ព្រឹកថ្ងៃទី ១៩ មិថុនា ក្នុងឱកាសរម្លឹកខួបលើកទី ៩៩ឆ្នាំទិវាសារព័ត៌មានបដិវត្តន៍វៀតណាម (ថ្ងៃទី ២១ មិថុនា ឆ្នាំ ១៩២៥ - ថ្ងៃទី ២១ ខែមិថុនា ឆ្នាំ ២០២៤) ធានារ៉ាប់រងសង្គមអានយ៉ាង បានរៀបចំបូកសរុបការងារសហការផ្សព្វផ្សាយក្នុងរយៈពេល ៦ ខែដំបូង និងបោះឆ្នោតជ្រើសរើសរូបថត “ពេលវេលាគ្រាផ្សព្វផ្សាយគោលនយោបាយធានារ៉ាប់រងសង្គម ធានារ៉ាប់រងសុខភាព ធានារ៉ាប់រងភាពអត់ការងារធ្វើ" ឆ្នាំ ២០២៤។លោកស្រី ង្វៀនធីហុងឡន អនុប្រធានគណឃោសនាអប់រំបក្ខភាគខេត្តអានយ៉ាង បានចូលរួម។
ប្រតិភូចូលរួមសន្និបាត
ធានារ៉ាប់រងសង្គមខេត្តអានយ៉ាង សូមថ្លែងអំណរគុណដល់អ្នកសារព័ត៌មាន និងទីភ្នាក់ងារសារព័ត៌មាន និងសារព័ត៌មាន
លោក ដាំងហុងទ្វឺន ប្រធានធានារ៉ាប់រងសង្គមខេត្តអានយ៉ាង បានថ្លែងអំណរគុណ និងដឹងគុណយ៉ាងជ្រាលជ្រៅចំពោះអ្នកយកព័ត៌មាន ទីភ្នាក់ងារសារព័ត៌មាន និងសារព័ត៌មាន
ថ្លែងមតិក្នុងសន្និបាត លោក ដាំងហុងទ្វឺន ប្រធានក្រុមហ៊ុនធានារ៉ាប់រងសង្គមអានយ៉ាង បានថ្លែងអំណរគុណ និងដឹងគុណយ៉ាងជ្រាលជ្រៅចំពោះអ្នកសារព័ត៌មាន ទីភ្នាក់ងារសារព័ត៌មាន និងសារព័ត៌មានដែលមានសកម្មភាព យ៉ាងសកម្មក្នុងការងារផ្តល់ព័ត៌មានផ្សព្វផ្សាយ កាលពីពេលកន្លង។ វាគឺជាដៃគូ និងការគាំទ្រយ៉ាងសកម្មរបស់ទីភ្នាក់ងារព័ត៌មាន និងសារព័ត៌មានបានរួមចំណែកយ៉ាងសំខាន់ក្នុងការផ្សព្វផ្សាយគោលនយោបាយធានារ៉ាប់រងសង្គម ធានារ៉ាប់រងសុខភាព និងរបបសន្តិសុខសង្គមទៅដល់ប្រជាជនគ្រប់ស្រទាប់។តាមរយៈនោះ រួមចំណែកលើកកម្ពស់តួនាទី និងទំនួលខុសត្រូវរបស់គ្រប់លំដាប់ថ្នាក់ គ្រប់វិស័យ បង្កើតការឯកភាពក្នុងសង្គមទាំងមូល ពង្រឹងទំនុកចិត្តនិងការស្ងប់ចិត្តរបស់ប្រជាជនទៅក្នុងគោលនយោបាយសន្តិសុខសង្គមរបស់បក្ស និងរដ្ឋ ពន្លឿនអនុវត្តគោលដៅធានារ៉ាប់រងសង្គម និងធានារ៉ាប់រងសុខភាពក្នុងប្រជាជនទាំងមូល។ ទន្ទឹមនិងនោះ សង្ឃឹមថា បណ្តាភ្នាក់ងារសារព័ត៌មាន និងសារព័ត៌មានបន្តរួមកម្លាំង និងឯកភាពជាមួយផ្នែកធានារ៉ាប់រងសង្គមខេត្ត ដើម្បីរួមចំណែកអនុវត្តឲ្យបានល្អនូវផែនទីបង្ហាញផ្លូវឆ្ពោះទៅរកធានារ៉ាប់រងសង្គមសម្រាប់កម្មករនិយោជិតទាំងអស់ និងធានារ៉ាប់រងសុខភាពក្នុងប្រជាជនទាំងមូល អនុវត្តការងារសន្តិសុខសង្គមបានល្អដែលបក្សនិងរដ្ឋប្រគល់ជូន។
ចាប់ពីដើមឆ្នាំរហូតមកដល់ពេលនេះ ក្រុមហ៊ុនធានារ៉ាប់រងសង្គមអានយ៉ាង បានសហការយ៉ាងសកម្មជាមួយទីភ្នាក់ងារសារព័ត៌មាន និងសារព័ត៌មាន ដើម្បីផ្លាស់ប្តូរ និងកែលម្អខ្លឹមសារ គុណភាព និងទម្រង់នៃការឃោសនានៅចំណុចសំខាន់ៗឲ្យបានត្រឹមត្រូវ។ការងារឃោសនាជាបណ្តើរៗប្រកបដោយវិជ្ជាជីវៈ ទំនើប និងមានភាពបត់បែនក្នុងការអនុវត្តបច្ចេកវិជ្ជាឌីជីថល បង្កើតកាណាល់ជាច្រើនដើម្បីផ្តល់ព័ត៌មានផ្សព្វផ្សាយគោលនយោបាយដល់ប្រជាជន។ តាមរយៈនោះ ជួយឲ្យធានារ៉ាប់រងសង្គមខេត្តអនុវត្តគោលដៅ និងភារកិច្ចសំខាន់ៗមានប្រសិទ្ធភាព។ខេត្តទាំងមូលមានប្រជាជនចូលរួមធានារ៉ាប់រងសង្គមចំនួន ១២៩.៩៨៤នាក់ (សម្រេចបាន ៨៥,០៣%ធៀបនឹងគោលដៅ)។ចូលរួមធានារ៉ាប់រងអត់ការងារធ្វើ ១០៤.៤៩៤នាក់សម្រេចបាន ៩៤,១៤%ធៀបនឹងគោលដៅ។ ចូលរួមធានារ៉ាប់រងសុខភាពចំនួន ១.៦៨៨.៣៧៥នាក់សម្រេចបាន ៩៥.៤៩% ធៀបនឹងគោលដៅ។ ចំណូលបានមកពីការប្រមូលធានារ៉ាប់រងសង្គម ធានារ៉ាប់រងសុខភាព និងធានារ៉ាប់រងអត់ការងារធ្វើមានជាង ១.៥១៦ ពាន់លានដុង សម្រេចបាន ៣៥,៣៨%ធៀបនឹងគោលដៅ។
អ្នកយកព័ត៌មាន និងភ្ញៀវអញ្ជើញមកទស្សនា បោះឆ្នោតជ្រើសរើសរូបថត “ពេលវេលាគ្រាឃោសនាគោលនយោបាយធានារ៉ាប់រងសង្គម ធានារ៉ាប់រងសុខភាព ធានារ៉ាប់រងអត់ការងារធ្វើ” នៅខេត្តអានយ៉ាងឆ្នាំ ២០២៤
ក្នុងឱកាសនេះ ធានារ៉ាប់រងសង្គមអានយ៉ាង បានណែនាំ បោះឆ្នោតជ្រើសរើសកម្មវិធីប្រឡងរូបថត “ពេលវេលាគ្រាឃោសនាគោលនយោបាយធានារ៉ាប់រងសង្គម ធានារ៉ាប់រងសុខភាព ធានារ៉ាប់រងអត់ការងារធ្វើ” នៅខេត្តអានយ៉ាងឆ្នាំ ២០២៤៕
ប្រែ៖ ណារីពៅ
