អភិវឌ្ឍវិទ្យាសាស្ត្រ បច្ចេកវិជ្ជា នវានុវត្តន៍ និងការផ្លាស់ប្តូរឌីជីថល គឺជាភារកិច្ចសំខាន់មួយ ដែលទទួលបានការយកចិត្តទុកដាក់ ដឹកនាំ ណែនាំពីបក្ស និងរដ្ឋ គឺជាកត្តាសំខាន់ដែលមានឥទ្ធិពលដោយផ្ទាល់ដល់កំណើនសេដ្ឋកិច្ច-សង្គម និងបម្រើជីវភាពរស់នៅរបស់ប្រជាជន។
ថ្ងៃទី ០៥ ខែមីនា គណៈកម្មាធិការប្រជាជនខេត្ត បានរៀបចំសន្និបាតតាមប្រព័ន្ធអនឡាញ បូកសរុបការងារឆ្នាំ ២០២៥ និងដាក់ចេញទិសដៅ ភារកិច្ចឆ្នាំ ២០២៦ របស់គណៈកម្មការណែនាំអភិវឌ្ឍវិទ្យាសាស្ត្រ បច្ចេកវិជ្ជា នវានុវត្តន៍ ផ្លាសប្តូរឌីជីថល និងគម្រោង ០៦ ខេត្តអានយ៉ាង។
សន្និបាតនេះ ដឹកនាំដោយលោក ហូ វ៉ាន់ ម៉ឹង សមាជិកមជ្ឈិមបក្ស អនុលេខាគណកម្មាធិការបក្សខេត្ត ប្រធានគណៈកម្មាធិការប្រជាជនខេត្ត ជាប្រធានគណៈកម្មការណែនាំអំពីអភិវឌ្ឍវិទ្យាសាស្ត្រ បច្ចេកវិជ្ជា នវានុវត្តន៍ ផ្លាស់ប្តូរឌីជីថល និងគម្រោង ០៦ ខេត្តអានយ៉ាង។ ចូលរួមក៏មានលោក ង្វៀន ថាញ់ ផុង អនុប្រធានប្រចាំការគណៈកម្មាធិការប្រជាជនខេត្តផងដែរ។
ថ្លែងមតិណែនាំក្នុងសន្និបាត លោក ហូ វ៉ាន់ ម៉ឹង ប្រធានគណៈកម្មាធិការប្រជាជនខេត្ត បានវាយតម្លៃថា ការអនុវត្តភារកិច្ចវិទ្យាសាស្ត្រ បច្ចេកវិជ្ជា នវានុវត្តន៍ ផ្លាស់ប្តូរឌីជីថល និងគម្រោង ០៦ បានផ្សព្វផ្សាយជាគោលតាមការណែនាំរបស់គណៈកម្មាធិការមជ្ឈិម និងគណកម្មាធិការបក្សខេត្ត សម្រេចបានលទ្ធផលវិជ្ជមានជាច្រើន។
លោកហូ វ៉ាន់ ម៉ឹង បានបញ្ជាក់ថា ការអភិវឌ្ឍវិទ្យាសាស្ត្រ បច្ចេកវិជ្ជា នវានុវត្តន៍ និងការផ្លាស់ប្តូរឌីជីថល គឺជាភារកិច្ចសំខាន់ ទទួលបានការយកចិត្តទុកដាក់ ដឹកនាំ ណែនាំ របស់បក្សនិងរដ្ឋ។ គឺជាកត្តាសំខាន់ដែលប៉ះពាល់ដោយផ្ទាល់ដល់កំណើន អភិវឌ្ឍសេដ្ឋកិច្ច-សង្គម និងបម្រើដល់ជីវភាពរស់នៅរបស់ប្រជាជន។
លោក ហូ វ៉ាន់ ម៉ឹង ប្រធានគណៈកម្មាធិការប្រជាជនខេត្តបានតម្រូវឲ្យបណ្តាមន្ទីរ ផ្នែក មូលដ្ឋាន ផ្សព្វផ្សាយឲ្យបានពេញលេញនិងមានប្រសិទ្ឋភាព សម្រេចបាន លទ្ឋផលខ្ពស់ ចំពោះភារកិច្ចដែលទាក់ទងនឹងវិទ្យាសាស្ត្រ និងបច្ចេកវិជ្ជា នវានុវត្តន៍ ផ្លាស់ប្តូរឌីជីថល និងគម្រោង ០៦។អនុវត្តការផ្លាស់ប្តូរឌីជីថលខ្លាំងក្លា ស្របគ្នា មានប្រសិទ្ធភាព ដើម្បីបម្រើការគ្រប់គ្រងប្រតិបត្តិការ បម្រើការប្រជាជន ផលិតកម្ម និងអាជីវកម្ម។
