រសៀលថ្ងៃទី៧ ខែតុលា ក្នុងក្របខ័ណ្ឌនៃដំណើរបំពេញទស្សនកិច្ចនៅព្រះរាជាណាចក្រកម្ពុជា គណៈប្រតិភូខេត្តអានយ៉ាង ដឹកនាំដោយលោក ឡេទ្រុងហូ អនុប្រធានគណៈកម្មាធិការប្រជាជនខេត្ត - ប្រធានគណៈកម្មាធិការជំនាញខេត្ត បានអញ្ជើញទៅបំពេញទស្សនកិច្ចនៅស្ថានអគ្គកុងស៊ុលវៀតណាមប្រចាំនៅខេត្តព្រះសីហនុ។
នៅក្នុងដំណើរបំពេញទស្សនកិច្ចនេះ លោក ឡៃស្វឺនជៀន អគ្គកុងស៊ុលវៀតណាមប្រចាំខេត្តព្រះសីហនុ បានទទួលគណៈប្រតិភូ និងចែករំលែកអំពីស្ថានភាពបច្ចុប្បន្ននៅកម្ពុជា ក៏ដូចជា ទំនាក់ទំនងសហប្រតិបត្តិការរវាងប្រទេសទាំងពីរ។ ស្ថានអគ្គកុងស៊ុលបានសង្កត់ធ្ងន់ថា ក្នុងរយៈពេលកន្លងទៅនេះ ទំនាក់ទំនងរវាងវៀតណាម និងកម្ពុជានិយាយរួម ខេត្តអានយ៉ាង និងខេត្តព្រះសីហនុនិយាយដោយឡែកពីមួយថ្ងៃទៅមួយថ្ងៃកាន់តែអភិវឌ្ឍខ្លាំងក្លា ស៊ីជម្រៅ និងស្ថិរភាព។ នេះជាលទ្ធផល នៃកិច្ចខិតខំប្រឹងប្រែងឥតឈប់ឈររបស់ភាគីទាំងពីរក្នុងការពូនព្រំមិត្តភាព និងសហប្រតិបត្តិការ។ ស្ថានអគ្គកុងស៊ុលបានវាយតម្លៃខ្ពស់ចំពោះគណៈប្រតិភូការងាររបស់ខេត្តអានយ៉ាងនៅពេលដែលមកបំពេញទស្សនកិច្ចនៅកម្ពុជា ប្រការនេះរួមចំណែកយ៉ាងសំខាន់ក្នុងការជំរុញ និងពង្រឹងទំនាក់ទំនងល្អរវាងភាគីទាំងពីរ។
លោក ឡៃស្វឺនជៀន អគ្គកុងស៊ុលវៀតណាមប្រចាំខេត្តព្រះសីហនុ មានប្រសាសន៍ថា លោកត្រៀមខ្លួនជានិច្ចក្នុងការស្វាគមន៍ និងគាំទ្រគណៈប្រតិភូមកពីខេត្តអានយ៉ាង។ ស្ថានអគ្គកុងស៊ុលសង្ឃឹមថានឹងបន្តទទួលបានកិច្ចសហប្រតិបត្តិការយ៉ាងជិតស្និទ្ធ និងទៀងទាត់ពីគណៈប្រតិភូខេត្ត ព្រោះដំណើរទស្សនកិច្ចនីមួយៗមិនត្រឹមតែមានអត្ថន័យទំនាក់ទំនងការទូតប៉ុណ្ណោះទេ ថែមទាំងជាស្ពានសម្រាប់បង្កើនទំនាក់ទំនងមិត្តភាពរវាងប្រទេសទាំងពីរផងដែរ។ ការរួមដំណើររបស់ស្ថានអគ្គកុងស៊ុលចំពោះខេត្តអានយ៉ាង នឹងបន្តរួមចំណែកក្នុងការជំរុញទំនាក់ទំនងអ្នកជិតខាងថ្ងៃកាន់តែជិតស្និទ្ធ និងចីរភាព។
ថ្លែងមតិក្នុងកិច្ចប្រជុំ លោក ឡេទ្រុងហូ អនុប្រធានគណៈកម្មាធិការប្រជាជនខេត្តអានយ៉ាង បានសម្តែងនូវការគោរពចំពោះមនោសញ្ចេតនា និងការគាំទ្រពីលោកអគ្គកុងស៊ុលវៀតណាមប្រចាំខេត្តព្រះសីហនុ។ សមមិត្តបានសម្តែងនូវក្តីរំភើបចំពោះការរួមដំណើរជាដៃគូ និងការគាំទ្រយ៉ាងស្មោះអស់ពីចិត្តរបស់ស្ថានអគ្គកុងស៊ុល ជាពិសេសនៅក្នុងសកម្មភាពរបស់ក្រុម K92 និង ក្រុម K93 នៅពេលបំពេញភារកិច្ចនៅប្រទេសកម្ពុជា។
លោក ឡេទ្រុងហូ អនុប្រធានគណៈកម្មាធិការប្រជាជនខេត្តអានយ៉ាង បានឲ្យដឹងថា ខេត្តអានយ៉ាងនឹងបន្តរក្សា និងអភិវឌ្ឍសកម្មភាពផ្លាស់ប្តូរ និងសហប្រតិបត្តិការជាមួយកម្ពុជា រួមចំណែកកសាងទំនាក់ទំនងមិត្តភាព សាមគ្គីភាពរវាងប្រទេសទាំងពីរ។ ជាមួយនឹងការរួមដំណើរនិងការគាំទ្រពីស្ថានអគ្គកុងស៊ុល កិច្ចខិតខំប្រឹងប្រែងរួមរបស់ភាគីទាំងពីរនឹងបង្កើនលទ្ធផលជាវិជ្ជមាន រួមចំណែកទៅក្នុងការអភិវឌ្ឍដោយចីរភាពនៃទំនាក់ទំនងវៀតណាម-កម្ពុជា។
ក្នុងដំណើរទស្សនកិច្ច គណៈប្រតិភូបានអុជធូបជូនលោកប្រធានហូជីមិញ នៅស្ថានអគ្គកុងស៊ុលវៀតណាមប្រចាំខេត្តព្រះសីហនុ។
ប្រែ៖ ណារីពៅ
