នាព្រឹកថ្ងៃទី ២៤ មិថុនា សកលវិទ្យាល័យអានយ៉ាង (សកលវិទ្យាល័យជាតិទីក្រុងហូជីមិញ) បានប្រារព្ធពិធីប្រកាស និងប្រគល់សេចក្តីសម្រេចតែងតាំងមុខតំណែងសកលវិទ្យាធិការរង រួមជាមួយនឹងសេចក្តីសម្រេចស្តីពីការងាររៀបចំក្បាល់ម៉ាស៊ីននិងសមាជិកភាព។ លោកសាស្ត្រាចារ្យរង.បណ្ឌិត វូហាយក្វាន់- សមាជិកគណៈកម្មាធិការមជ្ឈិមបក្ស លេខាបក្ខភាគ ប្រធានសកលវិទ្យាល័យជាតិទីក្រុងហូជីមិញ បានអញ្ជើញចូលរួម។
ទិដ្ឋភាពនៃពិធី
លោក វូហាយក្វាន់ សមាជិកគណៈកម្មាធិការមជ្ឈិមបក្ស លេខាបក្ខភាគ ប្រធានសកលវិទ្យាល័យជាតិទីក្រុងហូជីមិញ បានប្រគល់សេចក្តីសម្រេចតែងតាំងសកលវិទ្យាធិការរងនៃសកលវិទ្យាល័យអានយ៉ាង ជូនលោកបណ្ឌិត ង្វៀន ហ៊ូវទ្រី
លោកសាស្ត្រាចារ្យរង.បណ្ឌិត វ៉ វ៉ាន់ថាំង - សកលវិទ្យាធិការសកលវិទ្យាល័យអានយ៉ាង ជូនផ្កា អបអរសាទរ លោក ង្វៀន ហ៊ូវទ្រី សកលវិទ្យាធិការរងថ្មី នៃសកលវិទ្យាល័យអានយ៉ាង
គណសកលវិទ្យាធិការនៃសកលវិទ្យាល័យអានយ៉ាង ប្រគល់សេចក្តីសម្រេចតែងតាំងកម្មាភិបាលគ្រប់គ្រងសាលាឡើងវិញ
នៅក្នុងពិធី លោក វូ ហាយក្វាន់ សមាជិកគណៈកម្មាធិការមជ្ឈិមបក្ស លេខាបក្ខភាគ ប្រធាន សកលវិទ្យាល័យជាតិទីក្រុងហូជីមិញ បានប្រគល់សេចក្តីសម្រេចតែងតាំងមុខតំណែងជាសកលវិទ្យាធិការរងនៃសកលវិទ្យាល័យអានយ៉ាង ជូនលោកបណ្ឌិត ង្វៀន ហ៊ូវទ្រី ប្រធានការិយាល័យទំនាក់ទំនងការទូត ហើយជាប្រធានមហាវិទ្យាល័យសេដ្ឋកិច្ច - គ្រប់គ្រងអាជីវកម្មនៃសកលវិទ្យាល័យអានយ៉ាង។ ទន្ទឹមនឹងនោះ អបអរសាទរ និងបង្ហាញពីការជឿទុកចិត្តចំពោះបទពិសោធន៍ជំនាញនិងការផ្សារភ្ជាប់ យល់ដឹងយ៉ាងស៊ីជម្រៅអំពីសាលា បណ្ឌិត ង្វៀន ហ៊ូវទ្រី នឹងបំពេញភារកិច្ចឆ្នើមក្នុងមុខតំណែងថ្មី រួមចំណែកក្នុងការអភិវឌ្ឍន៍រួមរបស់សកលវិទ្យាល័យ អានយ៉ាង។
ក្នុងឱកាសនេះ សកលវិទ្យាល័យអានយ៉ាង ក៏បាន ប្រកាសអំពីសេចក្តីសម្រេចបង្កើតមជ្ឈមណ្ឌលភាសាបរទេស និងអភិវឌ្ឍន៍ប្រភពធនធានមនុស្ស ដោយឈរលើមូលដ្ឋានរួមបញ្ចូលមជ្ឈមណ្ឌលភាសាបរទេស និងមជ្ឈមណ្ឌលបង្កើតធនធានសម្រាប់ការអភិវឌ្ឍន៍ធនធានមនុស្ស។
ការិយាល័យអធិការកិច្ច - ច្បាប់ - កម្មសិទ្ធិបញ្ញាលើមូលដ្ឋានរៀបចំការិយាល័យអធិការកិច្ចនិងនីតិបញ្ញត្តិឡើងវិញ។ មជ្ឈមណ្ឌលបំពាក់បំប៉នគ្រូ និងអភិវឌ្ឍន៍ជំនាញផ្អែកលើមូលដ្ឋានរៀបចំមជ្ឈមណ្ឌលបំពាក់បំប៉នគ្រូ និងអភិវឌ្ឍជំនាញគរុកោសល្យឡើងវិញ។ ប្រគល់សេចក្តីសម្រេចចិត្តតែងតាំងឡើងវិញកម្មាភិបាលគ្រប់គ្រងក្នុងសកលវិទ្យាល័យទាំងមូល៕
ប្រែ៖ ណារីពៅ
