ក្នុងឱកាសរម្លឹកខួបលើកទី៩៩ឆាំ្នទិវាសារព័ត៌មានបដិវត្តន៍វៀតណាម (ថ្ងៃទី ២១ ខែមិថុនា ឆ្នាំ ១៩២៥ - ថ្ងៃទី ២១ ខែមិថុនា ឆ្នាំ ២០២៤) នារសៀលថ្ងៃទី ២០ មិថុនា លោក ឡេហុងក្វាង សមាជិកគណៈកម្មាធិការមជ្ឈិមបក្ស លេខាបក្ខភាគខេត្ត អានយ៉ាង បានដឹកនាំ គណៈប្រតិភូខេត្តអញ្ជើញទៅសួរសុខទុក្ខ និងជូនពរកាសែតអានយ៉ាង និងស្ថានីយ៍វិទ្យុ និងទូរទស្សន៍អានយ៉ាង។
លោក ឡេហុងក្វាង សមាជិកគណៈកម្មាធិការមជ្ឈិមបក្ស លេខាបក្ខភាគខេត្តអានយ៉ាង រួមជាមួយនិងថ្នាក់ដឹកនាំខេត្ត អញ្ជើញទៅសួរសុខទុក្ខ ជូនពរ ជូនផ្កា និងអំណោយនៅកាសែតអានយ៉ាង
លោក ឡេហុងក្វាង សមាជិកគណៈកម្មាធិការមជ្ឈិមបក្ស លេខាបក្ខភាគខេត្តអានយ៉ាង រួមជាមួយថ្នាក់ដឹកនាំខេត្ត អញ្ជើញទៅសួរសុខទុក្ខ ជូនពរ ជូនផ្កា និងអំណោយនៅស្ថានីយ៍វិទ្យុ និងទូរទស្សន៍អានយ៉ាង
នៅតាមគោលដៅនីមួយៗ លេខាបក្ខភាគខេត្តអានយ៉ាងបានស្តាប់ថ្នាក់ដឹកនាំបណ្តាស្ថាបនសារព័ត៌មានរាយការណ៍អំពីលទ្ធផលសម្រេចបានក្នុងការអនុវត្តភារកិច្ចនយោបាយដែលបានប្រគល់ជូនក្នុងរយៈពេល៦ខែដើមឆ្នាំ២០២៤ អំពីរចនាសម្ព័ន្ធអង្គការក្បាលម៉ាស៊ីន សកម្មភាព ភាពងាយស្រួល ការលំបាក និងទិសដៅ ភារកិច្ចសំខាន់ៗនាពេលខាងមុខ។
បន្ទាប់ពីបានស្តាប់របាយការណ៍របស់ថ្នាក់ដឹកនាំអង្គភាពរួចមក លោក ឡេហុងក្វាង សមាជិកគណៈកម្មាធិការមជ្ឈិមបក្ស លេខាបក្ខភាគខេត្តអានយ៉ាង បានទទួលស្គាល់ និងកោតសរសើរចំពោះកិច្ចខិតខំប្រឹងប្រែង និងលទ្ធផលរបស់ទីភ្នាក់ងារសារព័ត៌មាន កម្មាភិបាលម្នាក់ៗ អ្នកយកព័ត៌មាន អ្នកនិពន្ធ អ្នកបច្ចេកទេស កម្មករ ក៏ដូចជាកងជួរអ្នកដែល ធ្វើសារព័ត៌មានដោយផ្ទាល់ និងដោយប្រយោល ធ្វើសារព័ត៌មានទទួលបានជោគជ័យនាពេលកន្លង។ សមមិត្តលេខាបក្ខភាគខេត្តបានបញ្ជាក់ថា៖ “ដោយស្មារតីសាមគ្គីភាព បញ្ញាស្មារតី ការប្តេជ្ញាចិត្ត ការលះបង់ កងជួរកម្មាភិបាល អ្នកសារព័ត៌មាន ឆ្លុះបញ្ចាំងយ៉ាងរស់រវើកនូវរូបភាពនៃការកសាងបក្ស