បន្ទាប់ពីរយៈពេលជិត ១០ ឆ្នាំផ្សព្វផ្សាយអនុវត្តសារាចរណែនាំលេខ ៤០-CT/TW របស់គណលេខាបក្សស្តីពីការបង្កើនការដឹកនាំរបស់បក្សចំពោះការងារឥណទានគោលនយោបាយសង្គមនៅសង្កាត់ចូវភូ បានពង្រីកប្រសិទ្ឋភាពជាវិជ្ជមាន តាមរយៈនោះ ប្រភពទុនបាននាំយកទៅដល់មុខសញ្ញានិងប្រើប្រាស់ចំគោលដៅត្រឹមត្រូវ រួមចំណែកកាត់បន្ថយភាពក្រីក្រជានិរន្តរភាព ធានារបបសន្តិសុខសង្គមនៅមូលដ្ឋាន។
ជាក់ស្តែងនាពេលថ្មីៗនេះ បក្ខភាគស្រុក គណៈកម្មាធិការប្រជាជនស្រុកចូវភូ បានបានផ្សព្វផ្សាយខ្លឹមសារសារាចរណ៍លេខ ៤០-CT/TW សេចក្តីសន្និដ្ឋានលេខ ០៦-KL/TW និងឯកសារពាក់ព័ន្ធរបស់រដ្ឋាភិបាល និងខេត្តទៅកាន់សាខា បក្ខភាគក្រោមឱវ៉ាទ។ ណែនាំបណ្តាស្ថាប័ន អង្គភាព គណកម្មាធិការបក្ស អាជ្ញាធរបានកំណត់ការងារដឹកនាំ ណែនាំ សម្រាប់សកម្មភាពឥណទានគោលនយោបាយសង្គមជាសកម្មភាពជាប្រចាំ រៀបចំអនុវត្តគោលការណ៍កៀរគរបណ្តាធនធានសម្រាប់ឥណទានគោលនយោបាយសង្គមភ្ជាប់នឹងគោលដៅ អភិវឌ្ឍន៍សេដ្ឋកិច្ចសង្គម កាត់បន្ថយក្រ បណ្តុះបណ្តាលវិជ្ជាជីវៈ ដោះស្រាយការងារ និងធានារបបសន្តិសុខសង្គមរបស់មូលដ្ឋាន។
លទ្ធផល ក្រោយរយៈពេលជិត ១០ ឆ្នាំអនុវត្តសារាចរណ៍ណែនាំលេខ ៤០-CT/TW របស់គណលេខាបក្សស្តីពីការបង្កើនការដឹកនាំរបស់បក្សចំពោះការងារឥណទានគោលនយោបាយសង្គម (គិតដល់ខែមិថុនា ឆ្នាំ ២០២៤) ប្រភពទុនទទួលផ្ទេរសិទ្ឋជាសរុបនៅមូលដ្ឋានសម្រេចបាន ២៥,៦៧៩ ពាន់លានដុង ស្មើសមាមាត្រ ៤,៨% នៃប្រភពទុនមជ្ឈិមនិងមូលដ្ឋានជាសរុប (ខេត្ត និងស្រុក)។ក្នុងនោះ ប្រភពទុនពីថវិកាខេត្តសម្រេចបាន១៨,៨៤៧ពាន់លានដុង ស្មើ ៧៣,៤%នៃប្រភពទុនទទួលផ្ទេរសិទ្ឋនៅក្នុងមូលដ្ឋាន។ ប្រភពទុនពីថវិកាស្រុកសម្រេចបាន ៦.៨៣២ពាន់លានដុង ស្មើ ២៦,៦%នៃ ប្រភពទុនដែលទទួលផ្ទេរសិទ្ឋរបស់មូលដ្ឋាន។ តាមរយៈនោះ ផ្តល់ថវិកាបានជិត ១.