាមធ្យម ៩,៧៦%ក្នុងមួយឆាំ្ន ស្មើ ២៧,១៩% GRDP៕ |
ប្រែ៖ ណារីពៅ