និងការអភិវឌ្ឍន៍សេដ្ឋកិច្ច-សង្គមកិច្ច សន្តិសុខពារជាតិរបស់ខេត្ត និង ដង្ហើមជីវិតរបស់ប្រជាជនក្នុងខេត្ត។អ្នកសារព័ត៌មានតែងតែមានវត្តមាននៅកន្លែងសំខាន់ៗ ឆ្លុះបញ្ចាំងភ្លាមៗនូវគោលការណ៍និងគោលនយោបាយរបស់បក្ស និងរដ្ឋ រួមចំណែកកសាង និងអភិវឌ្ឍន៍ខេត្ត។ លទ្ធផលការងារផ្សព្វផ្សាយព័ត៌មានឃោសនារបស់ទីភ្នាក់សារព័ត៌មាននានាបានរួមចំណែកជាវិជ្ជមានទៅក្នុងការអភិវឌ្ឍន៍ខេត្តក្នុងការបង្កើតការឯកភាពក្នុងកម្មាភិបាល បក្ខជន និងប្រជាជនគ្រប់ស្រទាប់អំពីការអនុវត្តគោលការណ៍របស់បក្ស គោលនយោបាយ និងច្បាប់របស់រដ្ឋ ជំរុញការអភិវឌ្ឍន៍សេដ្ឋកិច្ច សង្គមកិច្ច ធានាសន្តិសុខការពារជាតិ។ ទន្ទឹមនឹងនេះ ចែករំលែកនូវការលំបាក និងបញ្ហាប្រឈមរបស់អង្គភាពនាពេលបច្ចុប្បន្ន”។
លោក ឡេហុងក្វាង លេខាបក្ខភាគខេត្តអានយ៉ាង បានស្នើថា នាពេលខាងមុខ កាសែតអានយ៉ាង និងស្ថានីយ៍វិទ្យុ និងទូរទស្សន៍អានយ៉ាង គប្បីបង្កើនការផ្លាស់ថ្មីខ្លឹមសារ និងទម្រង់ប្រជុំជីវភាពបក្ស រួមចំណែកលើកកម្ពស់គុណភាពប្រជុំជីវភាពបក្ស។ គោរពយ៉ាងម៉ឺងម៉ាត់តាមបទបញ្ញត្តិរបស់បក្ស ជាពិសេសគោលការណ៍រៀបចំប្រជុំជីវភាពបក្ស។ បង្កើនការងារអប់រំ នយោបាយ មនោគមវិជ្ជា និងសីលធម៌ លើកកម្ពស់ឆន្ទះនយោបាយ។ ក្រមសីលធម៌វិជ្ជាជីវៈ ជំនាញវិជ្ជាជីវៈសម្រាប់កងជួរអ្នកយកព័ត៌មាន និងអ្នកនិពន្ឋរបស់អង្គភាព។
បង្កើនវិន័យ ពិន័យ លើកកម្ពស់កម្លាំងប្រយុទ្ធរបស់អង្គការបក្សមូលដ្ឋានក្នុងអង្គភាព។ អនុវត្តល្អនូវគោលការណ៍ប្រមូលផ្តុំប្រជាធិបតេយ្យ។ បង្កើនទំនាក់ទំនងការងាររវាងថ្នាក់បក្ខភាគនិងថ្នាក់ដឹកនាំអង្គភាព និងអង្គការមហាជន។ លើកកម្ពស់សុពលភាព ប្រសិទ្ធភាពការត្រួតពិនិត្យ ឃ្លាំមើល។ ម្ចាស់ការបង្ការទប់ស្កាត់អំពើពុករលួយ អវិជ្ជមាន ខ្ជះខ្ជាយ និងផលប្រយោជន៍ក្រុមយ៉ាងសកម្ម។ កសាងកាសែត អានយ៉ាង និងស្ថានីយ៍វិទ្យុ-ទូរទស្សន៍អានយ៉ាង ក្លាយជាភ្នាក់ងារគំរូអំពីវប្បធម៌ពិតប្រាកដ ហើយអ្នកសារព័ត៌មាន អ្នកយកព័ត៌មាន និងអ្នកនិពន្ធម្នាក់ៗគឺជាយុទ្ឋជនឈានមុខលើសមរភូមិមនោគមវិជ្ជា និងវប្បធម៌របស់បក្ស។
