នៅថ្ងៃទី ១៧ ខែមិថុនា គណៈកម្មាធិការប្រជាជនខេត្តបានចេញឯកសារស្តីពីការត្រៀមបណ្តាលក្ខខណ្ឌក្នុងការចេញប័ណ្ណកំណត់ត្រាឧក្រិដ្ឋកម្មលើកម្មវិធី VNeID ។
ជាមួយនឹងអត្ថប្រយោជន៍នៃការផ្សព្វផ្សាយការចេញប័ណ្ណកំណត់ត្រាឧក្រិដ្ឋកម្មលើ VNeID នៅក្នុងសន្និបាតរដ្ឋាភិបាលស្តីពីសម័យប្រជុំប្រធានបទវាយតម្លៃស្ថានភាពផ្សព្វផ្សាយអនុវត្តកម្មវិធី VNeID និងដំណោះស្រាយផ្លាស់ប្តូរទៅប្រើប្រាស់កម្មវិធី VNeID ដែលជាគណនីតែមួយគត់ក្នុងការអនុវត្តនីតិវិធីរដ្ឋបាលនៅក្នុងលំហអេឡិចត្រូនិក។លោកឧបនាយករដ្ឋមន្ត្រី ត្រាន់លឺវក្វាង បានបញ្ចប់ថា (ក្នុងរបាយការណ៍បទបញ្ចប់លេខ ២០៤/TB-VPCP ចុះថ្ងៃទី ៨ ឧសភា ឆ្នាំ ២០២៤ របស់ខុទ្ទកាល័យរដ្ឋាភិបាល)៖ “គណៈកម្មាធិការប្រជាជននៅតាមខេត្ត ក្រុងក្រោមឱវ៉ាទមជ្ឈិមបានផ្តល់អាទិភាពលើការបែងចែកធនធាន និងការវិនិយោគហេដ្ឋារចនាសម្ព័ន្ធ ដើម្បីឆ្លើយតបតម្រូវការ ត្រៀមខ្លួន ផ្សព្វផ្សាយយ៉ាងសកម្មនូវរាល់ភារកិច្ច ក្នុងនោះសហការយ៉ាងជិតស្និទ្ធជាមួយក្រសួងនគរបាល ខុទ្ទកាល័យរដ្ឋាភិបាល ដើម្បីបញ្ចប់ការបើកទូលាយផ្សព្វផ្សាយប័ណ្ណណត់ត្រាឧក្រិដ្ឋកម្មលើកម្មវិធី VNeID”។
អនុវត្តសារលិខិតជាផ្លូវការលេខ ៤០៣១/TCTTKDA ចុះ ថ្ងៃទី ២០ ខែឧសភា ឆ្នាំ ២០២៤ របស់ក្រុមការងារផ្សព្វផ្សាយគម្រោង ០៦/CP ស្តីពីការត្រៀមបម្រុងលក្ខខណ្ឌ ក្នុងការចេញប័ណ្ណកំណត់ត្រាឧក្រិដ្ឋកម្មលើកម្មវិធី VNeID ។
គណៈកម្មាធិការប្រជាជនខេត្តអានយ៉ាង តម្រូវឲ្យបណ្តាមន្ទីរ គណ ផ្នែកខេត្តមានពាក់ព័ន្ឋ និងគណៈកម្មាធិការប្រជាជនបណ្តាមូលដ្ឋាន សិក្សាស្រាវជ្រាវឯកសារបណ្តាទម្រង់បច្ចេកទេស ដំណើរការវិជ្ជាជីវៈ និងណែនាំប្រើប្រាស់កម្មវិធីចេញប័ណ្ណកំណត់ត្រាឧក្រិដ្ឋកម្មលើកម្មវិធី VNeID កំពុងបានសាកល្បងនៅទីក្រុងហាណូយ និងធឿធៀនហ្វេ ដើម្បីត្រៀមលក្ខខណ្ឌចាំបាច់អំពីហេដ្ឋារចនាសម្ព័ន្ធ ការតភ្ជាប់ និងផ្សព្វផ្សាយធនធានមនុស្ស ដើម្បីត្រៀមផ្សព្វផ្សាយការចេញប័ណ្ណកំណត់ត្រាឧក្រិដ្ឋកម្មលើកម្មវិធី VNeID។លើមូលដ្ឋាននោះបណ្តាអង្គភាពពាក់ព័ន្ធជាមួយនឹងការរៀបចំផែនទីបង្ហាញផ្លូវ សម្រាប់ការចេញប័ណ្ណកំណត់ត្រាឧក្រិដ្ឋកម្មនៅលើ VNeID ចាប់ពីពេលនេះរហូតដល់ថ្ងៃទី ១ ខែកក្កដា ឆ្នាំ ២០២៤ ហើយរាយការណ៍ជូនក្រុមការងារផ្សព្វផ្សាយគម្រោង ០៦/CP តាមរយៈការិយាល័យ PC០៦ - ស្នងការដ្ឋាននគរបាលខេត្ត។
ទន្ទឹមនឹងនោះ សិក្សាស្រាវជ្រាវបទពិសោធន៍របស់គណៈកម្មាធិការប្រជាជនទីក្រុងហាណូយ និងខេត្ត ធឿធៀនហ្វេ ដើម្បីផ្សព្វផ្សាយការចេញប័ណ្ណកត់ត្រាឧក្រិដ្ឋកម្មលើ VNeID យ៉ាងឆាប់រហ័ស រលូន និងធានាស្ថិរភាព។