០១៦ ករណី សម្រាប់ផ្តល់កម្ចីឲ្យអ្នកក្រ និងមុខសញ្ញាគោលនយោបាយផ្សេងទៀត ដោយទឹកប្រាក់សរុបជាង ២២,៧៩៩ ពាន់លានដុង។ រួមចំណែកជួយដល់អ្នកក្រ និងមុខសញ្ញាគោលនយោបាយផ្សេងមានលក្ខណៈអភិវឌ្ឍន៍សេដ្ឋកិច្ច ឈានឡើងចាកផុតពីភាពក្រីក្រ តាមរយៈកម្មវិធីកម្ចីដើម្បីគាំទ្រការងារ រក្សានិងពង្រីកការងារ និងកម្មវិធីកម្ចីចំពោះមុខសញ្ញាគោលនយោបាយទៅធ្វើការមានរយៈពេលកំណត់នៅប្រទេសក្រៅ។ ក្រៅពីនេះ អាជ្ញាធរមូលដ្ឋានបានបង្កើតលក្ខខណ្ឌដើម្បីគាំទ្រដល់ចំណុចប្រតិបត្តិការប្រចាំខែនៅក្នុងឃុំ និងទីរួមស្រុកចំនួន ១៣/១៣ ដើម្បីធនាគារគោលនយោបាយសង្គមស្រុក រៀបចំប្រតិបត្តិការដោយសុវត្ថិភាព ធានាបានគោលដៅ ១០០% នៃអ្នកក្រីក្រ និងមុខសញ្ញាគោលនយោបាយផ្សេងទៀតដែលមានតម្រូវការប្រាក់កម្ចីនឹងបានផ្តល់ជូនទាំងអស់ហើយបានចូលរួមពេញលេញនូវផលិតផល និងសេវាកម្មដែលអាស្រ័យដោយធនាគារគោលនយោបាយសង្គមផ្គត់ផ្គង់។
ការទទួលបានប្រាក់កម្ចីទាន់ពេលវេលាពីធនាគារគោលនយោបាយសង្គមបានជួយឲ្យគ្រួសាររបស់បង ង្វៀនមិញតាន់ ដែលជាអាជីវករតូចតាចនៅផ្សារ កៃយ៉ូវ ជម្នះបានការលំបាកអំពីសេដ្ឋកិច្ចដោយសារការខាតបង់យ៉ាងធ្ងន់ធ្ងរបន្ទាប់ពីភ្លើងឆេះផ្សារនៅឆ្នាំ ២០២២។ បង តាន់ចែករំលែកថា៖ “សម្រាប់ខ្ញុំ ប្រភពទុនរបស់ធនាគារគោលនយោបាយសង្គមដូចជាពោងសង្គ្រោះជីវិតសម្រាប់គ្រួសារគាត់ឥចឹង។ នឹកវិញកាលពីឆ្នាំ ២០២២ ខ្ញុំជាអាជីវករតូចតាចលក់ខោអាវម្នាក់នៅផ្សារទីរួមស្រុក កៃយ៉ូវ ជីវភាពគ្រួសារមានស្ថិរភាពដែរ។ ប៉ុន្តែជាអកុសល មានឧបទ្ទវហេតុមួយបានកើតឡើង ផ្សារត្រូវឆាបឆេះ ដើមទុនរកស៊ីរបស់គ្រួសារខ្ញុំត្រូវបាត់បង់ក្នុងរយៈពេលតែមួយយប់។ ដោយសារបានប្រាក់កម្ចីដែលមានអត្រាការប្រាក់អនុគ្រោះពីធនាគារគោលនយោបាយសង្គមនេះ បានជួយឲ្យខ្ញុំស្ថិរភាពបន្តិចម្តងៗនូវការធ្វើអាជីវកម្មរបស់ខ្ញុំ ហើយសេដ្ឋកិច្ចគ្រួសារបានអភិវឌ្ឍឡើងវិញបន្តិចម្តងៗ”។
ចំណែកឯបងស្រី ង្វៀន ធីង៉ុក យ៉ាវ ធ្វើអំបោសនៅឃុំប៊ិញម៉ី បាននិយាយថា គ្រួសាររបស់គាត់ធ្លាប់ចិញ្ចឹមទា ប៉ុន្តែបន្ទាប់ពីជំងឺផ្តាសាយបក្សីបានរីករាលដាល សត្វទាទាំងអស់ត្រូវបំផ្លាញចោល ហើយដើមទុនរបស់គ្រួសារក៏អស់។ គ្រួសាររបស់បងស្រីត្រូវខ្ចីប្រាក់ពីធនាគារពាណិជ្ជ ដើម្បីធ្វើការជាអ្នកចងអំបោសដើម្បីផ្គត់ផ្គង់គ្រួសារ ប៉ុន្តែដោយសារអត្រាការប្រាក់ខ្ពស់ពេក ប៉ុន្តែប្រាក់ដែលរកបានគ្រប់សម្រាប់បង់តែធនាគារ និងមួយផ្នែកតូចទៀតសម្រាប់ថែទាំកូនៗ និងគ្រួសារ។ សេដ្ឋកិច្ចគ្រួសារត្រូវខ្វះខាតជាញឹកញាប់។ នៅឆ្នាំ ២០២៣ ដោយសារបានសមាគមនារីឃុំណែនាំកម្ចីពីធនាគារគោលនយោបាយសង្គម ហើយឃើញអត្រាការប្រាក់អនុគ្រោះ ម្លោះហើយ គ្រួសារបងស្រីបានខ្ចីប្រាក់ចំនួន ៤០ លានដុង ដើម្បីពង្រីកដើមទុនទិញសម្ភារៈធ្វើអំបោស និងវិនិយោគបន្ថែមប្រព័ន្ធសំឡេងសម្រាប់ពិធីមង្គលការជួល ជួយឲ្យមានលក្ខណៈអភិវឌ្ឍសេដ្ឋកិច្ចគ្រួសារកាន់តែប្រសើរឡើង។ ដោយអត្រាការប្រាក់ទាប ហើយរយៈពេលសងក៏ច្រើន ឥឡូវនេះគ្រួសារខ្ញុំ បង់ការប្រាក់ផង និងសន្សំប្រាក់ដើម្បីសងប្រាក់ដើមទៅធនាគារបន្តិចម្តងៗផង ហើយសល់បានខ្លះសម្រាប់ចំណាយក្នុងគ្រួសារ” - បងស្រី យ៉ាវ ចែករំលែក។
ចំណែកលោក ង្វៀនវ៉ាន់យៀន (ឃុំ ប៊ិញមី) ក៏អាស្រ័យដោយទទួលបានកម្ចីទាន់ពេលវេលាពីធនាគារគោលនយោបាយសង្គម លោកបានបង្កើតការងារសម្រាប់គ្រួសារទាំងមូល ជាពិសេសជួយឲ្យកូនប្រុសរបស់គាត់មិនចាំបាច់ចាកចេញពីស្រុកកំណើតទៅរកការងារធ្វើនៅទីឆ្ងាយ។ លោក យៀន ចែករំលែកថា៖ “ខ្ញុំទើបតែខ្ចីប្រាក់បាន ៥០លានដុងពីធនាគារគោលនយោបាយសង្គម ដើម្បីវិនិយោគ និងពង្រីកបន្ថែមសម្រាប់ទម្រង់ដាំបន្លែ លើទឹក របស់គ្រួសារ។ ការកម្ចីប្រាក់ពីធនាគារគោលនយោបាយសង្គមមានអត្រាការប្រាក់ទាបជាងធនាគារពាណិជ្ជផ្សេងៗ។ បង់ការប្រាក់ផង និងផ្ញើរសន្សំប្រាក់ផង ជួយឲ្យខ្ញុំសន្និធិបានប្រាក់ជាច្រើន ហើយសងដើមវិញបានយ៉ាងលឿន។ លើសពីនេះទៅទៀត ក៏អាស្រ័យដោយបានពង្រីកសួនបន្លែដាំលើទឹកនេះ ម្លោះហើយកូនប្រុសទីពីររបស់ខ្ញុំមានការងារធ្វើ មានប្រាក់ចំណូលស្ថិរភាព។ ជាមធ្យមឪពុកនិងកូនរកចំណូលបានប្រហែលជា៧លានដុងក្នុងមួយខែពីសួនបន្លែនេះ ជួយសេដ្ឋកិច្ចគ្រួសារមានស្ថិរភាព”។