ប្រធានគណៈកម្មាធិការប្រជាជនខេត្ត ប្រគល់ឲ្យមន្ទីរវិទ្យាសាស្ត្រ និងបច្ចេកវិជ្ជា ជាអង្គភាពដឹកនាំក្នុងការអភិវឌ្ឍកម្មវិធីប្រើប្រាស់រួមក្នុងខេត្តទាំងមូល ជៀសវាងការអនុវត្តខុសៗគ្នារវាងឃុំ សង្កាត់ បណ្តាលឲ្យខ្ចះខ្ចាយ មិនស្របគ្នានិងពិបាកភ្ជាប់ប្រព័ន្ធ។ បូកសរុបបណ្តាប្រធានបទសិក្សាស្រាវជ្រាវវិទ្យាសាស្ត្រ បច្ចេកវិជ្ជាមានលក្ខណៈផ្សព្វផ្សាយទូលំទូលាយ ដើម្បីផ្តល់យោបល់ដល់គណៈកម្មាធិការប្រជាជនខេត្តផ្ទេរទៅឲ្យមូលដ្ឋានអនុវត្តក្នុងផលិតកម្ម។
មន្ទីរស្ថាបនកម្មដឹកនាំនិងផ្តល់នូវយោបល់ដល់គណៈកម្មាធិការប្រជាជនខេត្តក្នុងការណែនាំផ្សព្វផ្សាយអនុវត្តការកំណត់អត្តសញ្ញាណលេខផ្ទះឌីជីថល។ បណ្តាមន្ទីរ ផ្នែកត្រូវសកម្មក្នុងការសម្អាតទិន្នន័យអាជីវកម្ម និងបញ្ចប់ការធ្វើបច្ចុប្បន្នភាពព័ត៌មានយុទ្ឋជនពលី និងបញ្ជីអ្នកចូលរួមធានារ៉ាប់រងសុខភាព និងធានារ៉ាប់រងសង្គមលើប្រព័ន្ធទិន្នន័យ។
លោក ហូ វ៉ាន់ ម៉ឹង ប្រធានគណៈកម្មាធិការប្រជាជន តម្រូវឲ្យបណ្តាមន្ទីរ ផ្នែកពន្លឿនល្បឿនអនុវត្ត បញ្ចប់ការកែតម្រូវ ហើយធ្វើឲ្យឌីជីថល និងឯកសារមានភាពជាក់លាក់ ជៀសវាងការបាត់បង់ឯកសារ ស្វែងរកងាយស្រួល បន្តកែលម្អសូចនាករ បង្កើតក្រុមត្រួតពិនិត្យ និងគាំទ្រមូលដ្ឋានដើម្បីជំរុញអនុវត្ត។ល។
យោងតាមរបាយការណ៍ ឆ្នាំ ២០២៥ សមាមាត្រសេដ្ឋកិច្ចឌីជីថលនៅក្នុងGRDP របស់ខេត្តទាំងមូលសម្រេចបាន ៦,៤% កម្រិតពេញចិត្តសម្រេចបាន ១៧,៨៧/១៨ពិន្ទុ (៩៩,២៨%) ឆ្លុះបញ្ចាំងពីការជឿទុកចិត្តរបស់ប្រជាជន និងអាជីវកម្មនានាចំពោះសកម្មភាពផ្លាស់ប្តូរឌីជីថលរបស់ខេត្ត។ បញ្ចប់ភារកិច្ចចំនួន ១៣០/១៣០ (សម្រេចអត្រា ១០០% ក្នុងនោះអត្រាកិច្ចការសម្រេចបានតាមកាលកំណត់ចំនួន ៩៧%)។
អានយ៉ាង គឺជាខេត្តមួយក្នុងចំណោមខេត្តដំបូងគេក្នុងប្រទេស បានចេញសេចក្តីសម្រេចចិត្តជាក់លាក់ចំនួន ០៣ ស្តីពីគោលនយោបាយតាមច្បាប់ឧស្សាហកម្មបច្ចេកវិជ្ជាឌីជីថល (មានសុពលភាពចាប់ពីថ្ងៃទី ០១/មករា/២០២៦) បង្កើតមូលដ្ឋានច្បាប់ ដើម្បីអភិវឌ្ឍប្រព័ន្ឋអេកូឡូស៊ីឌីជីថលរបស់ខេត្ត រួមមាន៖(១)គោលនយោបាយគាំទ្រគម្រោងផ្តើមអាជីពនវានុវត្តន៍។ (២) គាំទ្រផលិតផលិតផល និងសេវាកម្មបច្ចេកវិជ្ជាឌីជីថល។(៣) អភិវឌ្ឍឧស្សាហកម្មឈីបអេឡិចត្រូនិក។