ច្បាប់ស្តីពីអត្តសញ្ញាណប័ណ្ណលេខ ២៥/២០២៣/QH១៥ ចុះថ្ងៃទី ២៧ ខែវិច្ឆិកា ឆ្នាំ ២០២៣ ចូលជាធរមានចាប់ពីថ្ងៃទី ០១ ខែកក្កដា ឆ្នាំ ២០២៥ នៅពេលនោះលើផ្ទៃអត្តសញ្ញាណប័ណ្ណមិនមានព័ត៌មានស្នាមម្រាមដៃចង្អុលរបស់ប្រជាពលរដ្ឋទេ។ ដូច្នេះ មន្ទីរយុត្តិធម៌សិក្សាស្រាវជ្រាវកែសម្រួល និងកាត់បន្ថយទិន្នន័យស្នាមម្រាមដៃ នៅពេលដែលប្រជាពលរដ្ឋដំណើរការចុះឈ្មោះ ចេញប័ណ្ណកំណត់ត្រាឧក្រិដ្ឋកម្មលើគេហទំព័រសេវាសាធារណៈ និងដោយផ្ទាល់ឲ្យសមស្រប។
ទន្ទឹមនិងនោះ មន្ទីរយុត្តិធម៌បន្តជំរុញខ្លាំងឌីជីថល និងសម្អាតទិន្នន័យព័ត៌មានក្នុងមូលដ្ឋានទិន្នន័យកំណត់ត្រាឧក្រិដ្ឋកម្ម តាមការណែនាំរបស់ក្រសួងយុត្តិធម៌ ដើម្បីធានាថាត្រឹមត្រូវ គ្រប់គ្រាន់ ស្អាតស្អំ និងរស់នៅ ដើម្បីធ្វើការស៊ើបអង្កេត ផ្ទៀងផ្ទាត់ និងចេញ ប័ណ្ណកំណត់ត្រាឧក្រិដ្ឋកម្មក្នុងរយៈពេលកំណត់។ សិក្សាជាប្រចាំនិងយោងទៅលើបទពិសោធន៍ល្អៗ និងទម្រង់នៃគម្រោង ០៦/CP នៅក្នុងមូលដ្ឋានផ្សេងទៀត ដើម្បីស្នើសុំការផ្សព្វផ្សាយឲ្យមានប្រសិទ្ធភាព ស្របទៅនឹងលក្ខខណ្ឌជាក់ស្តែងរបស់មូលដ្ឋាន។
នាពេលថ្មីៗនេះ គណៈកម្មាធិការប្រជាជនទីក្រុងហាណូយ និងគណៈកម្មាធិការប្រជាជនខេត្ត ធឿធៀនហ្វេ បានសហការជាមួយក្រសួងនគរបាលផ្សព្វផ្សាយសាកល្បងការស្នើសុំឲ្យចេញប័ណ្ណកំណត់ត្រាឧក្រិដ្ឋកម្មលើកម្មវិធី VNeID (ហៅកាត់ថា VNeID) ចាប់ពីថ្ងៃទី ២២ ខែមេសា ឆ្នាំ ២០២៤ នាំមកនូវផលវិជ្ជមានជាច្រើន បានប្រជាជននិងសង្គមគាំទ្រ ដូចជា៖ ប្រជាជនមិនចាំបាច់មកដោយផ្ទាល់ទេ ហើយបានទទួលកំណត់ត្រាឧក្រិដ្ឋកម្មអេឡិចត្រូនិកភ្លាមនៅលើ VNeID ជួយសន្សំសំចៃពេលវេលា និងកម្លាំង។ ចំពោះធុរកិច្ចគឺផ្លាស់ប្តូរដើម្បីអនុវត្តដំណើរការអេឡិចត្រូនិកក្នុងការជ្រើសរើស និងទទួលពាក្យសុំការងារ។
បើតាមការប៉ាន់ប្រមាណ ជាមួយនឹងប័ណ្ណកំណត់ត្រាឧក្រិដ្ឋកម្មប្រចាំឆ្នាំចំនួន ២,៦ លានច្បាប់វានឹងជួយសន្សំសំចៃដល់រដ្ឋ និងសង្គមរាប់រយពាន់លានដុងក្នុងមួយឆ្នាំៗ។ គិតដល់ថ្ងៃទី ៨ ខែឧសភា ឆ្នាំ ២០២៤ ក្នុងរយៈពេលជាង ២ សប្តាហ៍ ទីក្រុងហាណូយបានទទួលពាក្យសុំចំនួន ២.០៦១ច្បាប់នៅលើ VNeID ស្មើអត្រា ៤៨,១១% ធៀបនឹងឯកសារទទួលបានជាសរុប។ធឿធៀនហ្វេទទួលបានឯកសារស្នើសុំនៅលើ VNeID ចំនួន ៦៣៩ច្បាប់ ស្មើអត្រា៦៨,៤៩%នៃចំនួនឯកសារជាសរុប៕
ប្រភព៖ សារលិតផ្លូវការលេខ ៨០២/ UBND-NC ចុះថ្ងៃទី ១៧ ខែមិថុនា ឆ្នាំ ២០២៤