លទ្ធផលទាំងនេះមានការរួមចំណែកយ៉ាងសំខាន់ពីថ្នាក់បក្ខភាគ អាជ្ញាធររណសិរ្ស និងអង្គការនយោបាយសង្គមក្នុងស្រុក ដែលបានសហការជាមួយធនាគារគោលនយោបាយសង្គមស្រុក ដើម្បីយកចិត្តទុកដាក់គាំទ្រ និងបង្កើតលក្ខខណ្ឌអំណោយផលបំផុតដើម្បីប្រភពទុនឥណទានអនុគ្រោះបានផ្តល់ថវិកាឆាបើរហ័ស ទាន់ពេលទៅដល់មុខសញ្ញាបានអាស្រ័យផលត្រឹមត្រូវ រួមចំណែកយ៉ាងសំខាន់ក្នុងការកាត់បន្ថយភាពក្រីក្រជានិរន្តរភាព បង្ការទប់ស្កាត់ឥណទានខ្មៅ បង្កើតការងារ ធានាសន្តិសុខសង្គម និងកសាងជនបទថ្មី ជំរុញខ្លាំងការអភិវឌ្ឍសេដ្ឋកិច្ចសង្គមនៅមូលដ្ឋាន។ដើម្បីបន្តពង្រីកមានប្រសិទ្ឋភាពជាវិជ្ជមានពីការដឹកនាំរបស់បក្សចំពោះឥណទានគោលនយោបាយនៅស្រុកចូវភូ លោក ង្វៀន ធាញ់ល៊ូ នាយកការិយាល័យប្រតិបត្តិការគោលនយោបាយសង្គមរបស់ធនាគារចូវភូ បានមានប្រសាសន៍ថា នាពេលខាងមុខ ការិយាល័យប្រតិបត្តិការធនាគារគោលនយោបាយសង្គមស្រុកចូវភូនឹងបន្តការធ្វើសេនាធិការជាមួយបក្ខភាគស្រុកចូវភូ បន្តផ្សព្វផ្សាយសារាចរណ៍ណែនាំលេខ ៤០-CT/TW បទបញ្ចប់លេខ ០៦-KL/TW របស់គណលេខាបក្ស ស្តីពីការបន្តអនុវត្តជាប្រចាំនូវសារាចរណ៍ណែនាំលេខ ៤០-CT/TW របស់គណលេខាបក្សស្តីពីការបង្កើនការដឹកនាំរបស់បក្សគ្រប់លំដាប់ថ្នាក់សម្រាប់ឥណទានគោលនយោបាយសង្គម។បន្តសហការជាមួយស្ថាប័នសារព័ត៌មាន និងស្ថានីយ៍វិទ្យុថ្នាក់ខេត្ត ស្រុក និងឃុំដើម្បីបង្កើនការផ្សព្វផ្សាយជាប្រចាំ ទូលំទូលាយ ជាក់ស្តែង និងប្រសិទ្ធភាពអំពីឥណទានគោលនយោបាយសង្គម។ បណ្តុះបណ្តាលនិងលើកកម្ពស់សមត្ថភាពវិជ្ជាជីវៈ និងក្រមសីលធម៌វិជ្ជាជីវៈជាប្រចាំសម្រាប់កម្មាភិបាលធនាគារគោលនយោបាយសង្គម។ បណ្តុះបណ្តាល និងផ្សព្វផ្សាយដំណើរការវិជ្ជាជីវៈទៅដល់បណ្តាផ្នែកស្របគ្នាសហការដើម្បីអនុវត្តគោលនយោបាយឥណទាន ដូចជាសមាគមអង្គការអង្គការមហាជនទទួលការផ្ទេរសិទ្ឋ ក្រុមសន្សំសំចៃ និងកម្ចី។ តាមរយៈនោះ រួមចំណែកអនុវត្តដោយប្រសិទ្ធភាពនូវគោលដៅនាំយកប្រភពកម្ចីអនុគ្រោះពីរដ្ឋទៅដល់គ្រួសារក្រីក្រ គ្រួសារគោលនយោបាយ ជំរុញគោលដៅកាត់បន្ថយភាពក្រីក្រជានិរន្តរភាពនៅក្នុងមូលដ្ឋាននានា៕
ប្រែ៖ ណារីពៅ