អំពីការចំណាយថវិកា ឆ្នាំ ២០២៥ ខេត្តបានចំណាយជាង ១.៣០៦ ពាន់លានដុង (ស្មើ៣,៤៥% ធៀបនឹងថវិកាសរុប) និងបញ្ចេញថវិកាជាង ១.០២៦ ពាន់លានដុង សម្រេចបាន ៧៨,៨៥% នៃថវិការៀបចំ។
បង្កើនការវិនិយោគ លើកកម្ពស់ បញ្ចប់ហេដ្ឋារចនាសម្ព័ន្ធឌីជីថល ដើម្បីធានាបានការណែនាំនិងប្រតិបត្តិការរលូនពីខេត្តរហូតដល់ឃុំ សង្កាត់ និងតំបន់ពិសេស ចំនួន ១០២។
ការកំណែទម្រង់រដ្ឋបាលសម្រេចបានលទ្ឋផលវិជ្ជមានជាច្រើន កាត់បន្ថយពេលវេលាដោះស្រាយបែបបទរដ្ឋបាល ៣០%។ ផ្សព្វផ្សាយការទទួលបែបបទដែលមិនស្ថិតក្នុងព្រំដែនរដ្ឋបាល សម្រាប់នីតិវិធីរដ្ឋបាលក្នុងបរិវេនខេត្តទាំងមូល១០០%។
លទ្ឋផលវាយតម្លៃយោងតាមក្រមសន្ទស្សន៍ ៧៦៦/QĐ-TTg របស់នាយករដ្ឋមន្ត្រី(គិតដល់ថ្ងៃ ៣១ ខែ ធ្នូ ឆាំ្ន ២០២៥)ខេត្តសម្រេចបាន ៩៥,១៦/១០០ពិន្ទុ រៀបចំណាត់ថ្នាក់ឆ្នើម ឈរលំដាប់លេខ ៦ ក្នុងចំណោមខេត្តក្រុងចំនួន ៣៤។ មជ្ឈមណ្ឌលរដ្ឋបាលសាធារណៈថ្នាក់ខេត្ត ឃុំសង្កាត់ និងតំបន់ពិសេសចំនួន ១០២ បានដំណើរការយ៉ាងរលូន ដំណើរការការងារទទួល និងដោះស្រាយនីតិវិធីរដ្ឋបាលសម្រាប់ប្រជាពលរដ្ឋនិងប្រជាជនបានល្អ។ លទ្ឋផលវាយតម្លៃដោយខ្លួនឯងពីសន្ទស្សន៍កំណែទម្រង់រដ្ឋបាល ((PAR Index) របស់ខេត្តក្នុងឆ្នាំ ២០២៥ សម្រេចបាន ៦៣,២៩៥៨/៦៨ ពិន្ទុ។
អំពីការអនុវត្តគម្រោង ០៦/CP បន្ទាប់ពីការរួមបញ្ចូលខេត្ត គណៈកម្មាធិការប្រជាជនខេត្តបានដាក់ជូនក្រុមប្រឹក្សាប្រជាជនខេត្តឲ្យចេញសេចក្តីសម្រេចចិត្តកំណត់ថ្លៃសេវាសូន្យដុងនៅពេលដែលដំណើរការសេវាសាធារណៈអនឡាញ ហើយបញ្ចប់ការលើកកម្ពស់ ការអភិវឌ្ឍប្រព័ន្ធព័ត៌មានសម្រាប់ដោះស្រាយនីតិវិធីរដ្ឋបាលស្របតាមទម្រង់អាជ្ញាធរមូលដ្ឋានពីរថ្នាក់ ផ្សព្វផ្សាយការតភ្ជាប់ និងការរួមបញ្ចូលដើម្បីធានាបាននូវគេហទំព័រសេវាសាធារណៈជាតិ ឆ្លើយតបនូវតម្រូវការឌីជីថលូបនីយកម្ម និងអនុវត្តនីតិវិធីរដ្ឋបាលដែលមិនស្ថិតក្នុងព្រំដែនរដ្ឋបាល៕
ប្រែ៖ សំណាង