ទន្ទឹមនឹងនោះ សមូហភាពកម្មាភិបាល អ្នកសារព័ត៌មាន អ្នកនិពន្ធ និងអ្នកបច្ចេកទេសនៃកាសែតអានយ៉ាង និងស្ថានីយ៍វិទ្យុទូរទស្សន៍អានយ៉ាង បន្តពង្រីកប្រពៃណីដ៏រុងរឿងរបស់សារព័ត៌មានបដិវត្តន៍វៀតណាម ពង្រីកស្មារតីសាមគ្គីភាព និង ប្រជាធិបតេយ្យក្នុងសកម្មភាព។ ម្ចាស់ការផ្លាស់ថ្មីខ្លឹមសារ រូបភាព កែលម្អគុណភាពនៃកម្មវិធីផ្សាយ និងអត្ថបទយ៉ាងសកម្ម។ ជំរុញខ្លាំងកម្មវិធីបច្ចេកវិជ្ជាព័ត៌មាន ឈានមុខក្នុងការផ្លាស់ប្តូរឌីជីថល ដើម្បីតាមទាន់និន្នាការអភិវឌ្ឍន៍សារព័ត៌មានទំនើប។
ទន្ទឹមនិងនោះ ថ្នាក់ដឹកនាំស្ថាប័នសារព័ត៌មានត្រូវយកចិត្តទុកដាក់លើការលើកកម្ពស់ចំណេះវិជ្ជានយោបាយ ជំនាញ និងវិជ្ជាជីវៈសម្រាប់កងជួរកម្មាភិបាល អ្នកយកព័ត៌មាន និងអ្នកនិពន្ឋ ដើម្បីឆ្លើយតបបានល្អជាងទៀតនូវតួនាទី និងភារកិច្ចក្នុងការផ្សព្វផ្សាយព័ត៌មាន ឃោសនា បង្កើតលក្ខខណ្ឌសម្រាប់កម្មាភិបាលម្នាក់ៗ និង និយោជិតម្នាក់ៗមានអារម្មណ៍សុវត្ថិភាពក្នុងការងារ ក្នុងការលះបង់ ក៏ដូចជាក្នុងកសាងអង្គភាពរឹងមាំជាមួយគ្នា និងបញ្ចប់ភារកិច្ចនយោបាយដែលបានប្រគល់ជូនបានល្អប្រសើរ។
ក្នុងឱកាសនេះ លោកលេខាបក្ខភាគខេត្ត បានជូនផ្កាដ៏ស្រស់ស្អាតដល់ភ្នាក់ងារសារព័ត៌មាននានា។ ជូនពរដល់សមូហភាពអ្នកសារព័ត៌មាន មានសុខភាពល្អ សុភមង្គល ជោគជ័យ និងបន្តចូលរួមចំណែកក្នុងបុព្វហេតុកសាង និងអភិវឌ្ឍន៍មាតុភូមិរបស់លោកអ៊ំតូនឲ្យកាន់តែសម្បូរសប្បាយ ស្រស់ស្អាត អារ្យធម៌ និងអភិវឌ្ឍន៍។ ទន្ទឹមនឹងនោះ ថ្នាក់ដឹកនាំស្ថាប័នសារព័ត៌មាន និងវិទ្យុទូរទស្សន៍បានផ្ញើវាចារជូនពរដ៏ល្អប្រសើបំផុតដល់អ្នកសារព័ត៌មាន ហ្វាងគី សមាជិកគណៈកម្មាធិការមជ្ឈិមបក្ស លេខាបក្ខភាគខេត្តអានយ៉ាង ក្នុងឱកាសទិវាសារព័ត៌មានបដិវត្តន៍វៀតណាម៕
ប្រែ៖ ណារីពៅ