ព្រឹកថ្ងៃទី ៨ ខែ មករា សមាគមកសិករទីរួមខេត្តទិញបៀនបានរៀបចំសន្និបាតបូកសរុបការងារសមាគម និងដាក់ចេញភារកិច្ចសំខាន់ៗនៅឆាំ្ន ២០២៥។ អញ្ជើញចូលរួមមាន លោក ផានទុងឡាំ អនុប្រធានសមាគមខេត្ត។ លោក ង្វៀនថាញតាន់ អនុលេខាប្រចាំការបក្ខភាគទីរួមខេត្តទិញបៀន។
នៅឆ្នាំ ២០២៤ ផលិតកសិកម្មនៅទិញបៀន នឹងសម្រេចបានលទ្ធផលវិជ្ជមានជាច្រើន។ ផ្ទៃដីដាំដុះសរុបមានចំនួន ៤៤.៣២២,៦២ហិកតា និងការអនុវត្តតភ្ជាប់ផលិតកម្មនិងប្រើប្រាស់កសិផលចំនួន ៥.០៦៣,៩ហិកតា ជាមួយក្រុមហ៊ុន ធុរកិច្ច និងសហករណ៍។ផ្ទៃដីដែលបានបំប្លែងពីដីស្រែមិនសូវមានផលទៅជាដំណាំផ្សេងសម្រេចបាន ១.១០០.២៣ហិកតា រួមមានបន្លែ ដំណាំ និងដើមឈើហូបផ្លែ។ វារីវប្បកម្មក៏អភិវឌ្ឍន៍ខ្លាំងក្លា ជាមួយផ្ទៃដីចិញ្ចឹម ១១៩.៤៤២ម៉ែត្រការ៉េ ប្រមូលផ្តុំទៅលើប្រភេទត្រីដូចជា ត្រីប្រា ត្រីរ៉ស់ និងត្រីទីឡាព។ផ្នែកវិញ្ចឹមបសុសត្វរក្សាស្ថិរភាពជាមួយនឹងហ្វូងគោសរុបចំនួន ២៦,៥២៥ក្បាល និងបសុបក្សីចំនួន ៣០៣,៩០១ក្បាល។
ទន្ទឹមនឹងនោះ ការងារឃោសនា និងការកសាងអង្គការសមាគមក៏តែងតែបានយកចិត្តទុកដាក់ផងដែរ។ សមាគមបានរៀបចំវគ្គឃោសនាចំនួន ១.០៤៥ ពេល ដោយទាក់ទាញកម្មាភិបាល និងសមាជិកជាង ៣១.២០០នាក់ចូលរួម ខ្លឹមសារផ្សព្វផ្សាយសារាចរណ៍ណែនាំ និងសេចក្តីសម្រេចចិត្តរបស់បក្ស ច្បាប់របស់រដ្ឋ និងកម្មវិធីគាំទ្រកសិករ។ ផ្សព្វផ្សាយមានប្រសិទ្ធភាព បណ្តាសកម្មភាពសេវាកម្ម ប្រឹក្សា បណ្តុះបណ្តាលវិជ្ជាជីវៈ គាំទ្រកសិករដើម្បីអនុវត្តចលនាកសិករចំនួន៣ និងភារកិច្ចសំខាន់ៗចំនួន៣។ការងារអភិវឌ្ឍន៍សមាជិកភាពគឺផ្តោតសំខាន់ ដោយមានសមាជិកថ្មីចំនួន ១.១២០នាក់ត្រូវបានបញ្ចូល បង្កើនសមាជិកជាសរុប ៨.១២៤។ បណ្តាសកម្មភាពគាំទ្រកសិករ និងកសាងទម្រង់សេដ្ឋកិច្ចសមូហភាពក៏ បានផ្សព្វផ្សាយមានប្រសិទ្ធភាព រហូតមកដល់ពេលនេះ ទុនសរុបនៃមូលនិធិគាំទ្រកសិកររបស់ទីរួមខត្តគឺជាង ២,៤ ពាន់លានដុង បានផ្តល់ថវិកាសម្រាប់គម្រោងនៅក្នុងសង្កាត់ និងឃុំចំនួន ៩៤ ជាមួយទឹកប្រាក់ជាង ២,២ ពាន់លានដុង។
នៅឆ្នាំ ២០២៥សមាគមកសិករទីរួមខេត្តនឹងផ្តោតលើការលើកកម្ពស់គុណភាពដឹកនាំ និងសមត្ថភាពប្រតិបត្តិការ។ បង្កើនការបណ្តុះបណ្តាលធនធានមនុស្ស ដើម្បីបំពេញតម្រូវការក្នុងស្ថានភាពថ្មី។ អនុវត្តដោយជោគជ័យនូវសេចក្តីសម្រេចចិត្ត Tam Nong របស់បក្ស។ ជាពិសេសកម្មវិធីសកម្មភាពរបស់គណកម្មាធិការបក្ខភាគទីរួមខេត្តអំពីការអភិវឌ្ឍន៍កសិកម្ម កសិករ ជនបទ និងការអភិវឌ្ឍន៍ទម្រង់សេដ្ឋកិច្ចសហករណ៍ដោយប្រើ បច្ចេកវិជ្ជាខ្ពស់ លើកកម្ពស់សមត្ថភាពកម្មាភិបាលសមាគម ពីទីរួមខេត្តដល់មូលដ្ឋានក្នុងការរៀបចំ ប្រមូលផ្តុំ និងណែនាំកសិករក្នុងរៀបចំផលិតកម្មឡើងវិញ និងចូលរួមអាជីវកម្មក្នុងទម្រង់សេដ្ឋកិច្ចសហការ សមស្របជាមួយនឹងប្រៀបខ្លាំងនៃមូលដ្ឋាននីមួយៗ។ពង្រីកកម្លាំងផ្ទៃក្នុងរបស់កសិករ ដើម្បីពង្រីកផលិតកម្ម បង្កើនប្រាក់ចំណូល និងកែចម្រើនជីវភាពរស់នៅ។ កាត់បន្ថយគម្លាតប្រាក់ចំណូលរវាងកសិករខ្មែរ និងគិនបន្តិចម្តងៗ។ ប្រមូលផ្តុំបំផុសចលនាកសិករ អភិវឌ្ឍន៍ផលិតកម្មតាមទិសសេដ្ឋកិច្ចកសិកម្មផ្សារភ្ជាប់នឹងសេវាកម្ម-ទេសចរណ៍។ ចូលរួមអនុវត្តមានប្រសិទ្ធភាពគម្រោងស្រូវគុណភាពខ្ពស់មួយលានហិកតា និងបញ្ចេញឧស្ម័នទាបភ្ជាប់នឹងកំណើនបៃតងនៅតំបន់វាលទំនាបទន្លេគឺវឡុង។
ក្នុងឱកាសនេះ សមូហភាពនិងបុគ្គល ជាច្រើនបានផ្តល់រង្វាន់ដោយមានស្នាដៃឆ្នើមក្នុងការបំពេញភារកិច្ចសមាគមនិងចលនាកសិករនៅឆ្នាំ២០២៤៕
ប្រែ៖ណារីពៅ
