ព្រឹកថ្ងៃទី១៨ មិថុនា លោក ផាមតាន់មី អនុប្រធាននាយកដ្ឋានស្ថិតិខេត្តអានយ៉ាង បានអញ្ជើញជាអធិបតីក្នុងសន្និបាតហ្វឹកហ្វឺនជំនាញស្ទង់មតិប្រមូលព័ត៌មានអំពីស្ថានភាពសេដ្ឋកិច្ចសង្គមកិច្ចរបស់ ៥៣ ជនជាតិភាគតិចក្នុងឆ្នាំ ២០២៤។លោក ហ្វិញថាញ់គឺ អនុប្រធានគណកម្មការជនជាតិខេត្តអានយ៉ាង បានអញ្ជើញចូលរួម។
ប្រតិភូចូលរួមវគ្គហ្វឹកហ្វឺន
លោក ផាមតាន់មី អនុប្រធាននាយកដ្ឋានស្ថិតិខេត្តអានយ៉ាង ថ្លែងមតិបើកវគ្គហ្វឹកហ្វឺន
ក្នុងរយៈពេល ២ ថ្ងៃ (ថ្ងៃទី ១៨ និង ១៩ មិថុនា) ភ្នាក់ងារស៊ើបអង្កេតថ្នាក់ខេត្ត ភ្នាក់ងារស៊ើបអង្កេត ការិយាល័យស្ថិតិបានផ្សព្វផ្សាយខ្លឹមសារសំខាន់ៗនៃការស្ទង់មតិប្រមូលផ្តុំព័ត៌មានអំពីស្ថានភាពសេដ្ឋកិច្ចសង្គមកិច្ចនៃ ៥៣ ជនជាតិភាគតិចលើភូមិសាស្ត្រខេត្ត។
ជាក់ស្តែង ការស្ទង់មតិជនជាតិភាគតិចចាប់ផ្តើមពីម៉ោង ០ ថ្ងៃទី ១ ខែកក្កដា ដល់ថ្ងៃទី ១៥ ខែសីហា ឆ្នាំ ២០២៤ នៅក្នុងស្រុក ទីរួមខេត្ត ក្រុងចំនួន ៩ នៅលើភូមិសាស្ត្រខេត្តអានយ៉ាង។
ខ្លឹមសារស្ទង់មតិចំពោះគ្រួសារ ប្រមូលព័ត៌មានស្តីពី៖ ប្រជាសាស្រ្តនៃប្រជាជន។ អប់រំ។ ចំណាកស្រុក។ អាពាហ៍ពិពាហ៍។ ប្រើប្រាស់ធានារ៉ាប់រងសុខភាព។ ការងារ។ ប្រវត្តិកំណើត និងស្ថានភាពប្រើប្រាស់វិធីពន្យារកំណើតរបស់ស្ត្រីដែលមានអាយុពី ១០ ដល់ ៤៩ឆ្នាំ។ អ្នកស្លាប់ក្នុងគ្រួសារក្នុងរយៈពេល ១២ ខែកន្លង (ចាប់ពីថ្ងៃទី ១ ខែកក្កដា ឆ្នាំ ២០២៣ ដល់ថ្ងៃទី ៣០ ខែមិថុនា ឆ្នាំ ២០២៤)។ លំនៅដ្ឋាន និងលក្ខខណ្ឌប្រជុំជីវភាពរបស់គ្រួសារ។ ដីលំនៅដ្ឋាន និងដីផលិតកម្ម របស់គ្រួសារ។ ស្ថានភាពទទួលបានសេវាសាធារណៈសំរបស់គ្រួសារ។
ចំពោះគណៈកម្មាធិការប្រជាជនឃុំ អង្កេតព័ត៌មានទូទៅអំពីលក្ខណៈពិសេសរបស់ឃុំ។ការប្រើប្រាស់អគ្គិសនី ផ្លូវថ្នល់ និងចរាចរណ៍។ សាលារៀននិងចំណេះវិជ្ជារបស់គ្រូ។ អគារវប្បធម៌។ សុខភាពនិងអនាម័យបរិស្ថាន។ ផ្សារ និងបណ្តុំ/តំបន់ឧស្សាហកម្ម។ ចំណេះវិជ្ជារបស់កម្មាភិបាលនិងរដ្ឋការថ្នាក់ឃុំ។ ជំនឿសាសនា។ កម្រិតបង្គ្របសេវាទូរស័ព្ទ និងអ៊ីនធឺណិត។
ការស្ទង់មតិប្រមូលព័ត៌មានអំពីស្ថានភាពសេដ្ឋកិច្ចសង្គមកិច្ចរបស់ ៥៣ជនជាតិភាគតិចក្នុងឆ្នាំ ២០២៤ គឺដើម្បីប្រមូលព័ត៌មានអំពីប្រជាសាស្ត្រ ចំណូល លក្ខខណ្ឌលំនៅដ្ឋានរបស់គ្រួសារជនជាតិភាគតិច និងបណ្តាលក្ខខណ្ឌសេដ្ឋកិច្ចសង្គមកិច្ច ឆ្លុះបញ្ចាំងពីស្ថានភាពសេដ្ឋកិច្ចសង្គមកិច្ចរបស់ ៥៣ ជនជាតិភាគតិច។ តាមរយៈនោះដើម្បីចងក្រងសូចនាករស្ថិតិក្រោមប្រព័ន្ធសូចនាករស្ថិតិជាតិនិងប្រព័ន្ធសូចនាករស្ថិតិស្តីពីកិច្ចការជនជាតិ ដើម្បីបម្រើដល់ការកសាង និងរៀបចំផែនការគោលនយោបាយអភិវឌ្ឍន៍សេដ្ឋកិច្ចសង្គមកិច្ចសម្រាប់តំបន់ជនជាតិភាគតិច ដំណាក់កាល ២០២៦-២០៣០។ ជាមូលដ្ឋានសម្រាប់ធ្វើបច្ចុប្បន្នភាពប្រព័ន្ធព័ត៌មាន និងទិន្នន័យស្ថិតិអំពីជនជាតិភាគតិចនៅវៀតណាម។
យោងតាមផែនការ នៅថ្ងៃទី ២០ និង ២៤ មិថុនា នាយកដ្ឋានស្ថិតិខេត្តអានយ៉ាងបានរៀបចំវគ្គហ្វឹកហ្វឺនចំនួន ២ បន្ថែមទៀតសម្រាប់ភ្នាក់ងារអង្កេត ការិយាល័យជនជាតិ និងរដ្ឋការទទួលបន្ទុកជនជាតិភាគតិចនៅតាមស្រុក ទីរួមខេត្ត ក្រុង៕
ប្រែ៖ ណារីពៅ
